حلقة دراسية ترم أول أداب E دور يناير 2013 (الجزء الأول )

[dodyrefaie 0]

لا انا معنديش كل المحاضرات علي صفحتي و انا سمعت ان اداب علي قناه الجامعه الاولي يعني هي علي القناه التانيه مش الاولي انا ترم اول

[*maryam 0]

السلام عليكم ورحمة الله وبركاته

ازيكم جميعاا عطر الجنة انا سعيدة جدا اني شوفتك النهاردة انتي وياسمينا وكان نفسي اقعد معاكم بس كان عندي محاضرة جريت عليها وسبحان من خلاني ادخل مدرج غلط عشان اشوفكم ههههه
وشوفت ايمي كمان

انا منتظراكي بقى تنزلي محاضرات النهاردة عشان في واحدة ترم اول عايزة تعرف خدتو ايه النهاردة من برة المنتدى

[Miro_Potta 0]

انا مبسوطه اوى انكم اتقابلتم يامريم وياريت كلنا نتقابل ان شاء الله
انا ولميس كمان اتقابلنا وبدانا نذاكر

[dodyrefaie 0]

ايه اخبار سي دي الكالتشر ترم اول

[*maryam 0]

Miro_Potta كتب:

انا مبسوطه اوى انكم اتقابلتم يامريم وياريت كلنا نتقابل ان شاء الله
انا ولميس كمان اتقابلنا وبدانا نذاكر

ربنا معاكم ويوفقكم ياااااااارب

[عطر الجنة 0]

*maryam كتب:

السلام عليكم ورحمة الله وبركاته

ازيكم جميعاا عطر الجنة انا سعيدة جدا اني شوفتك النهاردة انتي وياسمينا وكان نفسي اقعد معاكم بس كان عندي محاضرة جريت عليها وسبحان من خلاني ادخل مدرج غلط عشان اشوفكم ههههه
وشوفت ايمي كمان

انا منتظراكي بقى تنزلي محاضرات النهاردة عشان في واحدة ترم اول عايزة تعرف خدتو ايه النهاردة من برة المنتدى

السلام عليكم
انا اسعد طبعا يا مريم ومعلش المرة الجاية نقعد سوا ان شاء الله ويا رب كل مرة تدخلى مدرج غلط ويطلع اللى انا فيه ههههههههه اما محاضرات النهاردة حاضر هدخل اكتبها

[سيد هندى 0]

[b]

[Emy Salem 0]

*maryam كتب:

السلام عليكم ورحمة الله وبركاته

ازيكم جميعاا عطر الجنة انا سعيدة جدا اني شوفتك النهاردة انتي وياسمينا وكان نفسي اقعد معاكم بس كان عندي محاضرة جريت عليها وسبحان من خلاني ادخل مدرج غلط عشان اشوفكم ههههه
وشوفت ايمي كمان

انا منتظراكي بقى تنزلي محاضرات النهاردة عشان في واحدة ترم اول عايزة تعرف خدتو ايه النهاردة من برة المنتدى

[abo nooh 0]

cairo univ 1

مؤكد ذلك إن شاء الله

نعم هي القناه الجامعه الأولى وليس الثانيه

[عطر الجنة 0]

