حلقة دراسية ترم اولE ابريل 2012

[ego dawood 0]

جزاكي الله خيرا يامريومه على المجهود الرائع دا

[*maryam 0]

وجزاكي بمثله يا حبيبتي

ايه اخبار المذاكرة يا جميل ؟؟؟؟

يا جماعة في حد يعرف يوصفلي المكان ده انا شكلي هتوه يوم الامتحان

المبنى التعليمي(2) داخل الملاعب الرياضية بالمدينة الجامعية بجوار مركز التعليم المفتوح

[سما سيف 0]

تقريبا دا المكان اللى امتحنا فيه المقابلة التحريرى

[ego dawood 0]

*maryam كتب:

وجزاكي بمثله يا حبيبتي

ايه اخبار المذاكرة يا جميل ؟؟؟؟

يا جماعة في حد يعرف يوصفلي المكان ده انا شكلي هتوه يوم الامتحان

المبنى التعليمي(2) داخل الملاعب الرياضية بالمدينة الجامعية بجوار مركز التعليم المفتوح

الحمدلله بس مكتإبه من النحو زيك

[ego dawood 0]

ح يفتكر اللي قال ماليش مزاج أشرحه (المفعول المطلق ولّا المفعول لأجله) ؟؟؟؟؟
دا ملخص كويس في النحو
http://arabsh.com/files/0e36434a60fa/جدول-تلخيص-معالم-النحو-doc.html

[*maryam 0]

هههههه المفعول لاجله يا هاجر هو اللي مشرحهوش مكنش لي مزاج

احنا خدنا المفعول المطلق في اخر محاضرة

جميل قوي الملف ده يا هاجر جزاكي الله خيرا

[*maryam 0]

سما سيف كتب:

تقريبا دا المكان اللى امتحنا فيه المقابلة التحريرى

بجد يا سما متأكدة اصل هو ده المكان اللي بنحضر فيه المحاضرات لو هو فعلا يبقى كويس قوي

[سما سيف 0]

ايوة يا مريم انا اتاكدت

وانا هامتحن فيه

نحو وجرامر وثقافية وبقية المواد هامتحنهم فى القاعة اللى جنب دار علوم

ولو عايزة تتاكدى شوفى الخريطة اللى على صفحة الجدول

[ego dawood 0]

جزانا وإياكم يا مريم وزي ما بيقولوا خيرك سابق

[أمة الله الرحمن 0]

لو سمحتوا يا جماعة انا عاوزة اعرف امتحانى هيبقي فين وموقع الجامعة مش راضي يفتح خالص انا ترم اول اداب

[سما سيف 0]

محدش هايعرف يقولك بياناتك كلها على صفحتك حاولى بس تحطى الارقام بشكل صحيح يعنى فى خانة الاسم اكتبى الرقم اللى على الكارنيه وفيه رقم سرى على الايصال بتاع دفع المصاريف حطيه فى خانة الباسورد جربى كدة وقوليلى

[rana jasser 0]

لو سمحتم حدا يفهمني ايش الفرق بين اجوف واوي و اجوف يائي

لانو مكتوب بالمحاضره الأجوف وهو ما كانت عينه حرف العله وهوه نوعان

أ) اجوف واوي نحو : عاد , قاد , قال, قام , كان , لام

ب) أجوف يائي نحو : طار عاش غاب مال

انا شايفه انهم زي بعض بس هدا اسم اجوف واوي وهدا اسمو اجوف يائي طيب كيف اعرف افرق بينهم

[سما سيف 0]

لا موش زى بعض هاتى الفعل المضارع لكل واحد هاتعرفى اصل الالف ايه طار يطير يبقى يائى عاد يعود يبقى واوى

[rana jasser 0]

سما سيف كتب:

لا موش زى بعض هاتى الفعل المضارع لكل واحد هاتعرفى اصل الالف ايه طار يطير يبقى يائى عاد يعود يبقى واوى

اهااا فهمت شكرا كتير للمعلومه وللرد بسرعه علي في الوقت الديق هدا يااارب يوفقك بالامتحانات

[سما سيف 0]

يا جماعة حد يحللنا النحو بسرعة وخصوصا الاعراب الخرافىدا دول اكيد غلطوا فى الطباعة كل دا اعراب موش معقول والله

[سما سيف 0]

وبعدين فى حاجات موش فى المنهج ما خدنهاش زى الااستثناء المفرغ المجد الا السيف انا شوفتها فى الكتاب

لما رجعت وما اعتقدش اننا خدناها ولا ايه

[Gaber 0]

عندك حق يااستاذه سما انا بردو شكيت فى نفسى بس طلع فى حاجات فى المنهج وللاسف جاوبتها غلط والحاجات الى انتى ذكرتيها ايضاً مكنتش عارف اعربها وقلت بردو انى مزكرتهاش
ده انا عكيت عك ربنا يستر

