حلقة دراسية ترم تانىE ابريل 2012

[besho 0]

شكرا يا فادى انا بحاول فعلا أعمل اللى انت قلت عليه وربنا يدبر انشاء الله

[marina 0]

عربى ترم تانى ياترى المقرر لحد المحاضرة التاسعة ولا العاشرة وهل المقرر لحد المبتدا والخبر ولا اية

[Marsil 0]

لحد المبتدأ والخبر بس
اللي حضروا قالوا كدة

[Noni 0]

لحد المبتأ والخبر يعني للمحاضرة الكااام ؟

[Marsil 0]

رقم 8 يا نوني

عايزين نحل دول سوا

أ ـ فاعل مرفوع علامة رفعه الواو .
ب ـ فاعل مرفوع باسم الفاعل .
جـ فاعل مرفوع بالصفة المشبهة .
د ـ فاعل حذف فعله جوازًا ، وآخر حذف فعله وجوبًا .
هـ فاعل مجرور لفظًا مرفوع محلاً .

وـ فاعل مثنى ، وآخر مجموع .
ز ـ فاعل وقع بعد إذا .
ح ـ فاعل مؤنث حقيقي التأنيث لم يفصل بينه وبين الفعل فاصل .
ط ـ فاعل مؤنث مجازي التأنيث .
ي ـ فعل لازم تعدى إلى مفعوله بواسطة حرف جر .
ك ـ فعل متعدِ لمفعولين ليس أصلهما المبتدأ والخبر .
ل ـ فعل متعدٍ لمفعولين أصلهما المبتدأ والخبر .

التطبيق رقم 2

[Noni 0]

شكراا مارسيل
انا مكتوب عندي في الجدول مكان الامتحان قاعة 999 بس مش مكتوب اي مبنى كلكو كدة ولا انا بس و فين قاعة 999 دي

[Marsil 0]

لاء ازاي لازم يكون مكتوب المبني ورقم المقعد والوقت اللي هو الساعة 2 ظهرا
ابعتي رسالة للمركز اوي اتصلي بيهم

وصديقني معرفش فين القاعة 999
بصي انا اول يوم اللي هو الجمعة الجاية
القاعة بتاعتي رقم 903 وفي دار علوم

اسئلي يا نوني بسرعة عشان مش تروحي
تدوخي واسالي هنا اذا كان في حد معاكي
في نفس القاعة اوي قاعة قريبة

[mahmoud aboelhamd 0]

يا جماعة اخر كلام العربى لحد المحاضرة كام؟ ارجوكم حد يرد على ضرورى وياريت يكون متاكد

[Marsil 0]

المحاضرة 8

[اميرة امرالله نافذ 0]

أ ـ فاعل مرفوع علامة رفعه الواو .
ويرفع وعلامة رفعه الواو إذا كان جمع مذكر سالم مثل : أنشأ المهندسون مبانيَ عظيمةً
ب ـ فاعل مرفوع باسم الفعل
الفاعل المرفوع باسم الفعل : هيهات العقيق . هيهات : اسم فعل ماض بمعنى " بعُدَ" مبني على الفتح لا محل له من الإعراب . العقيق فاعل مرفوع بهيهات علامة رفعه الضمة الظاهرة على آخره .
جـ فاعل مرفوع بالصفة المشبهة .
الفاعل المرفوع بالصفة المشبهة : محمدٌ حسنٌ خلقُهُ . فخلق فاعل مرفوع علامة الرفع الضمة الظاهرة على آخره ، والهاء ضمير مبني على الضم في محل جر مضاف إليه .

د ـ فاعل حذف فعله جوازًا ، وآخر حذف فعله وجوبًا .
حذف فعل الفاعل وجوبًا فيكون في حالة وقوع اسم مرفوع بعد إن ، أو إذا أو لو . والسبب في ذلك أن هذه الأدوات مختصة بالأفعال فقدروا وقوع الفعل بعدها مثل: إنْ محمدٌ جاءك فأكرمه . فمحمد فاعل لفعل محذوف يفسره المذكور بعده، إذا البرق لمع نزل المطر . والتقدير إذا لمع البرق لمع. لو النتيجة ظهرت سأسافر معك . والتقدير لو ظهرت النتيجة
الحذف جوازًا : إذا دل عليه دليل كالإجابة على سؤال السائل : من نجحَ ؟ فتقول : محمد ، والتقدير : نجح محمد .

