ماجستير آداب انجليزي (شعبة ترجمه) فقط بجامعة حلوان

[Honey Bunny 0]

غير كده انا مش فاهمة ليه التعنت ده وكأنهم هينعموا علينا بالدرجة
الموضوع مش سهل اطلاقا لانه اذا عديت من امتخان القبول وانا فاشل
بحسب نظرتهم لينا مفيش مجال أعدي من مواد التمهيدي
واذا عديت من مواد التمهيدي وانا فاشل تاني ونظرتهم ليا
هي هي مش هعدي من الذيسيس اي منطق ده ‏
اللي يقول انه واحد فاشل يعدي من كل المراحل دي؟!‏
مش عارفة ايه كمية الغباء اللا متناهي دي!!!‏

[Honey Bunny 0]

لاء القانون واللوائح الداخلية للكليات لاتمنع
ما دمت حصلت ع جيد فأعلي وشهادتك معتمدة
من المجلس الاعمي للجامعات مفيش في القانون ما يستثني ملاب
‏ مفتوح اطلاقا مسؤلي الجامعات هما اللي
ممتنعين عن تنفيذ القانون بكل بجاحة

[khaled38 0]

خلاص يبقى اعملي زي خريجي الجامعات الاجنبية وجيبي شهادة من الاعلى للجامعات ان شهادتك معادلة لكلية الاداب وبيها تقدمي في اي كلية ومحدش يقدر يتكلم ولو الاعلى للجامعات تعنت او ادارة الكلية يبقى ده تعسف متفق عليه منهم وساعتها لازم يبقى لكل الدارسين بالتعليم المفتوح وقفة قوية لتطبيق القانون.

[Honey Bunny 0]

والدليل ع ذلك انه خريجي اعلام مفتوح وتجارة وحقوق
بيكملوا عادي جدا مفيش غير أداب ودار علوم اللي
في المشكلة دي لتعنت مسؤلي آداب اما بخصوص
جامعة المنصورة فدي مهزلة المهازلة لانهما مبتقباش
خريجي مفتوح من الأساس علما انها فتحت برامج
تعليم مفتوح بكلياتها وبتتوسع فيه بشكل ملحوظ
الأولي ع دفعة تجارة مفتوح اترفض تسجيلها هي ‏
كمان ودي تجارة هنقول ايه؟ برنامج ثقافي ده كمان؟!‏

[Honey Bunny 0]

والله يا أخي سألت في دي كمان قالوا شهادتكم ‏
معادلة ومعتمدة من تلقاء نفسها هيعادلوا المتعادل
‏ اولريدي يبقي بننفي انها معادلة....ههههههههه

[khaled38 0]

انا اللي حرق دمي جدا اني دخلت قبل كده موقع كلية الالسن لقيتها بتقبل جميع كليات الاداب في مصر ولما تيجي تسالي يقولولك ماعدا تعليم مفتوح.طيب الحل ايه بقى عشان الكليات دي تنفذ القانون؟يعني الاسلوب اللي كانوا بيمارسوه بعض الفئات لزبادة مرتباتهم او تثبيتهم في وظايفهم او تنفيذ اي مطالب كان كويس؟للاسف اللي لاحظناه ان معظم الناس دي مطالبهم اتحققت.
المشكلة بتاعتنا انك لما بتروحي تقدمي دراسات عليا بيكون عدد المتقدمين من التعليم المفتوح قليل وكمان اللي اصلا بيدخلوا تعليم مفتوح وعايزين يكملوا دراسات عليا قليلين ده غير ان في منهم السلبيين اللي مش بيطالبوا بحقهم يعني في الاخر الموضوع هايرسي على عدد بسيط ممكن يستفزه الاستهتار بمستقبلنا ده.

[Honey Bunny 0]

ع اي حال ربنا ييسر ونشوف الجلسة دي هتثمر عن ايه
لاقينا اننا مظلومين مينفعش نسكت ومينفعش سلبية
نهائي حرام لاننا ضيعنا سنوات في الدراسة و
ضغوط نفسية ومادية وامتحانات وفي الآخر
ملناش لازمة ولا حقوق مينفعش خالص سلبية
في حاجة زي دي يا اخوانا!‏

[Honey Bunny 0]

طبعا لازم ضغط لانه مفيش اي نوع من التعامل المحترم
الشيئ اللي بيروج له بشدة حاليا هي سياسة
الصوت العالي والشللية اذا كان ده اللي هيحقق
مطالبنا يبقي خلاص ما دام ده الاسلوب الواجب ‏
اتباعه!‏

[khaled38 0]

ان شاء الله نشوف نتايج الجلسة ايه وبعدها نتكلم هنا تاني وربنا يوفقنا جميعا.

