حلقه دراسيه ترم ثانى أداب E دور يناير 2013

[*maryam 0]

السلام عليكم ورحمة الله وبركاته

انا جيت ومعايا موجز لمحاضرات اليوم 30 / 11


كالتشر:
خدنا المحاضرة الخمسة من ورق المحاضرات وقالتلنا ان المحاضرة 5 و 6 و 7 اطول دروس لازم نذاكرهم كويس يعني قصدها منجيش قبل الامتحان بكام يوم ونذاكرهم لانهم طوال ومحتاجين وقت ربنا معانا بقى

وقالتلنا نظام الامتحان وبتقول ان نظامه سهل
ومش عايزة رغي كتير في الامتحان بس هي مش حارمة الرغايين من حاجة جايبالهم في السؤال بتاع write brife accounts two only واحد ممكن يدش فيه ( هي اللي بتقول كدا انا مليش دعوة )

ده بقى نموذج الامتحان اعتقد ان مش ده الامتحان اللي جابتهولنا بس نفس النظام بالظبط وكان بيني برضه




السؤال بتاع اكمل ده بتقول ان الارقام اللي هي كتباها في وسط النقط ده معناه ان رقم 1 هنا عايزين كلمة واحدة ورقم 2 كلمتين كدا يعني ورقم 3 هنا بعد اذنك خليهم 3 بعد اذن سيادتك اكتب هنا 4 كلمات ههههه ده من اللي كانت بتشوفه كانوا بيكتبوا جمل كاملة في مكان النقط عندها حق بتقول ناقص احللكم الامتحان


الجرامر: بقى خدنا المحاضرة ال5 وحلت معانا الاكسرسيس اللي فيه ودخلت على السادس بدون استئذان وكلنا توهنا منها كالعادة


الكمبرهينشن :

حلينا اسئلة القطعة اللي خدناها المحاضرة اللي فاتت وهي ( the basics of global warming )

وترجمت الكلمات الخاصة بالقطعة اللي موجودة في تالت سؤال

وقالت مين اللي كتب براجراف عن الجلوبال ورمينج محدش قال انا هههه بس انا كنت كتباه وعملت نفسي مش كتبة حاجة لانها كانت هتطلعني اقراه ما علينا

وخدنا القطعة ( modernizing the muslim world ) وانا كنت مندمجة معاها في القطعة دي عشان كنت مذكراها

وقالتلنا المرة الجاية تكونوا كاتبين براجراف عن الموضوع ده بس طبعا مش نعمل كوبي منها لا احنا نبحث عالنت ونقرا عن الموضوع اللي هنكتب عنه وناخد افكار منه ونكتبها براجراف

انا عملت كدا في البراجراف اللي كتبته عن ال global warming

بس كدا تمام الحمد الله يارب اكون افدتكم

[nesreeen 0]

جزاك الله خير يا مريم
هي دكتورة الكمبرهنشن ما شرحتش ازاي نعمل براجراف او ازاي نكون جمل ؟

[*maryam 0]

nesreeen كتب:

جزاك الله خير يا مريم
هي دكتورة الكمبرهنشن ما شرحتش ازاي نعمل براجراف او ازاي نكون جمل ؟

لاللأسف مشرحتش بس هو موضوع تعبير عادي وانا منزلة هنا في المنتدى موضوع ازاي نكتب براجراف بطريقة مظبوطة وانا ماشية عليه

[ATOMIX 0]

شكرآ يا مريم

[nesreeen 0]

حد يعرف حل امتحان جرامر ترم 1 و جرامر ترم 2 دور يوليو 2012
الامتحانات صعبه اوي

[*maryam 0]

العفو اخي محمود

مفيش امتحانات نازلة على صفحتنا للماد ة دي يا نسرين

[nesreeen 0]

الامتحان السابع في امتحانات بدون حل في الترم التاني في الجرامر و الامتحان الاول و التاني و التالت في امتحانات بدون حل في الترم الاول في الجرامر

[*maryam 0]

nesreeen كتب:

الامتحان السابع في امتحانات بدون حل في الترم التاني في الجرامر و الامتحان الاول و التاني و التالت في امتحانات بدون حل في الترم الاول في الجرامر

هشوفهم يا نسرين لوعرفت حاجة هقولك فعلا الجرامر ده بييجي صعب ربنا معاكم ومعانا

[nesreeen 0]

شكرا يا مريم

[سحر عبد الحق 0]

جزاكى الله كل خير يا مريم

[*maryam 0]

وجزاكي بمثله يا سحر

االشكرلله يا نسرين

[lamees 0]

تنبيـــــــــــــــــــه



معلش يا جماعة .. كنت عاوزة أنبه الطلبة والطالبات اللي بيذاكروا من ملزمتي ( ملزمة لميس ) كما اطلق عليها أخي ciscoocean .. طبعا وكلي امتنان لنيل شرف مذاكرتكم من ملزمتي .. لكن ......