هـ فاعل مجرور لفظًا مرفوع محلاً .
جاء مجرورًا لفظًا بمن قولك : ما جاء من أحدٍ ، فالأصل : ما جاء أحدٌ ، لكن حرف الجر الزائد دخل على الفاعل فجره لفظًا ومحله الرفع
وـ فاعل مثنى ، وآخر مجموع .
المثني :جاء الطالبان المجموع :نجح الطلاب
ز ـ فاعل وقع بعد إذا .
إذا البرق لمع نزل المطر . والتقدير إذا لمع البرق لمع
ح ـ فاعل مؤنث حقيقي التأنيث لم يفصل بينه وبين الفعل فاصل .
جاءت هند
ط ـ فاعل مؤنث مجازي التأنيث .
طلعت الشمس
ي ـ فعل لازم تعدى إلى مفعوله بواسطة حرف جر .
الفعل الازم لايتعدي ابدا لانة يكتفي بالفاعل عن المفعول بة مثل قصر النها - طال الليل
ي ـ فعل متعدى إلى مفعوله بواسطة حرف جر .
ان اشكر لي ولوالديك
ك ـ فعل متعدِ لمفعولين ليس أصلهما المبتدأ والخبر .
كسا الربيع الارض خضرة
ل ـ فعل متعدٍ لمفعولين أصلهما المبتدأ والخبر .
علمت الصدق منجيا - ظننت النجاح سهلا

[اميرة امرالله نافذ 0]

يارب تكون اجبتي صح علي فكرة انا مطلعاها من شرح الفاعل

[اميرة امرالله نافذ 0]

تصحيح ي ـ فعل لازم تعدى إلى مفعوله بواسطة حرف جر .
ذهبت الي المدرسة

[اميرة امرالله نافذ 0]

لو سمحتم ياجماعه انا عيزا اجابة السؤال ده

8 ـ بين حكم إلحاق التاء بالفعل في كل مثال مما يأتي مع التعليل .
نعم الفتاة مريم ـ جاءت الفتاة مريم ـ ما حضر إلا الفتاة مريم .

[اميرة امرالله نافذ 0]

السؤال السادس ـ قال الشاعر :
وإذا المنية أنشبتْ أظفارَها
ألفيتَ كلَّ تميمةٍ لا تنفعُ

أ ـ أعرب ما تحته خط . ب ـ ما حكم تأنيث الفعل أنشبت ؟ علل لما تقول.
أعرب ما يأتي : كفى بالمرء إثمًا أن يضيع من يعول .
تمرون الديار ولم تعوجوا


كلامكمُ عليَّ إذًا حرامُ

ارجو الاجابة علي هذا السؤال

[Noni 0]

Marsil كتب:

لاء ازاي لازم يكون مكتوب المبني ورقم المقعد والوقت اللي هو الساعة 2 ظهرا
ابعتي رسالة للمركز اوي اتصلي بيهم

وصديقني معرفش فين القاعة 999
بصي انا اول يوم اللي هو الجمعة الجاية
القاعة بتاعتي رقم 903 وفي دار علوم

اسئلي يا نوني بسرعة عشان مش تروحي
تدوخي واسالي هنا اذا كان في حد معاكي
في نفس القاعة اوي قاعة قريبة

بكرة هكلم الجامعة يا مارسيل و باريت يعدلوهااا .. في مشكلة كمان انا مش معايا الكارنيه اصلا عشان كنت همتحن في قطر و حصلت ظروف و نزلت مصر و بيقولو ان لازم الكارنيه اعمل ايه مش ينفع ادخل بوصل رسوم الامتحانات ؟

[اميرة امرالله نافذ 0]

4ـ ما حكم إقامة المفعول الثاني مقام الفاعل في باب (كسا ) ؟ وما حكم إقامة المفعول الثاني في باب ظن مقام الفاعل ؟ مثل لما تقول .

اخر حاجة ان شاء الله

[Marsil 0]

بصي اسألي برضو عشان انا نعرفشي
ومش عايزة افتي وخلاص
وان شاء الله الموضوع يبقا بسيط ومش تقلقي

[نوران مسعد 0]

انت مش بتقولو النحو لحد المحاضرة 8
طيب هنذاكر التطبيق الثانى واسءلة الفاعل والمفعول ولا
عاوزين نتاكد من المحذوف فى المنهج

[aml ahmed 0]

الكل بيقول ان الدكتور وقف لغاية المبتدأ والخبر

[نوران مسعد 0]

طيب ممكن يكون وقف فى الشر
بس المحاضرات كلها مقررة
هنعمل ايه

[besho 0]

[quote="Noni"]

Marsil كتب:

بكرة هكلم الجامعة يا مارسيل و باريت يعدلوهااا .. في مشكلة كمان انا مش معايا الكارنيه اصلا عشان كنت همتحن في قطر و حصلت ظروف و نزلت مصر و بيقولو ان لازم الكارنيه اعمل ايه مش ينفع ادخل بوصل رسوم الامتحانات ؟

الدخول للامتحان يا نونى ينفع عادى بالبطاقه الشخصيه لانى نظرا لبعدى عن الجامعه فانا ما عملتش الكارنيه الترم اللى فات ودخلت الامتحان عادى والترم ده برده ما عملتوش

