عندى سؤال قبل التسجيل

[Gina 0]

اولا: مبرووووك لينا كلنا على النتيجه

ثانياً: بقى دلوقتى انا كنت طالعه الترم التانى وكان معايا جرامر1 وعلشان كده ماخدتش جرامر2 كويس. وبعدين نجحت فى جرامر 1 الحمد لله فاتبقى معايا جرامر2 اللى ماخدتهوش اصلا وكمان (للأسف لظروف خاصه) طلعت بكمريهنشن2 وترجمة2 وثقافية2 فاصبح معايا 4مواد ترم تانى كويس كده؟؟

السؤال بقى
ينفع دلوقتى اقدم فى الترم التالت واخد معايا كمبرهنشن2 وترجمه2 (بما انهم مواد متطلبة)واخد معاهم 3 مواد جداد من الترم التالت....والجرامر2 وثقافية2 اخدهم بعد كده بينى او مع اى ترم؟؟؟ ولا لازم اكون ناجحه فى كل المواد علشان اقدم فى ترم جديييييد؟؟؟؟!!!!! انا اسفه انى توهتكم و رغيت كتير بس انا دايما يبسالكم فى اى حاجه لانكم مجربين

ومرة تانيه مبرووووووووووك لكل اللى نجح

[marina 0]

ازيك ياجينا



لاسف ياجينا متقدريش تاخدى كمبهنشن 3 الالماتنجحى فى كمبهنشن 2 وبردوة متقدريش تاخدى ترجمة 3 الا لماتنجحى فى ترجمة 2 ممكن تاخدى من مواد ترم تالت مقال وقراءة وتعبير وعلم الترجمة بس

وممكن تاخدى بدل باقى مواد ترم تالت مواد ترم رابع زى الفنوتكس ومعاجم

اة ينفع تاخدى تاخدى كمنهنشن 2 وترجمة 2 وتاخدى علم الترجمة ومقال وكمان عربى ترم تالت

للعلم ممكن تاخدى الاربع مواد اللى طلعت بيها مع 3مواد جديدة من ترم تالت الا كتبت لكى اسمائهم

[Gina 0]

ماروو ازيك وحشتينى اوووى على فكرة طول فترة الاجازة دى

انا عارفه ان مش ينفع اخد ترجمة3 وكمبرهنشن3 الا لما انجح فى ترجمة2 وكمبرهنشن2

ومش عاوزة اخد 7 مواد علشان عارفه انى مش هقدر وكمان امتحاناتهم بتبقى قريبة من بعضها اوووووى


وعلشان شوفت هنا ستار بتقول لامجد فى موضوع الإستعداد للترم الثالث ان الجرامر2 وكمبرهنشن3 والمقال مرتبطين ببعض ففكرت اخد (كمبرهنشن2 وترجمه2 وثقافية2 مع قراءة وتعبير وعلم الترجمه) والباقى فى ترم لوحده او ممكن اخد معاهم كمان المقال لو ماده سهلة

ايه رأيك؟؟؟

[Hussein1974 0]

بصي ياجينا في قاعدة بتقول ان الطالب ممنوع ياخد مواد من تيرم اعلى الا اذا كانت مواد التيرم السابق ليها متطلب او متعارضة مع مواد تانية في الامتحانات.

لانك ممكن ترسمي خطتك وتتفاجئي بان المواد ايامها في الامتحانات ورا بعض يعني كل يوم.فلازم يكون ادامك قبل ماتختاري حاجتين:

1-جدول الامتحانات ومش مهم يكون اللي جاي ممكن يكون اللي فات لان قواعد الجدول واحدة.

2-المواد اللي مسموحلك بتسجيلها ودي سهلة تعرفيها من صفحة المستويات الدراسية وكمان مارينا قالتلك على معظمها.

في الحالة دي هاتقدري تختاري المواد اللي في بينها ايام كافية في الامتحانات وممكن تاجلي الباقي اما للتيرم البيني او تختاريهم وتعتذري عن بعضهم.

[marina 0]

اهلا ياجينا عاملة اية ياجميل وحشنى اوى انا كويسة اتمنى تكونى بخير

شوفى ياجميل خدى المقال لانة بجد مكمل لجرايمر 2 وكمان عندى اخبار ان دكتورة رانيا راجعة تدرسة مش امانى يعنى باذن اللة المادة حتبقى اسهل من امانى اللى بوظت المادة وصعبتها ومكنتيش عارفة لا تشرحها ولا حتى تحط امتحانها



خدى مقال مع قراءة وتعبير وعلم الترجمة مادة جميلة جدا ومعها ترجمة 2 وكمبهنشن 2

وممكن صح تبقى تاخدى بعد كدة بينى 3 مواد وربنا معاكى ياجميل وبالتوفيق ان شاء الله

[Hussein1974 0]

بس كده يامارينا هايقع منها تيرم يعني هتتاخر تيرم لانها هتاخد خمس مواد وتلاتة بيني.وهي لازم تاخد خمس مواد جديدة عشان متتاخرش في الليسانس.

