حلقة دراسية ترم اولE ابريل 2012

[ابو نوران 0]

يامريم انا بامتحن فى المنصورة
ربنا يسهل وحد يجبهالنا
وزميلى الى راحوا جابو وحدة ثانية خالص
وشكرا وربنا يوفقاَ جميعاَ

[*maryam 0]

انا كنت فكرة ان المحافظات بييجوا يمتحنوا في القاهرة ربنا معاك ابو نوران

[raafat sadek 0]

بالنسبه لمادة الترجمة
ما هو القول الفصل في هذه المادة؟؟
عذرا لعدم متابعتي الفترة الماضية
هل هناك مواضيع يمكن التركيز عليها؟؟
مع الشكر

[*maryam 0]

قالت ركزوا على الجمل العربي اللي في التطبيقات عشان هييجي منها ترجمة من عربي لانجليزي لكن الترجمة من الانجليزي لعربي مقلتش ركزو على حاجة لان مش هييجي حاجة من الكتاب اساسا ربنا يسترها بقى

[raafat sadek 0]

شكرا جزيلا اخت مريم
ربنا يسترها ان شاء الله

[أمة الله الرحمن 0]

ياااااااااااجماعة ايه مزكرة الشخصيات بتاعت المادة الثقافية دى ؟؟ انا معايا التطبيقات والمحاضرات ونزلت الملفات البي دى اف اللى نزلت مؤخرا على الصفحة الخاصة

هل فى حاجة تانية ولا ااااااااايه ؟

ولو ممكن اعرف ايه المقرر علينا بالضبط فى المادة دى ونزاكره منين

وجزاكم الله خيرا

[أمة الله الرحمن 0]

وكمان هو هيجى فى امتحان المادة الثقافية كتابة مقال ؟؟ وعن ايه ؟؟

[*maryam 0]

السلام عليكم ورحمة الله وبركاته

الشخصيات هما داروين- شكسير- صاموئيل - درايدن
المفروض ان احنا خدنا ورق من الدكتورة هنذاكر منها الشخصيات والورق ده موجود في المكتبة اللي جنب المبنى اما الجزء الخاص بالقصص انجلو ساكسون - ونورمان ساكسون ومش عارفة ancient england هنذاكرها ولا لا

ودول هنذاكرهم من ورق المحاضرات والكتاب وعلى فكرة الملفات البي دي اف فيها معلومات زيادة يعني ركزي في الورق والكتاب افضل

[rana jasser 0]

هههههه شفتي ايمريم كانت فكره حلوه

برافو عليكي يامريم قلبك دليلك

الحمدلله كان الاختبار روعه

بس اي قطعه اجتكم ؟

انا اجتني الفريد نوبل وبرج ايفل

كان عندي اساس كبير بالفريد نوبل بس حكولي انو احنا غير مصر بس الحمدلله وعقبال الباقي ياااارب

[*maryam 0]

جالنا برضه برج ايفيل كان سهل قوي والحروف الهجائية الاختلاف في السيين

[ابو نوران 0]

السلام عليكم ورحمة الله
ممكن يا مريم لو مفبيش تعب ليكى
يوم امتحان الجرام تسيب لينا نسخة من مذكرة الشخصيات فى مكتبة الكابتن الى بجوار المركز
عشان الى عايزها يروح يصورها من المكتبة ديه
اصل زميلى سافر النهاردة القاهرةعشان يجيبها وسال فى كل المكتبات الى بجانب المركز لم يجدها
حتى دخل المكتبة الى داخل المركز ملقهاش برده وكل محد يسافر من المنصورة
مايعرفش يجيبها وبالنسبة لمكتبة الكابتن سهلة الوصول بالنسبة لنا
لو مقدرتيش مفيش مشكلة
وشكراَ

[*maryam 0]

وعليكم السلام ورحمة الله وبركاته

معقولة مش موجودة هي المكتبة في شارع كدا بجوار المركز مش على الشارع خلاص اوك هشوف الموضوع ده هحاول ربنا يسهلها

[*maryam 0]

انا عايزة اولع في ورق الجرامر

في حد فاهم القاعدة اللي في المحاضرة رقم 3 اكسرسيس 4

[ابو نوران 0]

متشكر جداَ
يا مريم
بس ياريت لو ودتيها
عرفينى عشان اسافر اجبها

[Salma215 0]