[Ana Rema 0]

مساء الخير يا جماعة.. إزيكم جميعًا (:
أنا طبعًا معاكم إن فيه تمييز زي ما اتكلمنا قبل كده ومقدرة المعاناة إللي مرت بيها زميلتنا Honey Bunny
وللأسف ناس كتير اتعرضت للظلم ده ومفيش حل لحد دلوقتي.. بس تعالوا نحلل الموضوع كده مع بعض:
أولاً: الشهادة بتاعتنا معترف بيها مفيش كلام.. بدليل إن ناس كتير خدتها عشان تعدل وضعها الوظيفي في مؤسسات حكومية وناس تانية اتعينت بيها في القطاع الخاص يعني عادي جدًا.
المشكلة مش في الاعتراف بالشهادة لأنها بالفعل مؤهل جامعي حكومي
والمشكلة برضه مش عند الموظفين إللي قالولنا وإحنا بنقدم إن الدراسات العليا مسموح بيها.. عارفين ليه؟
عشان فعلاً كل الكليات مسموح لها بدراسات عليا ما عدا إحنا فيه علينا بعض الاستثناءات ده غير إن وقت ما معظمنا قدم كانت مشكلة دار علوم لسه مظهرتش لأن زي ما أنتوا عارفين برنامج دار العلوم يا دوبك معمول من كام سنة.. وواضح أصلاً إن معظم الموظفين كانوا ميعرفوش المشكلة بتاعننا لأن الموضوع جاي من أقسام اللغة الإنجليزية نفسها.. وإللي للأسف مش مضطرة تقبل كل قرارات المجلس الأعلى للجامعات.. فيه حاجات بتترك لتقدير الأقسام!!
يعني المشكلة معظمها في الأقسام لأن القائمين عليها مش عايزين يساووا طلاب التعليم النظامي بطلاب التعليم المفتوح .. طب إيه أسبابهم؟
هم طبعًا شايفين إن طالب النظامي بيجيب مجموع إلى حد ما مرتفع في الثانوية العامة (في حدود 80%) ودرجاته في اللغة الإنجليزية مش أقل من 48/50 ده غير مجموعه في اللغات التلاتة إللي درسها إللي لازم ميقلش عن 70% بالإضافة إلى حضوره بانتظام خلال معظم أيام الأسبوع وأعمال السنة إللي بيتقيم من خلالها.. فطبعًا هم بيبقوا واثقين في طالب التعليم النظامي حتى لو جاب في الأربع سنين مقبول.. بس طبعًا مش معنى كده إنه لما يجيب مقبول يتسمحله بالماجستير لأنه لازم يجيب على الأقل جيد وإلا هيبقى آخره دبلومة.
طبعًا المقارنة هنا ظالمة جدًا لأن هم مش بيبصوا على الناس إللى بتجتهد في التعليم المفتوح وبتعتمد على نفسها وبتذاكر كويس.. كل إللي شايفينه إن الطلبة بيتعلموا على نفقتهم الخاصة ده غير نقطة تانية مش لصالح التعليم المفتوح خالص ومحدش واخد باله منها.. النقطة دي تتلخص في إن الدكاترة إللي بيدرسوا في القسم هم نفس إللي بيدرسوا في التعليم المفتوح مش كلهم طبعًا لكن مجموعة منهم.. فإللي بيحصل إن هم لما بيصححوا ورق الطلبة إللي هو العامل الوحيد لتقييمهم في التعليم المفتوح بيصعقوا من كمية الأخطاء اللغوية وضعف المستوى وإللي للأسف جزء كبير من الطلاب بيعانوا منه لأنهم مش كلهم مؤهلين أصلاً للدراسة في الكلية ومنهم إللي واخدها على إنها كورسات ومنهم كمان إللي مش بيذاكر غير آخر السنة فالنتيجة بتبقى إن مستواهم بيفضل ضعيف وبيخلوا الدكاترة يفتكروا إننا كلنا كده!!!! يعني الطالب المجتهد المتفوق بيتظلم بسبب الطالب الضعيف!
وطبعًا الدكاترة بينقلوا آراءهم دي للقسم والقسم طبعًا بيتمسك بموقفه أكتر لأنه مش عايز يدي حد ماجستير أو دكتوراة في اللغة الإنجليزية وهو مستواه ضعيف لأنه هيبقى صورة غير مشرفة.
وبما إن القسم متمسك بموقفه والمجلس الأعلى للجامعات مش فارقة معاه والمركز كل همه الفلوس هيفضل الوضع كده!!!
وصدقوني يا جماعة جامعة حلوان برضه بعض دكاترتها واخدين موقف من طلبة التعليم المفتوح.. هم مش بيقولوها صريحة لكن بتبان من بعض تصرفاتهم.. رغم إن حلوان مفيهاش آداب إنجلش تعليم مفتوح.. بس الدكاترة كلهم يعرفوا بعض والصورة دي منقولة للجميع.. ده غير إن كل إللي بيتخرج من التعليم المفتوح بيجي جامعة حلوان يقدم دراسات عليا لأنها المخرج الوحيد ليهم.. وهناك برضه الدكاترة بيكتشفوا مستوى بعض الطلبة الضعيف من خلال الامتحان الشفوي!!! فمش بياخدوا منهم كتير.. أنا لما كنت بقدم كان فيه ناس كتير جدًا تعليم مفتوح وخدوا منهم 3 بالعدد!!
بالنسبة للدبلومة أنا برجع أأكد إنها كانت دبلومة وبس ومكنش فيه تخصص ماجستير ترجمة لحد من سنتين وكان الموضوع قيد الدراسة لحد ما بقت تمهيدي ماجستير من سنتين بالظبط.. وإللي أعرفة إن هم كانوا بياخدوا خريجي تعليم مفتوح عادي أيام ما كانت دبلومة عشان كانت بتقبل جميع المؤهلات العليا.. أما خلال السنتين إللي فاتوا فاقتصر القبول على الحاصلين على مؤهل عالي في اللغة الإنجليزية.. وبرضه كان فيه ناس بتقدم تعليم مفتوح وبيقبلوا أوراقهم عادي لحد السنة الدراسية إللي فاتت.. بس هم مقبلوش السنة إللي فاتت غير طالبة واحدة من بين طلاب التعليم المفتوح على حد علمي.. ومن كلامكم كده واضح إنهم مقبلوش حد السنة دي خالص!!!
والموضوع كده كله على بعضه عايز وقفة وعدد كبير جدًا عشان يهتموا ويفهموا إنها مش مشكلة فردية!!
والمركز والمجلس الأعلى للجامعات هم الاتنين داخل جامعة القاهرة ولازم زيارة ليهم عشان يبقى فيه حل والناس إللي هتقدم السنة إللي جاية متصادفش نفس العراقيل!