[marina 0]

هى ياحسين اللى مش عاوزة تاخد اكتر من خمس مواد فى الترم مش 7

ممكن بعد كدة المواد تقسمها على الترمات الباقية او تاخدهم بينى بعدكدة

[Hussein1974 0]

ايوة يامارينا بس لازم تسجل خمس مواد جديدة بالاضافة للاربعة اللي معاها يعني تسعة عشان ميقعش منها تيرم.

في الحالة دي ادامها حاجة من الاتنين اما انها تيجي على نفسها وتاخد ستة مثلا وتلاتة بيني مع ان تلاتة بيني دي صعبة جدا. او تقسم الخمسة بين الاساسي والبيني يعني تلاتة اساسي مثلا واتنين بيني وتعتذر عن واحدة او اتنين في التيرم الاساسي وده افضل حل لانه هايسهل عليها كتير.

[Hussein1974 0]

انا هاقول حل بسيط جدا.

انتي ياجينا معاكي اربع مواد من نفس التيرم يعني طبعا في فترات زمنية كافية بينهم يبقى منطقي انك تمتحنيهم كلهم وتسجلي معاهم 5 مواد وهم:

قراءة وتعبير1-مقال1-علم الترجمة وتختاري اتنين من تلاتة وهم قراءة وتعبير2 وعلم الصوتيات والمعاجم.

هاتمتحني الاربع مواد اللي شايلاهم ومعاهم قراءة وتعبير1وتعتذري عن الاربعة اللي فاضلين.

وفي التيرم البيني ممكن تمتحني مادتين من اللي اعتذرتي عنهم وتاجلي التانيين للتيرم اللي بعده.

التيرم اللي بعده هايكون معاكي مادتين معتذرة عنهم ساعتها هاتقسمي الخمس مواد الجداد على التيرم الاساسي والبيني برضو

بكده مش هايقع منك تيرم ودي افضل خطة تعمليها عشان متخسريش تيرم كامل.

[somya 0]

افادكم الله

[RФMaйt!c_QuêN 0]

hussein1974 كتب:

انا هاقول حل بسيط جدا.

انتي ياجينا معاكي اربع مواد من نفس التيرم يعني طبعا في فترات زمنية كافية بينهم يبقى منطقي انك تمتحنيهم كلهم وتسجلي معاهم 5 مواد وهم:

قراءة وتعبير1-مقال1-علم الترجمة وتختاري اتنين من تلاتة وهم قراءة وتعبير2 وعلم الصوتيات والمعاجم.

هاتمتحني الاربع مواد اللي شايلاهم ومعاهم قراءة وتعبير1وتعتذري عن الاربعة اللي فاضلين.

وفي التيرم البيني ممكن تمتحني مادتين من اللي اعتذرتي عنهم وتاجلي التانيين للتيرم اللي بعده.

التيرم اللي بعده هايكون معاكي مادتين معتذرة عنهم ساعتها هاتقسمي الخمس مواد الجداد على التيرم الاساسي والبيني برضو

بكده مش هايقع منك تيرم ودي افضل خطة تعمليها عشان متخسريش تيرم كامل.

صح ياحسين كده

[Hussein1974 0]

اصل انا ياكوين مريت بنفس الموضوع لما حصلت الثورة واجلوا الامتحانات كان معايا 10 مواد امتحنت 5 واعتذرت عن 5 فضلوا معايا التيرم اللي فات وسجلت عليهم 5 بقوا 10 تاني امتحنت 6 واعتذرت عن 4 وباذن الله لو سجلت التيرم ده هايبقوا 9 بس مليش فرصة اعتذار تاني.ربنا يستر ويعديه على خير.

[RФMaйt!c_QuêN 0]

انت كده خلص كل فرص تأجيل المواد ليه انت كده أجلت كام مره انا ؟أجلت مره وحده بس الترم ده كان معايا 8 مواد أجلت ماده عشان حسيت انى هادخل الامتحان مش مذاكراها كويس وانا مش بحب ادخل الامتحانات وانا مش مذاكره واقول زى ماتيجى تيجى وكمان ببقى عايزه اجيب تقديرات عشان كده اجلتها وامتحنت 7

[Hussein1974 0]

فرص الاعتذار مسموحة لحد اقصى 10 مواد على مدار ال 40 مادة وانا اعتذرت مرة في مادة ثقافية2 لان التيرم كله مكنتش مذاكره ودخلت الامتحانات من غير مذاكرة خالص واخر مادة كانت الثقافية اعتذرت عنها يبقى كده واحدة.

