تقديراتى سيئة جدا

[naser 0]

لو سمحت حد يساعدنى انا تعبان اوى ومخنوق بسبب التقديرات بتاعتى 2مقبول و2جيد مش مصدق انا حليت كل الامتحان صح ومتاكد منه وفى ناس كانت مش حلت كويس وجايبه امتيازات نفى افهم ايه اللى حصل هما مش بيراجعو على النتيجه وهل الوعملت اعادة رصد فى امل انهم يهتمو ويحسنو الدرجات ولا ايه
ولا هيا جامعه فاشله انا اول سنه ليا وشكلى مش هاروح تانى لانى حسيت ان تعبى مش بفايده

[Hamdy Tawfik-manar9 0]

قدم تظلم في النتيجة مادمت واثق من اجابتك

وربنا يوفقك ان شاء الله

[ماجد عبد العزيز 0]

ربنا يستر لأن انا زيك اول سنة وتكون الاخطاء التصحيحية دي متكونش كتير

[naser 0]

انا هاعمل اعادة رصد يوم السبت بس مش عارف هيبقا فى عناية بالطلب ولا عادى كلها محصله بعضها ومش هيبقا فى اهتمام

[Hussein1974 0]

بص ياناصر على مااظن ان اعادة الرصد بتكون اعادة التاكد من رصد التقديرات وليس تصحيح الورق والله اعلم.

فلازم تسال الاول. وحتى لو اعادة الرصد للتقديرات بس برضو اعمل اللي عليك

ولو لاقدر الله هي دي تقديراتك يبقى لازم تعرف ان التقدير العام تراكمي يعني باذن الله لو اجتهدت في اللي جاي تقدر تعوض.

وربنا يوفقك دايما.

[محمد سعيد جويلي 0]

الموضوع ده حصل مع زميلي في العمل
وهو أول تيرم برده
وكان بيعمل مراجعة بعد كل مادة يمتحنها
بس للأسف شال 3 مواد
من 5 ومش عارف إزاي
أنا زعلان عشانه أوي
وأنا كمان كنت متأكد من مواد كتير راجعتها
على الأقل المفروض إني أجيب فيها جيد جداً
معظمها جيد
وواحدة مقبول

[RФMaйt!c_QuêN 0]

انا عملت اعاده الرصد دى قبل كده ومغيرتش حاجه وخدو فلوس عالفاضى مع انى روحت للدكتوره نفسها وراجعت معاها الماده تانى لما النتيجه نزلت وقولتلها قالتلى حلك حلو ويخليكى تجيبى تقدير حلو فالماده قلتلها انا جايبه مقبول قالتلى اعملى رصد قلتلها عملت قالتلى خلاص سبيها على ربنا بقى ومقبول مش وحش وفضلت الماده مقبول

[Hussein1974 0]

يعني الدكتورة جابتك على كل جنب ولما لقتك عملتي كل حاجة في الاخر برضو قالتلك مقبول مش وحش.امال كانت بتقولك ليه من الاول كل ده لما هي شايفاه مش وحش.

[Hussein1974 0]

هي من الاخر معرفتش تسلك معاكي ياكوين ولما ملقتش مخرج قالتلك انه مش وحش

[somya 0]

HAMDY كتب:

قدم تظلم في النتيجة مادمت واثق من اجابتك

وربنا يوفقك ان شاء الله

[RФMaйt!c_QuêN 0]

هههههههه شكلها كده

[somya 0]

طالما انت صاحب حق وواثق من نفسك قاوم لحد ما توصل لهدفك

[man_reda 0]

hussein1974 كتب:

يعني الدكتورة جابتك على كل جنب ولما لقتك عملتي كل حاجة في الاخر برضو قالتلك مقبول مش وحش.امال كانت بتقولك ليه من الاول كل ده لما هي شايفاه مش وحش.

بترفع من روحك المعنويه
وهقولك على حاجه يا كوين الصين حلوه أصدى مقبول حلوه

[somya 0]

هههههههههههههه الصين حلوة

[Hussein1974 0]

هي مش الصين دي المفروض بالسين.

طيب هي احسن ولا الدكتور ابو سماعة.

[somya 0]

مش فاهمة

[Hussein1974 0]

مشوفتيش تمثيلية دكاترة ناصف ابو الفضل لما قال للراجل انه دكتور قاله يعني انت اجدع ولا الدكتور ابو سماعة.

دي جملة بتتقال على سبيل الهزار ياسومة.

[Hussein1974 0]

يعني انا اقصد الصين احسن ولا الدكتور ابو سماعة؟

[somya 0]

اه


ههههههههههههههههههه


طيب

[man_reda 0]

hussein1974 كتب:

يعني انا اقصد الصين احسن ولا الدكتور ابو سماعة؟

لأ البط أحسن !!

[somya 0]

البيضة ولا الفرخة

[Hussein1974 0]

هههههههههههههههههههههههههههههههه.

