ماجستير آداب انجليزي (شعبة ترجمه) فقط بجامعة حلوان

[Ana Rema 0]

الزميل msmsz
شكرًا جزيلاً لكل مساهماتك القيمة.. وأتمنى لك النجاح والتوفيق العام القادم بإذن الله..
إحنا فعلاً كنا محتاجين الجدول.. بس أنا أول مرة أشوف محاضرات دراسات عليا الصبح بدري كده.. رينا يسهل والواحد يعرف يحضر.. بس معندكش فكرة المحاضرات هتبدأ يوم كام بالضبط؟ أصل مفيش أي تواريخ في الجدول.

[abo nooh 0]

شكرا جزيلا ana

إنك لم تقصري بالتوضيح دائما



الله يرعاكم لكل خير يا رب

[abo nooh 0]

أحسنت اخي محمد سيد

و ربنا يوفقك لكل ما تطمح إليه



وتتوفق في الوظيفه والدراسه معا بإذن الله

[abo nooh 0]

passege هذا صح ؟

أو passedge

[Ana Rema 0]

@ k.salem
عفوًا يا خالد.
وده هجاء كلمة باسدج: passage

[abo nooh 0]

thanks alot



ana rema

[Ana Rema 0]

You are most welcome, Khaled.

[msmsz 0]

الزميلة Ana Rema
انا سألتهم في الجامعه عن تواريخ المحاضرات فردت الموظفة المسؤلة في الشؤون الإدارية الخاصه بالدراسات العليا بأنها سوف تبدأ من بداية شهر اكتوبر القادم
يعني تقريبا من بداية الاسبوع الماضي
يجب ان تتصلي بهم لمزيد من التأكيد
ارجوكي لا تبخلي علينا بالكتب والمحاضرات المقرره اذا كان من الممكن وضعهم في الانترنت
بالتوفيق مقدما
السلام عليكم

[Ana Rema 0]

الزميل Msmsz
شكرًا جزيلاً لاهتمامك.. بس أنا للأسف لما سألتهم ساعة النتيجة قالولي إنها مش هتبدأ الأسبوع إللي بعد ظهور النتيجة.. يعني واضح إن كلامهم متضارب.. أنا كمان اتصلت بيهم من يومين وكالعادة طلعت عيني عشان يردوا وفي الآخر الموظفة قالت لي إنها متعرفش إذا كانت المحاضرات ابتدت ولا لسه! عالعموم رينا يسهل إن شاء الله وأحضر من الأسبوع ده.. ومتقلقش إن شاء الله أنا هحتفظ بالكتب والمحاضرات لآخر السنة وممكن أسيب نسخة منهم في مكتبة من مكتبات جامعة القاهرة وإللي عايزهم يصورهم من هناك.. ولو لقيت نسخة إلكترونية من الكتب المقررة هنزل اللينك بتاعها هنا وربنا يسهل.

[abo nooh 0]

اولا مبروك للاخت ريمي انك قبلت ببرنامج الماجستير

والسؤال الكتب اللي تتكلموا عنها هي متعلقه بمرحله الماجستير



وشكرا

[abo nooh 0]

هي الكتب تباع فقط لطلبه الماجستير ؟

[Ana Rema 0]

الله يبارك فيك يا خالد. بالنسبة للكتب، مش عارفة حاجة عنها لسه بس إن شاء الله أول لما أعرف إيه النظام هبلغكم.

[abo nooh 0]

ربنا يوفقك



ونحن بانتظارك ولاخبارك بالقبول والتوفيق والرضا والسداد والتيسير

كل من عند الله عز وجل

[froh 0]

مبروك يا Rema وشكرا افادتك لنا بكل جديد لديك ولا ننسى ان نشكر الزميل العزيز الذى له السبق والفضل فى ان عرف العديد من زملاء المنتدى اى الطرق يسلكون لنيل درجة الماجستير ... بعد ان عانى فى البحث فى العديد من الجامعات ....لك منا جزيل الشكر يا اخى Msmsz ... تمنياتى لكم بالتوفيق ودوام التواصل معنا ... بارك الله فيكم واعانكم ...