يا جماعة هو انا لوحدي اللي تايهة في الجرامر ولا كلكم كده ؟
رغم اني مذاكراه كله قبل كده بس حاسة اني مش عارفة ألمه في دماغي خالص
وآخر حتة في المحاضرة التالتة اللي هي Reduced Clauses مش عارفة افهمها

[rana jasser 0]

حبيبتي يامريم سوري ما شفت رسالتك الى هلأ ولإني جديده بالمنتدى مش مسموح لي ارسلك رساله

اه معاي الماده هاي

وطبعا نساعد بعض فيها

من عيوني يامريم اي سؤال احكيلي اياه وانا اشوفو واحكيلك الي بيطلع معي ونتناقش ونساعد بعضنا واي حدا بدو مساعده كمان

انا سعيده فيكي كتير يامريووومه انك معي

[Redfire123 0]

معلش يا جماعة انا عاوز اعرف مادة الجرامر منهاجها ايه بالظبط و اذاكر ايه بالظبط؟

و هل المحاضرات المكتوبة فيها المنهج و هل فى اى حاجة خدنها فى الكتاب؟

[*maryam 0]

السلام عليكم ورحمة الله وبركاته

حاضر يا ابو نوران هقول لحضرتك بكرة لما آجي من الامتحان

اه يا سلمى كلنا كدا تايهيين متقلقيش مش لوحدك

[*maryam 0]

rana jasser كتب:

حبيبتي يامريم سوري ما شفت رسالتك الى هلأ ولإني جديده بالمنتدى مش مسموح لي ارسلك رساله

اه معاي الماده هاي

وطبعا نساعد بعض فيها

من عيوني يامريم اي سؤال احكيلي اياه وانا اشوفو واحكيلك الي بيطلع معي ونتناقش ونساعد بعضنا واي حدا بدو مساعده كمان

انا سعيده فيكي كتير يامريووومه انك معي

ولا يهمك حبيبتي انا برضه خد بالي ان مينفعش تبعتي رسائل

تسلم عيونك يا قمر طيب نتناقش هنا عشان الكل يستفاد ولا ابعتلك ايميلي ايه رأيك؟؟؟

طيب انا هقولك على سؤالي هنا ولو حابة نتناقش فيه عالميل اوك مفيش مشكلة

انا عايزة افهم القاعدة اللي في المحاضرة الثالثة في الورق اخر قاعدة في المحاضرة 3 صفحة رقم 11 تحته على طول اكسرسيس رقم 14 لو ذاكرتيها وفهماها ياريت تفهميهالي يا رنا

[shahy.mohamed.12576 0]

انا ضايعة في الجرامر والامتحان بكرة
اعمل ايييه

[*maryam 0]

كلنا في الهوا سوا يا شاهي طيب يا جماعة ذاكرو من ورق المحاضرات اللي يقابلوا قاعدة مش فاهمها يقول واحنا نساعد بعض وانا قابلني قاعدة مش فهماها

في المحاضرة 3 صفحة رقم 11 تحته على طول اكسرسيس رقم 14مش عايزة تتفهم وسبتها دلوقتي وبذاكر اللي بعده عشان مش تعطلني

[raafat sadek 0]

انا شخصيا داخل امتحان ال grammar بخبرة السنين ومذ اكرتي مع اولادي ان شاء الله في المساء بعد عودتي من العمل--هحل شوية تطبيقات----ود متم
ربنا يوفق الجميع

[raafat sadek 0]

الاخت مريم--القاعدة دي في الكتاب ولا في التطبيقات--مش فاهم

[*maryam 0]

في ورق المحاضرات

في المحاضرة 3 صفحة رقم 11 القاعدة رقم 14

[Redfire123 0]

شرح التمرين فى المحاضرة السابعة من المحاضرات المرئية اتمنى ان توصلك اجبتى مع انها متأخرة جدا

فى اول جزء من المحاضرة شرح الدرس بعد كده شرح التمرين 14

[raafat sadek 0]

في grammar في الاسماعيلية
سؤال 18 مكون من abc
سؤال 26 مكون من ac فقط
الاسئلة كانت ناقصة وبلغت المراقب جاب لي الورقة الاصلية برضه نفس الموضوع
يا تري الزملاء في القاهرة باقي الاقاليم نفس الموضوع

[ego dawood 0]

آه نفس الموضوع في اسكندريه
بس هو فعلا الثلاث اختيارات غلط ؟؟؟؟؟؟

[ego dawood 0]

