حلقه دراسيه ترم ثانى أداب E دور يناير 2013

[*maryam 0]

بعتلك يا اخ جابر لينك الجروب في رسالة

[هبة ابورمانة 0]

السلام عليكم من فضلكم ياجماعة حد حضر محاضرات اليوم في الكلية ياريت يفيدنا خصوصا العربي الدكتور قال ايه؟

[Gaber 0]

الف الف شكر يااستاذه مريم

[*maryam 0]

وعليكم السلام اهلا ياهبة انا جيت اهو اقلكم على اللي خدناه

في النحو خدنا الاسماء المعربة المحاضرة رقم 6

1- الاسماء الخمسة هما 6 بس هنوك قالنا مش لازم دي (أبوك - اخوك - فوك - ذو - حموك)

وطبعا على اسم بيعرب حسب موقعه في الجملة وبيرفع بالواو ( أبوك ) وبينصب بالالف (أباك ) ويجر بالياء( أبيك ) والكاف بتعرب ضمير مبني على الفتح في محل جر مضاف إليه

وطبعا ليها شروط عشان تكون من الاسماء الخمسة موجود بورق المحاضرات


2- المثني والملحق بالمثنى ( اثنان واثنتان و كلا وكلتا ) ويعربوا حسب موقعهم بالجملة

كلتا الطالبين ناجح : كلا هنا مبتدأ مرفوع وعلامة الرفع الضمة المقدرة
وبتيجي متصل بيها ضمير مثل ( كلاهما ) - ( كلتاهما )

والدكتور قال ان كلا وكلتا مهمين جدا وأكيد هتيجي في الامتحان

3- جمع المذكر السالم والملحق به

ووقفنا عند كدااا

________________________________________

الترجمة خدنا قطعتين واحدة من عربي لانجلش والتانية من انجلش لعربي وكل واحد ترجمها مع نفسه

القطعة العربي:

بيروت - لبنان- شنت الحكومة السورية هجمة دموية لاستعادة حمص ثالث أكبر المدن السورية ، وقد تصدى لهذا الهجوم الوحشي عدد من المسلحين من أهل المدينة حيث منعوا القوات الحكومية من الإستيلاء على المدينة .

to lunch : يشن هجوم

assoult : هجمة

to retake : يستعيد

bloody : دكوية

to face : يتصدى

savage : وحشي

to cature :يستولى على



القطعة الانجليزية:

Tunis-Millions of Tunision cost votes an sunday for an assembly to draft constitution and shape anew goverment Tunision showed the world how to make apeaceful revolution without items without aideology and now we are going to show the world how we can build democtory said Moncef Marzouk founder of Liberal political party and aformer dissident as he waited for hours in along line and outside Proposal place in the coastal town of sousa

votes : يدلوا بأصواتهم

constitution : دستور

assembly : جمعية

draft : مسودة

Peaceful : سلمية

Dissident : منشق

بالنسبة للإمتحان هتحيب قطعة طويلة انجليزي من 12 درجة

وقطعتين صغيرين عربي

اتمنى لكم التوفيق والنجاح ادعولي

[*maryam 0]

Gaber كتب:

الف الف شكر يااستاذه مريم

الشكر لله اخي الكريم

[nesreeen 0]

شكرا يا مريم بس الدكتورة قالت حتجيب قطعتين ترجمه من انجليزي الي عربي واحدة عليها 4 درجات و التانيه عليها 8
و حتجيب قطعه واحده ترجمه من عربي الي انجليزي عليها 8 درجات

[*maryam 0]

nesreeen كتب:

شكرا يا مريم بس الدكتورة قالت حتجيب قطعتين ترجمه من انجليزي الي عربي واحدة عليها 4 درجات و التانيه عليها 8
و حتجيب قطعه واحده ترجمه من عربي الي انجليزي عليها 8 درجات

لا يانسرين قالت العكس حتى اكدت بكلمة لما قالت احنا اساس مادتنا الترجمة من انجليزي لعربي فا دي بتكون قطعة كبيرة