[somya 0]

ههههههههههه

[الفقي 0]

انا عملت اعاده الرصد دى قبل كده ومغيرتش حاجه وخدو فلوس عالفاضى مع انى روحت للدكتوره نفسها وراجعت معاها الماده تانى لما النتيجه نزلت وقولتلها قالتلى حلك حلو ويخليكى تجيبى تقدير حلو فالماده قلتلها انا جايبه مقبول قالتلى اعملى رصد قلتلها عملت قالتلى خلاص سبيها على ربنا بقى ومقبول مش وحش وفضلت الماده مقبول



ممكن يكون الكلام ده قبل الثورة ...لكن لوسألت اليومين دول (بعد الثورة يعني) هيقلولك رااااسب مش وحش وسيبها علي ربنا

[galal elmadny 0]

الف مبروك للجميع

[somya 0]

الله يبارك فيك يا جلال

[galal elmadny 0]

[goy2011 0]

انا جبت 78 يبقا التقدير كام

[somya 0]

جيد

والله اعلم

[mohamed alfarok 0]

من ابرز عيوب الجامعات المفتوحة ضياع التقديرات

ومفيش حد سمعت انه عمل اعادة رصد زاد تقديره

اخر قلة ادب يعنى ايه دكتور يقول للطلبة كلكم هتنقصوا 2 درجة دون اسباب

حاجة تقرف فعلا ظاهرة ان طالب يقارن اجابته باجابة غيره فرق السما من العمى ومع ذلك تقدير العمى يكون اعلى

الامر يزداد سوءا لولا ان الواحد مكبر دماغه كان عمل فرح ليهم

اقولكم على حاجة لسه واحد صاحبى متصل بيا قاللى انه جايب فى مادة جيد مع انه محلش فيها حاجة صحيحة وترك سؤالين كاملين يعنى العملية بركاوى بالبركة يعنى

حاجة تقرف ان طالب مايخدش حقه والاخر ياخد اكتر من حقه

[Hamdy Tawfik-manar9 0]

تقدمت أثناء دراستي في التعليم المفتوح جامعة القاهرة بثلاث طلبات لاعادة الرصد في ثلاث مواد

في تيرمات مختلفة

وتم رفع تقديري في مادة واحدة فقط من الثلاث مواد

اعادة الرصد احيانا تكون مجدية

لذلك لا ينبغي التعميم

اعادة الرصد كانت تكلف مبلغ 20 جنية فقط للمادة علي ايامي

لا اعرف ماهو المبلغ االمطلوب الان ؟

[Hamdy Tawfik-manar9 0]

goy2011 كتب:

انا جبت 78 يبقا التقدير كام

تقديرك جيد

[mohamed alfarok 0]

بالنسبه لزملائى من قبل قدموا اعادة رصد بس الجامعة عمله اذن سطوح والاخر مزراب

[marina 0]

معقولة انا واحدة من زميلاتى كانت جايبة الترم اللى فات 77 % وكانت مكتوب لهاجيد جدا لدرجة انهاخدت خضم 150جنية بمعدل 37% خصم

[Hamdy Tawfik-manar9 0]

marina كتب:

معقولة انا واحدة من زميلاتى كانت جايبة الترم اللى فات 77 % وكانت مكتوب لهاجيد جدا لدرجة انهاخدت خضم 150جنية بمعدل 37% خصم

ليه هما غيروا القواعد بتاع الدرجات

انا تقديري العام عند التخرج كان 77 او 78 ( لا اتذكر الان ) والتقدير جيد



جيدا جدا يبدأ من 80% حتي اقل من 90 %

[zika 0]

لا يا جماعة لمجرد التوضيح , هو من الممكن الطالب يجيب فى الترم تقدير جيدا جيد أو أمتياز وبياخد خصم من المركز

لكن دة ملوش دعوة بالتقدير التراكمى أو العام لأن دة حاجة ودة حاجة تانية

بس حبيت أوضحلكم اللبس اللى حاصل

[Hussein1974 0]

ياجماعة حمدي كلامه صح.

التقديرمن 65 الى اقل من 80 جيد ومن 80 الى اقل من 90 جيد جدا.

[RФMaйt!c_QuêN 0]

الفقي كتب:

انا عملت اعاده الرصد دى قبل كده ومغيرتش حاجه وخدو فلوس عالفاضى مع انى روحت للدكتوره نفسها وراجعت معاها الماده تانى لما النتيجه نزلت وقولتلها قالتلى حلك حلو ويخليكى تجيبى تقدير حلو فالماده قلتلها انا جايبه مقبول قالتلى اعملى رصد قلتلها عملت قالتلى خلاص سبيها على ربنا بقى ومقبول مش وحش وفضلت الماده مقبول



ممكن يكون الكلام ده قبل الثورة ...لكن لوسألت اليومين دول (بعد الثورة يعني) هيقلولك رااااسب مش وحش وسيبها علي ربنا

لا ده فالسنه بتاعت الثوره لما لغولنا امتحانات نص السنه وخلولنا ال 10 مواد ف اخر السنه كان بعد الثوره مش مهم بقى الحمد لله

[RФMaйt!c_QuêN 0]

man_reda كتب:

hussein1974 كتب:

يعني الدكتورة جابتك على كل جنب ولما لقتك عملتي كل حاجة في الاخر برضو قالتلك مقبول مش وحش.امال كانت بتقولك ليه من الاول كل ده لما هي شايفاه مش وحش.