الحكاية : ان الملزمة لازم تذاكروها من الوورد لأنها لما بيتعمل لها تحويل ( convert ) إلى الـ PDF >> بتتغير بعض الحاجات في الملزمة .. تخلي اللي يذاكر منها يذاكر غلط .. وبالتالي .. أنا نزلتها على الرابط دا زي ما كتبتها .. word 2003 >>

mediafire.com ?2m4ygrckwcbk4xj


ومعلش أنا والله حاولت أكتبها على word 2007 .. بس مش راضي يشتغل معايا ..

وبالتوفيق للجميع إن شاء الله ..

[lamees 0]

تسلمي يا مريم على تعبك ومجهودك ..

منتحرمش منك أبدا يا جميل ..

وإلى الامام دائما ..

[ATOMIX 0]

صباح الخير يا أستاذه لميس

أولآ شكرآ على مساعدتك لزملائك

ثانيآ فى حل بديل لمشكلة الــــOffice 2003 or 2007

وهو Libre Office وده بيشتغل عليه جميع إصدارات الأوفيس

ممكن تحمليه وتشتغلى منه ... وباقى الطلبه اللى عايزه تستفاد من المحاضرات

تحمل نفس البرنامج ...ويبقى حاجه موحده لجميع الطلبه

أو تستمرى مع Office 2003 عادى جدآ

واللى مش شغاله عنده المحاضرات يحمل البرنامج ده

. وبالتوفيق والنجاح





LibreOffice
هو حزمة البرامج المكتبية الحرة ومفتوحة المصدر يقوم بكل ما يقوم به
برنامج الاوفيس بل ويزيد علية ،،حزمة مكتبية شاملة ذات انتاجية عالية
الجودة ، يمنحك LibreOffice
ستة برامج غنية لتلبية جميع احتياجاتك
المكتبية من تحرير الوثائق و معالجة البيانات وتقديم العروض والرسم وبناء
قواعد البيانات وغيرها من الإستعمالات المكتبية البسيطة والمعقدة، قائمة
برامج الحزمة هي:
Writer ، Calc ، Impress ، Draw ، Math ، Baseيتوفر
LibreOffice بأكثر من 30 لغة عالمية ويشتغل على جميع أنظمة التشغيل
الأساسية ويندوز، ماكنتوش، لينكس (ديبيان، أوبنتو، فيدورا، ماندريفا، سوزي
...)

LibreOffice is the free power-packed Open Source personal
productivity suite for Windows, Macintosh and Linux, that gives you six
feature-rich applications for all your document production and data
processing needs.
Writer is the word processor inside LibreOffice.
Use it for everything, from dashing off a quick letter to producing an
entire book with tables of contents, embedded illustrations,
bibliographies and diagrams.
Calc tames your numbers and helps with difficult decisions when you're weighing the alternatives.
Impress is the fastest and easiest way to create effective multimedia presentations.
Draw
lets you build diagrams and sketches from scratch. A picture is worth a
thousand words, so why not try something simple with box and line
diagrams?
Base is the database front-end of the LibreOffice suite.
Math
is a simple equation editor that lets you lay-out and display your
mathematical, chemical, electrical or scientific equations quickly in
standard written notation .