[*maryam 0]

يا جماعة ايه الاخبار عملتوا ايه في الامتحان

عايزة اتأكد من العك اللي عكيته من متأكد من الاجابات الصح عشان نصحح لنفسنا عايزة اتضمن

[سما سيف 0]

السؤال الاول ان العمل واجب مصدر مؤول

لم يبد عشان لم اداة جزم يبقى حرف العلة محزوف

نائب المفعول المطلق كل

نفى عنى الكرى فى محل رفع خبر مقدم

خلائقا تنوين تمكين

اللى شايف حاجة غلط يقول

[*maryam 0]

وانا عملة كدا يا سما ما عدا اول واحدة ما عدا اول واحدة مع اني كنت عارفاها كدا مش عارفة ايه اللي حصلي ساعتها

[*maryam 0]

سما عملتي ايه في السؤال بتاع العدد انا عملته كدا والله اعلم

اثنتا عشرة شجرة و ستة مقاعد و أحد عشر مصباحاً و خمس وعشرون شجرة ظل و عشرة طيور زينة

[*maryam 0]

يا جماعة حد متمكن من النحو يصصحلنا

[سما سيف 0]

ممتازة يا مريومة انا عملت كدة بالظبط يا ريت بقى حد يفيدنا فى الاعراب لانى عكيت فيه اوى

[*maryam 0]

انا راجعت سؤال العدد ده مع طلبة لاقيت كل واحد بيقول حاجة وشككوني في نفسي يا سما

الاعراب عكيت فيه احلى عك الحمد الله ربنا يسترها ويعدينا من الترم ده على خير

المهم ان كان في كلمة اعرابها مبتدأ وفي فعل مضارع اللي هي يغرهن وكان في كلمة مفعول به مش فاكرة قوي وبصراحة مش عايزة افتح الورقة تاني هههههههه

[*maryam 0]

انا راجعت سؤال العدد ده مع طلبة لاقيت كل واحد بيقول حاجة وشككوني في نفسي يا سما

الاعراب عكيت فيه احلى عك الحمد الله ربنا يسترها ويعدينا من الترم ده على خير

المهم ان كان في كلمة اعرابها مبتدأ وفي فعل مضارع اللي هي يغرهن وكان في كلمة مفعول به مش فاكرة قوي وبصراحة مش عايزة افتح الورقة تاني هههههههه

[Salma215 0]

ازيكم يا جماعة ؟ عملتو ايه في النحو؟
أنا مش في مصر والامتحان كان فيه حاجات صعبة و الإعراب كتيييير أوي

المهم .. خلينا في اللي جاي
أنا القراءة والفهم لسه ما فتحتهاش خالص
أذاكر الـ 4 قطع اللي قلتو عليهم بس ولا أذاكر الـ 12 كلهم و لا ايه ؟

[Salma215 0]

استفسار كمان معلش
هو انا لازم أجاوب نفس اجابة الدكتورة بالظبط ؟ ما ينفعش اجاوب اجابة بنفس المعني بس الصيغة مختلفة ؟

[أمة الله الرحمن 0]

لو سمحتوا عاوزة ايه هم الاربع قطع دول وهل الدكتورة الزمتنا بطريقة اجابات معينة

معلش انا مش كنت بحضرلها خالصفعاوزة اعرف هنعمل ايه

[أمة الله الرحمن 0]

وكنت عاوزة اعرف حاجة كانوا البنات بيسئلونى عليها

لو لا قدر الله حد رسب فى مادة لما يجى يمتحنها تانى وينجح فيها هل تقديره مش ينفع يعدى المقبول مهما كان محقق نجاح فيها زى الكليات النظامية وفى الاخر ده ياثر على تقدير الليسانس

[*maryam 0]

السلام عليكم ورحمة الله وبركاته

ذاكروا ال 12 كلهم احسن وحلوها بأي طريقة وبأي صيغة عادي المهم تكون الاجابة صح والجرامر صح
وعلى فكرة ده الافضل انكم تحلوها بطريقتكم عشان الدكتورة تاخد انطباع كويس ومتقولش دول مقتبسين الاجابة من القطعة وخلاص المهم تكون صح
الاربع قطع يا امة الرحمن كانوا النوم الفلانتين والفريد نوبل والحروف الهجائية بس برضه ذاكروا وحلوا ال 12 قطعة عشان برضه منضمنش واهم حاجة احفظوا الكلمات اللي فيها انا الحمد الله حلاهم كلهم بس هراجع عليهم وهحفظ الكلمات وخلاص

[مرمروتي 0]

ميريم
انا مذكرة في قطع الكمبيرهنشن
sleep
Alfred noble
statute of liberty
valentine
Thanksgiving
فيه قطعة الحروف الهجائية ديه مش عاارفة اوصلها
متعرفيش اي حد منزلها هنا يا مريم
ميرسي لتعاونكم معاانا

