الفرق بين الاولاد و البنات ليلة الامتحان

[محمود سعيد77 0]

أبدأ الموضوع

الفرق بين الولاد والبنات ايام الامتحانات




ليلة الامتحان

البنت - قاعدة تذاكر والشاب قاعد يذاكر شوفوا ايه اللى بيحصل



البنت/// عماله تراجع وتحفظ وتحل اختبارات مراجعه للمرة العاشرة


الشاب// يكتشف المنهج لاول مرة

البنت // تاخذ استراحة قصيرة وتستغلها لتأدية الصلاة

الشاب // ينام ساعه ياكل ساعه ثم يستريح ساعه كل ربع ساعه مذاكرة

التليفون يرن

البنت // الو خالتو ازيك عاملين ايه الحمد لله خدى ماما معاكى ادعيلى يا خالتوا عندى امتحان بكرة

الشاب// الو ازيك يا خالتوا عاملين ايه ؟ وازاى خالد و ادهم ؟ بقولك يا خالتوا محمود عندك؟ طب اديهونى اسلم عليه الو ازيك يا محمود عامل ايه ... انا عمال اذاكر والله روحى طلعت من المادة الرخمة.... المهم بقولك شفت الماتش؟ الحكم الغتت ....... اه طب بص نص ساعه كده وقابلنى فى القهوة عشان عايزك فى موضوع .

البنت تذاكر وتذاكر

الشاب يعمل برشامه ثم يخرج ليقابل محمود

البنت تسهر تراجع لوقت متاخر ثم تصلى وتنام


الشاب ياتى من الخارج فى وقت متاخر يجد ابوه فى وجهه يتشاجر معه وينام .

يوم الامتحان

تذهب البنت قبل ميعاد الامتحان بساعتين ( دون ان تضع فى فمها شئ اصلا مالهاش نفس متوترة) وتظل تراجع وتراجع وتراجع

يصحو الشاب متاخر (معذور اصلا ما لحقش ينام) ثم يجلس على مهله للافطار ( يعنى هيروح الامتحان على لحم بطنه ؟ مش معقول ) واخيرا يذهب للجامعة ولكن يقف قليلا قبل الدخول ليدخن سيجارة ( يعنى معقول يروح يمتحن وراسه مش متظبطه) بالنهايه يدخل اللجنه متأخر فيتشاجرمع المراقب الذى يعترض على تاخره وفى النهايه وحرصا على مستقبله يتدخل رئيس اللجنه رأفة به ويوافق على حضوره الامتحان.


البنت // تقرأ الادعيه ثم تسمى وتفتح الورقه وتبدأ فى الاجابه


الشاب ينظر بحذر حوله ثم يتحين الفرصة لاخراج البرشامه


البنت // تنهى الاجابات ثم تراجع مرة اخيرة وتحمد الله ثم تسلم الورقه وتخرج


الشاب // المراقب يراه يغش يسحب منه الورقه فيقوم بعمل خناقه وزيطه فى اللجنه ( حرام عليكوا ده ظلم منكم لله انا عارف اصلا انتوا حاطينى فى دماغكوا من الاول ربنا على المفترى)

يوم النتيجه //


الفتاه تنجح بتفوق 98% وتحمد الله وتشكره

الشاب يرسب 13% ويصرخ قائلا ( والله ظلم اصلا نظام التعليم فاشل وامتحانات باميه الله يخرب بيت المصححيين )


فى المنزل



منزل البنت //الأب للأم// قولى لبنتك كفايه تعليم لحد كده جالها عريس وحنجوزها يعنى هاتعمل ايه بالشهادات

منزل الشاب //الأب للأم // قولى لابنك الفالح يحضر نفسه علشان يسافر يكمل تعليمه بره فى امريكا يمكن يفلح

شفتوا الفرق ..؟؟

[RФMaйt!c_QuêN 0]

طبعااا يامحمود احنا مجتهدين من يومنا

[RФMaйt!c_QuêN 0]

يامحمود موضوع نهايه اللى يزعل زوجته شيلو من
قسم التسجيل واختبارات القبول وحطو ف الفكاهه والطرائف انا مرضيتش اعلق هناك عشان تقدر تحذفو وتحطو ف مكانو الصح انا قول ألفت نظرك بس

[محمود سعيد77 0]

حاضر

[somya 0]

هههههههههه مش جديد على البنات

هههههههههههههه

[somya 0]

لا قصدي مش جديد على الولاد هههههههههه

[محمود سعيد77 0]

لا بس عن نفسى انا مش كدا خالص
لا سجاير و لا كورة و برشام فى الامتحانات و بأروح قبل الامتحات بساعة او 2 كمان
هههههههه

[somya 0]

هههههههههههههه

[RФMaйt!c_QuêN 0]

متأكد يامحمود

[somya 0]

ههههههههههههههه

[*maryam 0]

هههههههههههههههههه بس اكيد مش كل الولاد كدا وبرضه مش كل البنات كدا

[somya 0]

صح يامريم

[Hussein1974 0]

محمود سعيد77 كتب:

لا بس عن نفسى انا مش كدا خالص
لا سجاير و لا كورة و برشام فى الامتحانات و بأروح قبل الامتحات بساعة او 2 كمان
هههههههه

الف مبروك على ال 13% يامحمود وباذن الله التيرم الجاى تعوض وتجيب 17%

[محمود سعيد77 0]

الله يبارك فيك يا حسين و عقباااااااااااااااااااااااااااااااااااالك

[Hussein1974 0]

ربنا يخليك يامحمود على مشاعرك الطيبة دي بس خليهالك مش عاوزها مادام هاتخليني اجيب 13% يبقى الله الغني.

[محمود سعيد77 0]

[MïSs Mâŗýam 0]