حلقه دراسيه ترم ثانى أداب E دور يناير 2013

[محبة نور الإيمان 0]

هذا لما نجي نترجم للإنجليزي صح وشكرا ع المعلومة

[*maryam 0]

السلام عليكم ورحمة الله وبركاته


انا طلعت الافعال المبنية من الابيات اللي كتبتها نسرين فوق واللي قال عليها الدكتور يارب اكون صح لاني انا في النحو مش قوي يعني ضايعة فيه واكيد انا عكيت كتير



أغدو : فعل أمر مبني على حذف النون لانه من الافعل الخمسة

غدا : فعل ماضي مبني على الفتح المقدر

لواه : فعل ماضي مبني على الفتح لاتصاله بهاء الغيبة على ما اعتقد

دعا : فعل ماضي مبني على الفتح المقدر

ضجت : فعل ماضي مبني على الفتح لاتصاله بتاء التأنيث الساكنة

ضج : فعل ماضي مبني على الفتح لعدم اتصاله بشئ

أغضى : \\ \\ \\ \\ \\ \\ \\ \\

أغضت : فعل ماضي مبني على الفتح لاتصاله بتاء التأنيث الساكنة

ابتسى : فعل ماضي مبني على الفتح المقدر

ابتست : فعل ماضي مبني على الفتح لاتصاله بتاء التأنيث

عزته و عزها : فعل ماضي ولكن لا اعلم مبنيين على ايه بالظبط




دي الافعال المعربة

يعارض : فعل مضارع مرفوع وعلامة رفعه الضمة الظاهرة

يخوت : \\ \\ \\ \\ \\ \\ \\ \\

يعسل : \\ \\ \\ \\ \\ \\ \\ \\

[abo nooh 0]

عليكم السلام ورحمه الله وبركاته

أهلا مشرفتنا العزيزة مريم

والحمد لله على كل حال في فقدنا الاحباب

وأحب اوضح بعض الامور على الرغم من انه ليس لي قوه كبيره في علم الاعراب

الافعال التاليه

أغدو - أغضى - أغضت - إبتسى _ إبتست

هذه الافعال كلها مضارعه وليس فعل ماض

لأن من علامات الفعل المضارع أنه يبدأ بألف

فارجو أن يكون تصحيحنا سليما ان شاء الله

[abo nooh 0]

الحروف التي يبدأ فيها الفعل المضارع هي أ ن ي ت

وتجتمع في كلمه أنيت أو كلمه أنتي

[*maryam 0]

k.salem كتب:

عليكم السلام ورحمه الله وبركاته

أهلا مشرفتنا العزيزة مريم

والحمد لله على كل حال في فقدنا الاحباب

وأحب اوضح بعض الامور على الرغم من انه ليس لي قوه كبيره في علم الاعراب

الافعال التاليه

أغدو - أغضى - أغضت - إبتسى _ إبتست

هذه الافعال كلها مضارعه وليس فعل ماض

لأن من علامات الفعل المضارع أنه يبدأ بألف

فارجو أن يكون تصحيحنا سليما ان شاء الله

الحمد الله على كل حال ما هو لازم الحياة تمشي هنعمل ايه

أووووووو انا كدا ضايعة ضايعة في النحو بس انا اللي بركز عليه اخر الفعل انا شايفة الافعال دي ماضية يعني من الشعر نفسه ومن طريقة قرايتي للابيات ومن اخر الفعل اتصل به تاء التأنيث الساكنة وده من علامات الفعل الماضي المبني على الفتح انا شايفة ان الفعل المضارع الخاص بهذه الافعال ( يغضى - يبتسي ) او نغضى - نبتسي

هو ممكن اكون قريت أغدو بتشكيل غلط يعني انا قريتها أغدو بضم الالف فا قريتها فعل أمر واكيد حضرتك قريتها بفتح الالف فأصبحت فعل مضارع ايه الصح مش عارفة بالظبط

بالنسبة ل أغضت و أغضى وأبتست وابتسى انا مش جايين معايا فعل مضارع خالص من طريقة نطقهم طيب نتأكد من مين ؟؟؟؟؟؟؟؟

