عايز اسجل في حقوق في التعليم المفتوح وانا خارج مصر

[zain_99 0]

السلام عليكم زوار المنتدى الكرام
بصراحة انا انبسط اوي لم بشوف كتير منكم بيحب يساعد غيره ولو حتى ميعرفش يجاوبه على استفساره بيطمنه ويقوله ان هيسأل ويقوله بصراحة حاجة جميلة انا كل واحد حابب يساعد غيره وده الشجعني ان اتسجل في المنتدى ومش بقول الكلام ده عشان تساعدوني باستفسارتكم لان اللي شايفوا انكم بتساعدوا اي حد من غير مدح او مجاملات
مشكلتي انى عايز اسجل في حقوق في التعليم المفتوح وانا خارج مصر في قطر واجازتي بتبقى في شهر 6 ولم روحت عشان اسجل قلولي لسه التسجيل تعالى في شهر 9 وانا دلوقتى في قطر وعشان اسجل من هنا حرام انى ادفع المبالغ البيقولوا عليه لان انا مصري يعني هتعامل زي القطري في الدراسة في بلدي طبعا معجبنيش الاسعار وانا نفسي اقدم قبل ما تفوت عليه السنة دي زي القبلها فكل البطله استفسار عن شوية حجات قبل ما ابدى ينفع انى حد في مصر يقدملي اوراقي ويدفع لي المصاريف وتبقالي صفحة على موقع الجامعة وتنزل ليه المحاضرات ولا لازم اكون انا في مصر مع العلم ان حقوق مش محتاجة اختبارات وقابلات ثانيا ينفع اختار 6 مواد وامتحنهم اخر السنة عشان اجازتي ويا ترى بتبقى في امتحانات في شهر 7 طبعا انا طولت اوى واسألتي كتيير بس بصراحة عايز حل
يار يت حد يفيدني انى لو يقولي ينفع ابعت حد بالاوراق والمصاريف
ومواعيد الامتحانات بالظبط
اكون شاكر ليه وربنا وشكرا على القائمين على المنتدى وفقهم الله لم فيه الخير

[marina 0]

اهلا وسهلا

بيك ونورت المنتدى

وشكرا لكلامك الجميل فى المنتدى


فى طريقتين للتسجيل تدفع بيهم


نفس المصاريف وكانك فى القاهرة

1-


ان تخلى حد من اخواتك او اصحابك يروح يقدم لك ويدفع لك


التانية

ان انت تسجل من على النت


وتبعت قيمة المصاريف بالبريد على

او على بنك التجارى الدولى وبردو ورقك تبعتة على البريد


اما الكتب فلو حد يقدر يبعت لك او وانت بتسجل على النت

تطلب انك ترسل لك الكتب على البلد اللى انت فيها


وحتدفع وقتها فلوس زيارة قيمة

ارسال الكتب


كمان بالنسبة لامتجان فى اختيارين لك


1- بما انك عايش خارج مصر

فممكن انك تسجل ترمين وتنزل تمتحن مواد الترمين فى

مصر فى شهر7

وبكدة متكونيش السنة ضاعت عليك


او حاجة تانية


انك تمتحن ترم عندك فى قطر وحتدفع فقط رسوم

الامتحان هناك فقط والترم التانى الا فى شهر 7 تمتحنة فى مصر وبكدة ماتضعيش عليك ترم من ترمين السنة الدراسية


او الحل التالت ودا

حيضيع عليك ترم وهو انك تسجل ترم وتمتحن لما تنزل فى اجازاتك زى ما انت كاتب فوق

بس وقتها مدام حتمتحن فى شهر 7 يبقى وقتها تسجل فى دور ابريل القادم وليس دور سبتمبر


ممكن تختار الحل الا يناسبك من دول


بالنسبة لسوالك السنة بتنقسم لترمين


زى اى كلية عادية الترم الاول او النصف الاول من السنة بيبقى امتحاناتة دايما فى


شهر 1

والترم التانى او النصف التانى من السنة بيبقى فى شهر 7

وممكن بما انك عايش خارج مصر وعلشان ميضيعيش عليك اى ترم من السنة الدراسية انك تجيب ورقة او تثبت اقامتك خارج مصر وتضم الترمين مع بعض وتمتحنهم فى شهر 7
ملحوظة هامة

الى ان موعد التقديم والتسجيل لم بقتح حتى الان


حاحط لك لينكات التقديم على النت بس حاليا الموقع غير مجمع




اول ما يجمع الموقع حاحطها لك

[zain_99 0]

بصراحة انا مش عارف اشكركم ازاي انتوا وفرتوا عليه جهد كبير واتصالات وكنت محتار وخايف ان موعد التسجيل يعدي عليه السنادي بصراحة مش عارف اشكركم ازاي وربنا يوفقكم ويقدركم على مساعدة من يريد المساعدة
وشكر جزيلا للادارة المنتدى والاعضاء الكرام

[ATOMIX 0]

أهلآ وسهلآ بيك ... وكل سنه وأنت طيب

[حازم عثمان عبدالرحيم 0]

كل الكلام الي زكرتو اختنا مرنا مظبوط وانا عملت زي كده واهو بحاول ازكر واركز