وقطعتين عربي صغيرين نترجمهم انجليزي لاننا لسة بدئين الترم ده الترجمة من عربي لانجليزي مش فاكرة الدرجات بالظبط كانت ايه بس هو ده الي قالته على اللي هييجي

[nesreeen 0]

مهو الترجمه من انجليزي الي العربي عليها 12 و هي سالت عاوزنها قطعتين و لا قطعه واحده كبيرة
و الناس قالوا عاوزين قطعتين و هي قالت ان واحدة حتبقي عليها 8 و التانيه عليها 4 اما من عربي لانجليزي حتبقي واحدة عليها 8 يا ريت حد يكون حضر ياكد لنا المعلومه

[سحر عبد الحق 0]

مريم اخبار دكتورة الجرامر وطريقة الامتحان

[ATOMIX 0]

شكرآ يا مريم على التقرير

[*maryam 0]

nesreeen كتب:

مهو الترجمه من انجليزي الي العربي عليها 12 و هي سالت عاوزنها قطعتين و لا قطعه واحده كبيرة
و الناس قالوا عاوزين قطعتين و هي قالت ان واحدة حتبقي عليها 8 و التانيه عليها 4 اما من عربي لانجليزي حتبقي واحدة عليها 8 يا ريت حد يكون حضر ياكد لنا المعلومه

ياحبيبتي ما هي سألت على القطعتين العربي تقسمها ولا تجيبها قطعة واحدة خلاص انتي شككتيني بصراحة يانسرين هههههههه هبقى اسأل البنات عالفيس يمكن اكون انا اللي سمعت غلط

[*maryam 0]

ATOMIX كتب:

شكرآ يا مريم على التقرير

الشكر لله يامحمود

[هبة ابورمانة 0]

السلام عليكم
ربنا يبارك فيكي يامريم ويرضي عنك وعن كل القائمين علي عمل المنتدي المحترم ده
وبالتوفيق ان شاء الله

[*maryam 0]

سحر عبد الحق كتب:

مريم اخبار دكتورة الجرامر وطريقة الامتحان

والله يا سحر كلنا تايهين في الجرامر وشغالين مع نفسينا بس انا عرفت طريقة الامتحان من طلبة ترم تالت الجزء الاول من الامتحان هيكون تشوز والجزء التاني هييجي جمل ويحط خط تحت كلمات معينة ويقولك ايه الكلمة الغلط فيهم والنظام ده هتلاقيه في التطبيقات

وربنا معانا في المادة دي الدكتورة هدى شعارها help your self

[*maryam 0]

هبة ابورمانة كتب:

السلام عليكم
ربنا يبارك فيكي يامريم ويرضي عنك وعن كل القائمين علي عمل المنتدي المحترم ده
وبالتوفيق ان شاء الله

وعليكم السلام ربنا يخليكي حبيبتي على الدعاء الجميل

[هبة ابورمانة 0]

صباح الفل علي جميع الموجودين

[*maryam 0]

صباح النور ياجميل

[yassmin 0]

هايله يا مريوم ربنا يوفقكم جميعا

[*maryam 0]

شكرا حببتي ويوفقك ياااااااااااااااااارب

[سحر عبد الحق 0]

ربنا يكرمك يا مريم وعادى احنا اتعودنا من الترم الاول

[سما سيف 0]

يا جماعة انا هاتجنن بذاكر دلوقتى جرامر وشوفت الامتحان بتاع الترم اللى فات لاقيت ان الامتحان مالوش دعوة بالمحاضرات والتطبيقات خالص ولاقيت ان معظمه جاى من الكتاب هى الدكتورة بتشتغل معاكوا فى المحاضرات من ايه بالظبط من الكتاب والا المحاضرات ولو كانت المحاضرات امال الامتحان جاى من الكتاب ليه ارجوكو اللى هايروح الجامعة يستفهم منها الامتحان شكله ايه بالظبط وهييجى منين يحسن كدة احنا هانضيع

