الامتحانات هتخلص قبل رمضان

[somya 0]

لقيت تنبيه على صفحتي بيقول

تفسيريا على الطلاب فسوف يتم تغيير موعد الامتحانات دور يوليو على ان تبدأ في 4 يوليو وتنتهي في 18 يوليو وذلك لحلول شهر رمضان أعاده الله علينا بالخير واليمن والبركات


دة معنى الرسالة

[somya 0]

تسهيلا مش تفسيريا

[somya 0]

فيييييينكم

[somya 0]

تنبيه هــــام

للدارسين بمركز جامعة القاهرة للتعليم المفتوح

تيسيراً على الدارسين بمركز جامعة القاهرة للتعليم المفتوح تقررتعديل مواعيد امتحانات دور يوليو 2012 لتبدأ يوم الأربعاء الموافق 4/7/2012 وتنتهى يوم الأربعاء الموافق 18/7/2012 وذلك بمناسبة شهر رمضان المبارك أعاده الله علينا وعليكم بالخير واليمن والبركات .

                                                        10/4/2012

[*maryam 0]

اووووووووووو ده كدا بدري قوي مش هلحق اذاكر
ده في مادتين معرفش عنهم حاجة لسة انا مكنتش عايزة الامتحانات في رمضان برضه بس كدا بدري

استرها ياااارب

[somya 0]

بصي

التأخير ليه عيوب اكتر من مزاياه

بس أنا شايفة ان بدري أحسن

خصوصا ان صعب الامتحان في رمضان و أنا مكنتش هقدر أصوم

[somya 0]

ربنا يستر

و خصوصا على حسين دة عنده 9 موااااااااد

[*maryam 0]

هو فعلا صعب الامتحانات في رمضان بس برضه الامتحانا كدا بدري

ده انا عندي 5 ومحتاسة بيهم حسين عنده 9 ربنا معاه ومعانا كلنا

[somya 0]

يارب ننجح كلنا يارب

[*maryam 0]

ياااااااااااااااااااارب وبتقدير كمان

[Hussein1974 0]

الف شكر ياجماعة على مشاعركم الطيبة دي.

انافعلا دخلت دلوقتي وشفت الرسالة وطبعا التقديم ده اكيد ليه مميزاته وليه عيوبه.

في الحالة دي هاضطر اخد 3 مواد بس بالاضافة ل 4 اللي معايا يبقوا 7 وهاجل 2 للبيني باذن الله.

وباذن الله ربنا يوفقنا كلنا وباشكركم تاني بجد وربنا يخليكم.

[somya 0]

ربنا يوفق الجميع

[somya 0]

العفو حسين انت اخ فاضل

[Hussein1974 0]

ربنا يخليكي ياسومة و دي مشاعر متبادلة طبعا بينا كلنا.

[somya 0]

العفو ربنا يخليك

[Hussein1974 0]

دلوقتي الامتحانات هاتكون 15 يوم وقبل كده كانت 17 يوم يعني المدة قلت يومين.

ده معناه انهم هايضغطوا الامتحانات.

[Hussein1974 0]

هي اصلا مش ناقصة ضغط من الاول.

[محمود سعيد77 0]

ممكن تبقى يوم و يوم

[somya 0]

الله اعلم

لسة ما عدلوا الجدول

[Hussein1974 0]

لا طبعا اكيد بالنسبة للي معاهم 5 مواد مش هاتكون يوم ويوم يعني هاتكون المدة اوسع شوية من يوم ويوم اما للي معاهم مواد كتير هتكون ضيقة جدا.عموما مش هاتفرق كتير.ربنا يسهل.

[محمود سعيد77 0]

هى بصراحة المفروض ما تزيدش عن 3 ايام فى الاسبوع

[Hussein1974 0]

اكيد لو معاك 5 مواد من تيرم واحد يعني منتظمة هتلاقي الجدول يومين في الاسبوع بس.

[somya 0]

يارب يكون الجدول كويس

[Hussein1974 0]

باذن الله ياسومة هايكون كويس.انتي اصلا معاكي مواد التيرم السادس كله يعني ربنا يسهل ويكون يومين في الاسبوع.