[Honey Bunny 0]

أهلا ريما وكل سنة وانتي طيبة ‏
اولا بخصوص نظرة الدكاترة ففيه تناقض واضح
هو هو نفس الدكتور اللي بيدي اباع سيئ هو اللي قيم
ادابة امتحاني وجبت امتياز و جيد جدا أزن
‏ مش هيديني التقديرات دي جزافا ولا يعقل اني ‏
امارس الظلم واعمم.‏ ثانيا ‏
الثانوية ‏
العامة ‏
ليست ‏
مقياسا
‏ للدراسات العليا ع الاطلاق.‏ المعيار هو تفوق
الشخص في المجال الذي درسه.
تعلمين أن الكثي من النظاميين لايحضرون من الأساس
والكثير يرسي لعدة سنوات بالسنة النهائية وحدها؟
ومع ذلك تعطيه الكلية الأولويه!‏
وكأن علي الدولة أن تسقيه العلم بالملهقة
كطفل مدلل هذا ضد تكافؤ الفرص ريما و
ضد مبدأ الكفاءة.
لا أقول ألجميع يسجل بالدرلسات العليا ولكن
أقول من تنطبق عليه الشروط

[Ana Rema 0]

أهلاً Honey Bunny
وكل سنة وإنتي طيبة (:
بصي بالنسبة لنظرة الدكاترة، فأنا أقصد إن عدد إللي مستواهم ضعيف عندنا أكتر من عدد إللي مستواهم كويس.. فبيحصل تعميم.. يعني لو مثلاً الدكتور مسك 3 ورقات ورا بعض مستواهم سيء ومسك بعدهم ورقة مستواها كويس وهكذا.. أكيد نظرته بتبقى سلبية غصب عنه.. وهو بينقل نظرته دي للقسم.. والقسم بياخد موقف بسببها. يعني الدكاترة إللي بيدرسولنا مش بيبقوا قاصدين يحرمونا من الدراسات العليا.. بس هم بينقلوا للقسم تقييمهم للطلبة مش أكتر وهو بقى بيقوم بالواجب. والله كان فيه دكتور بتقول قبل كده إنها لقت طلبة بيحطوا النقطة إللي المفروض تبقى في نهاية الجملة في سطر جديد وكذلك الفاصلة كانوا بيبتدوا بيها السطر!!! وكان فيه دكاترة كتير بيعلقوا قدامنا وبيقولوا إن طلبة تعليم مفتوح مستواهم أقل من طلبة النظامي وإن هم لا يتفوقوا عليهم غير في الترجمة. بمعنى أصح إللي مستواه ضعيف عندهم هو الاستثناء.. أما إللي مستواه كويس
عندنا فهو الاستثناء.. أنا مش عايزة حد يزعل من كلامي.. بس بحبيت أنقل لكم
الصورة كاملة قدر الإمكان وأقول إن بعض الطلبة تسببوا جزئيًا في إللي
بيحصل ده لأن زي ما إنتوا شايفين باقى الكليات مفيهاش المشكلة دي.
بس صدقيني معظم طلاب نظامي مجتهدين جدًا أنا قرايبي كانوا آداب إنجلش تعليم نظامي وكل زمايلي في دبلومة جامعة القاهرة وتمهيدي ماجستير حلوان مستواهم كويس جدًا ومجتهدين جدًا.. وهم كمان عندهم أعمال سنة يعني لازم يحضروا كتير.. والدكاترة غصب عنهم عندهم ناس جايبة فوق ال80% في الثانوية العامة و48/50 على الأقل في الإنجلش و70% في اللغات التلاتة، ومعظمهم بيحضروا وبيقدموا أعمال سنة.. فلازم في الآخر هيعتبروهم هم إللي مؤهلين.. وعندهم ناس