[abo nooh 0]

أحسنتي بكلامك الرائع يا فروح froh وبارك الله في محمد سيد

و هو هيوصل لمبتغاه باذن الله لاننا كلنا بندعي له

وربنا يوفق يايمي دائما

وكل شباب المنتدى ويرزق كل امانيه وتكون عونا على طاعته

[abo nooh 0]

واقول لمحمد سيد

إن كل تاخيره فيها خيره



ولا يعلم احدنا الخير فين فالتاخير احيانا يكون لمصلحه ابن ادم

اذا سلم للقدر

[Ana Rema 0]

@ froh
الله يبارك فيكي وشكرًا جزيلاً (: وشكرًا خالد. وربنا يوفق الزميل msmsz
إن شاء الله ويحقق له كل أمنياته.
أنا بصراحة كنت أعرف موضوع إن فيه ماجستير في جامعة حلوان من سنين بس كنت مستبعدة الفكرة عشان الجامعة بعيدة قويييييي عن بيتي. بس لما محمد جاب معلومات كتير عن الموضوع شجعني فعلاً وقلت أجرب حظي فيها بدل ما أعيد دبلومة جامعة القاهرة عشان تتحسبلي تمهيدي ماجستير. لأن موضوع إعادة سنتين ده ممل .قوي ربنا يسهل بس والواحد يعرف يحضر المحاضرات إللي من 8 الصبح دي

[khaled38 0]

تذكري ياريما يومًا تحصلين فيه على الماجستير،أو الدكتوراه،حينئذٍ ستهون عليك كل الصعاب في سبيل الوصول إلى ذلك اليوم.
مع أرق أمنياتي لك بصبرٍ جميلٍ حتى تحققي هدفك.

[Ana Rema 0]

معاك حق يا خالد.. أي تعب يهون عشان الإنسان يحقق هدفه.. خصوصًا إذا كان هدفه ده طلب العلم.. وشكرًا جزيلاً لتشجيعك. وربنا يحقق لك كل أمنياتك.

[khaled38 0]

شكرًا ياريما على دعائك،لكن الشكر الحقيقي ليكي ولمحمد وكفاية المعلومات اللي كتبتيها هنا لإرشادنا جميعًا وكفاية كمان اهتمامك بالرد دايمًا على الجميع ومشاركتك لينا.
إن شاء الله موفقة في تحقيق آمالك وأهدافك.

[Ana Rema 0]

عفوًا يا خالد.. ربنا يوفقك.. وأتمنى كل الزملاء يستفيدوا من المعلومات المكتوبة في الموضوع وربنا يوفق الجميع. وشكرًا لدعائك.

[Honey Bunny 0]

السلام عليكم جميعا ومبارك عليكم العيد وعساكم من عواده
اولا مبروك لكل الناجحين في التمهيدي وللأ الكريم الفاضضل صاحب الموضوع خالص الدعاء بالتوفيق في المرات القادمة.‏ لكن عوزة اقول لكل زملائي في اداب ترجمة انجليزي انه الحقوق تنتزع احنا و دار علوم واقع علينا ظلم كبير جدا انا اتخرجت بجيد جدا وتقدمت للماجستير بجامعة المنصورة ورفضت لاني خريجة تعليم مفتوح وتم ‏
جامعة القاهرة اللي اتخرجت منها بترفضنا هي كمان مفيش غير حلوا
ودي تبعد عن المنصورة مسافة رهيبة ومحدش من اهلي ولا اي حد عاقل
هيسمحلي اسافر ادرس فيها في ظل الوضع الحالي ‏
عوزة من الجميع وقفة قوية للحصول ع حقوقنا والا هتواجهوت
نفس المصير المؤلم طبعا مفيش داعي اخوض في تفاصيل محبطة
وبالتوفيق للجميع يا رب ‏.

[Honey Bunny 0]

السيد الوزير بصدد تعديل الشهادات وبعض القرارات الهامة
بشأن التعليم المفتوح ولكن اللي اتخرجوا والدارسين بكليتنا تحديجا

سايبنهم يخبطوا مع الموظفين بدون ادني مراعاة لحقوق البشر
منتهي الاستهتار علما بانه تجارة وحقوق واعلام مفيش ‏
فيهم اي مشاكل خالص الطالب المجتهد بيكمل بدون مت ‏
يسمع تعليقات سخيفة زي اللي بيسمعها بتوع أداب حسبنا الله ونعم الوكيل

[abo nooh 0]

