ممكن ياجماعة حد يرد عليااااااا ويقولى الحل إيه ؟؟؟؟السؤال فى المحاسبة 2

[بنت الاسلام1 0]

ازيكم ياجماعه أنا كنت عاوزاه اسأل فيه حد يعرف الرصيد المرحل (الارباح الباقية ) فى حـ/ التوزيع عاوزاه اعرف الرقم ده جه منين اللى فى الرصيد المرحل والرصيد المنقول ياريت لو حد عنده فكرة يساعدنى لانى لقتها كمان فى المحاضرة اللى بعدها حـ/ اعادة التقدير وجزاكم الله كل خير وبالتوفيق للجميع

[anocce 0]

تجمعى مصادر الأرباح وتجمعى توزيعات الرباح وبعدين تطرحىالناتجين من بعض الناتج اللى هايطلع هوة دة الرصيد المنقول وهوة نفسه الرصيد المرحل..........
( ( دة اللى فهمته صراحة من مذاكرتى بس لو فيه حاجة غلط ياريت حد يفيدنا )) ... يارب اكون افدتك

[ماجد عبد العزيز 0]

بنت الاسلام كتب:

ازيكم ياجماعه أنا كنت عاوزاه اسأل فيه حد يعرف الرصيد المرحل (الارباح الباقية ) فى حـ/ التوزيع عاوزاه اعرف الرقم ده جه منين اللى فى الرصيد المرحل والرصيد المنقول ياريت لو حد عنده فكرة يساعدنى لانى لقتها كمان فى المحاضرة اللى بعدها حـ/ اعادة التقدير وجزاكم الله كل خير وبالتوفيق للجميع

بتجمعي جانب منه لوحده وجانب له لوحده وتشوفي انهي الاكتر مثلا :
اذا كان حاصل جمع جانب له 100000
وحاصل جمه جانب منه 80000
بتطرحي 100000 - 80000 = 20000 هو ده الرصيد المرحل (الأرباح الباقية) وهو هو الرصيد المنقول

[بنت الاسلام1 0]

[b]anocce [/b]
و ماجد عبد العزيز
تسلمو يااارب وربنا يوفقنا جميعا وينجحنا يارب اللهم اميين
طب معلش بس سؤال تانى اما يبقى بالنسبة لتصوير الحسابات الجاربة للشريكين /

بنجيب الارباح الياقية منين ؟؟ وبنجيب رصيد دائن اخر المدة منين (31/12) وجزاكم الله كل خير

[ماجد عبد العزيز 0]

فاكرة الارباح الباقية اللي في حساب التوزيع واللي افترضتها في المثال اللي شرحته فوق 20000 ..
نفترض دلوقتي ان عندنا شريكين وبيقسموا الارباح 1 : 1 او بالتساوي يعني كل واحد هياخد 10000 جنيه
يبقى الشريك أ 10000
الشريك ب 10000
يبقى تكتبي في خانة الشريك أ في جانب له 10000
وبرضه في خانة الشريك ب في جانب له 10000وهي دي الارباح الباقية

اما رصيد اخر المدة وهو الرصيد المرحل
بتجمعي جانب منه للشريك أ وحده والشريك ب لوحده
وبتجمعي جانب له بنفس الطريقة
في الغالب بيطلع جانب له اكثر فبتطرحي منه جانب منه الشريك أ لوحده والشريك ب لوحده بمعنى الشريك ب في جانب له بتنقصي منهم الشريك ب في جانب منه وكذلك الشريك أ بنفس الطريقة وهي دي بتكون رصيد اخر المدة او الرصيد المرحل في 31/ 12

يا رب اكون عرفت اوصلك الطريقة ولو فيه حاجة قولي يا فتاة الاسلام

[بنت الاسلام1 0]

ماجد عبد العزيز
جزاك الله كل خير تسلم يااااارب على الافاده ربنا معانا وينجحنا كلنا ياارب اللهم اميين ويارب مكونش تقلت عليك