سؤال خطأ فى إداره 1

[kampos 0]

يوجد فى المراجعة النهائية الخاصة بمادة الادارة فى صفحة " 6 " الاسئلة المتعددة فى شكل صح وخطا سؤال تم حله بطريقة الخطا وهو السؤال الاخير الذى يقول :-
يقصد بالمهارة الفنية القدرة على اداء عمل معين ( × ).
هذا الحل خطأ لان العبارة صحيحة وهى ان تعريف المهارة الفنية هى القدرة على اداء عمل معين . هذا للعلم والاحاطة ...مع تمنياتى للجميع بالنجاح و التوفيق بأذن الله.

[man_reda 0]

شـــــــكـــــــرا

ولكن برجاء توضيع أسم ملزمه المراجعه تابعه لمكتبه أيه ؟؟!!

[nora1 0]

جزاك الله خير على التوضيح ده..

فعلاً الاجابة دي خطأ والصحيحة ان المهارة الفنية هي القدرة على أداء عمل معين..

دي في أسئلة التطبيقات في مادة ادارة 1

ويارب بالتوفيق والنجاح للجميع ان شاء الله..

لا إله إلا أنت سبحانك إني كنت من الظالمين..

[kampos 0]

الملزمه تابعة لمكتبة الصقر والفيروز المراجعة النهائية مادة الادارة 1

[dsamir 0]

لو سمحتم ياريت حد يقدر يساعدنى انا خارج مصر ومقدرتش احصل على المراجعه النهائيه لان كلمتهم وقالولى هتوصلنى بعد الامتحان انا بس عايزه اساسيات الاداره 1 واكون شكرلكم انا اسفهد
لانى خايفه قوى
ولكم جزيل الشكر

[kampos 0]

لا شكر على واجب يا استاذ man_reda ويا اخت نورا وربنا يوفق الجميع ان شاء الله

[kampos 0]

يا اخت dsamir انا مش عارف طيب اساعدك ازاى رغم انى المراجعة النهائية معايا ادينى اى وسيله ممكن اساعدك بيها

[dsamir 0]

kampos انا متشكره جدا انك بس فكرت انك تساعدنى شوف اى طريقه تكون سهله المهم ميكونش فيها تعب ليك

[ايمان الشرقاوى 0]

جزاك الله كل خير ارجو المساعدة اى حد يعرف سؤال الدكتور قاله فى المحاضرة متوقع ىجى فى الامتحان جامعة القاهرة

[ايمان الشرقاوى 0]

جزاك الله كل خير ارجو المساعدة اى حد يعرف سؤال الدكتور قاله فى المحاضرة متوقع ىجى فى الامتحان جامعة القاهرة

[kampos 0]

بصى يا اخت ايمان غالبا الامتحان مش بيطلع من المراجعات النهائية لكل ماده ...والمراجعات دى متوفره حاليا فى مكتبة الصقر والفيروز وفروعها فى المحافظات..

[dsamir 0]

ياريت حد يساعدنى ياجماعه ويقولى اهم الاسئله فى ماده اساسايات الادارة فى المراجعات النهائيه لانى انا بره مصر ومحتاره وخايفه
الله يجزيكم خير وبالتوفيق

[kampos 0]

بصى انا هكتبلك مجموعة من الاسئلة اللى جيه فى المراجعات النهائيه والمحاضرة الاخيرة بالليل ان شاء الله لو ينفعك ده ردى عليا دلوقتى..

[dsamir 0]

ياااااريت واكون شكرالك جداا
ويارب يكون فى ميزان حسانات ان شاء الله

[kampos 0]

اولا شكل الامتحان هيكون بالشكل ده:-
السؤال الاول :- حدد مدى صحة او خطا العبارات التاليه مع التعليل : ( 10 درجات )
1-
2-
3-
4-
5-
6-
7-
8-
السؤال الثانى ناقش او اكتب بايجاز : ( 10 درجات )
1-
2-
3-
4-

[dsamir 0]

جزاك الله خير

[kampos 0]