أهلا اخت honey bunny

وكل عام وانتي بخير وشكرا على التوضيحات اللي قلتيها

وعندي سؤال

جامعة القاهرة اللي اتخرجت منها بترفضنا

هل جامعه القاهره رفضت قبولكم لانك تخريج تعليم مفتوح

ام كان لسبب اخر

و ربنا يقدملك ما فيه الخير

وحقق امانيك

ان شاء الله

[Honey Bunny 0]

نعم يا أخي الفاضل رفضنا لاننا تعلم مفتوح وردت مسؤلة القسم حرفيا انتوم عاوزين تساووا نفسكم بالطالب النظامي اللي متبهدل طول السنة؟ م
فسألنا هل لو عملنا الدبلومة وهي تؤهل للماستر هتخلونا نكمل اذا حصلنا فيها ع تقدير مرتفع ؟
قالت حتي لو حصلتم ع امتياز وانتم خريجي مفتوح مش هوافق ‏
لكم تكملوا ماستر هنا وقابلت وكيلة الوزارة في المجلس الاعلي
للجامعات قالت انتي جايه تحاسبينا؟ هو حقك بس مش هنعملك ‏
حاجة تخيل؟

[Honey Bunny 0]

عذرا ع الاخطاء الكتابية لاني داخلة بالموبايل

[ATOMIX 0]

تفائلوا خيرآ إن شاء الله قرارات الوزير تكون بنائه ومساويه فى جميع الحقوق لكافة الكليات

[abo nooh 0]

كل ما أريده منك هو عدم الاحباط ولا الياس وأن تظلين تحاولين حتى لو بحلوان مستقبلا

وان الله لا يضيع اجر من احسن عملا

واكيد في يوم من الايام راح يكون في حل لك ولنا جميعا

ان شاء الله

والصبر ان شاء الله طريق لتحقق المطالب

وربنا معنا جميعا honey

[khaled38 0]

ياجماعة الموظفين اللي بيتكلموا يالاسلوب الرديء ده ماهم الا الات لتنفيذ الاوامر فطبعا حتى لو اسلوب الموظف مش كويس لازم نعرف انه ولا يقدر يعمل حاجة وحتى وكيلة الوزارة اللي بتتكلم بتناكة دي ولا ليها اي سلطة ولا قرار لانها لو ليها سلطة مكنتش تتكلم باسلوب غبي كده.
على فكرة الزميلة ريما كانت قالت انهم في جامعة القاهرة حولوا الدبلومة الى تمهيدي ماجستير وسمحولنا بالتكملة في الجامعة من السنة اللي فاتت.

[khaled38 0]

الحقيقة احنا من حقنا نكمل في جميع الكليات بما فيها كلية الالسن والا كانوا نزلوا تنبيه قبل التقديم من الاول ان خريج التعليم المفتوح مش من حقه يكمل دراسات عليا لان ده يبقى اسمه خداع لترويج التعليم المفتوح.

[Honey Bunny 0]

الاخ خالد انا حديثة التخرج اخر دفعة اتخرجت من الكلية يعني
ثانيا لو شفت موضوعاتي هنا هتعرف انه الدبلومة بتاعة جامعة القاهرة تؤهل للماجستير من سنوات وكلامي يا أخ خالد اللي حكيته ده حصل السنة دي
مش من سنين وكلمت عميد اداب القاهرة قاللي
لسه هندرس الموضوع وعميد اداب المنصورة قاللي ارفعي قضية ع الجامعة
ونائب رئيس جامعة المنصورة للدراسات العليا ملعلي
بحاجة غريبة انه الشهادات بتاعتنا دي وجدت من باب ‏
الثقافة وليست مؤهل أكاديمي يعتد بيه مش عوزة ‏
افتكر كمية الردود السخيفة اللي سمعتها لكن انا بعت الشكوي
للوزير وبعتها تاني زي ما هي لجامعة المنصورة وأشروا عليها بالتأجيب
المفروض نجيب مين اعلي من الوزير برأيك؟
بيقولولي لازم الاعمي للجامعات يبعت قرارت
مكتوبة بهذا الشأن ده محصلش مش هنوافقلكم
الاعمي للجامعات بيقول انه دي مشكلة فردية!!!‏
متفكرش اني ساكتة وهادية يعني انا حاسة بظلم غير مبيعي
الاستاذ خالد سالم ويارب يكون تخميني للاسم الاول مظبوط
حلوان بعيدة جدا عن المنصورة واذا أضفنا العبء
الدراسي وظروف السفر هتعرف انه الموضوع تعجيزي
مش أكتر!‏