Click-Here

[*maryam 0]

بارك الله فيك يامحمود

[ATOMIX 0]

شكرآ يا مريم

[RABAB MOHAMED 0]

شطورة يا مريم مجهود رائع ربنا يوفقك بس انا بقيت كده من اللي قريته كل ده أخدناوانا نايمة

[*maryam 0]

الشكر لله يامحمود

RABAB MOHAMED كتب:

شطورة يا مريم مجهود رائع ربنا يوفقك بس انا بقيت كده من اللي قريته كل ده أخدناوانا نايمة

اهلا اهلا فينك يا رورو وحشاني ده اللي هنذاكر مع بعض يارب تكوني صلحتي اللاب
صباح الفل ههههههههه اه كل ده خدناه نعمل ايه بقى ربنا يسترها ويعدي الترم ده على خير هتيجي يوم الجمعة ولا لا؟؟

[*maryam 0]

السلام عليكم وحمة الله وبركاته

بعتذر عن التأخير

محاضرة امس بالنسبة للترجمة الدكتورة اعتذرت

والنحو خدنا الاسماء المبنية المحاضرة الثالثة ص 7

* خدنا الضمائر المتصلة والمنفصلة زي ضمائر المتكلم والخطاب والغيبة

ده مثال : ضربنا محمد : النا في ضربنا ضمير مبني على السكون

حروف المد بالالف والياء والواور : مبنية على السكون مثل:

ذاكروا - ذاكرا - ذاكري

ومن الاسماء المبنية* اسماء الاشارة كلها مبنية عدا : هذين وهاتين يعربان اعراب المثني بالالف رفعا والياء نصبا وجرا

*واسماء الشرط مثال

من يذاكر ينجح : من : اسم شرط مبني على السكون في محل رفع مبتدأ

وما تفعلوا من خير تجدوه : ما ايم شرط مبني على السكون في محل رفع مبتدأ

* الاسماء المركبة وهي الاعداد المركبة من أحد عشرالى تسعة عشر وهي مبنية على فتح الجزئين عدا اثني عشر


* الاعلام المختومة : بكلمة ويه مثل
سيبويه - خمارويه

* الاعلام المؤنثة على وزن فعال تبنة على الكسر

* بعض الظروف مثل:
حيث - إذ - إذا - الآن

وكتبلنا بيتين شعر نستخرج منهم الاسماء المبنية

رقية تيمت قلبي *** فوا كبدا من الحب

تهاني اخوتي عنها *** ومافي الحب من عتب

الياء في تهاني و قلبي و اخوتي ضمائر مبنية على السكون


وطريقة الامتحان هتكون

السؤال الاول : استخرخ من البيتين مما يلي

مثلا اسمين مبنيين

السؤال الثاني : مثل لكل مما يأتي في جملة مفيدة من عندك

مثلا فعل مضارع مبني على السكون - خبر جملة اسمية وهكذا


السؤال الثالث بيتين شعر فيهم 4 كلمات للإعراب

التوفيق للجميع

[nesreeen 0]

جدول الامتحانات كود المادة اسم المادة ميعاد الإمتحان مكان الامتحان إقليم الإمتحان مبنى الإمتحان 121 النحو على مستوى النص { لغة عربية} 28 يناير 2013 01:00م لم يحدد بعد القاهرة لم يحدد بعد 122 النحو { ENG. } {2} 31 يناير 2013 01:00م لم يحدد بعد القاهرة لم يحدد بعد 123 القراءة والفهم { ENG. } {2} 4 فبراير 2013 01:00م لم يحدد بعد القاهرة لم يحدد بعد 124 الترجمة الى العربية {2} 7 فبراير 2013 01:00م لم يحدد بعد القاهرة لم يحدد بعد 125 مادة ثقافية 11 فبراير 2013 01:00م لم يحدد بعد القاهرة لم يحدد بعد

[*maryam 0]

[ATOMIX 0]

*maryam كتب:

السلام عليكم وحمة الله وبركاته

بعتذر عن التأخير

محاضرة امس بالنسبة للترجمة الدكتورة اعتذرت

والنحو خدنا الاسماء المبنية المحاضرة الثالثة ص 7

* خدنا الضمائر المتصلة والمنفصلة زي ضمائر المتكلم والخطاب والغيبة

ده مثال : ضربنا محمد : النا في ضربنا ضمير مبني على السكون

حروف المد بالالف والياء والواور : مبنية على السكون مثل:

ذاكروا - ذاكرا - ذاكري

ومن الاسماء المبنية* اسماء الاشارة كلها مبنية عدا : هذين وهاتين يعربان اعراب المثني بالالف رفعا والياء نصبا وجرا

*واسماء الشرط مثال

من يذاكر ينجح : من : اسم شرط مبني على السكون في محل رفع مبتدأ

وما تفعلوا من خير تجدوه : ما ايم شرط مبني على السكون في محل رفع مبتدأ

* الاسماء المركبة وهي الاعداد المركبة من أحد عشرالى تسعة عشر وهي مبنية على فتح الجزئين عدا اثني عشر