[khaled38 0]

بصي يامريم هاقولك حاجة بسيطة تعرفي بيها الفرق بين الفعل المضارع والامر اللي بيبدا بالف وهي ان الفعل المضارع همزته قطع اما فعل الامر همزته وصل يعني ألعب تبقى مضارع والعب تبقى امر.
أغدو هنا مضارع وباينة جدا لسببين اول سبب انها همزتها قطع وتاني سبب انها لو امر كانت هاتبقى اغد مش اغدو لان فعل الامر المعتل الاخر يبنى على حذف حرف العلة.

[khaled38 0]

وبعدين في حاجة مهمة جدا في الاعراب قبل دراسة اي قاعدة لان النحو مش حفظ قواعد. وهي معنى الكلام يعني لو فهمتي معنى الكلام هتحددي اعراب اي كلمة لان الاعراب هو انك تحددي وظيفة الكلمة في الجملة ايه وعشان تحددي وظيفة الكلمة لازم تفهمي معنى الجملة.

[khaled38 0]

هنا أغضى وأغضت وابتسى وابتست اجابتك فيهم صح يامريم كل واحد فيهم فعل ماض مبني على الفتح بس مفيش حاجة اسمها الفتح المقدر قولي مبني على الفتح وبس.

[*maryam 0]

جزاك الله خيرا أخي خالد

المشكلة ان كلمات الشعر اللي بناخده صعب قوي يعني الواحد لو مفهمش المعنى بيقى صعب انه يحدد

طيب حضرتك قلت ان أغدو مضارع عشان همزة القطع طيب كلمة أغضى ليه مش مضارع ما هي برضه همزة قطع ؟؟؟ و أغضت نفس الكلام؟؟ الالف بتتنطق في الكلمتين

انا شيفاهم ماضي برضه بس بالنسبة للهمزة اللي حضرتك قلت عليها موجودة في الكلمتين !!

طيب وباقي الكلمات صح؟؟

انا بشكرك جدا على حسن تعاونك وتعبتك معايا

[سما سيف 0]

ازيكم يا جماعة سجلت اخيرا وهابدا مذاكرة انتو عاملين ايه وخصوصا مريومة الجميلة اللى دايما فايدانا وليها ثواب كبير فى تقديراتى اللى حصلت عليها لانها جابتلى الجامعة لحد البيت فجزاها الله خيرا وبالنسبة لموضوع النحو فانا مع الاخ خالد38 لان فعلا النحو تذوق للكلام وحتى الاعراب لازم فيه ترتيب الكلام قبل ما نعربوا ودا اللى بعلموا لبنتى دلوقتى كان بردو عندها عقدة من النحو وحاسة انو بازل صعب التركيب والفهم لكن لما علمتها ازاى تتذوق المعنى وترتب الكلمات اصبح الموضوع اسهل بكتير وانا معاكوا ان الافعال ماضية زى امسى بتبدا بالالف ولكنها ماضى حتى معناها فى الماضى وما ينفعش نطبق القاعدة حرفيا لان لكل قاعدة شواذ فيجب ان نستفتى قلبنا وهذا هو التذوق يا اخواتى

[khaled38 0]

يامريم انا مقلتش ان أغدو مضارع لان همزته قطع انا حاولت اديكي نقطة فنية تميزي بيها بين الفعل المضارع وفعل الامر اللي اولهم الف ومشتقين من فعل ثلاثي واحد وضربتلك مثل بالفعل لعب ده ماض ثلاثي المضارع للمتكلم منه ألعب والامر منه العب.ايه علاقة ده بقى بالفعل الماضي ماهو أغضي وأغضت افعال ماضية وهمزتهم قطع ايه المشكلة.

[khaled38 0]

ربنا يباركلك فيها ياسما وتقدري تعلميها بطريقة صح لان للاسف مدرسين كتير دلوقتي اسلوبهم في التعليم غلط.وربنا يوفقك في دراستك انتي وجميع الزملاء.

