ماده 323

[nonty sameh 0]

[center]السلام عليكم
انا عضوه جديده وبجد محتاجه مساعدتكم جدا انا فى التيرم السادس وعندى ماده معقدانى جدا 323
ومش عارفه دى تتذاكر من اى ناحيه يعنى مش فهماها خالص ولا عارفه امتحانتها ازاى بمعنى الاسئله بتكون ازاى بالله عليكم حد يدينى وصف مختصر ليها وخصوصا انى عايشه خارج مصر وبنزل عالامتحانات بس وبعتمد على مجهودى الشخصى فقط للمره التانيه بالله عليكم حد يفهمنى اى حاجه وربنا يكرمنا جميعا

[/center]

[nonty sameh 0]

سبحان الله العظيم 14 شخص دخل شاف الموضوع فى خلال ساعتان الا ولا واحد عنده فكره او راي او نصيحه حتى

[Hussein1974 0]

اهلا بيكى عزيزنى في المنتدى ونورتينا.

انا زميلك حسين برضو تيرم سادس بس المادة دى باذن الله هاخدها تيرم سابع.

على فكرة اكيد اللي دخل قرا رسالتك مش بيدرس المادة او ممكن يكون واخدها ولسة مذاكرهاش وطبعا ميقدرش ينصحك بحاجة ميعرفهاش لان فاقد الشيء لا يعطيه.

باذن الله يدخل اللي درس المادة قبل كده او ذاكرها ويفهمك اللي انتي عاوزاه لاننا هنا الحمد لله الكل متعاون وتاكدى انك هتلاقي المساعدة والافادة اللي تتمنيها.

وربنا يوفقك ويوفقنا كلنا.

[somya 0]

انا لسة ما فتحتش كتاب اصلا
بس اعتقد انها شبه نصوص أدبية (1)
و طريقة مذاكرتها زيها

بس مش قادرة أفيدك لأني ما فتحتهاش و لسة اصلا ما بداتش طباعة المحاضرات

بس اوعدك أني اول ما اذاكرها هقولك

[Hussein1974 0]

انا نصوص ادبية1 لسة هاسجلها التيرم ده باذن الله اصل انا عندي شوية لخبطة في المواد.

[somya 0]

لا هي لتسأل على نصوص أدبية 2

[Hussein1974 0]

مانا فاهم ياسومة بس باقولك انى لسة مدرستش اصلا نصوص ادبية 1 عشان كده مقلتش من الاول ان دي زي دى لانى اصلا لسة مشوفتش الاتنين.

[Hussein1974 0]

وكمان دي بتسال على الامتحانات وازاي بتيجي يعنى عاوزة حد يكون درس المادة قبل كده او مذاكرها كلها.

ماتذاكريها بقى ياسومة وتخلصي مستنية ايه.لازم تزنقي نفسك زيي.

[somya 0]

انا لسة ما فتحتهاش

بس هفتحها اول مادة عشان خاطرها

[nonty sameh 0]

ربنا يكرمكو كلكو وانا منتظره افادتكم وعلى فكره بيقولو الامتحانات اتقدمت ممكن تقولولى بقت امتى علشان احجز طيران قبل الميعاد وتسلمولى ياااااااااااااارب

[om_maram 0]

بصى حبيبتى انا اخذت المادة دى الترم اللى فات اقرى القصة كويس قوى و القصيدة و المسرحية و افهميهم اوك الاسئلة مش بتجيى فيهم هما و لكن بتيجى فى تحليل المواضيع نفسها
ولازم تنزلى من صفحتك الامتحانات اللى بدون حلول عشان تفهمى الاسئلة بتيجى ازاى
بالتوفيق

[nonty sameh 0]

ام مرام تسلميلى ياااااااااااااااااااارب يعنى الاسئله بتبقى فى القصه والقصيده والمسرحيه وبس صح

[om_maram 0]

القصة + المسرحية + القصيدة اقريهم و افهميهم دول مش بيجى فيهم اسئلة


الاسئلة بتيجى فى التحليل بتاعهم فقط
نزلى امتحانات الترمات اللى فاتت عشان تفهمى

[nonty sameh 0]

ايوه يا حبيبتى والله فهمتك وتسلميلى ياااااااااااااارب وبذاكرها دلوقتى دعواتكم لانى بعتمد تماما على مجهودى الشخصى وربنا يوفقنا جميعا

[om_maram 0]

بالتوفيق لينا جميعا

[somya 0]

شكرا يا ام مرام

طيب بالنسبة للمحاضرات التلفزيونية اذاكر منها؟؟؟



و هل اسئلة التطبيقات اللي فيها الاسئلة و الاجابات دي حفظ؟

و بيجي منها بالظبط ولا لا؟

بليييييييييييييز