* الاعلام المختومة : بكلمة ويه مثل
سيبويه - خمارويه

* الاعلام المؤنثة على وزن فعال تبنة على الكسر

* بعض الظروف مثل:
حيث - إذ - إذا - الآن

وكتبلنا بيتين شعر نستخرج منهم الاسماء المبنية

رقية تيمت قلبي *** فوا كبدا من الحب

تهاني اخوتي عنها *** ومافي الحب من عتب

الياء في تهاني و قلبي و اخوتي ضمائر مبنية على السكون


وطريقة الامتحان هتكون

السؤال الاول : استخرخ من البيتين مما يلي

مثلا اسمين مبنيين

السؤال الثاني : مثل لكل مما يأتي في جملة مفيدة من عندك

مثلا فعل مضارع مبني على السكون - خبر جملة اسمية وهكذا


السؤال الثالث بيتين شعر فيهم 4 كلمات للإعراب

التوفيق للجميع

شكرآ يا مريم وبالتوفيق والنجاح

[ATOMIX 0]

nesreeen كتب:

جدول الامتحانات كود المادة اسم المادة ميعاد الإمتحان مكان الامتحان إقليم الإمتحان مبنى الإمتحان 121 النحو على مستوى النص { لغة عربية} 28 يناير 2013 01:00م لم يحدد بعد القاهرة لم يحدد بعد 122 النحو { ENG. } {2} 31 يناير 2013 01:00م لم يحدد بعد القاهرة لم يحدد بعد 123 القراءة والفهم { ENG. } {2} 4 فبراير 2013 01:00م لم يحدد بعد القاهرة لم يحدد بعد 124 الترجمة الى العربية {2} 7 فبراير 2013 01:00م لم يحدد بعد القاهرة لم يحدد بعد 125 مادة ثقافية 11 فبراير 2013 01:00م لم يحدد بعد القاهرة لم يحدد بعد

شكرآ يا أستاذه نسرين وبالتوفيق والنجاح لكل الطلبه

[nesreeen 0]

العفو

[mor 0]

اتقدم بشكري لجميع الاخوة والاخوات اعضاء المنتدي القائمين علي مساعدة جميع زملائهم لتقديم لهم كل ما هوه مفيد وحافذا معنويا لطب العلم ، لذا نحسكم علي التعاون المشترك المتبادل بالايجابية ليصب هذا في مصلحة جميع الدارسين ويتوج بالنجاح الباهر باذن الله وان يجعل الله هذا العمل في ميزان حسناتنا جميعا وشكر خاص لإدارة المنتدي اخيكم عمرو

[*maryam 0]

خير الناس أنفعهم للناس

وانت منهم يا أخي جزاك الله خيرا

[Gaber 0]

الف شكر للاستاذه مريم والاستاذه نسرين

[سما سيف 0]

ازيكوا يا جماعة عاملين ايه فى المذاكرة اتمنى من كل اللى بيذاكر دلوقتى ثقافية انه يشوف التطبيقات التليفيزيونية لان الدكتور مختصره حاجات كتير وبتقول ايه المطلوب بالظبط فى الامتحان لان زى ما انتو شايفين اجابة الاسئلة وخصوصا اعطى سبب ل واكتب ملخص السؤالين دول رخمين واجاباتهم كتيير اوى هيا بقى ملخصة كل دا وربنا يوفقوا

[سما سيف 0]

من فضلك يا مريم لو سمحتى لو هاتروحى بكرة ان شاء الله الجامعة تسالى الدكتور على نظام الاسئلة على الاربع وحدات الاولى لان نظام الاسئلة فى تطبيقاتهم مختلفة عن الباقى ولكى قبلاتى

[*maryam 0]

السلام عليكم ازيك ياسما فينك مش باينة؟؟

فعلا ياسما التطبيقات التليفزيونية مختصرة الاجابات ؟؟؟؟ والله ضمنتيني انا كنت بصوت امبارح من طول الاجابة ومش عارفة اختصرها لان معرفش ايه المهم وايه اللي مش مهم انا هحملهم واشوفهم شكرا حبيبتي انك نبهتينا لاني انا مكنتش مهتمة بالفيديوهات بتاعة التطبيقات كنت بشوف فيديو المحاضرات بس تسلمي على كلامك ده