[somya 0]

يارب

أنا خايفة كمان لان الوقت ضيق أوي

مش باقي الا شهرين ونص

[*maryam 0]

[hawas 0]

walid
هوا التيرم التانى بتاع دور مارس بييقى امتحانه فى شهر كام وبيداء فى المعتاد امتى ؟ السؤال ده يهمنى عشان شغلى وترتيب الامتحانات والشغل؟
hawas
منتصف يوليو 2012 تقريباً
مع خالص تحياتي

walid

شكرا اخى العزيز بس هوا مبيجيش الامتحانات فى اول يوليو خالص ؟


hawas
لا عزيزي ، ولكل قاعده شواذ ، وخصوصاً هذا العام لدخول الشهر الفضيل ( رمضان المبارك ) .

walid
ازاى ممكن توضحلى اكتر

hawas

تقريبا يبدأ شهر رمضان 2012 فى يوم 20/7/2012 والله و اعلم
أي مع بداية الإمتحانات ، أتوقع أن يكون للمسئولين رأي في ذلك ( تاريخ آخر ) لبداية الإمتحانات .

وهذا إجتهاد مني .
مع خالص تحياتي


walid

تتوقع ايه تصرف المسئولين عن المركز لو رمضان صح هيبداء 20 -7 والامتحانات نصف سبعه

hawas

التبكير ، ومتفائل لهذا

walid
يعنى مثلا يبداؤ امتحانات امتى؟ اول 7؟
hawas

صعب لأنه يواكب إمتحان الجامعة النظامية ، ممكن أسبوع واحد 7/7 مثلاً
walid
ما هو لو قدم امتحاناتنا هيقدم امتحانات النظامى
hawas
ممكن ممكن جداً
walid
هو احنا امتحاناتنا بتاخد وقت كلى قد ايه؟
hawas

إسبوع ونصف ( 13 يوم )

marina
مشرفة عامة

17 يوم بالضبط
يعنى اسبوعين و3 ايام


الحوار نشر بتاريخ 4-3-2012

[somya 0]

انا مش فاهمة يا حواس

[somya 0]

الجدول لسة ما اتغيرش

[hawas 0]

لا تقلقي .......مسألة وقت .

[hawas 0]

المهم ....ذاكري وبجديه من الآن.

لأن الوقت قريب وليس ببعيد

[somya 0]

ادعيلي يا حواس





و ذاكر انت كمان وحسين

ربنا يوفق الجميع

[hawas 0]

قال تعالى -: {وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ } البقرة: 186

((اللهم إني أسألك فهم النبيين و حفظ المرسلين ، و الملائكة المقربين، اللهم اجعل ألسنتنا عامره بذكرك و قلوبنا بخشيتك و أسرارنا بطاعتك إنك على كل شيء قدير و حسبنا الله و نعم الوكيل ))

[Hussein1974 0]

فعلا ياحواس انا فاكر حوارك مع وليد بالظبط زي مانت كتبته كده.

ما شاء الله على بعد نظرك وتوقعك لقرارات المسئولين.

[somya 0]

شكرًا يا حواس

[somya 0]

لسة برد ما اتغيرش الجدول بتاع الامتحانات ليه؟

[sally90 0]

يا رب يتغير الجدول بصراحة الامتحانات هتكون متعبة جدا فى رمضان وهتضيع طعم الشهر الكريم

[Hussein1974 0]

ماهو فعلا الجدول اتغير ياسالي بس سومة تقصد انه لسة متغيرش في الصفحة الخاصة بالدارس.

[RФMaйt!c_QuêN 0]

sally90 كتب:

يا رب يتغير الجدول بصراحة الامتحانات هتكون متعبة جدا فى رمضان وهتضيع طعم الشهر الكريم

ياسالى انت مختيش بالك ان الامتحانات بقت من 4-7-2012 لـــ 18-7-2012

[somya 0]

انا قصدي على الصفحة الشخصية ما اتغيرش

ليكون تغيير ميعاد الامتحان لجوة مصر بس وبرة مصر في رمضان؟؟ دة انا كنت انتحر