السلام عليكم ورحمة الله وبركاته
كالعادة هاقولكم سامحونى انى اتاخرت عليكم وهبدا معاكم حالا فى محاضرات اليوم 16/11
المحاضرة الاولى نحو
تبعا الدكتور عمل معانا مرجعة بسيطة على كل اللى اخدناه الاول وبعدها شرح المنصوبات وهاكتبلكم المحاضرة بالنص
1-النوع الاول من المنصوبات هوالمفعول به : وهو ركن لا ياتى الا لضرورة ألا وهى ضرورة تمام المعنى وعرفنا ان هناك افعال متعدية تحتاج لمفعول او اثنين او ثلاثة لتمام المعنى
اذا احتاج المعنى الى ضرورة فيكون ركن والركن المنصوب لا يكون الا مفعول به فالمفعول به لا ياتى زيادة ولا متطفلا
هناك مقوله( انزل الناس منازلهم وانزل الكلمات منازلها)
2- النوع الثانى هو الحال :وهو يبين هيئة الفاعل او هيئة المفعول به وهو جواب لسؤال تقديره كيف
مثال:جلس الطال مستريحا هنا مستريحا حال يبين هيئة الفاعل
ام ركبت القطار مسرعا هنا مسرعا حال ولكنه قد يبين هيئة الفاعل او المفعول به
انواع الحال: أ- مفردا مثال جلس الطالب مستريحا
ب-جملة اما فعلية مثال: جلس الطالب يستريح
او جملة اسمية مثال: جلس الطالب وهو يستريح
ج- شبه جملة اما ظرف مثال: جلس الطالب فوق الكرسى
او شبه جملة جار ومجرور مثال: جلس الطالب فى القاعة
س/ كيف اميز بين الحال والصفة؟
الحال صفة مؤقتة والنعت صفة دائمة
مثال:جاء سمير غاضبا هنا غاضبا حال لان جاء سمير فى حالة معينة وليس من طبعه الغضب
اما جاء سمير الغاضب هنا الغاضب صفة لان هنا سمير عرف عنه انه لا ياتى الا غاضبا
س/ كيف التقط الحال اذا كان جملة او شبه جملة؟
الجمل واشباه الجمل بعد المعارف احوال وبعد النكرات صفات
3-النوع الثالث هو المفعول المطلق وه يؤكد الفعل غير المعتاد ناتى بالفعل ونشتق منه مصدره وهو التصريف الثالث للفعل
مثال: اكلت اكلا شربت شربا ضربت ضربا
اما لو كان المصدر ليس من نفس الفعل فيسمى هنا نائب مفعول مطلق
مثال:جلس الطالب قعودا هنا قعودا نائب مفعول مطلق
ضربته بعض الضرب او ضربته كل الضرب هنا بعض وكل نائب مفعول مطلق
القاعدة: ينوب عن المفعول المطلق المرادف للفعل مثل قعودا او العدد مثل بعض وكل والة الضرب مثل وكزته وكزا
النوع الرابع هو المفعول لاجله ويسمى ايضا المفعول له او المفعول السببى
مثال : قام الابن توقيرا لابيه توقيرا هنا مفعول لاجله
اذا المنصوب الذى يبين سبب الفعل وهو جواب لسؤال تقديره لماذا يسمى المفعول لاجله
وكدة تكون انتهت المحاضرة اليوم وتكلمنا عن بعض انماط اسئلة الامتحان الدكتور قال ذاكرو من محاضرات الكلية ومن الكتاب مراعاة للناس اللى مش بتحضر واللى خارج مصر وقال ان الامتحان عبارة عن 1- اختار الاجابة الصحيحة ما بين القوسين مع التعليل
2- صوب الاخطاء فى النص التالى
3- استخرج من القطعة واعرب ما تحته خط
وقال الامتحان سيكون سهلا باذن الله

المحاضرة التانية بقى كانت الترجمة الدكتورة شرحت الفعل اللازم والمتعدى وكمان المبنى للمعلوم والمبنى للمجهول قبل ما نناقش قطعة الترجمة
الفعل المتعدى(transitive) مثال he got up early
she baked the cake
الفعل اللازم(intransitive) مثال I learnt the lesson
they taught me the lesson
وبعد كدة شرحت الفرق بين remember and remind
i remember the date of his birthday هنا طبعا انا تذكرت بنفسى
he reminds me the date of his birthday هنا طبعا فى حد ذكرنى
وبعد كدة شرحت المبنى للمجهول بس مش بتوسع قالت مثال وبس
the pyramids were built a long time
وبعد كدة ناقشت معانا القطعة التالتة فى الكتاب اللى بعنوان جدتى وطبعا كل واحد قال ترجمته ودى كانت ترجمتى انا للقطعة
بدات اتساءل اذا ما كانت جدتى على حق عندما كانت تشكو كثيرا ان الاطفال هذه الايام لا يتمتعون بحسن السير والسلوك كما كانو من قبل. فكلما كان هناك فرصة ان تحكى لنا جدتى كانت تحكى انها كانت تلتزم باحترام الاكبر سنا والافضل منها وتعلمت ان لا تتكلم الا اذا وجه اليها احد الكلام وكانت اذا خرجت بدون مرافق كان تتذكر ان تقول من فضلك وشكرا