اه انا رايحة ان شاء الله بكرة طيب هي مقلتش حاجة عن الوحدات الاربعة في الفيديو ؟؟ بصي انا اللي اعرفه ان هتيجي على هيئة نقاط بس هبقى اسألهالك برضه عشان نتأكد وربنا يوفقك يارب ويوفقنا جميعا

[*maryam 0]

Gaber كتب:

الف شكر للاستاذه مريم والاستاذه نسرين

الشكر لله اخي جابر

[سما سيف 0]

انا كنت مشغولة مع ولادى شهادات بقى السنة دى يعنى يا دوب خلصو مناهج وفضيت لنفسى الكن انا بتابع كل يوم الاخبار اللى انتى بتجيبيها باستمرار انتى وبقية الزملاء لكن ما كنتش بدات مذاكرة عشان افيدكم بيها وبعدين انا بقالى اسبوع بذاكر الكالتشر وشوفت المحاضرات وولاقيت ان الابواب التلاتة الاخيرة طوال جدا وفيهم دش كتير قولت اشوف التطبيقات لاقيت الدكتور بتطمننا خالص وبتاخد من كل سؤال نقط معينة وبتركز عليها فقلت يا رتنى ما كنتش ضيعت وقتى عشان كدة قلت الحقكم عشان ما تبداوش من الاول وتغلطوا غلطتى وخصوصا ان الدكتور بتعيد المعلومة اكتر من مرة ويا رب اكون فدتكم يا حبيبتى لكن رربالنسبة للاربع ابواب الاولى هيا حلت التطبيقات زى ما هى لكن الامتحان موش هاييجى كدة هاييجى زى نظام اخر تلات ابواب

[محبة نور الإيمان 0]

شوفوا انا اخدت مادة ثقافيه 2 والمهم انكم تذاكروا من التطبيقات لإنها مهمه جدا والإمتحان جا منهم انتوا بتدرسوا التكنولوجيا صح

[محبة نور الإيمان 0]

بس قولولي ترجمه 2 عاملين معاها ايه ويوم الإمتحان هتذاكروا من فين دكتور الماده قلكم اي حاجه مهمه

[*maryam 0]

انا بشكرك جداااااااا يا سما انا فعلا استفدت من فيديو التطبيقات سمعت التطبيق الخامس وفعلا كان مهم جدااا كويس قوي انك قلتلنا


محبة نور الايمان ترجمة2 هي بتدينا في المحاضرة هي في اول المحاضرات كانت بتدينا قطع من عندها

وبعد كدا بقت بتدينا قطع من ورق المحاضرات والتطبيقات يعني ذاكري من الورق لان ترم تالت بيقول ان بييجي قطعة سيين وقطعة ان سيين وربنا معانا يارب

[*maryam 0]

السلام عليكم ورحمة الله وبركاته

محاضرات امس 14 / 12

الكالتشر خدنا المحاضرة 6 من ورق المحاضرات

الجرامر اتلغت

الكمبرهينشن خدنا معاني كلمات القطعة رقم 6 بالكتاب وهي modernizing the muslim world

خدنا اخر قطعة مقررة علينا وهي why iraq was inevitable بس لسة محلناش الاسئلة

احفظا كلمات كل قطعة خدناها عشان هييجي منها 5 كلمات نحطهم في جملة والسؤال ه عليه 5 درجات

واتمرنوا على كتابة البراجراف بتقول مش مهم انك تكتب صفحتين ولا 3 يعني مش بطول البراجراف لا اهم حاجة انه يكون فيه المفيد للموضوع ان شالله يكون 6 ولا 7 سطور

اتمنى لكم التوفيق

[nesreeen 0]

جزاكي الله خير يا مريم
هو البراجراف حيجي من القطع المقررة و لا من بره و هل الدكتورة ادتكوا مواضيع للبراجرف في المحاضره ؟

[محبة نور الإيمان 0]

شوفي نسرين الكمبرهنشن السنه اللي فاتت جات قطعة الكتابه من بره بس كانت حلوة جات حاجه وحده مهمه تحبي تغيريها في بلدك وادعم اجاباتي بالاسباب فكان موضوع مفتوح

[nesreeen 0]

شكرااااا

[*maryam 0]