[أماني محمد 0]

خلي بالك الامتحان طريقة التوفل وبتركز على كل جزء من اجزا الكتاب انا امتحنت المادة دي والحل في ورقة الاجابة ولكن مهم حد يسألها عن طريقتها في وضع الاسئلة

[AHLA DONIA 0]

يا حماعه
انا مؤسسه حركه طلاب احرار لتعديل التعليم المفتوح
اسم الجروب علي فيس بوك:

طلاب تعليم مفتوح لازم ناخد حقنا
اسم البيدج :

تعليم مفتوح جامعات مصر لازم ناخد حقنا
حاولوا تتواصلوا معايا

[*maryam 0]

فعلا يا سما انا شوفت الامتحان ملوش علاقة فعلا بالمحاضرات ولا التطيبقات والدكتورة دي على طول كدا انا بعت شكوى للمدير في اللي بتعمله فينا دكتورة هدى ومفيش فايدة وتقدم فيها شكاوي من ترم تاني الترم اللي فات ومفيش فايدة برضه مش عارفين نعمل ايه

على فكرة هي ولا بتدي من الكتاب ولا المحاضرات ولا التطبيقات هي مرة واحدة اللي حلت معانا من المحاضرات درس واحد وهي اصلا بتدي من كتاب خارجي ضخم كدا بتدينا منه في المحاضرة والامتحان بييجي في مستوى اعلى من مستوانا والله فعلا حرام اللي بيحصل

يعني فعلا يا سما الامتحان انتي شايفاه انه جاي من الكتاب بتاع المادة؟؟ لو كدا نلحق بقى نذاكر منه وربنا يعدي الترم ده على خير ونخلص من المادة دي

[سما سيف 0]

موش كل الامتحان بردو جاى من الكتاب حاجات فيه يعنى بجد انا هاتجنن لان ما فيش مادة فى الكون المفروض نذاكر فيها كل حاجة اخترعوها فى المادة دى لازم يكون فى منهج تراكمى خلال السنوات والمحصلة النهائية ببتبقى فى اخر السنوات وبردو موش هانقدر نعرف كل حاجة لكن تسيبنا نحل بالحظ كدة والله حرام طب يا ريت تجيب الامتحان زى الترم اللى فات على الاقل كله تشووز ويا صابت يا خابت لكن نظام امتحان (عرف) دا سخيف للغاية وموش مدربين عليه

[nesreeen 0]

في محاضرتين تلفزيونيتن نزلوا النهاردة في الجرامر ترم تاني

[*maryam 0]

مش بعرف ازغرط بصراحة اخيرا حنت علينا

بس اصلا كدا كدا الامتحانات مش بتيجي منها انا مش عارفة بصراحة نذاكر المادة دي منين بالظبط

شكرا يانسرين

[soter 0]

