اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
*maryam

سؤال في النحو

Recommended Posts

السلام عليكم ورحمة الله وبركاته

من فضلكم عايزة اسأل سؤال في النحو اللي مجنني ده

يعني ايه المبتدأ يأتي مصدر مؤولا عايزة افهمها وبأمثلة ياريت

ومبتدأ وصف اسم مشتق له فاعل او نائب فاعل يعني مبتدأ ملوش خبر ؟؟؟

وازاي المبتدأ يكون مخبر عنه بظرف عايزة مثال

وحذف الجائز وحذف واجب

انا لما ذاكرت الدرس ده من الكتاب مكنش فيه الكلام ده كله لما جبت الملزمة اتعقد بصراحة
مش قادرة استوعب الكلام ده كله ممكن حد يشرحلي وجزاكم الله خيراا


شارك هذه المشاركه


رابط المشاركه
شارك
والسؤال ده اجابتي صح ولا لا

المبتدأ باللون الاحمر والخبر باللون الازرق

حدد المبتدأ والخبر فيما يلي:
1. في الناس من يرضى بميسور عيشة.
2. من حسن الخلق أن تحترم الكبار.
3. كيف الخلاص؟
4. من يهن يسهل الهوان عليه.
5. (أولئك على هدى من ربهم)


باترى صح يارب يكون صح

شارك هذه المشاركه


رابط المشاركه
شارك
وعليكم السلام ورحمة الله وبركاته.

اهلا بيكى يامريم ومنورة.وبعدين فينك مش شايفينك يعنى؟يارب يكون اللى شاغلك المذاكرة.
بالنسبة بقى لسؤالك فهو سؤال في موضوع واحد لكن متعدد الجوانب فياريت تسمحيلي بفرصة لتجميع افكاره عشان اقدر اشرحهولك من غير مايقع منه حاجة لاني لسة صاحي من النوم لقيته في وشي وطبعا ده موضوع مهم ويمكن لحد مانا اجمع افكاري يكون حد رد عليكي بس اوعدك اني هاشرحلك الموضوع ده لانه قبل ماتفهميه لازم تفهمي بعض الاساسيات.

اما بالنسبة لاجاباتك فمفيش غير رقم3 ورقم5 هما اللي صح وعموما متقلقيش يمكن قبل نهاية التيرم تلاقي اللي يشرحلك النحو كله.

شارك هذه المشاركه


رابط المشاركه
شارك
اهلا اخي حسين
اللي شاغلني المذاكرة فعلا غرقانة فيها عشان الوقت ضيق قوي وقليل جدا لما بقعد عالنت
ياريت تشرحهولي انا عايزة افهمه كويس اووووووو حتى الاجابة غلط لالالالا كدا مش هينفع لازم اركز في النحو ده وان شاء الله هركز في شرحك وعلى مهلك جزاك الله خيرا

شارك هذه المشاركه


رابط المشاركه
شارك

طيب كدا صح ولا برضه غلط ashamed انا فعلا كنت عكة فوق بس يارب مكنش عكيت اكتر



1. في الناس من يرضى بميسور عيشة. الناس : مبتدأ – من يرضى الخبر

2. من حسن الخلق أن تحترم الكبار. الكبار مبتدأ - تحترم الخبر

3. كيف الخلاص؟ كيف : خبر - الخلاص: مبتدأ

4. من يهن يسهل الهوان عليه. الهوان : مبتدأ – يسهل : خبر

5. (أولئك على هدى من ربهم) أولئك مبتدأ - على هدى خبر

شارك هذه المشاركه


رابط المشاركه
شارك
اهلا مريم
طبيعى يا مريم ان النحو تتعبى فيه شوية انصحك ان تذكرى من المحاضرات والتطبيقات اللى على النت
المصدر المؤول يتكون من ان +الفعل المضارع
مثل ان تصوموا خيرا لكم
ان تصوموا مصدر مؤول فى محل رفع فاعل
خيرا خبر
مبتدا الوصف اما يكون اسم مشتق له فاعل وهذا الفاعل يسد مسد الخبر او ناءب فاعل
ويشترط ان يسبق الاسم المشتق نفى او نهى او استفهام
مثل ما مهضوم حق احد
ما حرف نفى
ممهضوم مبتدا
حق ناءب فاعل سد مسد الخبر

شارك هذه المشاركه


رابط المشاركه
شارك
معليش يامريم انا كنت ناوي اصبر يومين تلاتة واشرحلك كل مايتعلق بالمبتدا والخبر لكن اعذريني لازم اقولك بعد ماقريت اجاباتك على الاسئلة اللي انتي كاتباها انك لازم تفهمي النحو من الاساس خصوصا انك جاوبتي على نفس الاسئلة مرتين لاني مينفعش ارد عليكي واشرحلك موضوع مهم زي ده وفي الاخر مش هاتفهميه وهاتضطري تشكريني على الفاضي.