[*maryam 0]

حضرتك قلت

khaled38 كتب:

بصي يامريم هاقولك حاجة بسيطة تعرفي بيها الفرق بين الفعل المضارع والامر اللي بيبدا بالف وهي ان الفعل المضارع همزته قطع اما فعل الامر همزته وصل يعني ألعب تبقى مضارع والعب تبقى امر.



أغدو هنا مضارع وباينة جدا لسببين اول سبب انها همزتها قطع وتاني سبب انها لو امر كانت هاتبقى اغد مش اغدو لان فعل الامر المعتل الاخر يبنى على حذف حرف العلة.

خلتني ارجع اقرا الكلام تاني !!!!!!!!

[*maryam 0]

سما سيف كتب:

ازيكم يا جماعة سجلت اخيرا وهابدا مذاكرة انتو عاملين ايه وخصوصا مريومة الجميلة اللى دايما فايدانا وليها ثواب كبير فى تقديراتى اللى حصلت عليها لانها جابتلى الجامعة لحد البيت فجزاها الله خيرا وبالنسبة لموضوع النحو فانا مع الاخ خالد38 لان فعلا النحو تذوق للكلام وحتى الاعراب لازم فيه ترتيب الكلام قبل ما نعربوا ودا اللى بعلموا لبنتى دلوقتى كان بردو عندها عقدة من النحو وحاسة انو بازل صعب التركيب والفهم لكن لما علمتها ازاى تتذوق المعنى وترتب الكلمات اصبح الموضوع اسهل بكتير وانا معاكوا ان الافعال ماضية زى امسى بتبدا بالالف ولكنها ماضى حتى معناها فى الماضى وما ينفعش نطبق القاعدة حرفيا لان لكل قاعدة شواذ فيجب ان نستفتى قلبنا وهذا هو التذوق يا اخواتى

اهلا سما ربنا يخليكي يا جميل الفضل لله ثم اجتهادك مش انا خالص يا قمر
ربنا يوفقك دايما يارب ودايما يارب ناجحة ومتفوقة

[khaled38 0]

ايوة يامريم الفعل المضارع اللي اوله همزة بتدل على ضمير المتكلم أنا بتكون همزة قطع مقلتش الماضي لكن انتي دخلتي المضارع في الماضي.هو انتي لما بتنطقي الفعل أغضى أو أغضت في الابيات اللي فوق بتنطقيهم ازاي؟ده حتى باينين من نطقهم وتشكيلهم انهم افعال ماضية.
انا حاولت اديكي لمحة فنية للتمييز بين المضارع والامر اللي اولهم الف ومشتقين من نفس الفعل الثلاثي ومجبتش سيرة الماضي.

[*maryam 0]

صحيح ايه ده ايه اللي دخل الماضي في المضارع شوفت بقى كله دخل في بعضه ازاي اصل النحو ده بيخليني اهنج على طول وتعبني نفسيا اكتر ما انا تعبانة معلش حصل خير المعلومة وصلت مكنتش مركزة أعذورني جزاك الله خيرا

بس انا عارفة انهم ماضي طبعا بس المعلومة اللي حضرتك قلتها خلتني ادخل الاتنين في بعض مش عارفة ازاي

طيب وباقي الكلمات صح ولا برضه في غلط

[*maryam 0]

كدا تمام الحمد الله جزاك الله خيرا اخي خالد

غدا : فعل ماضي مبني على الفتح

لواه : فعل ماضي مبني على الفتح

دعا : فعل ماضي مبني على الفتح

ضجت : فعل ماضي مبني على الفتح لاتصاله بتاء التأنيث الساكنة

ضج : فعل ماضي مبني على الفتح لعدم اتصاله بشئ

أغضى : \\ \\ \\ \\ \\ \\ \\ \\

أغضت : فعل ماضي مبني على الفتح لاتصاله بتاء التأنيث الساكنة

ابتسى : فعل ماضي مبني على الفتح

ابتست : فعل ماضي مبني على الفتح لاتصاله بتاء التأنيث

عزته و عزها : فعل ماضي مبني على الفتح

[abo nooh 0]