اخر محاضرة وهى اثقل محاضرة الا وهى الجرامر طبعا فضلت تكتب امثلة وتشرح مع نفسها كدة وفى الاخر لاقتها خلصت محاضرة ونص من المحاضرات اللى ع الصفحة بتاعتنا خلصت المحاضرة الثالثة كلها ونص الرابعه ودى الامثلة اللى كتبتها
the woman is filling the glass which is on the table
طبعا هنا the woman is filling =main clause
but which is on the table=adjective clause
who,which and that are adjective clause connectors
شرحت الفرق بين الصفة ب ing ومن غيرها وامتى استخدم كل واحدة فيهم
مثال: boring - bored
interesting -interested
washing - washed
وقالت اذا كان الاسم الموصوف هو الذى يعمل الفعل استخدم صفة ب ing لكن لو كان هو الذى يقع عليه الفعل استخدمها بدون ing
although he feels unwell,he will give the lecture
when you give your lecture, speak loudly please
الجملتين دول هنعملهم تخفيض او اقتصاص الاولى هنحذف he feels ونحط مكانها filling
التانية هنحذف you give ونحط مكانها giving
وبعدين شرحت بعض التعبيرات نستخدمها للتعبير عن الاماكن
here is the book
nowhere can i find the book
on the shelf are the books you want
around the corner is the post office
وبكدة نكون خلصنا محاضرات النهاردة وبالتوفيق ان شاء الله

[abo nooh 0]

جزاك الله خيرا على هذا الشرح والجهد

ربنا يجعله في ميزانك

[عطر الجنة 0]

جزانا واياكم

[ATOMIX 0]

السلام عليكم

تم إضافة محاضرات يوم 16-11-2012 من طرف عطر الجنه

جزاها الله كل خير على مجهودها الرائع

ويارب يكلل تعبنا جميعآ بالنجاح

/t8960-topic#85692

[قمر شاهين 0]

جزاكِ الله خيرا عطر والعاملين علي المنتدي جميعا

جعله الله في ميزان حسناتكم

[عطر الجنة 0]

جزانا واياكم وجعله الله فى ميزان حسناتكم كلكم

[Miro_Potta 0]

ربنا يكرمك ياعطر الجنه

[Abo Anas 0]

سؤال يا إخواني لو سمحتم، ايه اللي تم دراسته في المادة الثقافية، أسماء الوحدات فقط من فضلكم حتى أستطيع المتابعة، وجزاكم الله خيرا

[عطر الجنة 0]

Abo Anas كتب:

سؤال يا إخواني لو سمحتم، ايه اللي تم دراسته في المادة الثقافية، أسماء الوحدات فقط من فضلكم حتى أستطيع المتابعة، وجزاكم الله خيرا

درسنا اول 5 يونت
1-ancient england
2-the first roman expedition
3-the second roman expedition
4-roman invasion
5-anglo-saxon england

[abo nooh 0]

أهلا فيك أبوأنس وشرفت أخوانك

وتابع معانا تجد ما يسرك وينفعك



بإذن الله سبحانه

[ciscoocean 0]

أرجو رأيكم فى الترجمة
(7) 65 Political Prisoners Freed
After more than a decade behind bars, 65 political prisoners were
freed from prison after renouncing violence as a political tool. A
charity organization called the Qadhafi Foundation was responsible
for organizing the release and on 30 August said there were no longer
any political prisoners behind bars except for people who pose a threat
to Libyan security — a reference to members of the Libyan Islamic
Fighting Group which has refused to renounce violence as a political
tool. Despite release, Amnesty International and several other human
rights organizations continue to report that there remain many
political prisoners in Libyan prisons.

