اخطاء الديكور في فتكات :( - العضوة المهندسه بطه هي صاحبة المشاركة

[khabab 0]

[size=32]السلام عليكم و رحمه الله و بركاته

ازيكم يا فتوكات عاملين ايه

انا عامله الموضوع دا عشان ابين معلومات كتير اووووي منتشره ف المنتدي عن الديكور و بصراحه لما بشوفها بتعصب جداااا
انا بتكلم عن نسبه كبيره طبعا مش كلو
اولا انا مش مهندسه ديكور بس بحبه جداااااا و في حاجات فيه فعلا معرفهاش و مبحبش افتي فيها لان اكيد اي مهندس ديكور يفهم فيها اكتر مني

اول معلومه و دي بشوفها ف فتكات و الفيس و كل المواقع
ان المطبخ الالوميتال حلو و جميل و ملون كل الالوان
و الخشب قديم و الوانه محدوده سبحان الله مع ان اوض النوم و السفره و الاطفال خشب بردو و ممكن تتدهن اي لون ف الدنيا
هو دا الشكل الخشب الكلاسيك

دا مطبخ خشب بيتعمل بطبقه تغلفه ممكن تبقا فورميكا

مطبخ خشب بطبقه اكليرك


تاني معلومة
ان الحيطان كلها لون محايد زي الاوفوايت و حيطه لون زي النبيتي ان دي فكره مودرن بسسس ؟
دي فكره من افكار الدهان ملهاش علاقه مودرن و لا كلاسيك

تالت معلومه
ان المودرن موضه اخرها 7 سنين و تبطل عشان كدا لازم كلاسيك دا الي عمره ما هيبطل ابدااااااااا
طبعا المودرن دي حاجه موجوده من اايام افلام عبد الحليم و لازم تفضل موجوده لانها زوق ناس معينه و بتريحهم اكتر و منتشره جداااااا ف اوروبا و امريكا و بدات تنتشر ف البلاد العربيه ف البيوت بالعكس انا شايفه ان الكلاسيك اه هيفضل لكن هيقل مش كل البيوت هتبقا كلاسيك زي زمان خاصه ان المودرن زي الجوكر بيطلع ليه افكار كتير و منها الشيك اوي للبيحبو الشياكه ف يستغنو عن الاستايل الكلاسيك
زي ديكور المسلسلات التركي تحسيi مودرن و شيك و دافي ف نفس الوقت

دي صور من موقع كان بيتكلم ان موضه ورق حائط السبعينات رجعت تاني
السبعينات يعني من 44 سنه




دي صور من افلام قديمه النداهه و حافيه علي جسر من ذهب




دا كلام نقلاه كوبي و باست من موضوع الفتوكه العسل دا
http://forums.fatakat.com/thread2504531
لمحة تاريخية (نعتبرها مقدمة الفيلم )
المودرن يا جماعه عشان نكون عارفين مش جديد ولا هو ستايل هياخد وقتة وينتهي لا الكلام دة غلط
بصوا على افلام فريد الاطرش وخصوصا الفيلم اللي بيغني فية جميل جمال بتاع ليلى فوزي دة
وفيلم النداهه شقة البيه
وافلام كتييييير لعبد الحليم حافظ واحمد رمزي بشوفهم بالصدفة والاقي بجد مودرن على حق
يعني انا شفت فكرة الحيطة الواحدة اللي بتبقى غامقة عن الاوضة (طبعا الالوان ابيض واسود بس باين التباين)
وشوفت فكرة المطبخ الامريكاني بالهبللللللللللل
وشوفت فكرة السبوت لايت اللي في السقف
وشوفت الكومودينو اللي لازقة في السرير والسرير اللي قريب من الارض
وفكرة الاباجورات اللي بتبقى نازلة من السقف زي الدلاية
وفكرة الركنة شوفتها كذا مرة
وفكرة الدلايات اللي بتبقى نازلة من السقف على السفرة
وحتى بيوتنا نفسها هتلاقي في كل بيت حاجة مودرن
والله العظيم بابا جايب مكتبة للتفزيون من ايام ما اتجوز ماما مكنتش بطيقها عشان سادة اوي
دلوقتي ببصلها على انها احسن حاجة في الشقة اصلا
وتيتة عندها صالون مش مدهب وشبة الامريكان بالظببببط ودة اللي اتجوزت بية
من سنة 1953 هههههههههههههههههههههههه
يعني المودرن مش زي مانتوا فاكرين وموضه وهنتنهي والكلام دة لا المودرن موجود من زماااااااان
ولكل وقت اذان يعني اللي النهردة موضه بكرة يبطل ويطلع تاني بعد بكرة

رابع معلومه
ان الدهبي كلاسيك و الفضي مودرن وش و من غير نقاش
طبعا ان الحاجه مودرن او كلاسيك ف دا بيعتمد علي شكلها مش علي لونها



خامس معلومه
كتير الاقي فتوكه داخله تاسال ان انتريه بتعها مودرن و احمر ف رمادي
كتير يردو عليها يقولولها اعملي حيطه حمرا و الباقي رصاصي ؟؟؟؟؟
طيب كدا الانتريه يبان ازاي
كأن لو عملت الحيطان ابيض مثلا و الاكسسورات ع احمر مش مديه الديكور حقه و مستخسره ف نفسها
مع ان كل لما تكتر بهرجه الديكور بيفقد جماله
في فتكوه هنا كانت عماله الدهانات لون غامق زي لون الانتريه بتعها و الباقي رمادي غامق و قالت بنفسها انها زهقت و ان الالوان دي مضيقه الشقه و الاضاءه مهما كترت ضعيفه
لازم نراعي المساحه بجد عشان البيت يبقا اريح للعين و نبعد عن البهرجه ف الوان المودرن
و ف الكلاسيك بردو البهرجه الكتير وحشه و بتفقد قيمه الحاجه بجد
البساطه احلا بكتير و بتبين الحاجه شكلها احلا سواء مودرن او كلاسيك

سادس حاجه و دي موجهه للفتوكات الحلوين
لما يبقا حد داخل يسال بيلاقي اجابات بالهبل لدرجه تلخبطه جداااااا
اه انتو كدا بتسعدوها و انا ذات نفسي بدخل ع المنتدي اشوف اراء الناس و استفاد
بس الواحد ينصح بزمه مش يقول اي كلام و خلاص
ديما ف استشارات الديكور و مستلزمات العروسه الاقي
فتوكه تقول :
اعملي مطبخ الوميتال اصلي عامله واحد زيه
و الديكور هاتي حمام احمر انا لسه جايبه واحد احمر روعه
سيبك من المودرن الكلاسيك قيمه
اعملي حيطه سودا و الباقي موف ؟ انا عامله جدا
يعني هي لازم تعمل زيك ؟ افرضي مش مناسب ليها او معهاش الامكانيه

كدا الموضوع خلص و اتمني محدش يزعل مني انا كتبت كدا عشان مصلحتكو و الله [/size]

[amir99 0]

موضوع رائع وجميل تحية قلبية جميلة بجمال طرحك..