هو فعلا مثل ما قال الاخ خالد 38 ان لفظ أغضت تدل على الماض من حيث المعنى

و ما درسناه يفيد بأمر أخر وهو أن المضارع يبدأ بالهمزه

ياريت حد يسأل الدكتور خطري لما يحضر يوم الجمعه عن هذه النقطه

وبصراحه بارك الله فيكم ع التوضيح

و ماشاء الله مشاركات الشباب كلها مثمره ومفيده

[abo nooh 0]

برافو خالد

برافو سما سيف



ما شاء الله

[*maryam 0]

استاذ k_salem تم حذف مشاركتك التي تحتوي على الاعشاب والنباتات لان هذا الموضوع حلقة دراسية ممكن حضرتك تضعها في موضوع في القسم الخاص به انا بعتذر لحضرتك جدا

[*maryam 0]

k.salem كتب:

هو فعلا مثل ما قال الاخ خالد 38 ان لفظ أغضت تدل على الماض من حيث المعنى

و ما درسناه يفيد بأمر أخر وهو أن المضارع يبدأ بالهمزه

ياريت حد يسأل الدكتور خطري لما يحضر يوم الجمعه عن هذه النقطه

وبصراحه بارك الله فيكم ع التوضيح

و ماشاء الله مشاركات الشباب كلها مثمره ومفيده

احنا اول حاجة نركز عليها المعنى نفسه وطريقة النطق حتى نعرف اذا كانت ماضي ام مضارع ام أمر اذا كان الفعل ماضي من المعنى نفسه لا نتركه وننظر الى الهمزة ونقول انه مضارع عشان الهمزة

هذا ما قاله الاخ خالد بارك الله فيه على التوضيح وبارك الله فيكم على روح التعاون

[abo nooh 0]

لا عادي

ولكن انا متاكد اني نزلتها بقسم يتعلق بالصحه وليس هنا

لا ادري كيف نزلت هنا بتيرم ثاني

انا كمان احب ترتيب المشاركات

مش عارف كيف نزلت هنا

[bataelmghraby 0]

السلام عليكم : ازيكوا يا أصحاب
الترم الثانى عامل ايه احنا مع بعض ان شاء الله فى كل جديد

[*maryam 0]

k.salem كتب:

لا عادي

ولكن انا متاكد اني نزلتها بقسم يتعلق بالصحه وليس هنا

لا ادري كيف نزلت هنا بتيرم ثاني

انا كمان احب ترتيب المشاركات

مش عارف كيف نزلت هنا

ولا يهمك عادي حصل خير

[*maryam 0]

bataelmghraby كتب:

السلام عليكم : ازيكوا يا أصحاب
الترم الثانى عامل ايه احنا مع بعض ان شاء الله فى كل جديد

وعليكم السلام

اهلا وسهلا بحضرتك ان شاء الله تستفاد معانا

[*maryam 0]

السلام عليكم ورحمة الله وبركاته

محاضرات اليوم

مادة ثقافية : الدكتورة شرحت المحاضرة الرابعة من ورق المحاضرات عن التكنولوجيا اللي اخترعوها الرومان لما وصلوا الى بريطانيا وغيروا طريقة ملابسهم وطريقة طعامهم و ستايل حياتهم واخترعوا الات كتير وعملوا طرق وقسموا البلد كل ده موجود في ورق المحاضرات وقالت كمان ان مفيش حاجة ملغية من السبع محاضرات كله مقرر وقالت كمان متركزوش على التفاصيل يعنى مثلا آلة معينة اتعملت ازاي وكدا لا اعرفوا اسم الالة وخلاص


الجرامر : كالعادة مكنتش مركزة على حاجة واحدة من القاعدة دي للقاعدة دي وامثلة عن الpresent perfect وتوهنا كالعادة

والقراءة والفهم الدكتورة مجتش

اتمنى اني اكون افدتكم بالتوفيق

[nesreeen 0]

جزاك الله خير يا مريم

[هبة ابورمانة 0]

