سؤال في النحو

[*maryam 0]

السلام عليكم ورحمة الله وبركاته

من فضلكم عايزة اسأل سؤال في النحو اللي مجنني ده

يعني ايه المبتدأ يأتي مصدر مؤولا عايزة افهمها وبأمثلة ياريت

ومبتدأ وصف اسم مشتق له فاعل او نائب فاعل يعني مبتدأ ملوش خبر ؟؟؟

وازاي المبتدأ يكون مخبر عنه بظرف عايزة مثال

وحذف الجائز وحذف واجب

انا لما ذاكرت الدرس ده من الكتاب مكنش فيه الكلام ده كله لما جبت الملزمة اتعقد بصراحة
مش قادرة استوعب الكلام ده كله ممكن حد يشرحلي وجزاكم الله خيراا

[*maryam 0]

والسؤال ده اجابتي صح ولا لا

المبتدأ باللون الاحمر والخبر باللون الازرق

حدد المبتدأ والخبر فيما يلي:
1. في الناس من يرضى بميسور عيشة.
2. من حسن الخلق أن تحترم الكبار.
3. كيف الخلاص؟
4. من يهن يسهل الهوان عليه.
5. (أولئك على هدى من ربهم)


باترى صح يارب يكون صح

[Hussein1974 0]

وعليكم السلام ورحمة الله وبركاته.

اهلا بيكى يامريم ومنورة.وبعدين فينك مش شايفينك يعنى؟يارب يكون اللى شاغلك المذاكرة.
بالنسبة بقى لسؤالك فهو سؤال في موضوع واحد لكن متعدد الجوانب فياريت تسمحيلي بفرصة لتجميع افكاره عشان اقدر اشرحهولك من غير مايقع منه حاجة لاني لسة صاحي من النوم لقيته في وشي وطبعا ده موضوع مهم ويمكن لحد مانا اجمع افكاري يكون حد رد عليكي بس اوعدك اني هاشرحلك الموضوع ده لانه قبل ماتفهميه لازم تفهمي بعض الاساسيات.

اما بالنسبة لاجاباتك فمفيش غير رقم3 ورقم5 هما اللي صح وعموما متقلقيش يمكن قبل نهاية التيرم تلاقي اللي يشرحلك النحو كله.

[*maryam 0]

اهلا اخي حسين
اللي شاغلني المذاكرة فعلا غرقانة فيها عشان الوقت ضيق قوي وقليل جدا لما بقعد عالنت
ياريت تشرحهولي انا عايزة افهمه كويس اووووووو حتى الاجابة غلط لالالالا كدا مش هينفع لازم اركز في النحو ده وان شاء الله هركز في شرحك وعلى مهلك جزاك الله خيرا

[*maryam 0]

طيب كدا صح ولا برضه غلط انا فعلا كنت عكة فوق بس يارب مكنش عكيت اكتر



1. في الناس من يرضى بميسور عيشة. الناس : مبتدأ – من يرضى الخبر

2. من حسن الخلق أن تحترم الكبار. الكبار مبتدأ - تحترم الخبر

3. كيف الخلاص؟ كيف : خبر - الخلاص: مبتدأ

4. من يهن يسهل الهوان عليه. الهوان : مبتدأ – يسهل : خبر

5. (أولئك على هدى من ربهم) أولئك مبتدأ - على هدى خبر

[نوران مسعد 0]

اهلا مريم
طبيعى يا مريم ان النحو تتعبى فيه شوية انصحك ان تذكرى من المحاضرات والتطبيقات اللى على النت
المصدر المؤول يتكون من ان +الفعل المضارع
مثل ان تصوموا خيرا لكم
ان تصوموا مصدر مؤول فى محل رفع فاعل
خيرا خبر
مبتدا الوصف اما يكون اسم مشتق له فاعل وهذا الفاعل يسد مسد الخبر او ناءب فاعل
ويشترط ان يسبق الاسم المشتق نفى او نهى او استفهام
مثل ما مهضوم حق احد
ما حرف نفى
ممهضوم مبتدا
حق ناءب فاعل سد مسد الخبر

[Hussein1974 0]

معليش يامريم انا كنت ناوي اصبر يومين تلاتة واشرحلك كل مايتعلق بالمبتدا والخبر لكن اعذريني لازم اقولك بعد ماقريت اجاباتك على الاسئلة اللي انتي كاتباها انك لازم تفهمي النحو من الاساس خصوصا انك جاوبتي على نفس الاسئلة مرتين لاني مينفعش ارد عليكي واشرحلك موضوع مهم زي ده وفي الاخر مش هاتفهميه وهاتضطري تشكريني على الفاضي.