تانية بتحضر يوم واحد في الأسبوع إن حضروا أصلاً ومنهم إللي مؤهلات متوسطة وانقطعوا فترة عن الدراسة فمستواهم ضعيف في اللغة ومنهم إللي واخدين الموضوع على إنه كورس.. ومنهم إللي مبيذاكرش غير آخر السنة.. ومفيش أعمال سنة.. والورق آخر السنة نسبة كبيرة منه بيبقى فيها أخطاء مفجعة.. ففي النهاية طبيعي إن هم هيتحيزوا للطلبة النظاميين.
أنا عارفة إن إنتي وأنا وناس كتير ملهاش ذنب عشان كده لازم ناخد موقف! بس برضه أنا حبيت أتكلم عن أحد الأسباب الرئيسية للمشكلة وهي الطلبة عشان الناس تجتهد ويثبتوا إن طالب التعليم المفتوح مش أقل من طالب التعليم النظامي في شيء.

[Honey Bunny 0]

ثالثا عيب ع مؤسسات تمثل أرقي طبقات المجتمع
‏ أنها لا تحترم القانون الطالب لايصح أن يكون ضحية طوال
الوقت وفقط فأر تجارب بنجرب فوبنتلاعب بسمتقبل
وأعمار الناس؟ فين المسؤلية؟ هو الطالب اللي بيحط
النظام التعليمي و المعايير الأ كاديمية الحاكمة لهذا النظام؟
أم هي الجهات الحكومية المخولة بذلك؟وده اساسا يكون
وقته قبل انتظام الطلاب بالدراسة مش بعد ما يتخرجوا يصدموهم.
ولما يكون فيه معايير أكاديمية محترمة تطبق ع الجميع
مفروض ميكونش فيه النعرات الفارغة دي.
اما بخصوص الدكأترة فنظرتهم لينا لا تتعدي الخزنة ‏
اللي ‏
بتدر
المال ع الجامعة واعضاء هيئات التدريس ليس إلا!‏

[Honey Bunny 0]

ريما طلاب النظامي منهم كتير جدا لا يفقهوا شيئ
عن قواعد الإملاء في اللغة العربية وأنا شخصيا دارسة
ثانوية عامة واعلم تمام العلم ما أقول بالعكس
دي احتسب ميزة للمجتهد من المفتوح انتي درستي
الدبلومة وتعلمي بشكل أفضل انه مواد الدبلومة هي ذاتها ماكان يدرس
لنا في الليسانس مع اختلاف تناول كل دنتور للمقر
وتعلمي أيضا انه الطالب الشإوف للعلم لا يكتفي بكام ورقة في المحاضرات
ويمكن بيطلع ع ألكتاب كله من فرط فضوله وانا شخصيا مثال حي ع ذلك
ومعني انه تقديراتي مرتفعة معناه اني مش فاشلة
غير كده الدراسات العليا هي اختيار شخصي مش معقول
هنفرضها علي الجميع سواء نظامي او غيره
دي قدرات شخصية وفردية واختيارية في الوقت ذاته

[khaled38 0]

انا رأيي ماداموا بيعملوا امتحانات للقبول في تمهيدي ماجستير يبقى امتحان القبول ده يعتبر مرحلة فاصلة بين الليسانس والماجستير ومادام الامتحان ده مرحلة فاصلة يبقى المفروض الجميع يدخله واللي يثبت فيه كفاءته يبقى هو اللي يستحق بمعنى انهم مادام عملوا امتحان قبول يبقى الفيصل هو الامتحان ده والا مكنوش عملوه من الاساس وكانوا خدوا اعلى التقديرات في الكليات النظامية وخلاص.