السلام عليكم
دي تعتبر اول مشاركة لي في المنتدي احب اعرف الجميع انه تم تغيير مكان محاضرة الماده الثقافية 125من مدرج 160 الي مدرج 262 وده بشكل دائم اما بالنسبة لميعاد المحاضرة فهو ثابت

[*maryam 0]

وجزاكي بمثله يا نسرين

وعليكم السلام يا هبة اهلا بيكي اه هي على طول كانت مدوخانا الحمد الله ثبتت

[سحر عبد الحق 0]

منورة يا هبه المنتدى [b]

[عطر الجنة 0]

حمدا لله ع السلامة يا سحورتى

[سحر عبد الحق 0]

مريم اخبارك ايه كان نفسى تعرف عليكى النهاردة بس المشكلة ما عرفتش طبعا كنت عايزه امسك الميك واقول فين مريم مشرفة منتدى المنار كنتى قاعدة فين النهاردة

[سحر عبد الحق 0]

الله يسلمك يا عطر الجنة

[*maryam 0]

سحر عبد الحق كتب:

مريم اخبارك ايه كان نفسى تعرف عليكى النهاردة بس المشكلة ما عرفتش طبعا كنت عايزه امسك الميك واقول فين مريم مشرفة منتدى المنار كنتى قاعدة فين النهاردة

ههههههههه ياخراشي عالفضايح عسل والله يا سحر اقولك كنتي خدي المايك من دكتورة الجرامر هههه كنتي هتعملي فينا معروف انا كنت قاعدة جنب الشباك هههههههه كان في حبة هوا ايه سطلني وانتي داخلة كدا ناحية الباب في الاول خالص
والله لو كنا اتفقنا من قبلها كنت اتديتك رقمي واتقابلنا خلاص ايه رأيك لو هتيجي الجمعة اللي جاية ان شاء الله ابعتلك رقمي قبلها ونتقابل بإذن الله

[ATOMIX 0]

[ATOMIX 0]

[ATOMIX 0]

[ATOMIX 0]

الفعل المضارع تارة يعرب وتارة يبنى

فيعرب مالم يتصل به نون التوكيد المباشر

أو نون النسوه

[ATOMIX 0]

[abo nooh 0]

شكرا يا مريم على الموجز

وشكرا المشرف على الجداول المفيدة

وجزاكما الله خيرا

[ATOMIX 0]

الشكر لله

[*maryam 0]

جزاك الله خيرا ATOMIX على الجداول

[vanelia 0]

الله الجداول
ى حلوة بجد يسلام بقى لو الجرامر يكون بنفش الشكل يعنى ياريت الدكتورة تشرحلنا بالطريقه دى

[ATOMIX 0]

لا شكر على واجب

الجرامر كامل إن شاء الله هنزله بس لما يكون عندى وقت فاضى

[Loloo 0]

السلام عليكم ...
ايه الاخبار وعاملين ايه ؟؟ ياترى بدأتوا مذاكره والا لسه ؟؟؟
انا كنت مأجله ترم تانى ودخلته معاكوا ترم يناير 2013 بس حاسه انى تايهه فى الى كتبتوه ده ومش لاقيه حاجه من الى بتقولوها فى الكتب وخصوصا عن النحو فى الكتاب وعندى مشكله فى الموقع مش منزلى اى محاضرات ولا اى حاجه ولسه ماتبعتش حاجه خالص بجد حاسه انى محتاسه ومش فاهمه حاجه ...
انا اسفه لو طولت عليكوا لو ممكن بس اى حد معاه لينك الفيس بوك يبعتهولى فى مسدج .. وعايزه اى حد من الى بيحضروا يفهمونى واحده واحده ايه اللى علينا بالظبط فى كل مادهوايه الى اخدتوه لحد دلوقتى والدكاتره قالوا اييه لانى من اسكندريه وصعب جداا اروح احضر حاجه فى القاهره ولو ينفع يرفعلنا لينكاات عشان لسه والله مش نزلى اى حاجه على الموقع اتمنى تساعدونى وتفهمونى الترم ده هعمل فيه ايه احسن انا حاسه انى ضاااااااااااااايعه ومش فاهمه منكوا اى حاجه وشكرااااااااااااااااااااااا