اعذريني اني بقولك كده بس محبش تكون نتيجة تعبك لا شيء ونصيحتي ليكي انك تشوفي محاضرات الدكتور سعد عبد الرحيم تيرم اول الفيديو وتتابعي شرحه للنحو من الاساس لان بصراحة الدكتور ده ممتاز وكان بيديني النحو تيرم تاني وعجبني اسلوبه في شرحه .

شارك هذه المشاركه


رابط المشاركه
شارك
نوران مسعد كتب:
اهلا مريم
طبيعى يا مريم ان النحو تتعبى فيه شوية انصحك ان تذكرى من المحاضرات والتطبيقات اللى على النت
المصدر المؤول يتكون من ان +الفعل المضارع
مثل ان تصوموا خيرا لكم
ان تصوموا مصدر مؤول فى محل رفع فاعل
خيرا خبر
مبتدا الوصف اما يكون اسم مشتق له فاعل وهذا الفاعل يسد مسد الخبر او ناءب فاعل
ويشترط ان يسبق الاسم المشتق نفى او نهى او استفهام
مثل ما مهضوم حق احد
ما حرف نفى
ممهضوم مبتدا
حق ناءب فاعل سد مسد الخبر


شكرا يانوران ما انا قريت الكلام ده كله من الورق يانوران بس الظاهر مكنتش مركزة ان شاء الله هحاول اركز فيه والله من اللي بيحصل في البلد مش عارفة اركز خالص بسرح كتير وانا بذاكر

شارك هذه المشاركه


رابط المشاركه
شارك
hussein1974 كتب:
معليش يامريم انا كنت ناوي اصبر يومين تلاتة واشرحلك كل مايتعلق بالمبتدا والخبر لكن اعذريني لازم اقولك بعد ماقريت اجاباتك على الاسئلة اللي انتي كاتباها انك لازم تفهمي النحو من الاساس خصوصا انك جاوبتي على نفس الاسئلة مرتين لاني مينفعش ارد عليكي واشرحلك موضوع مهم زي ده وفي الاخر مش هاتفهميه وهاتضطري تشكريني على الفاضي.

اعذريني اني بقولك كده بس محبش تكون نتيجة تعبك لا شيء ونصيحتي ليكي انك تشوفي محاضرات الدكتور سعد عبد الرحيم تيرم اول الفيديو وتتابعي شرحه للنحو من الاساس لان بصراحة الدكتور ده ممتاز وكان بيديني النحو تيرم تاني وعجبني اسلوبه في شرحه .



ولا يهمك اخي حسين يعني اجابتي برضه غلط طيب عايزة اعرف الصح حتى؟؟؟؟
لاني لما كنت بحل من التطبيقات كنت بطلع المبتدأ والخبر من الجمل وكنت بشوف الاجابة بلاقيها صح

ما انا بحضرله وشرحه كويس بس المشكلة انه مش بيعيد حاجة وبحاول اركز معاه اوك انا هشوف الفيديوهات يمكن عشان الدكتور في المحاضرة مش بيعيد اي حاجة ومش بيرضى يعيد اي جملة يمكن الفيديوهات اقدر افهم منها
عالعموم ربنا يسهل شكرااا اخي حسين بس ليه بتقول اني مش هفهم شرحك ماهو ممكن جدا شرحك يكون اسهل وافهمك بس انا برضه مش عايزة اعطل حضرتك عشان مذاكرتك بس انا حسيت من ردك ان انا صعب افهم النحو ومفيش امل فيا في النحو ده
انا اساسا عشان مش بحب اذاكر حاجة مش حباها عشان كدا مش قادرة استوعبها

ربنا معايا وربنا يوفقك

شارك هذه المشاركه


رابط المشاركه
شارك
يااختي مريم هوني على نفسك الامر بسيط ولولا اني صادق معاكي كان سهل اوي ارد على سؤالك بشرح موضوع المبتدا والخبر وكمان كان اسهل عليا اني انقلك الشرح من اي مصدر طبق الاصل لكن طبعا ده مش هايقدملك اي افادة ده غير ان موضوع النقل طبق الاصل ده مش اسلوبي.

ولما قلتلك يامريم انك مش هاتفهمي شرحي كنت اقصد ان مينفعش حد يطلع بمبنى بدون اساس بمعنى انك لازم الاول تفهمي النحو من الاول عشان تقدري تمشي فيه تدريجيا وتفهمي كل حاجة بتقابليها معناها ايه.

وصدقيني ياعزيزتي الموضوع مش موضوع انك تعطليني او مفيش امل تفهمي ولا حاجة لا طبعا كل ما في الامر اني الايام عندي بعض الارتباك في تنظيم وقتي يعني العيب في ظروفي انا مش عندك انتي.

اما بالنسبة لاجابة الاسئلة فطبعا مش مهم تعرفي الاجابة من غير ماتفهمي سببها ايه وسهل برضو اجاوبلك عليها لكن النتيجة انك هاتعرفي الاجابة وبس.

وعلى فكرة كلامنا كده مش انتهى عاوزك بس الاول تشوفي الفيديوهات وقوليلي عملتي ايه.

