اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
hawas

عاجل : تظاهر عشرات الطلاب بالتعليم المفتوح جامعة القاهرة

Recommended Posts



تظاهر عشرات الطلاب بالتعليم المفتوح جامعة القاهرة، اليوم أمام المجلس الأعلى للجامعات، للمطالبة بتحوليهم إلى نظام الانتساب الموجه وتخفيض المصروفات الدراسية وإنشاء اتحاد طلابى لهم.

ورفع الطلاب لافتات تعبر عن مطالبهم، مرددين هتافات "فساد التعليم أهو"، و"أنا طالب عايز اتعلم مش هقعد فى البيت وأبلم"، ووزعوا بيانا طالبوا فيه بالسماح لطلاب التعليم المفتوح بالتسجيل فى الدراسات العليا وتطوير المناهج الدراسية، ودراسة 10 محاضرات فى الأسبوع بحد أدنى، وأربعة أيام فى الأسبوع.
المصدر : اليوم السابع

شارك هذه المشاركه


رابط المشاركه
شارك
قائمة المطالب : 1- التحويل إلى نظام الانتساب الموجه .

2- تخفيض المصروفات الدراسية .

3 - إنشاء اتحاد طلابى.

4 - السماح بالتسجيل فى الدراسات العليا .

5- تطوير المناهج الدراسية .

6 - دراسة 10 محاضرات فى الأسبوع بحد أدنى، وأربعة أيام فى الأسبوع.


أخي طالب التعليم المفتوح . قائمة المطالب للمتظاهرين . ما رأيك فيها ؟؟؟؟؟ ولماذا الآن ؟؟؟؟؟؟؟؟

شارك هذه المشاركه


رابط المشاركه
شارك
hawas كتب:
قائمة المطالب : 1- التحويل إلى نظام الانتساب الموجه .

2- تخفيض المصروفات الدراسية .

3 - إنشاء اتحاد طلابى.

4 - السماح بالتسجيل فى الدراسات العليا .

5- تطوير المناهج الدراسية .

6 - دراسة 10 محاضرات فى الأسبوع بحد أدنى، وأربعة أيام فى الأسبوع.


أخي طالب التعليم المفتوح . قائمة المطالب للمتظاهرين . ما رأيك فيها ؟؟؟؟؟ ولماذا الآن ؟؟؟؟؟؟؟؟





طبعاً كل الطلبات صحيحة
ولو كنت في القاهرة وقتها كنت هكون معاهم
ده أقل حق من حقوقنا
إحنا مش بنشتري شهادة وخلاص
إحنا عايزين نتعلم بجد

شارك هذه المشاركه


رابط المشاركه
شارك
طبعاً كل الطلبات صحيحة
ولو كنت في القاهرة وقتها كنت هكون معاهم
ده أقل حق من حقوقنا
إحنا مش بنشتري شهادة وخلاص
إحنا عايزين نتعلم بجد


أخي محمد ... تعالى نتناقش دون تحيز لفكرة أو رأي ... لأني بجد عايز أعرف

بائع شهادة ( الجامعة ) + مشتري ( الطالب ) = التعليم المفتوح

بالمعادلة السابقة إذن لا مكان للعلم أو التعليم . ولو كان هذا صحيحاً . لم الصمت عليه ، وقد تخرج البعض ؟؟؟؟؟؟ هل التعليم المفتوح وبرامجه مسألة صورية ؟؟؟؟؟

أريد إجابة من لديه النيه في إفادة الغير ،، وشكراً .

شارك هذه المشاركه


رابط المشاركه
شارك
besho كتب:
كلام مظبوط 100% طبعا


ممكن توضيح أكثر ؟

شارك هذه المشاركه


رابط المشاركه
شارك
هو بصراحة واضح ان المسألة مادية فى التعليم المفتوح اما بالنسبة للحضور اساس العملية التعليمية هو انها تعليم اليكترونى عن طريق الكمبيوتر و الميديا يعنى مش شرط زيادة المحاضرات او التحويل لانتساب بس المشكلة بقى الكبيرة و الاهم ان الشهاده فى الاخر تكتب تعليم مفتوح التى تترجم بعد ذلك انه تعليم او شهاده مقابل المال و دا طبعا بيلغى مجهودنا فى المذاكرة لاننا بنذاكر زى الطلبة المنتظمين تمام و بنمتحن برده زيهم المفروض تكون الشهاده خالية من المصطلح

شارك هذه المشاركه


رابط المشاركه
شارك
انا الطلب الوحيد اللي متفق معاه هو الدراسات العليا فقط.