شكرااااااااا يامحبة نور الايمان جزاكي الله خيرااااااا

[سما سيف 0]

جزاكى الله خيرا يا مريومة بس انتى ما سالتيش بخصوص الاربع ابواب الاولى للكالتشر زى ما اتفقنا

[*maryam 0]

يا خبر ابيض تصدقي نسيت يا سما مع ان الموضوع كان في دماغي والله معلش الله يخرب بيت الزهايمر

ان شاء الله المحاضرة اللي جاية مع انها بعيدة بس معلش هعمل منبه تذكير عالموبايل عشان افتكر

[*maryam 0]

السلام عليكم

ياترم تاني انا وجدت ملف بي دي اف جميل في الجروب على الفيس كنت محملاه من فترة بس لسة فتحاه النهاردة وكويس اني افتكرت وفتحته فيه ملاحظات مهمة جدا عن المادة الثقافية2 قلت افيدكم بيه زي ما انا استفد منه في المرفقات

والمفاجأة بقى في لينك لتحميل ملف تلخيص اجابات التطبيقات

mediafire.com ?lphbi058apwa4ep

بشكر اللي عمله وتعب فيه عشان احنا نستفاد

ادعوله وادعولي من صالح دعائكم

[ATOMIX 0]

*maryam كتب:

السلام عليكم

ياترم تاني انا وجدت ملف بي دي اف جميل في الجروب على الفيس كنت محملاه من فترة بس لسة فتحاه النهاردة وكويس اني افتكرت وفتحته فيه ملاحظات مهمة جدا عن المادة الثقافية2 قلت افيدكم بيه زي ما انا استفد منه في المرفقات

والمفاجأة بقى في لينك لتحميل ملف تلخيص اجابات التطبيقات

mediafire.com ?lphbi058apwa4ep

بشكر اللي عمله وتعب فيه عشان احنا نستفاد

ادعوله وادعولي من صالح دعائكم

شكرآ أستاذه مريم .... وهذا ما ععهدناه عنك.... دائمآ نافعه لزملائك

[سما سيف 0]

انا موش عارفة اشكرك اد ايه على الملخص دا لو قعدت اشكرك لاخر السنة موش هايكفى دا انا بقالى اسبوعين بحاول اشوف المحاضرات والخص واشوف التطبيقات والخص ولسة لغاية دلوقتى كنت عمالة الخص الملخص فينك من زمان ربنا يخليكى يا مريومة ويخلى اللى عمل المجهود دا وكل دا يغفرلك نسيان سؤال الدكتور كدة موش محتاجين نسالها لانى زى ما شوفت فى الملخص انها بتجيب اسئلة من الاربع ابواب على شكل نظام الاسئلة التلاتة اللى موضحين فى الامتحانات السابقة

[*maryam 0]

اللي بعتهولي على الجروب قاللي انه تلخيص التطيبقات لما لقيتك بتقولي كدا فتحته لقيت مش ملخص ولا حاجة فعلا هو افتكره ملخص عشان كدا بعتهولي عالجروب
طيب بصي شوفي فيديو التطبيقات التليفزيونية اللي على صفحتك هيساعدك برضه
واقري الاجابات واكتبيها بطريقة مبسطة بطريقتك عشان تعرفي تحفظيها
والله يا سما انا فرحت زيك بالملف ده ومخدش بالي انه مش ملخص اصل انا شوفت في ملف الملاحظات مكتوب ان في زميل عامل ملخص فسألت عليه عالجروب فا واحد نزللي الملف ده لما الاقي الملف هبعتهولك على طول

[سما سيف 0]

يا حبيبتى ما انا لااقيت لينك تحميل الملخص عشان كدة انا مسحت مساهمتى الاولى وكتبت التانية وحملت الملخص وطلع روعة بارك الله فيكى

[سما سيف 0]

اللينك مكتوب فوق موش فى الملفات المرفقة وهوا ميديا بلاير

[*maryam 0]

ما انا عارفة بس انا مش شيفاه ملخص بصراحة مليان رغي كتييير عالعموم في زميلة قالتلي هبعتلك الملخص اللي عندي هشوفو هو هو ولا لا لو لقيته افضل من ده هبعتهولك

[Gaber 0]

ياجماعه ممكن حد يقول لنا اسم الجروب ده ايه ؟
وشكرا لكم.