[Honey Bunny 0]

وبصرف النظر عن اي شيئ وكل اللي قلته سابقا
التعليم حق مكفول للجميع وليس مقتصرا ع فئة محددة
لأجلها يهمش باقي الشعب الدولة بتقبل الطلاب الوافدين
من دول عربية معندهاش الميكس الغريب ده في المرحلة الثانوية زي هنا
معني ذلك انه بلدنا لا تحترم أبناءها كباقي الدول ليه؟!‏

[khaled38 0]

هو انتي لسة عارفة المعلومة دي؟وبتقوليها باستغراب اوي.ماهو معروف من زمان ان بلدنا ولا بيهمها طالب العلم ولا بتوفرله اي امكانيات وبتسهل لاي حد انه يحصل على شهادة وخلاص بدليل مستوى الثانوية العامة اللي موجود.
الدولة بتقول لطالب الثانوية العامة عايز تجيب مجموع طيب ياحبيبي ادي الامتحانات سهلة وجيب المجموع اللي انت عايزه وتلاقي ناس جايبة 100% وهما مستواهم يجيب 60% وتقوله عايز تدخل كلية طيب ياحبيبي ادخل وبعد كده تلاقي اللي يفشل في الكلية او اللي يجيب مقبول بعد مايقعد في الكلية سنين او اللي يتخرج وهو مش فاهم هو اتعلم ايه ولا يفقه شيء في تخصصه.
مش فاهم لحد امتى هايفضل التعليم كده؟اللي عايز ياخد شهادة ياخدها وفي الاخر يفضلوا الناس دي على ناس اختارت المجال اللي بتحبه بنفسها وكمان اجتهدت فيه وحققت تقديرات ويحرموهم من ابسط حق ليهم وهو انهم يكملوا دراساتهم العليا ويدوا الحق ده لنفس الطلبة اللي هما من الاساس بيجيبولهم امتحانات ثانوية عامة محدش يقدر يميز منها الطالب المتفوق من اللي مستواه بسيط.
انا مش بقول كده حقدا ولا تقليل من طلبة الثانوية العامة ولكن اذا كنت انت ياللي مسئول عن المنظومة التعليمية بتسهل الامر على طلبة الثانوية العامة في النجاح والتفوق كمان وبتسهله الحصول على مؤهل عالي وكمان بتسهله تكملة الدراسات العليا فمن باب اولى تدي ابسط حق للناس اللي اختارت المجال ده بنفسها واللي انتم نفسكم وفرتولهم حاجة اسمها تعليم مفتوح عشان يكملوا فيه دراساتهم والا يبقى فعلا التعليم المفتوح ماهو الا خدعة للحصول على المال من ناس بيحلموا يكملوا دراساتهم اللي اتحرموا منها لاي ظروف او اي اسباب.

[Honey Bunny 0]

متفقة معاكي في الرأي أصلا كان مفروض
يكون الهدف من المقابلة الشخصية
والامتحان التحريري اللي بيوقع ع
طلاب الترجمة قبل الالتحاق بمثابة تصفيات
عشان منرجعش نحط واحد فاهم مع ‏
الف من اللي مش فاهمين ونرجع نقول ده نظام فاشل
الهدف من الامتحانات دي فعليا كان تنزيف جيوب
المواطنين مش احتبار قدرات وزي ما ذكرتي
لما كل مرحلة ليها اختبار وتصفيات ليه السخافة؟ي
انا مش مستغربة ولا أول مرة أعرف ريما
لكن مصدومة والله العظيم!‏

[Honey Bunny 0]

تنظيف جيوب المواطنين*‏
قطع ال إي فايف وحروفه....‏ خلاص مش عارفة اميز
حروف الموبايل المنمنمة دي أكتر من كده هتحول هههههههههه

[khaled38 0]

ولا يهمك كلامك واضح وبنقراه كويس.
هوني على نفسك وان شاء الله المشكلة تتحل وتكملي دراساتك زي مانتي عايزة.ان شاء الله بكرة يكون احسن من امبارح والمسئولين يحطوا خطط لحل جميع المشاكل التعليمية باذن الله ويحلولنا المشكلة دي في اسرع وقت.

[Honey Bunny 0]

ع اي حال انا متابعة معاكم ان شاء الله و أتمني الاجتماع
يثمر عن شيئ مفيد لينا كلنا مش قرارات عشوائية ينتج عنها تمييز
داخل النظام الواحد زي ما بتوقع انا لانه المعروف
انه النليات هي اللي ببتقدم بطلب لفتح برامج تعليم مفتوح بها
وبناءا ع ضلك المفروض يلتزموا بالقواعد والحقوق المترتبه
عليه محدش غصبهم واحوال السادة الاساتذة المادية
ملهاش علاقة بالمخرج الاكاديمي اذا اعتبرنا انه ضميرهم ‏
صاحي

[mahinoor 0]

صدقتي ....