[besho 0]

يا جماعه انتم مش بتقولوا ان الدكتور قال لغاية المحاضره 8 طيب ما الفاعل واحكامه والمفعول دول أصلا فى المحاضره التلفزيونيه رقم 9

[نوران مسعد 0]

اهلا بيشو
اخبارك ايه واخبار المذاكرة ايه
انا محتارة فى المنهج
نذاكر لحد المبتدا والخبر
ولا نذاكر كمان كان واخواتها وان واخواتها
والتطبيقات فيها اسءلة عن الفاعل والمفعول
اعمل ايه

[besho 0]

إذيك يا نوران أخبارك إيه
بصى هو عموما كان واخواتها وإن وأخواتها سهلين مفهمش حاجه
وعلى فكره الترم ده فى العربى يعتبر هو هو زى التيرم الأول ده كمان دكتور خطرى مش موسع خالص فى معلوماته زى د - سعد
بس برده خلى عندك خلفيه عن الفاعل والمفعول علشان متضمنيش ممكن ييجى فيهم نقطه ولا حاجه
ومتخافيش وربنا معاكى

[Noni 0]

[quote="besho"]

Noni كتب:

Marsil كتب:

بكرة هكلم الجامعة يا مارسيل و باريت يعدلوهااا .. في مشكلة كمان انا مش معايا الكارنيه اصلا عشان كنت همتحن في قطر و حصلت ظروف و نزلت مصر و بيقولو ان لازم الكارنيه اعمل ايه مش ينفع ادخل بوصل رسوم الامتحانات ؟

الدخول للامتحان يا نونى ينفع عادى بالبطاقه الشخصيه لانى نظرا لبعدى عن الجامعه فانا ما عملتش الكارنيه الترم اللى فات ودخلت الامتحان عادى والترم ده برده ما عملتوش

بيشو انا مش معايا بطاقة كمان

[Noni 0]

ممكن حد يديني مثال للملحق بجمع المذكر السالم مرفوع و منصوب

[besho 0]

Noni كتب:

ممكن حد يديني مثال للملحق بجمع المذكر السالم مرفوع و منصوب

المثال ده قالوا الدكتور فى المحاضرة يا نونى
(ولا يأتل أولو الفضل منكم والسعة أن يؤتو اولى القربى والمساكين والمهاجرين فى سبيل الله وليصفحوا الا تحبون ان يغفر الله لكم إن الله غفور رحيم
فكلمة أواو جاءت فاعل مرفوع بالواو لانها ملحقة بجمع المذكر السالم
وكلمة أولى جاءت مفعول به منصوب وعلامة النصب الياء لانها ملحقة بجمع المذكر السالم

[Marsil 0]

Noni كتب:

ممكن حد يديني مثال للملحق بجمع المذكر السالم مرفوع و منصوب

مرفوع .... المهندسون مجتهدون
منصوب ... رأيت المهندسين

[besho 0]

Marsil كتب:

Noni كتب:

ممكن حد يديني مثال للملحق بجمع المذكر السالم مرفوع و منصوب

مرفوع .... المهندسون مجتهدون
منصوب ... رأيت المهندسين
بصى يا مارسيل هى عايزه الملحق بجمع مش الجمع نفسه
المهندسون هنا مبتدأ مرفوع بالواولانها جمع مذكر سالم
المهندسين مفعول به منصوب بالياء لانها جمع مذكر سالم
لكن الملحق بالجمع هوأولا - مالامفرد له من لفظه مثل كلمة أولو - أولى
- 2الفاظ العقود من20-90
ثانيا- ما لها مفرد من جمعها ومفردها لا يمكن ان يجمع جمع مذكر سالم مثل عن اليمين وعن الشمال عزين

ومثل المال والبنون زينة الحياة فى الدنيا
فكلمة عزين والبنون هما ملحقان بجمع المذكر

[Marsil 0]

شكرا ع التوضيح يا بيشوي

[besho 0]

العفو على ايه

[Noni 0]

شكراا بيشو و مارسيل

[نوران مسعد 0]

الله يسلمك يا بيشو
ربنا يوفقنا ان شاء الله
شكرا بيشو

[emy ahmed 0]

ياجماعه عايزة مثال
لفاعل مؤنث حقيقي التأنيث لم يفصل بينه وبين الفعل بفاصل

[Marsil 0]

السلام عليكم ورحمة الله وبركاته
اعزائنا الطلاب تم رفع 10 محاضرات و10 تطبيقات داخل لينك محاضرات مكتوبه للطباعه وتطبيقات مكتوبه للطباعه

حد جتله الرسالة دي ع الموقع بتاع الجامعة
ومش كاتبين مادة ايه
وانا رجعت كل المواد مفيش حاجة جديدة نزلت

