رباعيات صلاح جاهين

[sweet_love 0]

الدنيا من غير الربيع ميّته
ورقة شجر ضعفانه ومفتته
لا يا جدع غلطان تأمل وشوف
زهر الشتا طالع في عز الشتا
عجبي
*******
ياللي انت بيتك قش مفروش بريش
تقوى عليه الريح.. يصبح ما فيش
عجبي عليك حواليك مخالب كبار
و مالكش غير منقار وقادر تعيش
عجبي
*******
سمعت نقطة ميّه جوه المحيط
بتقول لنقطة ما تنزليش في الغويط
أخاف عليكي م الغرق.. قلت أنا
ده اللي يخاف م الوعد يبقي عبيط
عجبي
*******
بحر الحياة مليان بغرقى الحياه
صرخت خش الموج في حلقي ملاه
قارب نجاه.. صرخت قالوا مفيش
غير بس هو الحب قارب نجاه
عجبي
*******
النهد زي الفهد نط اندلع
قلبي انهبش بين الضلوع وانخلع
ياللي نهيت البنت عن فعلها
قول للطبيعة كمان تبطل دلع
عجبي
*******
صوتك يا بنت الإيه كأنه بدن
يرقص يزيح الهم يمحي الشجن
ياحلوتي وبدنك كأنه كلام
كلام فلاسفه سكروا نسيوا الزمن
عجبي
*******
كرباج سعادة وقلبي منه انجلد
رَمَح كأنه حصان ولف البلد
ورجع لي نصل الليل وسألني.. ليه
خجلان تقول انك سعيد يا ولد
عجبي
*******
مزيكة هادية الكون فيها انغمر
وصيف وليل وعقد فل وسمر
ياهلتري الناس كلهم مبسوطين
و ياهلتري شايفين جمال القمر؟
عجبي
*******
آه لو انا ومحبوب جزنا الفضا
في سفينة وحدينا.. وأشياء رضا
ساعة صفا تعجبنا نرجع لها
والهم قبل ما ييجي.. يبقى مضى
عجبي
*******
إنشد يا قلبي غنوتك للجمال
وارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبي

[sun_shine 0]

احسنت الاختيار يا ياشيماء ...اشعار صلاح جاهين رائعة
مشكورة

[sweet_love 0]

ياربت كلنا نحاول نجمعها لأنها من الحاجات الرائعة فعلا

[amira1 0]

موضوع رائع والاروع اننا نتذكر القمم في جميع المجالات

[amira1 0]

موضوع رائع والاروع اننا نتذكر القمم في جميع المجالات

[dalia 0]

تسلم إيدك يا شيماء، موضوع جميل جداً

صلاح جاهين مش بس شاعر عظيم، لأ ده فيلسوف، لو دورنا حنلاقي إنه له رباعية تناسب تقريباً كل موقف بنقابله في الحياة.

أنا شخصياً بحب كده الرباعية دي:

علم اللوع اضخم كتـــــــــاب في الأرض.
بس اللي يغلط فيه يجيـــــــــبــه الأرض.
أما الصراحة فأمرها ســـــــــــــــــاهل.
لكن لا تجلب المال و لا تصون العرض
عجبي

[dalia 0]

ودي كمان، لما ببقى متضايقة، بحاول أفتكرها ويا سلام لو أفتكرها بصوت علي الحجار...الله!

حاسب من الاحزان و حاســـــــب لها
. حاسب علي رقابيك من حبلـــــــــــها.
راح تنتهي و لابد راح تنتهــــــــــي.
مش انتهت أحزان من قبلهــــــــــا؟ .
عجبي

[troshdy 0]

أنا من عشاق صلاح جاهين



[center]أنا إله الوجد رب الهيـام

أضرب بسهم الوهم وهم الغــرام

و هم الغرام من كتر ما هو لذيــذ

رشقت انا ف صدري جميع السهام





[center]حدوته عن جعران و عن خنفســه

اتقابلوا حوا بعض ساعة مســا

و لا قال لهم حد اختشوا عيب حــرام

و لا حد قال دي علاقة متدنســـة

[center] ياللي عرفت الحب يوم و انطـــوي

[/center]

[center] حسك تقال مشتاق لنبع الهــوي

[/center]

[center] حسك تقول مشتاق لنبع الغـــرام

[/center]

[center] ده الحب .. مين داق منه قطره...ارتوي

[/center]

[center][center] كان فيه زمان سحليه طول فرسخين

[/center][/center]

[center][center] كهفين عيونها وخشمها بربخين

[/center][/center]

[center][center] ماتت لكين الرعب لم عمره مات

[/center][/center]

[center][center] مع إنه فات بدل التاريخ تاريخين

[/center][/center]

[center][center][center]

[center] يا مشرط الجراح أمانة علـــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك





[center] أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل





[center] يا طير يا عالي في الســما طظ فيك

ما تفتكرشي ربنا مصطـــفيك

برضــك بتاكل دود و للطين تعًًًًودً تمــص فيه يا حلو .. و يمص فيك

نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير
[/center]

يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف
[/center]

[/center][/center][/center][/center][/center][/center]

[رحاب 0]

ياسلام يا صلاح يا جاهين ليت الزمان كان وقف عند الناس دي على الأقل كنا هنسمع أغاني ونشوف قصص وروايات لها معنى ......!!!!!!!!!

[dalia 0]

عارفة يا رحاب، عندك حق طبعاً...بس أنا عندي نظرية...الفنانين الكبار دول كانوا مع بعض كلهم في مرحلة معينة، بمعنى إن الظروف برضه بتساعد على إن الفنان يبدع، بتفجر جواه طاقات فنية...وأنا أعتقد إن في ناس بتحاول برضه في الجيل الموجود حالياً، بس محتاجين فرصة

لكن ماظنش إننا ممكن نكرر أم كلثوم ولا عبد الحليم ولا صلاح جاهين ولا رياض السنباطي مثلاً، إنما ممكن يطلع جيل جديد...

[dream 0]

السلام عليكم

الحمد لله ان لسة فيه حد عارف ام كلثوم وعبد الوهاب والناس دى !!!!

[Honey Bunny 0]

رباعيات صلاح جاهين كاملة


RS Or Megaupload

تحيــــــــــــــــاتي.

[Hamdy Tawfik-manar9 0]

شكرا شيماء

شكرا رانيا

مساهمات رائعه