اولا صح وغلط ...
1- تتعدد الموارد داخل المنظمة( )
2- الكفاءة والفاعلية مفهومان مترادفان( )
3-لا فرق بين مستوى البيئة العامه ومستوى البيئة الخاصة بالمنظمة( )
4-يمكن النظر الى المنظمة باعتبارها نظام مفتوح( )
5- يجب ان تتوافر المهارات الفكرية بشكل اكبر فى مستوى الاداره الوسطى( )
6- يجب ان تتوافر المهارات الفنية فى جميع المستويات الاداريه بنفس القدر( )
7- يمكن وصف العلاقة بين وظائف المشروع ووظائف المدير بانها تكامليه( )
8- ينصب اهتمام الادارة فى اية منظمة على تحسين الانتاجية وليس الانتاج( )
9-يفضل العتماد على التخطيط من اعلى الى اسفل عندما تتوقف نجاح المنظمة على سرعة الاستجابة
للمتغيرات البيئية المحيطة بالمنظمة( )
10-تعتبرمرحلة تحديد الهدف هى اولى مراحل القيام بعملية بالتخطيط الادارى( )
11-يعتبر طول الوقت اللازم لعملية التخطيط من اهم معوقات التخطيط الادارى( )
12-لا توجد اهمية لعملية تخصيص الموارد عند اتخاذ القرار بشان حل مشكلة ما( )
13-لا فرق بين السلطة والمسئوليه( )
14-السلطة الخطية والسلطة الاستشارية وجهان لعملة واحده( )
15-تتعدد العوائق التى يواجهها المدير عند قيامه بتفويض السلطة ( )
16-يترتب على نطاق الاشراف الواسع تعدد المستويات الادارية( )
17-الحوافز الايجابية يمكن ان تكون حوافز مادية او معنوية( )
18-القياده ضرورية لتحقيق اهداف المنظمة( )
19-القياده اعم واشمل من الادارة( )
20-لا فرق بين القائد والرئيس( )
21-تهتم الرقابة النهائية باكتشاف وتحديد الانحرافات اثناء الاداء( )

[kampos 0]

ثانيا : ناقش او اكتب بايجاذ:-
1-المنظمة نظام مفتوح.
2-المهارات الادارية وعلاقتها بالمستويات الادارية.
3-العلاقة بين وظائف الادارة ووظائف المشروع.
4-اهمية الادارة.
5-الانتاج والانتاجية.
6-المداخل الاساسية للتخطيط.
7-مراحل التخطيط الادارى.
8-معوقات التخطيط الفعال.
9-مفهوم اتخاذ القرار وخصائصها.
10-فويض السلطه وعوائقها.
11-السلطة تفويض والمسئولية لا تفويض.
12-اهمية الاتصالات فى المنظمة.
13-انواع الرقابة.
14-الفرق بين القيادة والرئاسة.
15-مفهوم ومراحل وظيفة الرقابة.

[kampos 0]

دى بقى اسئلة موجزة عن المنهج كله يارب اكون قدمت خدمة كويسه ليكى وتمنياتى بالنجاح والتوفيق للكل ان شاء الله.

[dsamir 0]

انا متشكره جدا جدا دا يارب يوفقك انت قدمتلى خدمه العمر ويارب يسعدك

[dsamir 0]

تنصحنى اذاكر بس الاسئله ديه ولا فى حاجه تانى يعنى المراجعات النهائيه بيجى منها الامتحان

[man_reda 0]

الله ينور عليك تمام يا kampos


يا جماااااااعه اللى يحل الاسئله ديه كلها


هيعدى الامتياااااااااز إن شاء الله

[kampos 0]

لا شكر على واجب يا اخت dsamir احنا المفروض كلنا عبر هذا الموقع المتميز اخوات وفى مركب واحده والواجب اننا نساعد بعض ربنا يوفق الجميع ان شاء الله ....ذاكرى الاسئله دى بس باتقان وان شاء الله النجاح هيكون بتقدير ...تقبلى تحياتى العطره.

[kampos 0]

تسلم يا استاذ man_reda احنا ما عملناش غير الواجب واللى بيفرضه علينا هدفنا الواحد مع جميع الاخوه والزملاء والمحبه اللى لقيتها عبر هذا الموقع الرائع ...تقبل خالص تحياتى.

[kampos 0]

على فكرة يا اخت dsamir وانا بذاكر فى المحاضرة الاخيرة للمادة لقيت سؤال ومكتوب عليه سؤال امتحان وهدية من الدكتورة السؤال هو :-
قد ياتى ( صح ) او ( خطأ )
القيادة جزء من الادارة ( صح )
الادارة اعم واشمل من القيادة ( صح )
او ناقش :- هل القيادة تعنى الادارة ؟ او هل الادارة تساوى القيادة ؟
وربنا يوفق الجميع هذا للعلم.