[*maryam 0]

اه يا مرمر منزلنها هنا في الصفة 18 هتلاقيها عضوة منزلاها اسمها mero

منزلاها بالاسئلة والاجوبة كمان

[مرمروتي 0]

ميرسي يا مرريم جدااا جددااا انا عملتلها نااو برينت وهزكرهاا حالا عشان الحق اراجع عليهم كلهم
بتمني لكي التوفيق والتفوق ثواب مجهوداتك للاخرين

[elbanna23 0]

السلام عليكم يا جماعة
انا النهاردة لما دخلت على الموقع لقيت ملف وورد جديد فيه المراجعة النهائية ومسجل بتاريخ 30-6 في مادة القراءة والفهم هتلاقوه في تدريبات وتطبيقات مكتوبة للطباعة فيه كل القطع السابقة . ادخلو حملوه .

[elbanna23 0]

لو في حد هنا هيمتحن في السعودية ( مدينة الخبر ) اكون شاكر لو تواصلنا مع بعض ، وشكرا

[rana jasser 0]

مين عندو اختبارات تبعت ماده الكمبرهنشن بليييز ينزلي اياها لانو مش بعرف احملها من الروابط او احكولي وبن الاقيها ازا سمحتم

[سحر عبد الحق 0]

السلام عليكم على صفحتك يا رنا فيما يخص المادة مكتوب تدريبات وتطبيقات مكتوبة للطباعة حتلاقى الاختبارات السابقة

[سحر عبد الحق 0]

والامتحانات المحلولة وغير المحلولة

[*maryam 0]

شكرا يا elbanna23 على التنبيه

[rana jasser 0]

سحر عبد الحق كتب:

السلام عليكم على صفحتك يا رنا فيما يخص المادة مكتوب تدريبات وتطبيقات مكتوبة للطباعة حتلاقى الاختبارات السابقة

شكرا كتييير الك ياسحر والله طمنتيني

بس ليش النحو ما كان فيه حتى الامتحان الي موجود واحد وصعب ومن 2008؟؟

[rana jasser 0]

ايش رايكم كل حدا يكتب القطعه الي حاسس انها رح تيجي وبكره انشوف مين احساسو صح ومنها كمان كلنا نركز على احساسنا ونفيد بعض كمان ويكون حماس وبسفحتنا حركه بدل الطفش هدا

[*maryam 0]

ههههههه عسل يا رنا

طيب احساسي ان قطعة الحروف الهجائية تيجي او الفريد نوبل

لو عايزة واحدة بس تبقى الحروف الهجائية
انا خلصت مذاكرة الحمد الله كفاية عليا كدا

[rana jasser 0]

*maryam كتب:

ههههههه عسل يا رنا

طيب احساسي ان قطعة الحروف الهجائية تيجي او الفريد نوبل

لو عايزة واحدة بس تبقى الحروف الهجائية
انا خلصت مذاكرة الحمد الله كفاية عليا كدا

هههههه

انا احساسي الفريد نوبل

الكم لانكم بمصر بس حاسه انو احنا غير يمكن تمثال الحريه او الفلتاين يارب حاجه سهله بصراحه راح احساسي من الخوف الله يستر

يااارب الله يوفقنا وانشالله يامريم تيجي مبسوطه من الامتحان يارب ياكريم

[ابو نوران 0]

السلام عليكم ورحمةاخبار الجميع ايه
انهاردة
احساسك كان فى محله يامريم

ياريت تحسلنا ايه جاى فى المادة الى جاية

[raafat sadek 0]

الحمد لله ابو نوران
الامتحان كان في المتناول
ربنا يوفق الجميع يا رب

[*maryam 0]

ابو نوران كتب:

السلام عليكم ورحمةاخبار الجميع ايه
انهاردة
احساسك كان فى محله يامريم

ياريت تحسلنا ايه جاى فى المادة الى جاية

شوفتوا يا جماعة احساسي طلع في محله ههههههههههههه ايه رأيك يا رنا
الامتحان كان جميل قوي يااااااارب عقبال الباقي

لا انا معدومة الاحساس في اللي جاي هههههههه

[ابو نوران 0]

يارب يا استاذ رافت
يوفقنا جميعا
مفيش حد هيعرف يرفعلنا مذكرة الشخصيات
بتاعت الثقافية انت مجبتهاش يا استاذ رافت

[raafat sadek 0]

لا والله يا ابو نوران
الحقيقة نظرا لظروف عملي--اخترت 3 مقررات فقط ليس بينها الثقافية

[*maryam 0]

استاذ أبو نوران حضرتك في الامتحان اللي جاي اشتريها من المكتبة اللي ورا المبنى موجودة هناك

[raafat sadek 0]

جزاك الله اخت مريم
انا بمتحن في الاسماعيلية محل اقامتي وللاسف مش مختار الثقافية--اكتفيت ب 3 مقررات