حلقة دراسية ترم تانىE ابريل 2012

[marina 0]

اهلا بكل طلبة الترم التانى ارجو المشاركة فى الحلقة الدراسية

[المشتاقة للجنة 0]

أهــــــــــــــــلا بيكي مارينا، يـــارب يكون الترم ده أحسن من الأول، ونتفاعل مع بعض بإذن الله

[somya 0]

يارب

[marina 0]

اهلا المشتاقة للجنة

[نوران مسعد 0]

اهلا سومة
اهلا مارينا
اهلا المشتاقة للجنة
كل ترم وانتم بخير

[naja123 0]

اهلا بيكم كلكم يا ترم تانى و انشاء الله يبقى تيرم كويس على الجميع

[naja123 0]

علا انتى فين؟

[besho 0]

أهلاً نجا إيه الأخبار إنتى سجلتى ولا لسه

[sally90 0]

اهلا طلبة الترم التانى

[نوران مسعد 0]

اهلا بيشو
اهلا سالى اهلا
اهلا naja
كل ترم وانتم بخير
انا رحت اسجل انهاردة
فى المنصورة قال لى الموظف ان موقع الجامعة وقع
وقال لى اجى بكرة

[sally90 0]

نوران مسعد كتب:

اهلا بيشو
اهلا سالى اهلا
اهلا naja
كل ترم وانتم بخير
انا رحت اسجل انهاردة
فى المنصورة قال لى الموظف ان موقع الجامعة وقع
وقال لى اجى بكرة

كريزى عرعر برضوا ولا ايه .....

[نوران مسعد 0]

شكله كده يا سالى
بس الموظف بيقولى فيه ضغط جامد
مش عارفه اه التهريج ده
نيجى نشوف النتيجة الموقع وقع
نيجى نسجل يقولى فيه ضغط
انا اللى هيجيلى ضغط

[besho 0]

أهلاً نوران
أهلاً سالى
أهلا بكل التيرم التانى
يااااااااااااااااااااااااااااااااارب تيرم يكون كويس علينا كلنا
وربنا يوفقنا كلنا

[نوران مسعد 0]

يا رب يا بيشو
يكون الترم ده خير على الكل
انت سجلت ولا لسه

[besho 0]

لا لسه إحتمال أسجل على الخميس كده
إنتى سجلتى؟؟

[المشتاقة للجنة 0]

أهــــــ مارينا ــــلا
أهــــــ نوران ــــلا
أهــــــ نجا ــــلا
أهــــــ بيشو ــــلا
أهــــــ سالي ــــلا
أهــــــ سمية ــــلا

أهـــلا بيكو كلــكو
المنتدى منــور بوجودكم
يارب يكون ترم ممتع للجمـــــــيع
كل ترم والجميع متفوق وناجح بإذن الله


أنــا هسجل بإذن الله ع الخميس من كفر االشيخ
كسلت أنزل النهـــاردة
بالتوفيق للجميع

[RФMaйt!c_QuêN 0]

ياااااااااااارب الترم ده يكون حلو علينا كلنا وبالتوفيق للجميع

[نوران مسعد 0]

اهلا بيكى يا مشتاقة للجنة
المنتدى منور بيكى
يا رب ناجحين دايما

[نوران مسعد 0]

لا يا بيشو روحت اسجل النهارده معرفتش
الموقع مش شغال
يوم الخميس ان شاء الله

[RФMaйt!c_QuêN 0]

انا كمان رايحه يوم الخميس يامسهل ونعرف نسجل

[besho 0]

أهلاً مشتاقه للجنه ربنا يوفقك

[naja123 0]

besho كتب:

أهلاً نجا إيه الأخبار إنتى سجلتى ولا لسه

ايوه يا بيشو انا رخمت ورحت للبنت اللى هناك و ادتلها بياناتى و قلتلها هكلمك كل يوم لغايه متعرفى تسجليلى, و سجلتلى

[marina 0]

اهلا بالجميع وبكل طلبة الترم التانى ويارب يبقى ترم سعيد وموفق وتجيبوا فية احلى التقديرات كل سنة وانتوا طيببن ببدء الدراسة

[Marsil 0]

hello everybody in second term

i hope this term will be better than the first term

[marina 0]

دا جدول نزلوة على الفيسبوك لترم تانى بس دفعة ثانوية عامة 2010-2011 يعنى السنة اللى فاتت

[RФMaйt!c_QuêN 0]

بس ده ايامه اتنين وحد يامارينا معنى كده مش هننزل الجمعه بقى خلاص انا من بتوع ثانويه 2010 بس سمعت اننا هننزل جمعه وسبت مش حد واتنين وكمان هنحضر فين كده اللى يعرف حاجه جديده ياجماعه يقولنا

[marina 0]

ياكوين نا اقصد العام الدراسى 2010-2011 يعنى ثانوية عامة السنة اللى فاتت واللى الترم دا بقوا ترم تانى



وانت ياكوين خريخة ثانوية السنة اللى قبلها يعنى بقالك سنتين مخلصة ثانوية عامة



يعنى دا مش جدولك خالص

[marina 0]

انت حتنزلى يوم واحد ياكوين يوم الجمعة بس

[RФMaйt!c_QuêN 0]

اهااااااا فهمت يامارينا شكراااا انا ثانويه عامه 2009-2010

[marina 0]

العفو ياجميل

[aml ahmed 0]

السلام عليكم

اهلا بيكم جميعا ويارب يكون الترم ده احسن من اللى فات وتكون الحلقه دى اقوى من اللى فاتت

والحمد لله سجلت واستلمت الكتب عدا الجرامر

[RФMaйt!c_QuêN 0]