فيما يخص محاضرة النحو في تاريخ 21/12/2012 هناك توضيح يخص الملحق بالمثني لاهميتها :-
قال الدكتور ان هناك اربع كلمات تاتي ملحقة بالمثني : اثنان اتنتان كلا كلتا فقد اتوا علي صورة المثني ولكن فقدتا شرط يغني عن متعاطفين لانهما لامفرد لهما
وقال ان كلا وكلتا اذا اضيفتا الي ضمير يعربا "توكيداً معنويا
والحق بالمثني في اعرابه رفعا بالالف ونصبا وجرا بالياء
مثال :جاء الطالبان كلاهما
كلاهما تعرب توكيد معنوي مرفوع وعلامة رفعه الالف لانه ملحق بالمثني , والهاء ضمير مبني علي السكون في محل جر مضاف اليه
مثال اخر: رايت الطالبين كليهما
كليهما تعرب توكيد معنوي منصوب وعلامة نصبه الياء لانه ملحق بالمثني والهاء ضمير مبني علي السكون في محل جر مضاف اليه
مثال ثالث : مررت بالطالبين كليهما
كليهما توكيد معنوي مجروربالباء وعلامة جره الياء لانه ملحق بالمثني والهاءضمير مبني علي السكون في محل جر مضاف اليه
اما إذا اضيفت كلا وكلتا الي اسم ظاهر تعرب حسب موقعها في الجملة وتعرب بحركات مقدرة
مثال : كلا الطالبين ناجح
كلا تعرب مبتدأ مرفوع وعلامة رفعه الضمة المقدرة
الطالبين: مضاف اليه مجرور وعلامة جره الياء لانه مثني
وناجح :خبر مرفوع وعلامة رفعه الضمة
مثال اخر : رايت كلا الطالبين
كلا: مفعول به منصوب وعلامة نصبه الفتحة المقدرة
وقال الدكتور ان كلا وكلتا ستاتي في الامتحان
والخلاصة انه لكي تكون كلا وكلتا ملحقة بالمثني وتاخذ اعرابه لابد ان تضاف الي ضمير
ولكل الزملة والزميلات جزيل الشكر علي ما يقدموه لنا من خدمات ومحاضرات الدكاترة واخص بالذكر المشرفة مريم

[nesreeen 0]

العفو يا مريم احنا نعمل اللي علينا و نذاكر من المحاضرات المكتوبه و الفيديو و ربنا يهدي الدكتورة و تجيب امتحان معقول لان انا مش عارفه احل الامتحان اللي جيه السنه اللي فاتت لحد دلوقت و للاسف مفيش امتحانات محلوله و حتي الامتحانات غير المحلوله مفيش غير امتحان واحد اللي علي المنهج الجديد اللي رقمه 7
يا ريت لو حد عرف يحلوه يبعت لنا الحل
ربنا يستر

[nesreeen 0]

thank you soter

[هبة ابورمانة 0]

تم تحديد ميعاد لمحاضرة اللغة العربية كود 121 يوم الجمعة الموافق 28/12/2012 الساعة 9:45 وحتي الساعة 11:15 في كلية دار العلوم مدرج 21
بالتوفيق ان شاء الله

[هبة ابورمانة 0]

ربنا يكرمك soter علي باقي محاضرة العربي

[*maryam 0]

اوووووووووووو هما حددوا خلاص ده كدا 4 محاضرات في يوم واحد ياخبر ابيض كتير قوي ده كان قال انه هيحدد المحاضرة وهتبقى يوم سبت كمان في دار علوم مش في المبنى

متشكرة يا هوبة على التنبيه مكنتش هاخد بالي لاني مش بدخل السايت كتير وساعات مش بيدخل معايا زي دلوقتي كدا

[هبة ابورمانة 0]

مريم انا عايزة ارفع امتحان الجرامر رقم 7 علشان نحاول نشوف بيتحل ازاي بس مش عارفة ارفعة ياريت اللي عنده الامتحان ده يرفعة علي المنتدي

[*maryam 0]

موقع الجامعة مش بيفتح معاياي عشان انزل الامتحان ده لما يفتح هنزله ورفعه

انتي ممكن ياهبة تنزليه في المرفقات اسهل من الرفع

[سما سيف 0]

شكرا ليكى يا نسرين كتييييير لفتى نظرى لامتحان رقم 7 انا اصلى شوفت الامتحان رقم15 لاقيتوا جاى زى الكتاب ما اعرفش ان النظام كلو اتغير يعنى كدة الامتحان هاييجى زى الترم الاول تشووز 40 سؤال يبقى كدة فعلا لازم نذاكر من محاضرات وتطبيقات الترمين معا

[*maryam 0]

على فكرة يا جماعة اخر امتحان جيه نصه تشوز ونصه اختار الكلمة الغلط اللي تحتهم خط

يعني بيجيبوا جمل وحاطين خد تحت اربع كلمات والمطلوب تختاري الكلمة الغلط

[nesreeen 0]