اعذريني اني بقولك كده بس محبش تكون نتيجة تعبك لا شيء ونصيحتي ليكي انك تشوفي محاضرات الدكتور سعد عبد الرحيم تيرم اول الفيديو وتتابعي شرحه للنحو من الاساس لان بصراحة الدكتور ده ممتاز وكان بيديني النحو تيرم تاني وعجبني اسلوبه في شرحه .

[*maryam 0]

نوران مسعد كتب:

اهلا مريم
طبيعى يا مريم ان النحو تتعبى فيه شوية انصحك ان تذكرى من المحاضرات والتطبيقات اللى على النت
المصدر المؤول يتكون من ان +الفعل المضارع
مثل ان تصوموا خيرا لكم
ان تصوموا مصدر مؤول فى محل رفع فاعل
خيرا خبر
مبتدا الوصف اما يكون اسم مشتق له فاعل وهذا الفاعل يسد مسد الخبر او ناءب فاعل
ويشترط ان يسبق الاسم المشتق نفى او نهى او استفهام
مثل ما مهضوم حق احد
ما حرف نفى
ممهضوم مبتدا
حق ناءب فاعل سد مسد الخبر

شكرا يانوران ما انا قريت الكلام ده كله من الورق يانوران بس الظاهر مكنتش مركزة ان شاء الله هحاول اركز فيه والله من اللي بيحصل في البلد مش عارفة اركز خالص بسرح كتير وانا بذاكر

[*maryam 0]

hussein1974 كتب:

معليش يامريم انا كنت ناوي اصبر يومين تلاتة واشرحلك كل مايتعلق بالمبتدا والخبر لكن اعذريني لازم اقولك بعد ماقريت اجاباتك على الاسئلة اللي انتي كاتباها انك لازم تفهمي النحو من الاساس خصوصا انك جاوبتي على نفس الاسئلة مرتين لاني مينفعش ارد عليكي واشرحلك موضوع مهم زي ده وفي الاخر مش هاتفهميه وهاتضطري تشكريني على الفاضي.

اعذريني اني بقولك كده بس محبش تكون نتيجة تعبك لا شيء ونصيحتي ليكي انك تشوفي محاضرات الدكتور سعد عبد الرحيم تيرم اول الفيديو وتتابعي شرحه للنحو من الاساس لان بصراحة الدكتور ده ممتاز وكان بيديني النحو تيرم تاني وعجبني اسلوبه في شرحه .

ولا يهمك اخي حسين يعني اجابتي برضه غلط طيب عايزة اعرف الصح حتى؟؟؟؟
لاني لما كنت بحل من التطبيقات كنت بطلع المبتدأ والخبر من الجمل وكنت بشوف الاجابة بلاقيها صح

ما انا بحضرله وشرحه كويس بس المشكلة انه مش بيعيد حاجة وبحاول اركز معاه اوك انا هشوف الفيديوهات يمكن عشان الدكتور في المحاضرة مش بيعيد اي حاجة ومش بيرضى يعيد اي جملة يمكن الفيديوهات اقدر افهم منها
عالعموم ربنا يسهل شكرااا اخي حسين بس ليه بتقول اني مش هفهم شرحك ماهو ممكن جدا شرحك يكون اسهل وافهمك بس انا برضه مش عايزة اعطل حضرتك عشان مذاكرتك بس انا حسيت من ردك ان انا صعب افهم النحو ومفيش امل فيا في النحو ده
انا اساسا عشان مش بحب اذاكر حاجة مش حباها عشان كدا مش قادرة استوعبها

ربنا معايا وربنا يوفقك

[Hussein1974 0]

يااختي مريم هوني على نفسك الامر بسيط ولولا اني صادق معاكي كان سهل اوي ارد على سؤالك بشرح موضوع المبتدا والخبر وكمان كان اسهل عليا اني انقلك الشرح من اي مصدر طبق الاصل لكن طبعا ده مش هايقدملك اي افادة ده غير ان موضوع النقل طبق الاصل ده مش اسلوبي.

ولما قلتلك يامريم انك مش هاتفهمي شرحي كنت اقصد ان مينفعش حد يطلع بمبنى بدون اساس بمعنى انك لازم الاول تفهمي النحو من الاول عشان تقدري تمشي فيه تدريجيا وتفهمي كل حاجة بتقابليها معناها ايه.

وصدقيني ياعزيزتي الموضوع مش موضوع انك تعطليني او مفيش امل تفهمي ولا حاجة لا طبعا كل ما في الامر اني الايام عندي بعض الارتباك في تنظيم وقتي يعني العيب في ظروفي انا مش عندك انتي.

اما بالنسبة لاجابة الاسئلة فطبعا مش مهم تعرفي الاجابة من غير ماتفهمي سببها ايه وسهل برضو اجاوبلك عليها لكن النتيجة انك هاتعرفي الاجابة وبس.