ياجماعه لوسمحتم في حد يعرف معلومات عن الترجمه إيه المهم وإيه اللي ملغي؟؟؟؟

[*maryam 0]

حسبي الله ونعم الوكيل انا ضعت في الجرامر وكلنا خارجين ندعي على الدكتورة بجد حرام اللي بتعملوا فينا ده امبارح ترم تاني يقدموا فيها شكوى والنهاردة كمان تجبلنا الامتحان بالطريقة دي والله حرام

ادخل متضمنة لاني بجد كنت مذاكرة واخرج مش عارفة انا عملت ايه ياترى كلكم كدا ولا انا بس بس صحابي كلهم كدا برضه يعني مش العيب فيا


يا جماعة اللي عايز ورق الكالتشر انا تركت نسخة في المكتبة اللي جنب مكتبة الكابتن على طول اسمها الرشيد عشان قلت لمكتبة الكابتن قاللي سبيها هناك اللي هي جنبها على طول ادعولي بقى اعدي من الجرامر

[abo nooh 0]

مالك مريم ؟ وماذا حصل بالأمتحان



هل يمكن الشرح لما حصل بالأمتحان حتى نفهم

و لا تقلقي أن شاء الله

[raafat sadek 0]

الاخ او الاخت ego dawood
فعلا ال3 خيرات مش صح--علشان كده اضطريت اعلم علي خيار d اللي مش موجود
والاخت مريم صد قيني عد د قليل جدا من الاسئلة انا متاكد منه والباقي وقفت قدامه كتير واخترت الاقرب للصواب--وربنا يسترها ان شا ء الله

[raafat sadek 0]

علي فكرة امتحان ال grammar الترم اللي فات كان نفس النظام انا شفته علي صفحتي
بنفس الطريقة الامريكية

[ابو نوران 0]

متشكر جداَ يامريم
كلنا مش مبسوطين من امتحان الجرامر
والكل بيدعى على الدكتورة
ربنا يسطرها معاَ جميعاَ ونعدى انشاء الله
ربنا وحده هو الى عالم بينا

[abo nooh 0]

أخ رفعت - فتح الله عليك



هل سوف يعاد الأمتحان والا ايه اللي حصل يبدو ان هنالك لخطبة في الاسئلة

[raafat sadek 0]

وعليك استاذ خالد
الحقيقة امتحان مش سهل بالمرة متنوع ومفردات لغوية ومصطلحات علمية كتير صعبت من الاجابة واستغرقت وقت

[*maryam 0]

k.salem كتب:

مالك مريم ؟ وماذا حصل بالأمتحان



هل يمكن الشرح لما حصل بالأمتحان حتى نفهم

و لا تقلقي أن شاء الله

انا بجد مخنوقة وعلى أخري انا كنت داخلة ومذاكرة القواعد اللي موجودة في ورق المحاضرات وحلة التطبيقات وتمام وداخلة متضمنة ادخل الاقي الامتحان مش لاقيا ولا قاعدة من اللي ذاكرتهم و حتى الكلمات صعبة اني اقدر اترجمها عشان اعرف اختار الصح والاجابات شبه بعض وغير كدا نص ساعة ييوزعوا في الورق ومكنش في وقت حتى للتفكير ده احنا لسة ترم اول ليه يجبولناا احباط كدا بجد جالي احباط ومش عارفة هركز ازاي في اللي جاي

[abo nooh 0]

ربنا يسهل كل عسير لنا ولك وللاخ رفعت وكل الشباب والاخوات بالمنتدى



قلت أكثر من مرة لأخواني اللي بالمنتدى يا جماعه اللي مو مستعد يعمل تأجيل

وأنا هذا ثالث فصل دراسي أعمل له تأجيل

حتى أفهم قواعد الجرامر كويس

و أعيد واكرر لا تستعجل في إختبار قواعد النحو grammar

[Salma215 0]

معلش يا مريم كلنا كده طالعين مش عارفين عملنا ايه
أنا عن نفسي حاجات كتير حلتها بالشبه
يلا ربنا يستر

بالنسبة للترجمة أذاكر القطع اللي في الكتاب ولا ما اذاكرهاش عشان الامتحان مش جاي منها ؟
يعني الدكتورة قالت انه مش حييجي قطع شبه اللي في الكتاب حتى ؟
و القطع اللي بالعربي في انهي تطبيق ؟

[raafat sadek 0]

