الإستدانة ومخاطرها ...موضوع للنقاش والحوار

[hawas 0]

البعض منا ليس بالسهل عليه طلب مبلغ من المال على سبيل السلف من الغير ، ولكن في بعض الأحيان يضطر المرء لفعل ماهو ضد قناعته الشخصيه من أجل المال ومرغماً على فعل ذلك . أعلم بأن هذا الموضوع حساس جداً للطرفين ( الدائن والمدين ) لأن بسبب الإستدانه خسرت أصدقاء ، وأنهيت علاقات السنين القويه ، فهل فعلاً السلف تلف


بإنتظار آرائكم وتجاربكم الشخصيه حيال هذا الموضوع الهام .

[Hamdy Tawfik-manar9 0]

ايه ياحواس معذور في قرشين نحط لك صندوق علي باب المنتدي

[hawas 0]

إنت كريم ، وإحنا نستاهل

[somya 0]

طبعا السلف تلف
و الدين هم بالليل و مذلة بالنهار

[somya 0]

HAMDY كتب:

ايه ياحواس معذور في قرشين نحط لك صندوق علي باب المنتدي

هههههههههههه لو حطيت الصندوق دة
انا اللي هاخده

[Hussein1974 0]

فعلا ياحواس موضوع مهم وحساس ومن خلال خبرتي في التعامل مع الناس اقدر اقولك ان الناس اللى ممكن يسلفوا حد مال بدون اي غرض وهما على يقين انه ربما ميقدرش يسدد المال ده قليلين جدا جدا جدا لابعد الحدود.وربما لاتجد شخص واحد فى اللى حواليك ممكن يسلفك جنيه واحد مهما كنت محتاج للجنيه ده ومهما كان الجنيه ده مالوش قيمة بالنسبة له.

اما بالنسبة لتجاربي الشخصية فانا عن نفسي لو قادر اسلف حد باسلفه وبدون اي غرض وحتى لو عارف انه مش هايقدر يسدد وصعب اوي عليا اقول لحد كلمة لا او اطالب حد بدين حتى لو كنت محتاجه بس طبعا في حالة لو حد طلب مني فلوس اقدر اديهاله لان فاقد الشيء لا يعطيه.

لكن لو احتاجت استلف عندى عقيدة راسخة اني مطلبش غير من شخصين اتنين او تلاتة محددين عندي بالاسم ومطلبش من غيرهم حتى لو مش هلاقي طلبي عندهم لاني مقتنع بشيء وهو ان محدش بيسلف حد غيري انا والاشخاص المحددين دول وبس

وبقول كده مش لقلة الناس اللي يقدروا يسلفوا.لا.بالعكس انا اعرف ناس كتير جدا عندهم القدرة على كده بس عندي العقيدة انك لو طلبت منهم حاجة استحالة يسلفوك.

دي عقيدتي ودي وجهة نظري وعارف انها ممكن تختلف مع اراء ناس غيري بس ده انا شفته في مواقف ادامي ومع ناس كتير ممكن تحتاج اقل القليل وللاسف متلقيش حد يساعدها الا اللي ظروفه بسيطة وعادية وصعب عليه يقول كلمة لا لحد محتاج.

على فكرة محدش يستغل الكلام ده ويقولي سلفني تعريفة.خلاص؟

[hawas 0]

لكن لو احتاجت استلف عندى عقيدة راسخة اني مطلبش غير من شخصين اتنين او تلاتة محددين عندي بالاسم

إسمي موجود ....طيب

اما بالنسبة لتجاربي الشخصية فانا عن نفسي لو قادر اسلف حد باسلفه وبدون اي غرض وحتى لو عارف انه مش هايقدر يسدد وصعب اوي عليا اقول لحد كلمة لا او اطالب حد بدين حتى لو كنت محتاجه

إستوقفتني هذه الكلمات الرائعة والتي تمثل قمة الإنسانيه لبنو البشر وهذا ما نطمح إليه في علاقتنا مع بعض ، وكذلك ذهبت إليه كل الأديان السماويه .

شكراً للأخ الفاضل / حسين على هذه المساهمة ومشاعره الإنسانية النبيله .

[Hussein1974 0]

شكرا ليك ياحواس على مواضيعك ومشاعرك اللى نادر وجودها.

وعلى فكرة اسمك اول اسم فيهم.