وعلى فكرة كلامنا كده مش انتهى عاوزك بس الاول تشوفي الفيديوهات وقوليلي عملتي ايه.

[marina 0]

thank you

[*maryam 0]

السلام عليكم ورحمة الله وبركاته

اخي حسين انا فهمت المصدر المؤول والحذف الجائز عقبال الباقي

جزاك الله خيرا

[somya 0]

معلش يا مريم مش قادرة أفيدك لأني بكره النحو

[*maryam 0]

ربنا يخليكي ياسومية انا برضه بكرهوا بس مضطرة افهمه

[نوران مسعد 0]

ربنا معاكى يا مريم

[*maryam 0]

ومعاكي حبيبتي

[مرمروتي 0]

ربناا معاكي هو بصراحة المصدر المؤؤول ده رخم قوي بس هتفرج علي الفيديوهات زي ما حسين قااال
ربنا معاكي

[*maryam 0]

النحو كله رخم جدااااااااااااا مش عارفة حسين بيحبه على ايه ههههه

ربنا معانا كلنا

[RФMaйt!c_QuêN 0]

ههههههههه لا يامريم مش رخم اوى يعنى بس عايز دماغ وحد قاعد يذاكرو من غير ميكون معقد نفسو من نحيتو ويقول انا مش فاهم وعارف انى هذاكرو ومش هفهم حاجه بردو ... خوديه ببساطه وذكريه براحه واللى تذاكريه طبقى عليه فالامتحانات والتطبيقات على طول عشان الحاجه تثبت

[*maryam 0]

والله بحاول ياكوين ما هو يا انا يا هو هيتفهم يعني هيتفهم ان شاء الله

كوين هو في في المكتبة ورق الامتحانات اللي بتبقى موجودة على صفحتي يعني بتكون مطبوعة عندهم ولا المحاضرات والتطبيقات بس ؟؟؟؟؟؟؟؟

[RФMaйt!c_QuêN 0]

لا المحاضرات والتطبيقات بس

[*maryam 0]

اوك هبقى اطبعهم من اي سيبر ميرسي ياكوين

[RФMaйt!c_QuêN 0]

العفوووووووو

[abo nooh 0]

بتركيز على شرح الدكتور يمكن تلافي اي صعوبه ان شاءا لله في النحو باي لغه سواء النحو العربي او النحو الانجليزي

[*maryam 0]

انا مش عارفة اذاكر النحو

[نوران مسعد 0]

حاولى يا مريم تشوفى المحاضرات التليفزيونية
والتطبيقات وان شاء الله هتوصلى الى نتيجة ممتازة
ان شاء الله انا كنت زيك والحمد لله جبت فيها جيد جدا
وربنا معاكى

[*maryam 0]

والله بشوفها يانوران ومعايا ورق المحاضرات والتطبيقات مش عارفة ليه مش طايقة المادة دي ومش عارفة اذاكرة لاني مش حباها يعني انا في الانجليزي بذاكر وانا مستمتعة لكن النحو

ياريت اجيب مقبول حتى فيها

[*maryam 0]

يااااااااااااااااااااااااااارب استرها

[safaa.owais 0]

السلام عليكم يا جماعه
انا كنت عايزة اسال عن اسلوب الامتحانات لو حد عارف لاني لقيت التطبيقات مافيهاش النصوص اللي موجوده في الكتاب "النجو من خلال النصوص " الفصل الدراسي الثاني لكن بعض الامتحانات جايبه النصوص وبتسال عن شرحها وبعض الامتحانات التانيه لأ
وياريت مواعيد محاضرات النحو امتى في الجامعه لو امكن
وشكراااااااااا

[*maryam 0]

وعليكم السلام ورحمة الله وبركاته

حضرتك هتلاقي ورق الامتحانات موجود على صفحتك

ده جدول ترم تاني ومعلش ترم اوا جيه معاه في صورة واحدة

[lamees 0]

ولا يهمك بس كدا .. أوك انا هذاكر نحو مخصوص عشانك يا مريم .. لأني بعشق النحو .. جبت فيه 100 من 100 في الثانوية العامة .. شفتي الشطارة .. ::تصفيق: .. أصل مامتي أستاذة لغة عربية في الجامعة فطبيعي يعني .. ولا إيه ؟!
بس اصبري لما أراجع بس المحاضرات لأني مفتحتوش بصراحة وكنت سيباه للآخربس هفتحه وأذاكر عشان خاطرك وبعدين أشرحهولك .. أوك ؟!
يلا يا ستي أي خدمة !
في أمان الله ..

[*maryam 0]

هههه ربنا يخليكي يالميس شطورة طبعاااااا ::تصفيق:
انا بعتلك رقمي عالخاص كلميني في اي وقت لو عايزة انتي من القاهرة يا لميس؟؟؟؟؟