1- الانتساب الموجه مش اقل مصاريف اوي لان الكتب لوحدها بره المصاريف وبرضو على حد علمي بيتكتب انتساب في الشهادة لو مجبتش جيد وحولت انتظام.

2-تخفيض المصاريف: ماهي المصاريف لسة مخفضينها بعد الثورة ومش عالية اوي. يعني بالمقارنة بالجامعات الخاصة تعتبر كلام فارغ.

3-انشاء اتحاد طلابي وزيادة المحاضرت:طيب ماهو معظم الدارسين مش فاضيين بدليل ان معظمهم مش بيروحوا يوم الجمعة كمان يبقى هايروحوا كذا يوم ويلاقوا وقت لاتحاد الطلبة.

4-تطوير المناهج:ازاي مش فاهم وهي المناهج دي مش مطورة ومش مفيدة؟طيب معنى كده ان كل اللي بيطلب التطوير جايب تقديرات عالية جدا وعاوز دراسة اكتر تطور.متهيالي لا.

اما الدراسات العليا فمن حقنا نكمل زي اي خريجين من الجامعات وفي الجامعة اللي احنا متخرجين منها بالاخص مش نروح نكمل في جامعات تانية.

انا رايي لما نطلب مطالب لازم نفكر الاول هل المطالب دي بتتناسب مع الاغلبية العظمى ولالا.مش كل واحد يجي في دماغه طلب يطلبه لمجرد انه مقتننع بيه.

شارك هذه المشاركه


رابط المشاركه
شارك
هو احنا منقدرش نكمل دراسات عليا ؟؟!!

شارك هذه المشاركه


رابط المشاركه
شارك
لو عاوز تكمل ماجستير ودكتوراه يبقى فى جامعات تانية غير جامعة القاهرة زى جامعة حلوان وحسب قواعد ولوايح الجامعة طبعا.

لكن جامعة القاهرة لا.ودى كارثة طبعا.لاننا بناخد الشهادة من جامعة القاهرة يبقى ازاى منقدرش نكمل فيها.حاجة تجنن.

شارك هذه المشاركه


رابط المشاركه
شارك









    طلاب التعليم المفتوح يرفعون مطالبهم للمسئولين داعيين لإعتصام مفتوح في حالة الرفض

    شارك في الوقفة العديد من الحركات مثل : اتحاد المعلمين المصريين , حزب التحالف الشعبي الاشتراكي , حركة شباب من أجل الحرية والعدالة , حركة طلاب مدارس مصر للتغير , حركة ثوار هندسة القاهرة .بالاضافة الي العديد من الحركات الأخري الذين طالبوا انضمام طلاب التعليم المفتوح لهم للمشاركة في وقفة معلمي مصر أمام مجلس الوزراء من أجل تعليم أفضل ، ورفع ميزانية تعليم الفقراء.





شارك هذه المشاركه


رابط المشاركه
شارك
hussein1974 كتب:
انا الطلب الوحيد اللي متفق معاه هو الدراسات العليا فقط.

1- الانتساب الموجه مش اقل مصاريف اوي لان الكتب لوحدها بره المصاريف وبرضو على حد علمي بيتكتب انتساب في الشهادة لو مجبتش جيد وحولت انتظام.

2-تخفيض المصاريف: ماهي المصاريف لسة مخفضينها بعد الثورة ومش عالية اوي. يعني بالمقارنة بالجامعات الخاصة تعتبر كلام فارغ.

3-انشاء اتحاد طلابي وزيادة المحاضرت:طيب ماهو معظم الدارسين مش فاضيين بدليل ان معظمهم مش بيروحوا يوم الجمعة كمان يبقى هايروحوا كذا يوم ويلاقوا وقت لاتحاد الطلبة.

4-تطوير المناهج:ازاي مش فاهم وهي المناهج دي مش مطورة ومش مفيدة؟طيب معنى كده ان كل اللي بيطلب التطوير جايب تقديرات عالية جدا وعاوز دراسة اكتر تطور.متهيالي لا.

اما الدراسات العليا فمن حقنا نكمل زي اي خريجين من الجامعات وفي الجامعة اللي احنا متخرجين منها بالاخص مش نروح نكمل في جامعات تانية.

انا رايي لما نطلب مطالب لازم نفكر الاول هل المطالب دي بتتناسب مع الاغلبية العظمى ولالا.مش كل واحد يجي في دماغه طلب يطلبه لمجرد انه مقتننع بيه.