بترفع من روحك المعنويه
وهقولك على حاجه يا كوين الصين حلوه أصدى مقبول حلوه

تصدق عندك حق

[RФMaйt!c_QuêN 0]

hussein1974 كتب:

مشوفتيش تمثيلية دكاترة ناصف ابو الفضل لما قال للراجل انه دكتور قاله يعني انت اجدع ولا الدكتور ابو سماعة.

دي جملة بتتقال على سبيل الهزار ياسومة.

هههههههههههههه عارفاها دى
ياااه دانتو بتفتكرو حاجات غريبه

[RФMaйt!c_QuêN 0]

man_reda كتب:

hussein1974 كتب:

يعني انا اقصد الصين احسن ولا الدكتور ابو سماعة؟

لأ البط أحسن !!

[aymn81 0]

والله العظيم ياأخونى انا حليت الامتحان كلة وراجعت على مزكرات الدكتور وكلة صح وفى الاخر مدينى مقبول انا صراحة نواهى اروح الجامعة بكرة واشوف اللى بيحصل ده

[RФMaйt!c_QuêN 0]

معلش احنا كمان ف مواد مش راضيين عن تقديراتها مع ان الواحد بيبقى خارج من الامتحان متأكد انه صح ويراجع يلاقى اجاباته صح وانا عن نفسى اتظلمت ف تقديرات السنه اللى فاتت وانا بحس انهم بيحطو تقديرات كده وخلاص ساعات

[Hussein1974 0]

معليش ياايمن اعمل اللي عليك واعمل اعادة رصد ولو طلع تقديرك زي ماهو ماعليك الا انك تحاول تنسى اي مواد فاتت وتفكر في اللي جاي وسهل تعوض بس تحاول تتدارك اخطاءك.

ياجماعة في حاجات ربما تبدو للبعض هايفة لكن عليها اساس كبير في التصحيح.

المسالة مش مجرد معلومة وبس لاننا بندرس لغة يعنى الدكتور بيحاسب على كل كبيرة وصغيرة في الاجابة فيما يتعلق بالاخطاء اللغوية سواء مادة عربية او انجليزية.

يعنى مثلا لو بتجاوب على سؤال في موضوع قراءة مينفعش تكتب الاجابة صح كمعلومة وكلغة لا وتخرج تقول هاجيب ممتاز وتلاقيه جيد مثلا.

عاوز اقول ان الاجابة اهم حاجة فيها تكون اللغة صح وبعد كده المعلومة ولو لاحظنا هنلاقي في مواد كتير مش بتعتمد على معلومات بقدر ماتعتمد على كتابة لغة صح واسلوب ومهارة الطالب.

ونصيحة تانية متخلوش مقياس الاجابة بالكم المكتوب ولكن الاهم الكيف يعني هل اللي انت كاتبه ده صح لغويا ولالا ولو حتى كان قليل من وجهة نظرك ربما يكون للدكتور شيء ممتاز.

واخيرا احب انبهكم ان في بعض الاسئلة بتطلب معلومة محددة فلازم نحاول نفهم ايه المطلوب من السؤال عشان منكتبش كلام كتير ملوش لازمة وتكتر الاخطاء اللغوية اللي تخسرنا درجات من غير داعي.

[محمود سعيد77 0]

هو بيحصل احيانا اخطاء فى رصد التقديرات و ممكن تطلب اعاده تصحيح بس انا على حد علمى ان اعاده التصحيح بتكون فى تجميع الدرجات بس يعنى الاجابات ما بتتراجعش التجميع فقط و ما دمت متأكد ممكن تقدم طلب لانى اعرف واحد كان فى ثانوية عامة زمان و حصل عنده برده خطأ و بعد اعادة رصد درجاته ثبت ان فيه خطأ فى تجميع الدرجات

[Hussein1974 0]

عندك حق يامحمود لانهم لو راجعوا التصحيح يبقى ناس كتير اوي هايقدموا وكانها نتيجة جديدة وبعدين الدكاترة من المفترض ان تصحيحهم يتميز بالشفافية فطبعا مش ممكن يشككوا فيهم ولكن ربما يحصل خطا في الرصد بس.

حتى الطلب اسمه اعادة رصد الدرجات وليس اعادة التصحيح.

[somya 0]

[alsaydrezk 0]

انا راى انك تنسى ومادمت ترم اول لسة الفرصة اقدامك بالنسبة للتقديرات بس ماتيايس يعنى وتقول انك هاتسيب الجامعة
حاول تتابع موضوع اعادة الرصد وان شاء الله خير تحياتى

[RФMaйt!c_QuêN 0]

اعاده الرصد ملهاش اى لزمه عملتها قبل كده ومستفتش حاجه خالص ركز فاللى جاى وحاول تعوض

[نوران مسعد 0]

شكرا يا حسين على نصيحتك
جزاك الله الجنة