[Asmaa Rashwan 0]

جزاكم الله خيرا على المعلومات

[Ana Rema 0]

يا جماعة متزعلوش إن شاء الله خير: (إن الله لا يضيع أجر من أحسن عملاً)
وخليكم واثقين أنكم طالما اجتهدتم ربنا هينصفكم إن شاء الله وعمر حقكم ما هيضيع. ربنا يسهل إن شاء الله والاجتماع بتاع المجلس الأعلى للجامعات يسفر عن نتائج إيجابية.

[abo nooh 0]

إن الله لا يضيع أجر من أحسن عملا

[abo nooh 0]

Honey Bunny كتب:

ع اي حال انا متابعة معاكم ان شاء الله و أتمني الاجتماع
يثمر عن شيئ مفيد لينا كلنا مش قرارات عشوائية ينتج عنها تمييز
داخل النظام الواحد زي ما بتوقع انا لانه المعروف
انه النليات هي اللي ببتقدم بطلب لفتح برامج تعليم مفتوح بها
وبناءا ع ضلك المفروض يلتزموا بالقواعد والحقوق المترتبه
عليه محدش غصبهم واحوال السادة الاساتذة المادية
ملهاش علاقة بالمخرج الاكاديمي اذا اعتبرنا انه ضميرهم ‏
صاحي

السؤال

هل أثمر الإجتماع عن شيء ؟

[somya 0]

شكرا

[moelgendy78 0]

[abo nooh 0]

يا جماعه فين محمد سيد أخونا اللي إفتتح هذا الموضوع يا ربي يطمنا عليه هو كان صاحب السبق في هذا الموضوع



وياريت نشوفه او نسمع عنه - إنتا فين msmsz ؟

[hayam10 0]

انت مش عارف الموضوع اللى انت كتبته ده كان مهم بالنسبة ليه اد ايه . لو مفيهاش ازعاج بالنسبة ليك ممكن ترسل رقم تليفونك لأنى عايزة أستفسر منك على شوية حاجات . بس انا ان شاء الله هروح بكرة الكلية وأسأل على كل حاجة بس يارب الموضوع ما يتعقدش عموما ده الاكونت بتاعى على الفيس بوك لو ممكن تضيفنى وتراسلنى عليه .
https://www.ممنوع وضع روابط الفيس بوك /profile.php?id=650420964&ref=tn_tnmn
منتظرة منك الرد ضرورى تبقى عملت فيه خير كبييييييييييييير
هيام عبد التواب
خريجة اداب انجليزى تعليم مفتوح دفعة 2010

[hayam10 0]

ياريت لو ممكن تراسلنى انا عايزة اتكلم مع حد يكون قدم بالفعل بعد إذنك
انا هيام عبد التواب

[Michael 0]

المشكلة في الماجستير هنا في مصر هو التعقيد ، الاساتذة مش بتدي لحد الدرجة بسهولة خالص مع العلم بان مستوي التعليم متردي في مصر جدا

[Hussein1974 0]

الأستاذة هيام أهلا بيكي في المنتدى.ياريت تقري الموضوع كله من أوله وإن شاء الله تلاقي إجابات على أسئلتك.

[نفرتارى 0]

ياريت لو حد يقدر يرفع فى ملفبعض اسئلة المقابلة الشخصية وامتحان القبول بتمهيدى ماجستير اداب انجليزى حلوان وشكرا لكم أصدقائى

[muhammad helmy 0]

من فضلكم عايز اعرف امتحان القبول تمهيدي ماجستير ترجمه حلوان عباره عن ايه ؟!!! والناس اللي في التمهيدي دلوقتي يا ريت يفيدوني بامتحان السنه اللي فاتت !

[reda mostafa 0]

واضح انه مفيش حد قدم فى الماجستير ترجمه حلوان

ننتظر يمكن يكون زميل هنا قدم للدراسات العليا جامعه حلوان ترجمه

[Hussein1974 0]

في زميلة و زميل هنا في المنتدى اتقبلوا لكن مش بيدخلوا للاسف وطبعا نتمنى تواجدهم بينا لكن عموما الموضوع ككل فيه تفاصيل مهمة ومفيدة للجميع كان منزلها كاتب الموضوع اللي نتمنى انه يحالفه التوفيق في المرة اللي جاية وكذلك الزميلة ريما اللي اتقبلت في امتحان القبول كانت منزلة معلومات مفيدة بس ياريتهم يدخلوا تاني للرد على تساؤلات الزملاء.