شارك هذه المشاركه


رابط المشاركه
شارك
السلام عليكم ورحمة الله وبركاته

اخي حسين انا فهمت المصدر المؤول والحذف الجائز عقبال الباقي

جزاك الله خيرا

شارك هذه المشاركه


رابط المشاركه
شارك
معلش يا مريم مش قادرة أفيدك لأني بكره النحو

شارك هذه المشاركه


رابط المشاركه
شارك
ربنا يخليكي ياسومية انا برضه بكرهوا بس مضطرة افهمه

شارك هذه المشاركه


رابط المشاركه
شارك
ربناا معاكي هو بصراحة المصدر المؤؤول ده رخم قوي بس هتفرج علي الفيديوهات زي ما حسين قااال
ربنا معاكي

شارك هذه المشاركه


رابط المشاركه
شارك
النحو كله رخم جدااااااااااااا مش عارفة حسين بيحبه على ايه ههههه

ربنا معانا كلنا

شارك هذه المشاركه


رابط المشاركه
شارك
ههههههههه لا يامريم مش رخم اوى يعنى بس عايز دماغ وحد قاعد يذاكرو من غير ميكون معقد نفسو من نحيتو ويقول انا مش فاهم وعارف انى هذاكرو ومش هفهم حاجه بردو ... خوديه ببساطه وذكريه براحه واللى تذاكريه طبقى عليه فالامتحانات والتطبيقات على طول عشان الحاجه تثبت

شارك هذه المشاركه


رابط المشاركه
شارك
والله بحاول ياكوين ما هو يا انا يا هو هيتفهم يعني هيتفهم ان شاء الله

كوين هو في في المكتبة ورق الامتحانات اللي بتبقى موجودة على صفحتي يعني بتكون مطبوعة عندهم ولا المحاضرات والتطبيقات بس ؟؟؟؟؟؟؟؟

شارك هذه المشاركه


رابط المشاركه
شارك

اوك هبقى اطبعهم من اي سيبر ميرسي ياكوين flower

شارك هذه المشاركه


رابط المشاركه
شارك
بتركيز على شرح الدكتور يمكن تلافي اي صعوبه ان شاءا لله في النحو باي لغه سواء النحو العربي او النحو الانجليزي

شارك هذه المشاركه


رابط المشاركه
شارك

حاولى يا مريم تشوفى المحاضرات التليفزيونية
والتطبيقات وان شاء الله هتوصلى الى نتيجة ممتازة
ان شاء الله انا كنت زيك والحمد لله جبت فيها جيد جدا
وربنا معاكى

شارك هذه المشاركه


رابط المشاركه
شارك

والله بشوفها يانوران ومعايا ورق المحاضرات والتطبيقات مش عارفة ليه مش طايقة المادة دي ومش عارفة اذاكرة لاني مش حباها يعني انا في الانجليزي بذاكر وانا مستمتعة لكن النحو fighting

ياريت اجيب مقبول حتى فيها

شارك هذه المشاركه


رابط المشاركه
شارك
يااااااااااااااااااااااااااارب استرها

شارك هذه المشاركه


رابط المشاركه
شارك
السلام عليكم يا جماعه
انا كنت عايزة اسال عن اسلوب الامتحانات لو حد عارف لاني لقيت التطبيقات مافيهاش النصوص اللي موجوده في الكتاب "النجو من خلال النصوص " الفصل الدراسي الثاني لكن بعض الامتحانات جايبه النصوص وبتسال عن شرحها وبعض الامتحانات التانيه لأ
وياريت مواعيد محاضرات النحو امتى في الجامعه لو امكن
وشكراااااااااا

شارك هذه المشاركه


رابط المشاركه
شارك

وعليكم السلام ورحمة الله وبركاته

حضرتك هتلاقي ورق الامتحانات موجود على صفحتك

ده جدول ترم تاني ومعلش ترم اوا جيه معاه في صورة واحدة

شارك هذه المشاركه


رابط المشاركه
شارك
ولا يهمك بس كدا .. أوك انا هذاكر نحو مخصوص عشانك يا مريم .. لأني بعشق النحو .. جبت فيه 100 من 100 في الثانوية العامة .. شفتي الشطارة .. ::تصفيق: .. أصل مامتي أستاذة لغة عربية في الجامعة فطبيعي يعني .. ولا إيه ؟!
بس اصبري لما أراجع بس المحاضرات لأني مفتحتوش بصراحة وكنت سيباه للآخربس هفتحه وأذاكر عشان خاطرك وبعدين أشرحهولك .. أوك ؟!

يلا يا ستي أي خدمة !
في أمان الله ..

شارك هذه المشاركه


رابط المشاركه
شارك
هههه ربنا يخليكي يالميس شطورة طبعاااااا ::تصفيق:
انا بعتلك رقمي عالخاص كلميني في اي وقت لو عايزة انتي من القاهرة يا لميس؟؟؟؟؟

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.