عايزه شوية امل بليز

[roka1 0]

يا جماعه انا كان نفسى اجيب تقديرات كويسه فى اول ترم ليا بس للاسف انا خلاص السنه دى ضاعت منى وكان نفسى اجيب امتياز انا جبت 2مقبول 2جيد 1امتياز اداب انجلش عايزه اعرف هو ممكن اعوض فى الترم التانى يتحسبو الاتنين مع بعض ولا كده خلاص ولو ينفع يبقى ايه التقديرا ت اللى محتاجاها علشان اعوض

[Hussein1974 0]

يعني انتي جايبة النسبة التراكمية كام وعاوزة تخليها كام عشان اقدر احسبهالك واقولك

[roka1 0]

انا جايبه 69% لوعايزها جيد جدا او امتياز يبقى محتاجه ايه

[somya 0]

ربنا يوفقك و ان شاء الله هتقدري تعوضي بس شدي حيلك

[marina 0]

ممكن تشدى حيلك فى الترم التانى ولو تقديرك فى الترم التانى لوحدة من جيد جدا

حيبقى بالطبع لكى منحة وتقديرك الكلى للسنة الدراسية حيرتفع ودا حينفعك

فى االتقدير العام بعدكدة

اللى ممكن من خلالة تعملى دراسات عليا لو كان فوق جيد

[Hussein1974 0]

لوعاوزاه جيد جدا يعني تجيبي اجمالي 160 درجة يعني تجيبي في التيرم التاني 91% وده ممكن باذن الله. ولو عاوزاه ممتاز يعني تجيبي اجمالي 180 درجة يعني تجيبي في التيرم التاني 111% وده مستحيل .
لكن طبعا ممكن لو كل تيرم جبتي تقدير عالي تقدري تعوضي على المدى البعيد لحد ماتجيبي ممتاز او جيد جدا.
هاشرحلك بالدرجات:انتي عشان تجيبي في الاخر ممتاز لازم تحصلي على 720 درجة وانتي خلصتي خمس مواد جبتي فيهم 69 درجة يبقى لازم عشان تجيبي ممتاز تجيبي 651 درجة من 700 درجة.
ولو عاوزة في الاخر جيد جدا يعني 640 درجة يعني تجيبي 571 درجة من 700 درجة.
ارجو اني اكون قدرت اوضحلك وربنا يوفقك.

[roka1 0]

بجد شكرا لكل اللى رد عليا وطمنى لمارينا وحسين وسميه وربنا يوفقنا ان شاء الله

[roka1 0]

بس يا مارينا مش قولتو قبل كده فى المنتدى ان مفيش دراسات عليا للمفتوح وخصوصا اداب انجلش

[marina 0]

فى دراسات عليا للى جايب جيد



بس مش فى مركز التعليم المفتوح ممكن فى اى جامعة نظامية او مركز التعليم المفتوح لعين شمس بيقبل خريجى التعليم المفتوح جامعة القاهرة اللى جايبن تقدير جيد