[Ana Rema 0]

لو حد عنده سؤال يا جماعة يتفضل. وأنا هتابع معاكم إن شاء الله على قد ما أقدر.
هجاوب مؤقتًا عن السؤال المتكرر عن امتحان القبول:
امتجان القبول جزئين: شفوي وتحريري
والامتحان التحريري بيكون الأول وبينقسم لجزئين جزء نظري وجزء عملي الجزء النظري غالبًا بيكون سؤال في اللغويات أما الجزء العملي فبيبقى ترجمة لباسدجين وفي الغالب بتكون واحدة عربي وواحدة إنجلش.
بعد انتهاء الامتحان الطلبة المتقدمين للماجستير بيطلعوا يمتحنوا الامتحان الشفوي في قسم اللغة الإنجليزية.. وإللي بيعمل الامتحان كل سنة دكاترة القسم إللي بيدرسوا في برنامج الماجستير. وبالنسبة للأسئلة الشفوي بتختلف من دكتور للتاني بس في الغالب معظم الدكاترة بتسأل الطالب عن سبب رغبته في الالتحاق وبعد كده بيسألوه في الغالب سؤال في اللغة أو الترجمة.
درجات النجاح في الامتحانين 14 وكل سنة بيتقبل 20 طالب ولو زاد العدد عن كده بيبقى 21 أو 22 بالكتير عشان بيعملوا حسابهم إن احتمال طالب أو اتنين ميكملوش. وطبعًا لو عدد الطلبة إللي مقدمين كبير وعدد إللي جابوا 14 أعلى من المطلوب بيتقبل الطلبة إللي جابوا أعلى درجات.
ونتيجة الامتحان بتتعرف بعد أسبوع.. بس إحنا لما نتيجتنا بانت مكنش فيه درجات.. كان فيه كشف بأسماء المقبولين متعلق جنب مكتب شئون طلبة الدراسات العليا وبس.

[retaj 0]

لو سمحتى ايه هى الاسئله اللى فى اللغويات فى الامتحان التحريرى ؟

[Hamdy Tawfik-manar9 0]

Ana Rema كتب:

لو حد عنده سؤال يا جماعة يتفضل. وأنا هتابع معاكم إن شاء الله على قد ما أقدر.
هجاوب مؤقتًا عن السؤال المتكرر عن امتحان القبول:
امتجان القبول جزئين: شفوي وتحريري
والامتحان التحريري بيكون الأول وبينقسم لجزئين جزء نظري وجزء عملي الجزء النظري غالبًا بيكون سؤال في اللغويات أما الجزء العملي فبيبقى ترجمة لباسدجين وفي الغالب بتكون واحدة عربي وواحدة إنجلش.
بعد انتهاء الامتحان الطلبة المتقدمين للماجستير بيطلعوا يمتحنوا الامتحان الشفوي في قسم اللغة الإنجليزية.. وإللي بيعمل الامتحان كل سنة دكاترة القسم إللي بيدرسوا في برنامج الماجستير. وبالنسبة للأسئلة الشفوي بتختلف من دكتور للتاني بس في الغالب معظم الدكاترة بتسأل الطالب عن سبب رغبته في الالتحاق وبعد كده بيسألوه في الغالب سؤال في اللغة أو الترجمة.
درجات النجاح في الامتحانين 14 وكل سنة بيتقبل 20 طالب ولو زاد العدد عن كده بيبقى 21 أو 22 بالكتير عشان بيعملوا حسابهم إن احتمال طالب أو اتنين ميكملوش. وطبعًا لو عدد الطلبة إللي مقدمين كبير وعدد إللي جابوا 14 أعلى من المطلوب بيتقبل الطلبة إللي جابوا أعلى درجات.
ونتيجة الامتحان بتتعرف بعد أسبوع.. بس إحنا لما نتيجتنا بانت مكنش فيه درجات.. كان فيه كشف بأسماء المقبولين متعلق جنب مكتب شئون طلبة الدراسات العليا وبس.

شكرا علي المعلومات القيمة Ana Rema

[مجدى جلال 0]

أستاذ حمدي جزاك الله خير أنا كنت عايز اعرف دا ممكن يدخلو بعد التخرج طيب وعادي لخريج التعليم المفتوح جامعة القاهرة كمان لازم يكون تقدير ك كام عشان تتدخل ولا مش شرط

[Hussein1974 0]

ايوة خريج ترجمة انجليزي تعليم مفتوح جامعة القاهرة ليه تكملة ماجستير في اداب حلوان بشرط حصوله على تقدير جيد على الاقل واجتيازه لامتحان القبول بتمهيدي الماجستير بالشروط اللي بتحددها الكلية واللي مشروحة في الموضوع وفي رسالة الزميلة ريما.