واعتذرت عن 5 في تيرم الثورة اللي ضموه على اللي بعده يبقى كده 6.

واعتذرت عن 4 التيرم اللي فات لاني كان معايا 10 مواد يبقى كده اعتذرت عن 10 مواد.

يعني مليش اي فرصة اعتذار تاني.

[RФMaйt!c_QuêN 0]

ربنا معاك بقى

[Hussein1974 0]

شكرا ياكوين .ربنا معانا جميعا.

[RФMaйt!c_QuêN 0]

ياااااارب

[Gina 0]

hussein1974 كتب:

بس كده يامارينا هايقع منها تيرم يعني هتتاخر تيرم لانها هتاخد خمس مواد وتلاتة بيني.وهي لازم تاخد خمس مواد جديدة عشان متتاخرش في الليسانس.

ايوه فعلا كده هتاخر...بس انا هقسم المواد القديمة على الترمات يعنى اخد مادتين تلاته قدام مع مادتين تلاته جداد او لو فيه ماده سهله ممكن اخد فى الترم 6 مواد مش مشكله علشان التاخير

[Gina 0]

hussein1974 كتب:

ايوة يامارينا بس لازم تسجل خمس مواد جديدة بالاضافة للاربعة اللي معاها يعني تسعة عشان ميقعش منها تيرم.

في الحالة دي ادامها حاجة من الاتنين اما انها تيجي على نفسها وتاخد ستة مثلا وتلاتة بيني مع ان تلاتة بيني دي صعبة جدا. او تقسم الخمسة بين الاساسي والبيني يعني تلاتة اساسي مثلا واتنين بيني وتعتذر عن واحدة او اتنين في التيرم الاساسي وده افضل حل لانه هايسهل عليها كتير.

بس البينى ده بيبقى صعب اوووووى

[Gina 0]

hussein1974 كتب:

اصل انا ياكوين مريت بنفس الموضوع لما حصلت الثورة واجلوا الامتحانات كان معايا 10 مواد امتحنت 5 واعتذرت عن 5 فضلوا معايا التيرم اللي فات وسجلت عليهم 5 بقوا 10 تاني امتحنت 6 واعتذرت عن 4 وباذن الله لو سجلت التيرم ده هايبقوا 9 بس مليش فرصة اعتذار تاني.ربنا يستر ويعديه على خير.

يااااااااه كتيييير اوووووى ده 7 مواد و مسكتراهم عليا

[Gina 0]

عاوزة اعرف رايكم فى اخر ما توصلت اليه
اخد (قراءة وفهم2 ، ترجمة2 ، ثقافية2 ، قراءة وتعبير ، علم الترجمة) والباقى اخده الترم اللى بعده مع 3 مواد جداد

ايه رايكم اضيف المقال مع الخمسة دول ولا اخليه مع القراءة والفهم3 والجرامر2 الترم الجاى بما انهم مرتبطين ببعض التلاته واخد معاهم تلاته كمان من الجديد وااجل الترجمة2)

معلش انا عارفة انى مزعجة بس مش عاوزة اندم على حاجه بعد كده

[marina 0]

نصيحة منى لو رانيا عطت مقال فى ترم تالت خدوة

مش حتعوضها

اما لو ماعطتيش ترم تالت مقال

فخدوا بدلة جرايمر 2

وللعلم المقال الا عطوة لنا امانى انا حاست انةمكنيش مرتبط بترم تانى خالص

[Hussein1974 0]

اختيارك كويس ياجينا والمهم انه يكون مناسب لرغبتك بس في قاعدة مهمة جدا عشان متتاخريش تيرم وهي انك لازم تسجلي خمس مواد.
يبقى ممكن تسجلي خمس مواد عادي وتعتذري عن تلاتة وتمتحني ستة.
والتلاتة اللي هاتعتذري عنهم ممكن تمتحني منهم واحدة بيني تبقي كده خففتي كتير من على نفسك التيرم اللي بعده لان كده هايتبقى معاكي مادتين بس لما تسجلي عليهم خمسة هايبقو سبعة ممكن ساعتها تمتحني ستة وتاخدي المادة الاخيرة بيني.
وعلى فكرة التيرم البيني بتبقى امتحاناته عادية زي اي تيرم ومتخافيش منه ولما بتكون مادة واحدة بس لو ركزتي فيها ممكن تجيبي تقدير.
انا كنت واخد مادة معاجم بيني وجبت فيها الدرجة النهائية الحمد لله.