[abo nooh 0]

loloo

في المنتدى تابعي مع إخوانك وسوف تجدين كل ما ينفعك أن شاء الله

الفيس بوك اسمه

جروب ترانزليشن

[*maryam 0]

Loloo كتب:

السلام عليكم ...
ايه الاخبار وعاملين ايه ؟؟ ياترى بدأتوا مذاكره والا لسه ؟؟؟
انا كنت مأجله ترم تانى ودخلته معاكوا ترم يناير 2013 بس حاسه انى تايهه فى الى كتبتوه ده ومش لاقيه حاجه من الى بتقولوها فى الكتب وخصوصا عن النحو فى الكتاب وعندى مشكله فى الموقع مش منزلى اى محاضرات ولا اى حاجه ولسه ماتبعتش حاجه خالص بجد حاسه انى محتاسه ومش فاهمه حاجه ...
انا اسفه لو طولت عليكوا لو ممكن بس اى حد معاه لينك الفيس بوك يبعتهولى فى مسدج .. وعايزه اى حد من الى بيحضروا يفهمونى واحده واحده ايه اللى علينا بالظبط فى كل مادهوايه الى اخدتوه لحد دلوقتى والدكاتره قالوا اييه لانى من اسكندريه وصعب جداا اروح احضر حاجه فى القاهره ولو ينفع يرفعلنا لينكاات عشان لسه والله مش نزلى اى حاجه على الموقع اتمنى تساعدونى وتفهمونى الترم ده هعمل فيه ايه احسن انا حاسه انى ضاااااااااااااايعه ومش فاهمه منكوا اى حاجه وشكرااااااااااااااااااااااا

وعليكم السلام ورحمة الله وبركاته

اهلا بيكي يا لولو

انا عن نفسي بدأت مذاكرة عشان مش بحب ازنق نفسي في الاخر وبحاول اكون ماشية مع الدكاترة

طيب انتي مسألتيش هما هينزلولكم المحاضرات امتى انتي لازم تسألي بالتليفون حتى عشان تلحقي تذاكري وعلى العموم هحاول ارفعلك ورق المحاضرات

في النحو خدنا التنوين وأنواعه
والفعل وعلاماته
والبناء والاعراب في الافعال
مش عارفة الاسماء المبنية خدوها ولا لا عشان انا محضرتش المحاضرة اللي فاتت بس اعتقد مخدوهاش

والترجمة هي بتدينا قطع من عندها واحنا نترجمها ونتناقش فيها يعني مبناخدش من ورق ولا كتب الورق والكتب للتدريب على الترجمة

والكالتشر خدنا درس العصر الحجري والعصر البرونزي والعصر الحديدي ده هي قالت حضروه بس مشرحتهوش ودخلت على الدرس الرابع على طول وشرحته
the roman technology

والجرامر بقى ربنا معانا فيه لان الدكتور محدش بيفهم منها حاجة اساسا وانا بذاكره مع نفسي من ورق المحاضرات والتطبيقات وقالت ان مفيش حاجة ملغية من ورق المحاضرات كله مقرر السبع محاضرات

عايزة اقولك بلاش تذاكرى من الكتب لانها مش الدكاترة اللي بيدونا هما اللي عملنها مذاكرتنا كلها من ورق المحاضرات والتطبيقات ممكن الترجمة بس تدربي نفسك من الكتاب

وزي ما قولتلك هحاول ارفعلك المحاضرات وانتي برضه اسألي هينزلوا المحاضرات امتى على الصفحة

[*maryam 0]

محاضرات وتطبيقات النحو على هذا الرابط

/t8965-topic#84587


محاضرات وتطبيقات المادة الثقافية على هذا الرابط

/t8966-topic#84592

[abo nooh 0]

جزاك الله خيرا يا مريم

[سما سيف 0]

اهم حاجة ما قولتهاش يا مريومة للولو واللى هيا هاتذاكروا من الكتب اللى معاها هو الكمبرهنشن صفحة 13و17و23و38و55