بعد أكثر من 10 سنوات خلف القضبان, تم الإفراج عن 65 سجينا سياسيا بعد تخليهم عن العنف كآدة سياسية, حيث أن منظمة خيرية تسمى مؤسسة القذافى تبنت عملية تنظيم الإفراجات, و فى 30 أغسطس قالت أنه لم يعد هناك أى مسجون سياسى متواجد خلف القضبان عدا الذين يتواجد منهم تهديدا على الأمن الليبى, إشارة فى ذلك إلى أعضاء الجهاذ الإسلامى الليبى الذين يرفضون التخلى عن العنف كآداه سياسية, و بالرغم من الإفراجات التى حذثت, إلا أن منظمة العفو الدولية و عدد من المنظمات الحقوقية الأخرى تأكد من خلال تقاريرها المستمرة بوجود العديد من المسجونين السياسين الذين ما زالوا فى السجون الليبية إلى الآن .

[dodyrefaie 0]

لو سمحتو كان في سي دي كالتشر الدكتوره ادتها الاشبوع اللي فات ممكن حد ينزلها

[dodyrefaie 0]

لو سمحتو كان في سي دي كالتشر الدكتوره ادتها الاشبوع اللي فات ممكن حد ينزلها

[*maryam 0]

حصلي الشرف بجد يا مريم رغم انها كانت مقابلة سريعة و شكرا بجد يا جميل علي ذوقك و تعبك ... بأذن الرحمن ورق الإمتحانات هيكون موجود علي منتدنا الغالي بالكتير يوم الأحد و ربنا يوفقنا جميعا يا رب
من Emy salem

انا اللي ليا الشرف يا حبيبتي فعلا كانت سريعة قوي معلش لولا المحاضرة كنت قعدت معاكي

الشكر لله واي حاجة تعوزيها انا تحت امرك يا جميل

[Abo Anas 0]

جزاكي الله خيرا عطر الجنة وجزى الله خير لأخي سالم

[abo nooh 0]

أهلا فيك أبو أنس

أنت تيرم أول ؟

[samaher 0]

معلش يماعة لو فيها احراج ممكن اي زميلة تبعتلي رقمها عشان اتصل عليها لاني بالبلدي كدة محتاسة ومش عارفة الم اي حاجة من هنا الردود كتييرة اوي والناس بتتكلم عن اكتر من مادة في نفس البيدج انا بس عاوزة حد يفهمني كل مادة من المواد اللي عندي اية المطلوب فيها مذاكرة الكتاب ولا الملزمة ولا المحاضرات

بلييزززززز

[عطر الجنة 0]

samaher كتب:

معلش يماعة لو فيها احراج ممكن اي زميلة تبعتلي رقمها عشان اتصل عليها لاني بالبلدي كدة محتاسة ومش عارفة الم اي حاجة من هنا الردود كتييرة اوي والناس بتتكلم عن اكتر من مادة في نفس البيدج انا بس عاوزة حد يفهمني كل مادة من المواد اللي عندي اية المطلوب فيها مذاكرة الكتاب ولا الملزمة ولا المحاضرات

بلييزززززز

على فكرة محمود عامل صفحة للمحاضرات وبس مفيهاش ردود تقدرى تتابعى منها كل جديد وده اللينك بتاعها /t8960-topic#85692
اما بالنسبة لكل مادة وايه اللى مطلوب للمذاكرة فيها فانا هاقولك
النحو: محاضرات الكلية+ الكتاب+ محاضرات الصفحة
الترجمة: الكتاب +محاضرات الصفحة بتاعتك+التطبيقات
الجرامر: محاضرات الصفحة بتاعتك + التطبيقات
المادة الثقافية: الكتاب + محاضرات الصفحة بتاعتك +التطبيقات
القراءة والفهم : الملزمة اللى اخدناها من الدكتورة
ده لو انت عاوزة عشان الامتحان وبس لكن لو عشان تتقنى اللغة فالاحسن تتطلعى على حاجة متوفرة قدامك ف كل مادة

[lamees 0]

ghada_moh كتب:

السلام عليكم الأخت الفاضلة لميس انا حاولت انزل الملفات ولكن هذا غير متاح على link اللى انتى بعتاه ممكن تقولى لى ازاى احمل الملفات وشكرا

والله يا غادة مش عارفة ..

انا حذفتهم عشان أقدر أحمل باقي الأجزاء بس كان الأستاذ ciscoocean مجمع أجزاء الملخص كلها في ملزمة وسماها ملزمة لميس .. بس دخلت عليها وحاولت أفتحها مش فتحت برده مش عارفة ليه ..

