اللهم أمتى أمتى

[mido mix 0]

وهنا... بكى رسول الله صلى الله عليه وسلم
من أجمل الاحاديث التى قرأتها ده
اقرأ الحديث كده بقلبك قبل عينك

أن النبي صلى الله عليه وسلم تلا قول الله عز وجل في إبراهيم : { رب إنهن أضللن كثيرا من الناس فمن تبعني فإنه مني } [ 14 / إبراهيم / الآية - 36 ] الآية وقال عيسى عليه السلام : إن تعذبهم فإنهم عبادك و إن تغفر لهم فإنك أنت العزيز الحكيم [ 5 / المائدة / الآية - 118 ] فرفع يديه وقال "

اللهم ! أمتي أمتي " وبكى . فقال الله عز وجل : يا جبريل ! اذهب إلى محمد ، وربك أعلم ، فسله ما يبكيك ؟ فأتاه جبريل عليه الصلاة والسلام فسأله . فأخبره رسول الله صلى الله عليه وسلم بما قال ._ وهو أعلم سبحانه وتعالى_. فقال الله : يا جبريل ! اذهب إلى محمد فقل : إنا سنرضيك في أمتك ولا نسوءك (1).

يااااه ياااه
شوفت حب النبى لينا قد ايه
شوفت خوف النبى علينا
بالله عليك أنت بتحبه كده
بالله عليك النبى صلى الله عليه وسلم بكى علشان
بيحب الأمة
الامة اللى بقت بتقلد الغرب والممثلين اكتر ما هى بتطبق سنته
_الا من رحم ربى_
بالله عليك ما هو شعورك لما قرأت الحديث
هتقول طب ما أنا بحب النبى جدااا
وبقول ديما فداك روحى وأهلى ونفسى يا رسول الله

طب ممكن كده الاول تقرأ الاية كده بقلبك
قل إن كنتم تحبون الله فاتبعوني يحببكم الله ويغفر لكم ذنوبكم والله غفور رحيم
::::
يعنى الحب مش بكلام صح ده بالاتباع
يعنى أنت بتحب ربنا والرسول يعنى تقول سمعنا وأطعنا

لَوْ كانَ حُبُّكَ صَادِقاً لأَطَعْتَهُ
إنَّ الْمُحِبَّ لِمَنْ يُحِبُّ مُطِيعُ





طب ممكن أسال كام سؤال كده لك :
لما سمعت حديث حبيبك رسول الله صلى الله عليه وسلم
بين العبد و الكفر أو الشرك ترك الصلاة ، فإذا ترك الصلاة فقد كفر(2)
و برده لسه بتضيع الصلاة
وتقول اصل الشغل اصل مفيش وقت
يعنى سبحان الله 24 ساعة مش فاضى عشر دقايق كل صلاة








لما سمعت حديث النبى صلى الله عليه وسلم



لأن يطعن في رأس أحدكم بمخيط من حديد خير له من أن يمس امرأة لا تحل له (3)
وبرده سلمت على بنت عمك وبنت خالك وكل اللى مش محارم لك عادى
وانتى يا أختى برده سلمتى على ابن عمتك وابن خالك عادى جداا
ترد تقول اصل ده زى اخوى ودى زى اختى
ومش هينفع و اصل و فصل

لما سمعت حديث حبيبك النبى صلى الله عليه وسلم
من تشبه بقوم فهو منهم
ولسه برده بتقلد الممثلين فى لبسهم وتسريحات شعرهم وانك تصاحب كام بنت وتكلم عادى

لما سمعت حديث النبى حبيبك صلى الله عليه وسلم
إن أثقل صلاة على المنافقين صلاة العشاء وصلاة الفجر . ولو يعلمون ما فيهما لأتوهما ولو حبوا . ولقد هممت أن آمر بالصلاة فتقام . ثم آمر رجلا فيصلي بالناس . ثم أنطلق معي برجال معهم حزم من حطب ، إلى قوم لا يشهدون الصلاة ، فأحرق عليهم بيوتهم بالنار (4)
وبرده أنت بتنام وتضيع صلاة الفجر متعمد
تظبط المنبه على معاد المحاضرة أو الشغل
وعادى جدا كأن مفيش حاجة فى القاموس بتاعك اسمها صلاة فجر
ترد تقول اصل الشغل ومش هينفع ومش عرفه ايه
__طب لو كان الشغل الساعة 4 كنت روحت ولا لاأ






لما سمعتى حديث عن حبيبك رسول الله صلى الله عليه وسلم



: أنه لعن النامصة والمتنمصة(5)
وعرفتى ان النمص يعنى ترقيق وتخفيف الحواجب
وعرفتى ان اللعن يعنى الطرد من الرحمة
وبرده لسه بتعمليها
وتردى وتقولى اصل !!!
ماهو !!!
شكلى وحش من غير ما عملهم
أصل مش هينفع !!