[Ana Rema 0]

retaj كتب:

لو سمحتى ايه هى الاسئله اللى فى اللغويات فى الامتحان التحريرى ؟

بصراحة مش فاكرة نص السؤال بالظبط لكن إللي فاكراه إنه كان سؤال مش متخصص بيسأل عن أهمية دراسة اللغة.

[retaj 0]

[Ana Rema 0]

HAMDY كتب:

Ana Rema كتب:

لو حد عنده سؤال يا جماعة يتفضل. وأنا هتابع معاكم إن شاء الله على قد ما أقدر.
هجاوب مؤقتًا عن السؤال المتكرر عن امتحان القبول:
امتجان القبول جزئين: شفوي وتحريري
والامتحان التحريري بيكون الأول وبينقسم لجزئين جزء نظري وجزء عملي الجزء النظري غالبًا بيكون سؤال في اللغويات أما الجزء العملي فبيبقى ترجمة لباسدجين وفي الغالب بتكون واحدة عربي وواحدة إنجلش.
بعد انتهاء الامتحان الطلبة المتقدمين للماجستير بيطلعوا يمتحنوا الامتحان الشفوي في قسم اللغة الإنجليزية.. وإللي بيعمل الامتحان كل سنة دكاترة القسم إللي بيدرسوا في برنامج الماجستير. وبالنسبة للأسئلة الشفوي بتختلف من دكتور للتاني بس في الغالب معظم الدكاترة بتسأل الطالب عن سبب رغبته في الالتحاق وبعد كده بيسألوه في الغالب سؤال في اللغة أو الترجمة.
درجات النجاح في الامتحانين 14 وكل سنة بيتقبل 20 طالب ولو زاد العدد عن كده بيبقى 21 أو 22 بالكتير عشان بيعملوا حسابهم إن احتمال طالب أو اتنين ميكملوش. وطبعًا لو عدد الطلبة إللي مقدمين كبير وعدد إللي جابوا 14 أعلى من المطلوب بيتقبل الطلبة إللي جابوا أعلى درجات.
ونتيجة الامتحان بتتعرف بعد أسبوع.. بس إحنا لما نتيجتنا بانت مكنش فيه درجات.. كان فيه كشف بأسماء المقبولين متعلق جنب مكتب شئون طلبة الدراسات العليا وبس.

شكرا علي المعلومات القيمة Ana Rema

عفوًا.

[Ana Rema 0]

retaj كتب:

You are most welcome.

[Ana Rema 0]

على فكرة أنا لسه عارفة دلوقتي إن الامتحان التحريري يوم 30/9 وإن الشفوي هيبقى في يوم لوحده.

[retaj 0]

Ana Rema كتب:

retaj كتب:

You are most welcome.

شكراana rema انا كنت عايزه اسئل عن مواد السنه التمهيديه  للماجيستير ؟ وهل دراستك فى دبلومه الترجمه افادتك فى الامتحان التحريرى والشفوى فى جامعه حلوان

[Ana Rema 0]

بالنسبة لمواد السنة التمهيدية هم 7 منهم واحدة إجباري: طرق بحث و6 بتختاري منهم 4:
Sociolinguistics
Pragmatics
ESP
Stylistics
Translation Theories

بالنسبة لدراستي في الدبلومة والكلية فادتني في الامتحانات لكن للأسف مفادتنيش في مواد التمهيدي لأن مواد الدبلومة ملهاش علاقة بمواد السنة التمهيدية خالص. بصراحة في حلوان الماجستير اسمه لغويات وترجمة لكن ملوش علاقة بالترجمة خالص كله لغويات. أما مواد دبلومة الترجمة ال16 إللي أنا درستهم فكانوا أسهل كتير من ال5 مواد بتوع التمهيدي لأنهم ببساطة امتداد لدراستي في آداب إنجلش تعليم مفتوح وبالتالي كان عندي فكرة كبيرة عنهم. كمان بالنسبة للي عايز يشتغل مترجم دبلومة الترجمة أفضل وأعتقد دلوقتي بقى ينفع التسجيل بعدها في الماجستير في جامعة القاهرة طبقًا للايحة الجديدة وطبعًا أفضل منها كمان دبلومة الترجمة بتاعت AUC. أما إللي عايز يشتغل في التدريس، فالماجستير في جامعة حلوان أنسب له.

[retaj 0]

 
ربنا يوفقك فى الماجيستير يارب وتاخديه بدرجه امتياز

انا فى تيرم سابع كان نفسى ادخل دبلومه الترجمه بس خايفه من الامتحان الشفوى لانى باسمع انهم بيسقطوا ناس كتير