[khaled38 0]

انتي مش لازم تتحركي لوحدك.لازم مجموعة كبيرة مننا تتحرك وتقابل الوزير لان انا باعتبر ده اهم واخطر موضوع يخصنا كخريجي تعليم مفتوح والا تبقى شهادتنا غير معترف بيها ويبقوا كده فعلا خدعونا من الاول بعدم تنبيهنا بالامر الخطير ده.
لو مخدناش قرار جماعي واتحدنا هتكون فعلا مشكلة فردية زي ماقالوا ومش هايعملوا حاجة.احنا بنطلب حق احنا نستحقه مش بنطلب حاجة هتكلف البلد مبالغ او هاتضر حد تاني بالعكس ده حقنا ولازم نصر عليه.

[Honey Bunny 0]

بالضبط كده انا مش عوزاكم تواجهوا القرف اللي احنا
شوفناه يعني كل ما اتخيل انه الكلية اللي اتخرجت منها مش معترفة بيا
ولا اي جامعة مش عارفة اوصلكم احساسي
ايه ومعرفش اي منطق يقول انهم يقلبلوا خريجي
الجامعات الاستثمارية بدون اي مشكلة والطالب النظامي الفاشل
‏ ومستتنفذي مرات الرسوب ويحرموا طالب اجتهد ذاتيا ‏
عشان يحقق طموحه بدون مساعدة منهم من اي نوع
ماديا او أكاديميا
لازم ‏
الكل ‏
يتحرك ‏
حقوقنا ‏
مفيش ‏
مسؤل ‏
هينعم ‏
علينا ‏
بيها

[khaled38 0]

طيب لازم نستشير بعض ونقرر هنعمل ايه وازاي نوصل كلامنا لاكبر عدد من الطلاب عشان نتقابل ونوصل كلامنا وطلبنا للوزير او لاعلى مستوى.
يعني انا شايف مثلا اننا نتجمع يوم جمعة في المركز لان اليوم ده بيتجمع فيه عدد كبير من الطلبة ونحاول نكلم الطلبة ونحصد اكبر عدد منهم.
واللي ليه راي تاني او وجهة نظر تانية في تجميعنا يقولها عشان نتفق على انسب راي ونحاول نشوف حل للمشكلة.

[Honey Bunny 0]

لازم تقابلوا الوزير بعدد كبير من الطلاب
وتطلبوا منه هو وامين عام المجلس الاعلي للجامعات بنشر تعميم بأحقية خريجي
المفتوح المنطبقةةعليهم الشروط المنصوص عليها
في الدراسات العليا وأعني كليأت الاداب لانه باقي الكليات لا تواجه المشكلة دي مفيش غيرنا احنا ودار علوم اللي في الوضع السخيف ده
الموظفين بيخالفوا القانون بكل بجاحة بعلم رؤساء الجاامعات وعمداء
الكليات لازم ينشروا تعميم بأحقيتنا في زالدراسات العليا ع طافة اجامعات
‏ وع موقع المجلس الرسمي

[Honey Bunny 0]

فيه جلسة هتنعقد للمجلس الاعلي للجامعات بخصوص
التعليم المفتوح بعد العيد وطبعا الناس اللي ما اتخرجوش
زينا شهاداتهم هتتعدل وهتزيد ايام الدراسة ووولكن احنا اللي ‏
اتخرجنا وطالبنا بكل ده واتخرجنا واحنا بنطالب بالتعديل
‏ همشنا تماما وملناش اي حقوق
وبرأيي الدراسات العليا هي اهم شيئ لكن كليات أداب ودار علوم
حريجيها هيضيعوا اذا فضلوا نايمين كده مش فاهمين حاجة

[Honey Bunny 0]

الاخ K Salem و الأخ خالد انا بجد مش داخلة عشان انشر
الاحباط في جنبات المنتدي وبعتذر عن فظاعة اللي ذكرته ‏
لكن دي الحقيقة وكل قصدي انه أنبه زملائي واللاحقين
عشان منكررش المآساة دي يا ريت تشوفوا المنظور الايجابي
‏ في كلامي لانه انا شخصيا مش عارفة أشوفه ان وجد أصلا
بحاول اصبر واهدي نفسي لكن قدراتي خانتني في الموضوع ده تعبت
بصراحة سامحوني معلش وانتبهوا لمستقبلكم المسؤلين منفصلين تماما عن مشاكل الناس اللي هما أصلا سببها!‏