يااااارب وربنا معاكى

[dodi1 0]

ايه يا جماعه حد راح البارح؟

مش الدراسه بدأت برضضو ولا ايه؟؟

[marina 0]

ايوة بدات

بس امبارح كانت لنظام القديم

[dodi1 0]

يعني ايه النظام القديم؟؟

[marina 0]

نظام قديم هم خريخى الثانوية العامة منذ عام 2007-2009-2010-والتى مر عليها خمس سنوات واكثر والدبلومات

ايضا التى مر عليها 5 سنوات واكثر

اما النظام الحديث فهم خريخى الثانوية العامة السنة اللى فاتت عام دراسى 2010-2011

فهم محاضراتهم لوحدهم ومواعيد مختلفة عنكم وبقى لهم يومين فى الاسبوع دراسة

[heba mohammed 0]

السلام عليكم:
انا سجلت ترم تااني بس من خارج مصر وللأسف الصفحه بتتأخر اووي لحد ما تنزلي المواد والكتب كمان بتقعد شهر لحد ما توصل ممكن اللي يقدر يرفع المحاضرات المكتوبه للطباعه للمواد ينزلها وأكوون شااكره جدا ليه/ليها لأني كده متأخره ولو فضلت لما يفتحوا الصفحه هاتأخر اوووي يااريت اللي يقدر يساعدني ينزلهم

[aml ahmed 0]

ده طلبك يا هبه

النحو ع مستوى النص

4shared.com/rar/QGNCpQWp/__online.html

grammer

4shared.com/rar/oTNPm6dp/__online.html

comperhension

4shared.com/rar/wimRntuF/__online.html

translation

4shared.com/rar/9kfCbHq8/__online.html

culture

4shared.com/rar/3XMOWOd4/__online.html

ولو عاوزة اى حاجه قولى

[aml ahmed 0]

يا جماعه حد يجرب الروابط دى لان بعد اما عملتها مشتغلتش

[heba mohammed 0]

aml ahmed كتب:

يا جماعه حد يجرب الروابط دى لان بعد اما عملتها مشتغلتش

الف الف ملــــــــــــــــيون شكر يا أمل
جزااكي الله كل خير

الروابط شغاله تمام الحمدلله
ولكي جزيل الشكر

[aml ahmed 0]

العفو يا هبه

[naja123 0]

سؤال بسيط هو انا الوحيده اللى لسه محاضراتى منزلتش على الصفحة و لا كلكم كده,لانى استغربت لما لقيت جدول الامتاحانات نزل و ربنا معانا لانة هيكون كله فى رمضان

[Hussein1974 0]

لا الجدول اتغير لاننا جاتلنا رسالة على الصفحات الشخصية بتقول ان الامتحانات هاتكون من 4/7 الى 18/7 .

افتحي صفحتك واتاكدي.

[محمود سعيد77 0]

سؤال يا جماعة
انا لسه مسجل النهارده تيرم تانى اداب بس ما اخدتش كتاب الجرامر قالى مش موجود معنى كدا ان الكتاب ممكن يتغير غير كمان فيه اربع سيديهات برده مش موجوده قالى خلال او كمان اسبوع
الكلام دا اتقال للناس كلها و لا ايه

[محمود سعيد77 0]

naja123 كتب:

سؤال بسيط هو انا الوحيده اللى لسه محاضراتى منزلتش على الصفحة و لا كلكم كده,لانى استغربت لما لقيت جدول الامتاحانات نزل و ربنا معانا لانة هيكون كله فى رمضان

و انا كام
بس كون موضوع الامنحانات فى رمضان مش مشكله خالص ممكن نقلب الليل نهار لحد ما نخلص الامتحانات و ربنا يغفر لينا يعنى نوم بالنهار و مذاكرة للصبح

[marina 0]

تم تغير مواعيد الامتحانات بقيت من يوم 4-7-2012-الى 18-7-2012

[b]تنبيه هــــام
للدارسين بمركز جامعة القاهرة للتعليم المفتوح

تيسيراً على الدارسين بمركز جامعة القاهرة للتعليم المفتوح تقررتعديل مواعيد امتحانات دور يوليو 2012 لتبدأ يوم الأربعاء الموافق 4/7/2012 وتنتهى يوم الأربعاء الموافق 18/7/2012 وذلك بمناسبة شهر رمضان المبارك أعاده الله علينا وعليكم بالخير واليمن والبركات .

10/4/2012
[/b]

[محمود سعيد77 0]

[Hussein1974 0]

محمود سعيد77 كتب:

سؤال يا جماعة
انا لسه مسجل النهارده تيرم تانى اداب بس ما اخدتش كتاب الجرامر قالى مش موجود معنى كدا ان الكتاب ممكن يتغير غير كمان فيه اربع سيديهات برده مش موجوده قالى خلال او كمان اسبوع
الكلام دا اتقال للناس كلها و لا ايه

بص يامحمود موضوع تاخير الكتب ده موجود من التيرم اللي فات بس واضح انه هايبقى عادة بعد كده اما السيديهات من الاول واحنا مش بناخدها كاملة يعني انا لحد دلوقتي ماخدتش سيديهات قديمة بس السيديهات مش مهمة لانها كده كده مفيهاش غير محاضرتين بس من المحاضرات اللي على صفحة الدارس.

[محمود سعيد77 0]

على الاقل يبدأوا يحطوا لنا محاضرات على الصفحة بتاعتنا يبقى لا كتب و لا محاضرات و لا سيديهات و احنا بقينا فى شهر 4 يعنى التيرم كدا خلاص

[Hussein1974 0]

المفروض المحاضرات وكل حاجة عن المادة بتنزل في نفس يوم التسجيل.