بس كل الملخصات اللي عملتها لحد دلوقتي عندي لو تقدري تشفي طريقة أبعتهوملك .. فيس أو ياهو مثلا ..

وأنا آسفة والله .. بس مش بعرف احمل الملفات باي طريقة تانية غير كدا ..

وأنا تحت أمرك ..

[ciscoocean 0]

ملزمة لـــمـــــيــــس

المبنى و المعرب

المبنى و المعرب _ أولا الفعل الماضى

أقـــســــام الـــكـــــلام

[عطر الجنة 0]

لميس

[dodyrefaie 0]

دا نحو ترم اول

[Miro_Potta 0]

ciscoocean كتب:

أرجو رأيكم فى الترجمة
(7) 65 Political Prisoners Freed
After more than a decade behind bars, 65 political prisoners were
freed from prison after renouncing violence as a political tool. A
charity organization called the Qadhafi Foundation was responsible
for organizing the release and on 30 August said there were no longer
any political prisoners behind bars except for people who pose a threat
to Libyan security — a reference to members of the Libyan Islamic
Fighting Group which has refused to renounce violence as a political
tool. Despite release, Amnesty International and several other human
rights organizations continue to report that there remain many
political prisoners in Libyan prisons.

هى دى انهى قطعه انا لسه ماشوفتهاش خالص

بعد أكثر من 10 سنوات خلف القضبان, تم الإفراج عن 65 سجينا سياسيا بعد تخليهم عن العنف كآدة سياسية, حيث أن منظمة خيرية تسمى مؤسسة القذافى تبنت عملية تنظيم الإفراجات, و فى 30 أغسطس قالت أنه لم يعد هناك أى مسجون سياسى متواجد خلف القضبان عدا الذين يتواجد منهم تهديدا على الأمن الليبى, إشارة فى ذلك إلى أعضاء الجهاذ الإسلامى الليبى الذين يرفضون التخلى عن العنف كآداه سياسية, و بالرغم من الإفراجات التى حذثت, إلا أن منظمة العفو الدولية و عدد من المنظمات الحقوقية الأخرى تأكد من خلال تقاريرها المستمرة بوجود العديد من المسجونين السياسين الذين ما زالوا فى السجون الليبية إلى الآن .

[dodyrefaie 0]

لو سمحتو يا جماعه حد يرد عليا ايه اخبار سي دي الكالتشر اللي الدكتوره وزعته و هو موجود في المكتبه انا لسا محاضرات الكالتشر مانزلتش عندي عالموقع

[عطر الجنة 0]

السلام عليكم ورحمة الله وبركاته
ازيكم عاملين ايه ويا رب ف المذاكرة موفقين
يا جماعة انا نزلى كل حاجة ع الصفحة بتاعتى اى حد عاوز محاضرات مكتوبة او محاضرات فيديو لاى مادة من الصفحة بتاعتنا يقولى وانا ابعتهاله

[ciscoocean 0]

عطر الجنة كتب:

السلام عليكم ورحمة الله وبركاته
ازيكم عاملين ايه ويا رب ف المذاكرة موفقين
يا جماعة انا نزلى كل حاجة ع الصفحة بتاعتى اى حد عاوز محاضرات مكتوبة او محاضرات فيديو لاى مادة من الصفحة بتاعتنا يقولى وانا ابعتهاله

شكرا يا عطر

أنا فعلا إبتديت أحمل الملفات و كانت أكثر شىء مهتم بيها هيا الترجمة و الثقافية و أتمنى أن يكون العربى موضح بصورة أكبر للمادة

[abo nooh 0]

نشكر للطيبه الرائعه عطر الجنه على ما أبدت لاخوانها بالمنتدى من المساعدات والمساهمات

و أسأل الله سبحانه أن نجزل لها الثواب بإذن الله تعالى

ما شاء الله

[vanelia 0]

الجرامر حد يقولى يا جماعه بالنسبه ل past participle and present participle
are not verbs
ليه فى كتاب المحاضرات
الشرح غير اجابات الاسئله حاسه ان كل حجاه معكوسه
لو حد ممكن يفهمنى