[khaled38 0]

خلاص احنا نستنى الجلسة دي ونشوف ايه نتايجها وبعدها نشوف هنعمل ايه ان شاء الله.
يمكن يدونا حقنا اللي هايخلي شهادتنا معترف بيها بجد مش مجرد شهادة وخلاص.
انا رايي ان الدراسات العليا هي الضمان الوحيد اللي يخلي شهادتنا معترف بيها.
نتمنى تكون نتايج الجلسة دي في صالح الجميع وربنا يوفقنا جميعا.

[khaled38 0]

Honey Bunny كتب:

الاخ K Salem و الأخ خالد انا بجد مش داخلة عشان انشر
الاحباط في جنبات المنتدي وبعتذر عن فظاعة اللي ذكرته ‏
لكن دي الحقيقة وكل قصدي انه أنبه زملائي واللاحقين
عشان منكررش المآساة دي يا ريت تشوفوا المنظور الايجابي
‏ في كلامي لانه انا شخصيا مش عارفة أشوفه ان وجد أصلا
بحاول اصبر واهدي نفسي لكن قدراتي خانتني في الموضوع ده تعبت
بصراحة سامحوني معلش وانتبهوا لمستقبلكم المسؤلين منفصلين تماما عن مشاكل الناس اللي هما أصلا سببها!‏

بالعكس انتي بتفوقينا على الحقيقة وده شيء نشكرك عليه ومتقلقيش لسة في ناس مش بتيأس ولا بتحبط وتقدر تستحمل المتاعب وعندها امل كبير في بكره انه يكون احسن وانا شخصيا باشكرك وبتمنالك توصلي لاعلى درجات العلم وتحققي امالك لان ده حقك.

[Honey Bunny 0]

جزاك الله خيرا خالد ده واجبي ولا داعي للشكر

[abo nooh 0]

لا يوجد أي شي من كلامك أخت يدل على نشر الاحباط

بل بالعكس هي صيحه نذير لنا ولكل الشباب ليطالبون بحقوقهم

وحقهم بالاستكمال

انابتعبر كلامك هو تنبيه لنا أما لنطالب بحقوقنا او نشوف طريق اخر نواصل فيه

وكلنا يرجو ذلك

ربنا يوفقك ويحقق للجميع ما يرضاه

فينك يا خالد38

مش باين ؟

[abo nooh 0]

الاستاذ خالد سالم ويارب يكون تخميني للاسم الاول مظبوط


تخمينك صحيح يا طيبه يا محترمه

واريد افيدك ان الدكتور ممدوح الكيناني عميد كليه التربيه بمصربجامعه المنصوره

هو دكتوري السابق في كليه التربيه عندما كان بالكويت ولو تبين ممكن اكلمهو لك عندما انزل مصر ليشوف لك حل مع كليه الترجمه لو تبينها

وكل شي له طرقه وحلوله

ومخارجه و وسائله

[Honey Bunny 0]

الأخ خالد سالم جزاك الله خيرا ع كلامك وتشجيعك ليا
عوزة أقول انه تخصصنا تابع لكليات الآداب او كلية الألسن في مصر ‏
او لغات وترجمة أزهر
لكن المشكلة هي نظرة الاساتذة نفسهم للنوع ده من التعليم
بيفضلوا طاالب نظامي فاشل حاصل ع مقبول ‏
في ‏
اربع ‏
سنين
او يزيد ورافضين تماما واحد اجتهد دون اي مساعدة
هل ده يليق او يتوافق مع مبادئ العدالة او تكافؤ الفرص ‏
أو حتي الكفاءة؟
انا بحاول من يوليو الماضي اخد حقي اللي اقرهولي القانون في حال تفوقي
‏ وتفوقت ومفيش فايدة لا أدمية البشر بتحترم ولا القانون يطبق
‏ وان طبق يكون التطبيق انتقائئ!‏
فيه ناس متعرفش تعيش من غير علم ودراسة انا من ‏
النوعية دي والله المستعان لاننا أمة لا تحترم علم ولا طلاب
علم!!!‏

[khaled38 0]

عندك حق في كل كلامك ومش عارف لحد امتى هاتفضل بلدنا دي كده.المفروض بقى يكون في حلول للمشاكل ولازم الناس اللي حقهم ضايع ياخدوه واحنا من الناس دي.