للاسف المرفقات لا تقبل اكتر من نص ميجا و الامتحان حجمه 2 ميجا

[nesreeen 0]

العفو يا سما و يا ريت اللي يعرف يحلوا ينزل الحل

[سما سيف 0]

ايوة يا مريم انا شوفت الامتحان ما هو الجزء الثانى بردو هاختار بس موش الاجابة الصح ولكن الكلمة الخطء

[هبة ابورمانة 0]

السلام عليكم
مريم انا معرفتش ارفع الامتحان علي موقع المنتدي دي صفحتي عالفيس هبة ابورمانة
ادخلي وانا هابعتة ليكي وانتي اتصرفي

[*maryam 0]

موقع الجامعة دخل وحملت الامتحان لقيته هو اللي عندي انا طبعاه وفعلا شكله يسد النفس استغفر الله العظيم يارب هحاول احل فيه ربنا يسهل

[om albaraa 0]

ازيكم يا بنات
ممكن من فضلكم حد ينزل جدول ترم تاني
مش راضي ينزل معايا علي الموقع
لاني عايزة اروح الجامعه بكرة ومش عارفة الجدول لاني مش رحت قبل كده
شكرا

[nesreeen 0]

http://www.ou.cu.edu.eg/UserFiles/1%20english.jpg
9.45 نحو
1 ثقافيه
2.45 جرامر
4.30 كومبرهنشن

[mor 0]

اسعدني وابهرني جدا تفاعلكم وروح التعاون الي بينكم
اتمني المزيد من العطاء وبذل الجهود المستطاعه لمساعدة بعض
وان يجعله الله في ميزان حسناتنا جميعا
تقبلوا مروري وخالص تحياتي

[سحر عبد الحق 0]

السلام عليكم ممكن يامريم تطمننى اخدوا ايه النهارده

[*maryam 0]

السلام عليكم ورحمة الله وبركاته

انا اسفة اذا كنت اتأخرت عليكم رجعت متأخر النهاردة

الكالتشر : طول المحاضرة كانت بتتكلم على نظام الامتحان ومشرحتش المحاضرة 7 وبتقول مفيش حاجة ملغية

طبعا اكيد عارفين نظام الامتحان السؤال الاول أكمل وقالت ان السؤال ده مش هييجي في اسماء شخصيات ولا تواريخ 6 نقط عليهم 6 درجات

والسؤال التاني علل وقال ان السؤال ده منكتبش الاسباب على هيئة نقاط وارقام لا نكتبهم ونوصل الاسباب ببعض يعني مثلا the first reason - the second reason وده الرابط اللي ممكن نربطهم به والكلام ده قالته في فيديو التطبيقات الفيرست والسكنت وفي المحاضرات قالت منرقمش الريسونس


السؤال التالت نكتب brief account ونكتب معلومات مختصرة يعني منرغيش كتير ونكتب براجراف كامل لا بالمختصر المفيد

اه نسيت حاجة كمان قالت محدش يكتبلي جوابات في ورقة الاجابة
والله هي قالت كدا مش بهزر


القراءة والفهم حلينا اخر درس مقرر علينا رقم 9 في الكتاب عن حرب العراق والاجابات موجودة بالورق ووترجمت الكلمات اللي في الدرس اذا في حد مش عارفة معنى كلمة يقولى وانا اكتبهم

واتكلمت عن البراجراف

1- لابد ان نترك مسافة في اول سطر في البراجراف

2- نحدد عناصر البراجراف قبل ما نبدأ فيه وكتابة البراجراف عام غير محدد عناصره مرفوض بمعنى ان نعمل مسودة ونكتب العناصر ونبدأ على اساس العناصر

3- ليس مطلوب ان نكتب براجراف طويل المهم ان يكون به معلومات جيدة للموضوع حتى اذا كان البراجراف من 7 - 8 سطور

