اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
hany ell boss

يومياتى فى المترو (1)

Recommended Posts




السلام عليكم ورحمة الله وبركاته

إخوانى الأعزاء أنا كل يوم بركب " مترو الأنفاق " من محطة جمال عبد الناصر .. إتجاه المرج " الجديدة "

عامل إشتراك سنوى .. علشان كدة كل يوم بركبه ( أسرع .. و .. أأمن ) .. المهم كل يوم بقابل

حكايات ... فى منها .. مضحك .. ومنها يبكى .. ومنها رومانسي .. إلخ

فقررت أحكى لكم موقف من المواقف التى رأيتها بنفسى

بس بشرط كل واحد قرأ القصة دى يعلق عليها .. ويقول رأيه فيها من وجهه نظره ..

على بركة الله نبدأ ...


القصة

------

* أنا ( هانى ) شاب روش شوية حاطط السماعة فى ودنى وبسمع " الهضبة " ومعلى الصوت على الآخر " وبغنى بقى .. بناديك تعالى " ومستنى المترو على المحطة المهم كانت حوالى الساعة 3 قبل العصر .. رأيت شاب وفتاه يجلسون على الكراسى وباين من الجلسة بتعتهم إنهم متعصبين شوية "بيتخنقوا يعنى " .. المهم قولت فى نفسى يا واد يا " هانى " روح أقعد جنبهم وأسمع بيقولوا إيه ؟


وبالفعل روحت جنبهم ووطيت الصوت فى السماعة خااااالص .. وعملت نفسى بسمع الأغانى .. وروحت " ملمع الأوكر " على طوووول .. بمعنى رميت ودنى معاهم " مصيبة أنا ... صح " .. يخرب بيتى



تقريبا كدة من طريقة الكلام وكدة .. إنهم مخطوبين لبعض ...

المهم سمعت الحوار كالآتى *

الشاب : " بصوت حنون " يا حبيبتى بس لو تقوليلى زعلانة من إيه ؟

** الفتاه : " بصوت نرفزة " أهو زعلانة وخلاص

* الشاب : " بصوت رقيق " طيب أنا لازم أعرف علشان أعرف أصلحك ؟

** الفتاه : " بغيظ " شوف إنت عملت إيه غلط

* الشاب : " بصوت طيب رقيق " مش عارف يا حبيبتى والله .. طيب إدينى خيط بس أعرف منه الغلط ؟

الفتاه : ...... سكوت تاااااااام ... مع نظرة أنثى الأسد للفريسة .. ( يا ماااااااااااااااااه

* الشاب : مش فاكر زعلتك فى إيه يا روحى .. دا أنا حتى لسه جايب لك الموبايل هدية من كام يوم

** الفتاه : الموبايل أهووو خدوه .. إنت هتذلنى بيه

* الشاب : " بصوت مليء بالمصداقية " أبدا والله .. أنا بقولك بس إنى بعاملك كويس ومش بزعلك .. ده قصدى

( فى هذا الوقت جااااااااء المترو .. راحت الفتاه تركت الشاب " خطيبها " وإتجهت نحو عربة السيدات

وأرادت أن تركب .. فقام الشاب ووقف وأخذ ينادى عليها )

يا منى يا منى .. كدة تسيبينى وتمشى .. وهى ولا معبراه ورايحة تركب .. شكلى وحش قصاد الناس

وهى ولا هنا " كأنها الملكة نفرتيتى " .. راح الشاب يا عينى فضل واقف ينظر إليها .. نظرة الظلم من حبيبته

( وأنا كمااااااان بنظر إليها .. بس بغيظ والله .. كنت عاوز أديها كلمتين فى جنابها البعيدة ) المهم معرفتشى تركب من شدة زحام عربة السيدات ..

راحت رجعت مرة أخرى إلى الكرسى إللى كانت قاعدة عليه بجانب الشاب " خطيبها " .. ثم بدأ الحوار الآتى :-

الشاب : كدة تخلى شكلى وحش قصاد الناس ؟

الفتاه : هو كده بقى

الشاب : يا حبيبتى لو تقوليلى بس زعلانة من إييييه ؟

( بصراحة أنا إللى قرفت من خطيبها ده .. بسبب إنه " طرى أوووى " مش راجل يعنى كدة )
كنت عاوز أقوله " يا واد إسترجل شوية .. ميت نيلة على الرجالة " السيس " دى .. أووووف رحمتك يااااارب

المهم نروح للمشهد تانى ..