[RФMaйt!c_QuêN 0]

Gina كتب:

hussein1974 كتب:

ايوة يامارينا بس لازم تسجل خمس مواد جديدة بالاضافة للاربعة اللي معاها يعني تسعة عشان ميقعش منها تيرم.

في الحالة دي ادامها حاجة من الاتنين اما انها تيجي على نفسها وتاخد ستة مثلا وتلاتة بيني مع ان تلاتة بيني دي صعبة جدا. او تقسم الخمسة بين الاساسي والبيني يعني تلاتة اساسي مثلا واتنين بيني وتعتذر عن واحدة او اتنين في التيرم الاساسي وده افضل حل لانه هايسهل عليها كتير.

بس البينى ده بيبقى صعب اوووووى

على فكره البينى مش صعب ولا حاجه بالعكس ده ساعات بيكون اسهل من امتحان الترم الاساسى

[Gina 0]

marina كتب:

نصيحة منى لو رانيا عطت مقال فى ترم تالت خدوة

مش حتعوضها

اما لو ماعطتيش ترم تالت مقال

فخدوا بدلة جرايمر 2

وللعلم المقال الا عطوة لنا امانى انا حاست انةمكنيش مرتبط بترم تانى خالص

ميرسى ليكى يا مارو بس هما قالوا ان المقال والكمبرهنشن2 وجرامر2 مرتبطين ببعض..او يعنى الجرامر بيساعد المقال والكمبرهنشن2 بتاحتاحها فى المقال او حاجه زى كده

[Gina 0]

hussein1974 كتب:

اختيارك كويس ياجينا والمهم انه يكون مناسب لرغبتك بس في قاعدة مهمة جدا عشان متتاخريش تيرم وهي انك لازم تسجلي خمس مواد.
يبقى ممكن تسجلي خمس مواد عادي وتعتذري عن تلاتة وتمتحني ستة.
والتلاتة اللي هاتعتذري عنهم ممكن تمتحني منهم واحدة بيني تبقي كده خففتي كتير من على نفسك التيرم اللي بعده لان كده هايتبقى معاكي مادتين بس لما تسجلي عليهم خمسة هايبقو سبعة ممكن ساعتها تمتحني ستة وتاخدي المادة الاخيرة بيني.
وعلى فكرة التيرم البيني بتبقى امتحاناته عادية زي اي تيرم ومتخافيش منه ولما بتكون مادة واحدة بس لو ركزتي فيها ممكن تجيبي تقدير.
انا كنت واخد مادة معاجم بيني وجبت فيها الدرجة النهائية الحمد لله.

اشكرك أ/حسين اقتراحك كويس اووووى
بس انا معايا كمبرهنشن2 وترجمه2 ودول ميخلونيش اخد الخمسة بتوع الترم التالت علشان كده اخد مادتين بس جداد

بس معلش انا عندى سؤال: هو ايه الفرق بين انى اسجل فى الماده واعتذر عن امتحانها،ماسجلش الماده اصلا؟؟؟ ده يفرق ايه ليا مش النتيجه واحده؟؟؟

[Hussein1974 0]

اولا ياجينا انتي ممكن تاخدي خمس مواد بس بتلغي منهم المواد المتطلبة من التيرم التالت وبتاخدي بدالهم من الرابع يعني تاخدي تلاتة من التالت واتنين من الرابع.

ثانيا انا بقولك تسجلي وتعتذري لانك لازم تسجلي خمس مواد كل تيرم عشان تخلصي بعد اربع سنين.

يعني لو سجلتي اقل من خمس مواد في التيرم الاساسي والبيني مع بعض يبقى هاتتاخري في الحصول على الليسانس.

[Gina 0]

معلش يا جماعة انا اسفه اوووى لإزعاجكم معايا ... اللى حصل دلوقتى انى روحت سجلت قالولى لازم تاخدى الاربع مواد اللى متاخرين عليكى اللى هما (جرامر2 وكومبرهنشن 2 وترجمه 2 وثقافية 2) وممكن تزودى عليهم من الترم الجديد وفعلا اخدتهم وزودت عليهم القراءة والتعبير وعاوزة اروح تانى اخد ماده سادسه

انا كده كده هروح تانى علشان ازود ماده اغير بقى القراءه والتعبير دى ولا اخليها زى ما هى واخد معاها حاجه سادسه؟؟

اصلى عاوزة اسهل مادتين فى الترم التالت علشان مابقاش تقلت عليا

معلش لو كنت محياراكوا وتعباكوا معايا

[marina 0]

علم الترجمة اسهل مادة تقدرى تاخديها من ترم تالت

[RФMaйt!c_QuêN 0]

فعلاااااا علم الترجمه اسهل ماده ف ترم تالت