جزاك الله خيرا استاذ خالد وللاخت مريم
ان الله لا يضيع اجر من احسن عملا
انت اجتهد تي وعملت اللي عليك وان شاء الله خير
اطلاقا لا داعي لكلمة الاحباط هو لعله الامتحان كان مفاجأة في طريقته ولكن انا متاكد ان كتير مننا ورغم ذلك ان شاء الله نجتاز هذه المادة وقد يتفوق البعض
المهم الان نسيانها تماما--والتركيز في القادم

[*maryam 0]

والله يا أخ خالد انا كنت داخلة ومستعدة ومذاكرة وفاهمة القواعد اللي موجودة في المحاضرات ما عدا واحدة حتى الواحدة دي مجتش فيها حاجة ايه اللي يخليني افكر في التأجيل وانا مذاكرة

يعني انا من كتر اللخبطة اللي كنت فيها بقيت اقول حادي بادي

يارب يا اخ رأفت انا هحاول انساها عشان متأثرش على اللي جاي وربنا يسترها وربنا اللي يعلم اني عملت اللي عليا وذاكرت على قد ما قدرت ياااااااارب يجعله خير علينا كلنا ومنخدش اي مادة معانا على فكرة ترم تاني قدموا شكوى في الدكتورة واحنا ناويين نعمل كدا

فوضت امري لله

[*maryam 0]

Salma215 كتب:

معلش يا مريم كلنا كده طالعين مش عارفين عملنا ايه
أنا عن نفسي حاجات كتير حلتها بالشبه
يلا ربنا يستر

بالنسبة للترجمة أذاكر القطع اللي في الكتاب ولا ما اذاكرهاش عشان الامتحان مش جاي منها ؟
يعني الدكتورة قالت انه مش حييجي قطع شبه اللي في الكتاب حتى ؟
و القطع اللي بالعربي في انهي تطبيق ؟

يااااااااارب يا سلمى يعديها على خير

الدكتورة قالت ان مش هييجي من الكتاب اي قطعة بس برضه احفظي الكلمات اللي فيها واعرفي قواعد الترجمة دي اهم حاجة والقواعد دي هتلاقيها في ورق المحاضرات في اول صفحة مكتوب كذا قاعدة وفي قواعد برضه في وسط الملزمة يعني جمعيهم ومقالتش للأسف حتى هييجي شبهم ولا لا وحاولنا نعرف منها نوع القطعة ايه يعني ادبية ولا علمية و لا عن شخصية بس معرفناش نطلع بحاجة المشكلة مش في انها هتجيب من الكتاب ولا لا المهم بس تجيب قطعة في حدود الكلمات اللي نعرفها لو عرفنا معاني الكلمات هنعرف نترجم بالنسبة للقطع العربي احنا خدنا قطعتين قطعة منهم موجودة في امتحان 2008 اللي موجود في التطبيقات والقطعة التانية هشوفهالك فين بالظبط بس متركزيش على دول بس حاولي شوفي بقيت الجمل برضه وربنا معانا ونطلع من الامتحان مبسوطين ياااااااااارب

[*maryam 0]

القطعة الاولى في تطبيق رقم 6 اول قطعة
القطعة الثانية في تطبيق رقم 7 اول قطعة

[abo nooh 0]

بس إنتي هتكوني ناجحه بإذن الله سبحانه وتعالى

وربنا يوفق كل الأخوه بالمنتدى

إن شاء الله

[Salma215 0]

جزاكِ الله خيراً يا مريم

[suha020 0]

ربنا يسهل و نعدي على خير منه ... فعلا الامتحان كان مش متوقع ابدا .. حسبي الله ونعم الوكيل ..

[*maryam 0]

وانا بحث عن معلومات عن الترجمة وجدت هذا الموضوع حبيت افيدكم بيه

http://salahsalim.ahlamontada.net/t43-topic

[raafat sadek 0]

جزاك الله خيرا اخت مريم

[*maryam 0]

وجزاك بمثله اخي رأفت

[suha020 0]

شكرا مريم ...هو مفيش قطع معينة قالت الدكتور نركز عليها .. ؟؟

[*maryam 0]

للأسف يا سها مقلتش قالت انها مش هتجيب من الكتاب وانا مش قدامي غير اني اذاكر منه واحفظ كلمات
اما بالنسبة للجزء اللي من عربي لانجليزي احنا خدنا قطعتين عربي اللي هما اول قطعة في التطبيق 6 واول قطعة في التطبيق7 وقالت نذاكر القطع اللي بالعربي اللي في التطبيق