4- نضع (.) بعد الانتهاء من العنصر الذي نقوم بكتابته

5- وطبعا اول حرف في البراجراف كابيتل وناخد بالنا من الاسماء حرف كابيتك

الجرامر

شرحت المحاضرة ال 7-8 واعتقد 9 كمان لاننا كانت متوهانا كالعادة وحلينا الاكسرسيس اللى مع كل درس وقالت ان في محاضرة تانية بس لسة متحددش معادها


كان في محاضرة نحو النهاردة الصبح في دار علوم بس محضرتهاش هما بيقولوا انهم خدوا الاسم الذي لا ينصرف و جمع المذكر السالم بس مش متأكدة يعني اللي حضرها يقولنا بقى بس لسة المحاضرة الاخيرة اهم محاضرة

ياااااااااااااارب النجاح والتفوق للجميع

[سما سيف 0]

شكرا يا مريومة ربنا يخليكى لينا وييسرلك الامتحانات على قد ما بتفيدينا

[*maryam 0]

يااااااارب يا سما ربنا يخليكي يا حبيبتي ويوفقك يارب

[ATOMIX 0]

*maryam كتب:

السلام عليكم ورحمة الله وبركاته

انا اسفة اذا كنت اتأخرت عليكم رجعت متأخر النهاردة

الكالتشر : طول المحاضرة كانت بتتكلم على نظام الامتحان ومشرحتش المحاضرة 7 وبتقول مفيش حاجة ملغية

طبعا اكيد عارفين نظام الامتحان السؤال الاول أكمل وقالت ان السؤال ده مش هييجي في اسماء شخصيات ولا تواريخ 6 نقط عليهم 6 درجات

والسؤال التاني علل وقال ان السؤال ده منكتبش الاسباب على هيئة نقاط وارقام لا نكتبهم ونوصل الاسباب ببعض يعني مثلا the first reason - the second reason وده الرابط اللي ممكن نربطهم به والكلام ده قالته في فيديو التطبيقات الفيرست والسكنت وفي المحاضرات قالت منرقمش الريسونس


السؤال التالت نكتب brief account ونكتب معلومات مختصرة يعني منرغيش كتير ونكتب براجراف كامل لا بالمختصر المفيد

اه نسيت حاجة كمان قالت محدش يكتبلي جوابات في ورقة الاجابة
والله هي قالت كدا مش بهزر


القراءة والفهم حلينا اخر درس مقرر علينا رقم 9 في الكتاب عن حرب العراق والاجابات موجودة بالورق ووترجمت الكلمات اللي في الدرس اذا في حد مش عارفة معنى كلمة يقولى وانا اكتبهم

واتكلمت عن البراجراف

1- لابد ان نترك مسافة في اول سطر في البراجراف

2- نحدد عناصر البراجراف قبل ما نبدأ فيه وكتابة البراجراف عام غير محدد عناصره مرفوض بمعنى ان نعمل مسودة ونكتب العناصر ونبدأ على اساس العناصر

3- ليس مطلوب ان نكتب براجراف طويل المهم ان يكون به معلومات جيدة للموضوع حتى اذا كان البراجراف من 7 - 8 سطور

4- نضع (.) بعد الانتهاء من العنصر الذي نقوم بكتابته

5- وطبعا اول حرف في البراجراف كابيتل وناخد بالنا من الاسماء حرف كابيتك

الجرامر

شرحت المحاضرة ال 7-8 واعتقد 9 كمان لاننا كانت متوهانا كالعادة وحلينا الاكسرسيس اللى مع كل درس وقالت ان في محاضرة تانية بس لسة متحددش معادها


كان في محاضرة نحو النهاردة الصبح في دار علوم بس محضرتهاش هما بيقولوا انهم خدوا الاسم الذي لا ينصرف و جمع المذكر السالم بس مش متأكدة يعني اللي حضرها يقولنا بقى بس لسة المحاضرة الاخيرة اهم محاضرة

ياااااااااااااارب النجاح والتفوق للجميع