[abo nooh 0]

إجتمعت المعلمات مع مديرة المدرسة



درست الطالبات كل الدروس مع المعلمه





المعلمات - والطالبات

هما فاعل مؤنت



والله أعلم

[abo nooh 0]

ولا يوجد فاصل بين الفعل والفاعل



بس ما ادري إن كان المثال ينطبق على طلبك

أم لا

[abo nooh 0]

ما جائتني مارسيل على الموقع

ولكن جاءت هذه الرساله

تنبيه هـــام

على جميع الدارسين الالتزام التام بالمواعيد المحددة لبدء الامتحان والدخول لقاعات الامتحان ولن يسمح لأى دارس بالدخول للقاعات خلال النصف ساعة الاولى إلا للحالات الطارئة بعد موافقة المشرف العام على الامتحانات , كما أن التأخير عن موعد الامتحان لا يعتبر عذر مقبول عن دخول الامحان .

لذا يجب على جميع الدارسين مراعاة ذلك .

[Marsil 0]

لاء في رسالة تانية اللي انا كاتباها فوق


ممكن حد يديني مثال لـ
اسم مجرور بالتبعية
وحد يقولي ده صح ولا لاء ( التحقت بالازهر الشريف ) ؟

[besho 0]

Marsil كتب:

لاء في رسالة تانية اللي انا كاتباها فوق


ممكن حد يديني مثال لـ
اسم مجرور بالتبعية
وحد يقولي ده صح ولا لاء ( التحقت بالازهر الشريف ) ؟
ذهبت إلى بيت صديق عزيز
مررت بغلام زيد الظريف
بس لوعربنل جملتك يا مارسيل
التحقت: التحق فعل ماضى مبنى على السكون لاتصاله بتاء الفاعل
وتاء الفاعل ضمير مبنى على السكون فى محل رفع فاعل
بالازهر : جار ومجرور
الشريف مضاف إليه مجرور
يبقى إحنا كده عايزين صفه للأزهر لتكمل أنواع الحرف الجر ( حرف الجر -- الاضافه -التبعيه)
فممكن تقولى التحقت بالازهر الشريف الكبير أو الجميل أى صفه تتمم المعنى
الكبير هتكون صفه مجروره بالتبعيه

[besho 0]

Marsil كتب:

السلام عليكم ورحمة الله وبركاته
اعزائنا الطلاب تم رفع 10 محاضرات و10 تطبيقات داخل لينك محاضرات مكتوبه للطباعه وتطبيقات مكتوبه للطباعه

حد جتله الرسالة دي ع الموقع بتاع الجامعة
ومش كاتبين مادة ايه
وانا رجعت كل المواد مفيش حاجة جديدة نزلت
أيوه يا مارسيل ده كده فعلا فى مادة الجرامر بقوا 10 تطبيقات و10 محاضرات

[Marsil 0]

اوكيه كدة تمام اوي
ميرسي يا بيشووووووووووووووووو

[abo nooh 0]

ربما تكون الشريف هي صفه للازهر

وبنفس الوقت تكون مضاف إليه

[نوران مسعد 0]

ارجو اعراب ظلمونى الناس

[besho 0]

معلهش تاء الفاعل علشان هنا للمتكلم فهتكون مبنيه على الضم مش على السكون اسف مره تانيه

[besho 0]

[quote="
نوران مسعد"]ارجو اعراب ظلمونى الناس
بصى بس هو أنا بس مش متأكد أوى
ظلمونى: ظلم فعل ماضى مبنى على السكون لإتصال بضمير الرفع واو الجماعه
الواو ضمير مبنى على السكون فى محل رفع فاعلوالنون نون الوقايه تقى أخر الفعل من الكسر
الناس مضاف إليه
بس برده مش متأكد لو حد عنده إفاده ياريت يضيفها وشكرا

[نوران مسعد 0]

كفى بالمرء اثما ان يضيع من يعول
من هتتعرب ايه

[نوران مسعد 0]

شكرا يا بيشو
بس يا بيشو الفعل الماضى المتصل بواو الجماعة يبنى على الضم
و واو الجماعة ضمير مبنى على السكون فى محل رفع فاعل
والنون نون الوقاية
والياء للمتكلم ضمير مبنى على السكون فى محل نصب مفعول به
صح كدا ولا ايه يا بيشو

[emy ahmed 0]

لا يا جماعه المثال ده ف التطبيق التاني من التطبيقات التليفزيونيه
وقال لو هنعرب الواو ضمير في محل رفع فاعل هيبقي الناس بدل من الضمير
ولو الواو هتبقي علامه جمع الناس هتبقي فاعل مرفوع

[emy ahmed 0]

هو اعربها علي لغه اكلوني البراغيث