[شيرين1 0]

مساء الخير
انا شيرين انا معاكو فى الترم الاول .... يارب علينا كلنا بالنجاح ان شاء الله
كنت عايزة اعرف اسم الجروب بتاعكم على الفيس بوك
ربنا يعوض تعبكم
شكرا

[Miro_Potta 0]

شيرين كتب:

مساء الخير
انا شيرين انا معاكو فى الترم الاول .... يارب علينا كلنا بالنجاح ان شاء الله
كنت عايزة اعرف اسم الجروب بتاعكم على الفيس بوك
ربنا يعوض تعبكم
شكرا

اهلا بيك ياشيرين انا بعتلك لينك الفيسبوك هتلاقيه فى الرسايل

[Miro_Potta 0]

عطر الجنة كتب:

السلام عليكم ورحمة الله وبركاته
ازيكم عاملين ايه ويا رب ف المذاكرة موفقين
يا جماعة انا نزلى كل حاجة ع الصفحة بتاعتى اى حد عاوز محاضرات مكتوبة او محاضرات فيديو لاى مادة من الصفحة بتاعتنا يقولى وانا ابعتهاله

طيب انتى مش كنتى قولتى ان المذكره والسى دى بتوع الثقافيه هتاخديهم الجمعه اللى فاتت دى
امال هترفعيهم امتى ياعطر انا مستنياهم وخاصة المذكره دى لانى قولت مش هذاكر الماده غير منها هى وبس ومستنياكى من ساعتها

[dodyrefaie 0]

صباح الخير انا دعاء معاكو في ترم اول و عاوزه لينك الجروب بتاعكو عالفيس بوك

[abo nooh 0]

stonehenge term groub

[abo nooh 0]

أهلا فيك يا دعاء انتي وشيرين وكل الإخوه والأخوات الجدد

ويسر الله لكم العلم النافع والتعاون المثمر



الأخوه هنا بالمنتدى متآلفون وكأنهم أسره واحده والكل يساعد الكل

وهذا من بركه الله سبحانه

ونجاح المنتدى

[dodyrefaie 0]

شكرا كتر خيرك

[dodyrefaie 0]

عندي استفسار بسيط و ارجو الرد للاهميه بالنسبه لماده الكالتشر عندي في المحاضرات اللي علي صفحتي الدكتوره شارحه يونت 1 و بعديه علي طول شارحه يونت 4 هو 2و3 علينا و الدكتوره شرحتهم في الجامعه

[شيرين1 0]

شكرا جزيلا فانيلا وميرو على اهتمامكم

Miro_Potta كتب:

شيرين كتب:

مساء الخير
انا شيرين انا معاكو فى الترم الاول .... يارب علينا كلنا بالنجاح ان شاء الله
كنت عايزة اعرف اسم الجروب بتاعكم على الفيس بوك
ربنا يعوض تعبكم
شكرا

اهلا بيك ياشيرين انا بعتلك لينك الفيسبوك هتلاقيه فى الرسايل

[شيرين1 0]

شكرا جزيلا وواضح جدا من الجروب على تفاعله وروح الاخوة التى به

k.salem كتب:

أهلا فيك يا دعاء انتي وشيرين وكل الإخوه والأخوات الجدد

ويسر الله لكم العلم النافع والتعاون المثمر



الأخوه هنا بالمنتدى متآلفون وكأنهم أسره واحده والكل يساعد الكل

وهذا من بركه الله سبحانه

ونجاح المنتدى

[nader refaat 0]

السلام عليكم..
انا تيرم اول اداب E في الامارات, عندي مشكلة كبيرة في مادة النحو على مستوى الجملة مش فاهم اي حاجة هي المادة اصلا صعبة؟ ولا الشرح اللي صعب؟ ولا انا اللي حمار؟؟؟!!

[dodyrefaie 0]

هو فعلا النحو صعب اوي انا كمان مش فاهمه حاجه و المحاضرات كتير

[dodyrefaie 0]

المشكله اني حاسه ان الحاجات اللي بياخدوها في المحاضره غير اللي موجوده في المحاضرات