لما يا أخى سمعت حديث عن رسول الله صلى الله عليه وسلم



(ما أسفل الكعبين من الإزار ففى النار)(6)
وعن رسول الله صلى الله عليه وسلم

(لا ينظر الله يوم القيامة إلى من جر إزاره بطرا)(7)
وأنت برده لسه بتسقط البنطلون

لما ياختى سمعتى حديث النبى عليه الصلاة والسلام
صنفان من أهل النار من أمتي لم أرهما بعد : نساء كاسيات عاريات مائلات مميلات على رؤوسهن مثل أسنمة البخت لا يدخلن الجنة ولا يجدن ريحها ، ورجال معهم سياط مثل أذناب البقر يضربون بها عباد الله (8)
لما عرفتى كده ولسه برده بتخرجى بالبدى والفيست
والبنطلون وعشر طرحات والميكاج
وبتخالفى امر النبى صلى الله عليه وسلم
بالله عليك ترضى النبى اللى انتى بتحبيه يشوفك كده
طب ما بالك بربنا حبيبك الاعظم اللى خلقنا واعطاك كل النعم ده
هتردى وتقولى لما اكبر !!
اصل ماما
اصل بابا
اصل شكلى بالحجاب الصح وحش

لما يا أخى سمعت حديث رسول الله صلى الله عليه وسلم
أعفوا اللحى ، و جزوا الشوارب ، و غيروا شيبكم ، و لا تشبهوا باليهود و النصارى (9)
وبرده لسه بتحب تقلد الممثلين
وكمان بتتريق على اللى يربى دقنه ايه المئشه
اللى مربيها فى وشه دى






بالله عليك بعد الكام سؤال دول
نسبة حبك لنبى الحقيقية طلعت كام
بينك وبين نفسك
أنا عايزك تتخيل معى النبى صلى الله عليه وسلم
وبكائه على الأمة واحنا لسه مش عايزين نطبق سنته
يااااااه على حنانك يا رسول الله
ياااه على حبك لينا
يااااه على تقصرنا فى تطبيق سنتك
شوف كده الاية ده بقلبك
لقد جاءكم رسول من أنفسكم عزيز عليه ما عنتم حريص عليكم بالمؤمنين رؤوف رحيم
ايوه والله خايف عليك وبيحبك
والله ياأختى خايف عليك
خايف عليك أنك متدخليش الجنة معه
وتشربى من ايده يوم القيامة

رؤوف رحيم
يعنى الحجاب الشرعى ده رحمة ليك
يعنى النقاب مش خنقة ولا تشدد
يعنى صلاة الفجر مش مشقة صعبة
يعنى كل حاجة من سنة الرسول صلى الله عليه وسلم رحمة لينا يا جماعة

بالله عليك بعد كل الحب اللى من النبى حبيبك صلى الله عليه وسلم
برده مش بتتبع سنته وبتخالف أمره
انا عرفه انك بتحبى الرسول وعرفه انك بتحبه برده
بس عايزين نتطبق الحب ده عملى
زى ما الصحابة طبقه عملى لما سمعوا
كل الاحاديث طبقوها على طول
وقالوا((سمعنا وأطعنا ))
مش غير المبررات اصل وفصل
الفصول والمدرسة خلصت خلاص
أنت كبرت خلاص
بالله عليك حاول يكون شعارك بعد كده
ومن دلوقتى




على سنتك نعيش

رزقنا الله حب النبى صلى الله عليه وسلم بحق واياكم
لكم منى هذه الهدية

وده كمان للشيخ محمد الصاوى
برنامج فى قلبي يا رسول الله




سلسلة برنامج فى قلبي يا رسول الله - الشيخ محمد الصاوي
وسلام الله عليكم ورحمته وبركاته

1_
الراوي: عبدالله بن عمرو بن العاص المحدث: مسلم - المصدر: صحيح مسلم - الصفحة أو الرقم: 202
خلاصة حكم المحدث: صحيح
2_الراوي: أنس بن مالك المحدث: الألباني - المصدر: صحيح الترغيب - الصفحة أو الرقم: 568
خلاصة حكم المحدث: حسن لغيره
3_
الراوي: معقل بن يسار المزني المحدث: الألباني - المصدر: صحيح الجامع - الصفحة أو الرقم: 5045
خلاصة حكم المحدث: صحيح
4_
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 651
خلاصة حكم المحدث: صحيح
5_
الراوي: - المحدث: ابن باز - المصدر: مجموع فتاوى ابن باز - الصفحة أو الرقم: 51/10
خلاصة حكم المحدث: [ثابت]
6_
الراوي: أبو هريرة المحدث: الألباني - المصدر: صحيح الجامع - الصفحة أو الرقم: 5529
خلاصة حكم المحدث: صحيح
7_
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 5788
خلاصة حكم المحدث: [صحيح]
8_
الراوي: - المحدث: ابن تيمية - المصدر: مجموع الفتاوى - الصفحة أو الرقم: 34/129
خلاصة حكم المحدث: صحيح
9_
الراوي: أبو هريرة المحدث: الألباني - المصدر: صحيح الجامع - الصفحة أو الرقم: 1067
خلاصة حكم المحدث: صحيح

[سيوفي العراقي 0]

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك

لكـ خالص احترامي

[غلـآهم 0]

شكرا لك على الموضوع الجميل و المفيد

جزاك الله الف خير على كل ما تقدمه لهذا المنتدى

ننتظر إبداعاتك الجميلة بفارغ الصبر

[alfahloy-alfahloy 0]

بارك الله فيك
جعله الله فى ميزان حسناتك
جزاك الله خير الجزاء
تحياتى واحترامى

[1BlaCk GlaSs 0]

شكرا لك على موضوعك المميز
,, بارك الله فيك
,, واصل تميزك
ابدعت في طرحك
موضوع مفيد ورائع
شكرا لك