انا احترم رايك ومعك فى كل ماقلت وضد هذه المظاهرات ولكن حتى لا نكون على خلاف وجدل احب اوضح ان التعليم المفتوح تم انشاءه للطلاب غير المتفرغين ولذلك تم تحديد يوم الجمعه ليكون يوم الدراسه ومعظم طلاب التعليم المفتوح من الموظفين بالدوله واللذين لم يحالفهم الحظ فى الحصول على مؤهل عالى ولجئو الى التعليم المفتوح لتحسين اوضاعهم الوظيفيه واللذين ايضا لا يملكون الوقت وفى السنوات الاخيره تم السماح لطلاب الثانويه العامه الحديثى التخرج الدخول للتعليم المفتوح والطالب الذى تخرج من الثانويه العامه ويحلم بدخول الجامعه وايام الدراسه بالجامعه يجد نفسه جليس فى البيت امام كتب ومحاضرت عبر الانترنت ودراسه يوم واحد وهو يوم الجمعه ففى هذه النقطه انا معهم ولكن دخول طلاب الثانويه العامه من الاساس هو الخطأ ولابد من اعادة الانتساب بالكليات وترك التعليم المفتوح لمن هم فى حاجه اليه وظروفه تتناسب مع ظروفنا وعدم تفرغنا للدراسه حيث ان العمل هو الاساس والتعليم شئ مكمل لتعديل المسار الوظيفى

شارك هذه المشاركه


رابط المشاركه
شارك
التحويل إلى نظام الانتساب الموجه .

هي عملية سرقة التعليم المفتوح بطريقة مهذبة ، وأعتقد أن هناك قاعدة قانونية ( العقد شريعة المتعاقدين ) فلا يجوز نقضه ولا تعديله الا باتفاق الطرفين . من الأساس قبلنا على هذا ... لك مطلب تسلك الطرق المتبعه بهذا الشأن .. ولا مجال للغوغائية .... وحزمة مطالب شبه تعجيزية !!!!!!!
وإرباك العملية التعليمية داخل أعرق الجامعات . والله حرام من يخطط ويدبرلمثل هذا .

هذا المنتدى يعتبر القلب النابض للتعليم المفتوح ، وكل هموم الطلاب توجد هنا بالمنتدى . لم أسمع واحد منهم اتى على ذكر أي من نقاط المطالب الست أعلاه .

شارك هذه المشاركه


رابط المشاركه
شارك

نفسي البلد تهدى

اعصابي باظت

شارك هذه المشاركه


رابط المشاركه
شارك

لن يهدأ لهم بال الا بخرابها .......للأسف
من يسير هؤلاء .؟؟؟؟؟؟ من ورائهم .؟ ولماذا الآن ؟؟؟؟ alert

شارك هذه المشاركه


رابط المشاركه
شارك
كلامك صح ياجلال وانا فاهم ان دي ممكن تكون طلبات من خريجي الثانوية الحديثة ولكن اذا فرضنا ان قرار دخولهم التعليم المفتوح خاطيء من الاساس(مع انى مش مقتنع انه خاطيء لانه بيفتحلهم فرص مش موجودة في كليات تانية وكمان دي مسالة عرض وطلب) ولكن لو فرضنا انه خاطيء فهل هؤلاء الطلاب ميعرفوش قوانين ونظم الدراسة في التعليم المفتوح قبل مايكتبوه في رغبات التنسيق؟

مش ممكن ميكونوش عارفين كل قواعد التعليم المفتوح لان التعليم المفتوح لو سالت عليه اي حد دلوقتى هايقولك نظام الدراسة فيه.

يبقى بدل ماكانوا دخلوه وجايين دلوقتي عاوزين يغيروا نظام متوافق مع ظروف معظم اللي بيدرسوا فيه كانوا دخلوا كليات او معاهد تانية فيها اللي هما عاوزينه.

وبعدين في طلبات ممكن متاثرش علينا ومش هاتفرق معانا زي اتحاد الطلبة والمصاريف ولكن زيادة ايام المحاضرات لاطبعا لان المعظم بيناسبه يوم الجمعة يعنى لو خلوه كذا يوم اللي بيحضر مش هايحضر.اما طلب الدراسات العليا فاحنا اصلا لينا تكملة ولكن في جامعات تانية يعني ممكن يكون الطلب انهم يغيروا النظام ويسمحولنا بالتكملة في جامعة القاهرة.

عموما سواء قبلنا او رفضنا بعض الطلبات فده مش المبدا ولكن المبدا هو فرض التغيير بطريقة كن فيكون دي اللي بقت موضة.انا رايي ان النظام والمناقشة في عرض الطلبات افضل مع قبول اي نتيجة تحصل بعد كده. مش لازم اللي يتقال يتنفذ حتى لو هايضر ناس تانيين.

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.