القراءة والفهمممممم 112

[ايمى_دودى 0]

انا قلقانة قوى من مادة القراءة والفهم مش عارفة أعمل فيها ايه ياريت اللى عنده خبرة بالمادة دى ويقدر يفيدنى فيها لان انا متعقدة منها جدااااااااااااااااااااااااااا

[sweet_love 0]

أولا المادة دى أهم حاجة فيها تقدرى تفهمى القطعة وفى الغالب بتيجى قطعة من المنهج وقطعة بره المنهج بس الترم اللى فات كانوا الإتنين من المنهج ركزى على المحاضرات و التطبيقات و الإمتحانات و إن شاء الله خير

[ايمى_دودى 0]

ميرسى قوى ليكى سويت لاف بس الفكرة ان المحاضرات المكتوبة مش نفس اللى الدكتور بيقوله فتفتكرى اذاكر كله وخلاص وبعدين فين الوقت اصلاً :x

[sweet_love 0]

هو دايما دى بتبقى المشكلة الدكتور بيشرح حاجة غير اللى فى المحاضرات المكتوبة بس فى آخر شهر كده هتعرفى المنهج بالضبط ولو ظروفك تسمح لك تحضرى المحاضرات الأخيرة بتبقى فيها مراجعة و تركيز على أهم القطع ولو مكنتش ظروفك بتسمح زيى مثلا يبقى بصى على القطع المكررة فى التطبيقات و المحاضرات و الإمتحانات و ركزى عليها انا عملت كده

[ايمى_دودى 0]

خلاص انا حاحاول احضر المحاضرات الاخيرة ان شاء الله شكرا سويت لاف

[اماني1 0]

hi
كيفك ايمي دودي
شوفي انا هلأ ماشيه الحمد لله تمام بالمنهج
انا حاليا بس مركزة على التطبيقات والمحاضرات المكتوبة (فقط)
وماعم شوف المحاضرات التلفزيونية
حسيت حالي بتشتت لما افتحهم
بس انتي اذا شفتي انو مابشتتك افتحي عليهم
اهم شي تحفظي الكلمات الجديدة عليكي
وحتلاقي كل شيئ سهل لان الاسئله بعض منها تكون اجابتها من القطعه
والبعض منها استنتاجية لذلك تكوني فاهمة عن شو بتتكلم القطعه
غير هيك اسلي الدكتور على اي القطع نركز للامتحان؟؟
ورديلي خبر ضرووووووووووووري

[ايمى_دودى 0]

اوكى ياأمانى انا ان شاء الله حاحضر اخر المحاضرات واكيد حاقولك على الحاجات المهمة

[أسامة1 0]

بصى يا ايمى
اهم حاجه فى الماده دى انك تعرفى ايه هى نوعية الأسئله اللى بتيجى فيها وطريقة الاجابه ازاى بغض النظر عن ان القطعه جايه من المنهج او من بره.
يعنى مثلا سؤال الفكره الرئيسيه ده اساسى بيجى فى الماده دى خصوصا لو انتى فى التيرم الأول لازم تعرفى طلريقة اجابته ازاى وهكذا على باقى نوعيات الأسئله.
حلى امتحانات السنين اللى فاتت عشان تاخدى على الأسئله وطريقة اجاباتها

[ايمى_دودى 0]

شكرا ليك قوى ياأسامة هى الفكرة انى مش عارفة الفكرة الرئيسية دى بتيجى ازاى يعنى اعرفها ازاى فياريت لو حد يعرف يقولهالى.

[اماني1 0]

نفس استفسار ايمي؟؟؟

[أسامة1 0]

بصى يا ايمى انتى وامانى
رغم انى مش عارف اشرحها لكم هنا كويس
بس باختصار الفكره الرئيسيه اللى هى الجمله او الجملتين اللى بيدور حوليهم الموضوع كله
شوفوا الموضوع بيدور حولين ايه وهتلاقى فى جمل معينه كده ممكن تطلعى منها الفكره الرئيسيه والموضوع يا جماعه مش صعب حاولوا بس تشوفوا امتحانات محلوله وتحلوها بنفسكوا وبعد كده تقارنوا اجاباتكم بالاجابات الموجوده

[ايمى_دودى 0]

ميرسى ليك قوى يا أسامة.

[أسامة1 0]

العفو يا ايمى وانا تحت امرك فى اى حاجه تانيه

[اماني1 0]

شكرا اسامة
الله يجزيك كل خير
وانا هيك عم بحاول اسوي وبيطلع معي 70% من اجاباتي للافكار صح

[أسامة1 0]

70% ده شىء كويس
وعلى فكره اوقات السؤال بيبقى ليه كذا طريقة اجابه فى الماده دى بالذات بمعنى ان ممكن يكون فى كذا اجابه وكلهم صح . ربنا يوفقك ويوفقنا جميعا

[اماني1 0]

آمين يارب
وفلعا كما ذكرت ممكن يكون اكتر من اجابة

[أسامة1 0]

نسيت اقول لكوا تاخدوا بالكم من اخطاء الجرامر او السبيلينج فى الماده دى او فى اى ماده غيرها لأن النوعيه دى من الأخطاء بتنقص من الدرجات حتى لو اجابة السؤال صح

[اماني1 0]

انشاء الله خير
مع انو الواحد يادوبك يحفظ
يعني اليوم مزحوم بشكل غير طبيعي
فمنيح يلي بلاقي وقت ليدرس

[ايمى_دودى 0]

شكرا ليك يا أسامة