[Honey Bunny 0]

يعني دبلومة الترجمة الممنوحة من جامعة القاهرة
تؤهل للماجستير وهيدرسها الطالب النظامي
وآخرين من خريجي الجامعات الخاصة والاستثمارية
من الحاصلين ع مقبول و طالب المفتوح المجتهد
اللي ممكن يكون حاصل ع تقديرات عالية مش مقبول عشان يطلع من المطب ده
ويعرف يكمل ماستر هيدرس الجميع في ‏
الحالة دي منهج ومقرر واحد لكن
المسؤلين هيوافقوا لكل الفئات دي ‏
تكمل لو جابوا جيد فأعلي و هيمنعوا
خريج مفتوح حتي لو حصل في ذات الدبلومة ع امتياز!!!‏

[khaled38 0]

انتي متاكدة من الكلام ده؟اصل في زميلة هنا اسمها ريما نجحت في تمهيدي ماجستير جامعة حلوان قالت ان الدبلومة بتاعة جامعة القاهرة دي اتحولت لتمهيدي ماجستير بالنسبة لطلبة التعليم المفتوح وده من السنة اللي فاتت تقريبا.
لو كلامك ده صح يبقى منتهى الظلم لينا يعني ازاي طالب التعليم المفتوح لو تفوق على غيره غيره يكمل وهو لا؟ليه وفي شرع مين ده؟

[Honey Bunny 0]

الدبلومة من الاصل تؤهل للماجستير مش من السنة اللي فاتت
وتقدر تعمل سيرش ع موضوعاتي وتعليقاتي هنا وهتعرف
ثانيا انا خريجة السنة دي واللي بقوله حصل السنة دي مش قديم
ريما ممكن يكون الامر ملتبس عليها من كتر
السخافة اللي أكيد شافتها لما اتخرجت

[khaled38 0]

يعني خلاصة الكلام اننا مش مسموحلنا نكمل غير في اداب حلوان بس وطبعا بعد اجتياز امتحان القبول يعني معنى كده ان فرصتنا ضعيفة في التكملة لانها في كلية واحدة بس.
انا مش عارف هو مفيش حد مهتم من الطلبة ليه بالموضوع ده كانه موضوع بسيط او مش مهم.
فين باقي الاعضاء ومشاركتهم لينا ولا هما تلاتة او اربعة بس اللي عايزين يكملوا دراسات عليا والباقي لا.
ياجماعة لازم يكون عندنا ايجابية اكتر من كده ونشارك بعض الحوار.

[Honey Bunny 0]

بالضبط كده مفيش غير حلوان ولما هتروح للمجلس
الاعلي للجامعات هيقولوا ده حقكم لكن
منقدرش نعملكم حاجة احنا لا نتدخل في
شؤن الجامعات! ودي مشكلة فردية حلوها ‏
امنتم بمعرفتكم معني ذلك انه ده نصب باسم ‏
مؤسسات الدولة لانه جامعة القاهرة ذكرت
في كتيب القبول الخاص بيها انه خريج التعليم المفتوح منها ‏
شأنه شأن الخريج النظامي وله نفس الحقوق
ومؤهله له نفس القوة القانونية للمؤهلات الممنوحة ‏
بجامعة القاهرة ومع ذلك بيتعمل فينا كده

[khaled38 0]

معنى كده ان مفيش قانون يمنع خريجي التعليم المفتوح يكملوا.ومعنى كده ان ادارة الكلية بتتحكم في الموضوع ده.ايه الاستهتاربمستقبل الناس والعلم ده.للاسف طول مالبلد فيها العقليات دي عمرها ماهتتقدم وهما كده بيشجعوا ناس كتير يكملوا دراساتهم برة بلدهم اللي مش بتديهم حقوقهم ولا بتوفرلهم الامكانيات المناسبة للبحث وفي الاخر نلاقي علماء درسوا برة بلدهم ومفيش عندهم اي انتماء للبلد وبيفيدوا بلاد تانية ونرجع نقول هما ليه كده وليه معندهمش انتماء.