راح جاء المترو مرة أخرى .. وحدث مثل ما حدث فى المرة السابقة ..

** يا منى .. برده كدة هتسبينى ..

راحت منى رفعت يدها " شوحت " بيدها يعنى .. إستهزاءاً

بس المرة دى .. عرفت تدخل عربة السيدات .. وأنا روحت راكب برده

لأ طبعا مش فى عربة السيدات يا ناااصح .. إنت وهو ..:-)

- أنا ركبت فى العربة اللى جنبها .. ورأيت الشاب واقف بجانب الكراسى إللى على المحطة ينظر لخطيبته فى عربة السيدات

إلى أن أغلق السائق أبواب المترو .. وأخذ ينظر إليها .. وعيناه كأن بها دموع وذهول من موقفها هذا .

--------------------------------------------------------------------------------

بصراحة الواد صعب عليا جدا .. بس بصراحة يستاهل .. ( طرى أوووى ) وشخصيته ضعيفة أووووى

أما البنت شخصيتها .. متجبرة .. وقوية .. وقلبها جااامد بنت اللذينا ..


إيه رأيكم فى القصة .. بجد كل كلمة كانت فى القصة حدثت بالفعل .. وأنا كنت " بلمع الأوكر " **

أنا كنت الطرف التالت .. اللهو الخفى .. ههههههههههه


رأيى فى الشاب و خطيبته .. صح ولا أنا متحامل عليهم شوية ؟؟؟ *


مستنى رأيكم يا أصدقائى الكرام


شارك هذه المشاركه


رابط المشاركه
شارك
مشروع روائي جديد بالمنتدى . لا . أسامه أنور عكاشه .

هاني ، جد الجد . ماذا تعني ( بلمع الأوكر ) ؟

شارك هذه المشاركه


رابط المشاركه
شارك
hawas كتب:
مشروع روائي جديد بالمنتدى . لا . أسامه أنور عكاشه .

هاني ، جد الجد . ماذا تعني ( بلمع الأوكر ) ؟


بلمع الأوكر .. عندنا فى مصر .. بمعنى بتصنت على الكلام من غير الطرف التانى ما يعرف إنى بسمعه .

مش عاوز أقولهالك بس ياللا بقى .. بتجسس عليهم من غير ما يعرفوا إنى بتجسس عليهم .


مع إن كلمة " بتجسس " دى قوية أوووى على ودنى .. بس قولتهالك علشان تستوعبها يا نجم

شارك هذه المشاركه


رابط المشاركه
شارك
hany ell boss كتب:
hawas كتب:
مشروع روائي جديد بالمنتدى . لا . أسامه أنور عكاشه .

هاني ، جد الجد . ماذا تعني ( بلمع الأوكر ) ؟


بلمع الأوكر .. عندنا فى مصر .. بمعنى بتصنت على الكلام من غير الطرف التانى ما يعرف إنى بسمعه .

مش عاوز أقولهالك بس ياللا بقى .. بتجسس عليهم من غير ما يعرفوا إنى بتجسس عليهم .


مع إن كلمة " بتجسس " دى قوية أوووى على ودنى .. بس قولتهالك علشان تستوعبها يا نجم


شكراً جزيلاً هاني ...... صحيح بلد العجايب

شارك هذه المشاركه


رابط المشاركه
شارك
[/quote]

شكراً جزيلاً هاني ...... صحيح بلد العجايب[/quote]


هههههههههههههههه

شارك هذه المشاركه


رابط المشاركه
شارك
انا لو مكانه ياهانى اقطع اى وسيلة اتصال بينى وبينها تانى ولو باست رجلى او ساءت عليا طوب الارض لان الراجل موقف

شارك هذه المشاركه


رابط المشاركه
شارك

إيه ده,, في مواهب روائية جامدة هنــــا Smile

المــــهم,, أنا بصراحة من وصفك للشاب إن هوا اللي أخدها على كده من البداية, لأن لو البنت عارفة صرامة خطيبها أو زوجها عمرها ما هتعمل كده أبداااان

بس يا حسين انته طلعت صعب شويتين,, يعني لو اعتذرت عن غلطتها عمرك ما هتسامحها؟؟
ممكن الكلام ده عاوز مراجعة, ممكن تعاقبها فتره وبعدين تتقبل عذرها, ده اللي انا شايفاه

عموما باين عليك يا هاني شاب فضولي شويتين,,
فعلا أنا برضو من كام موقف كده حسيت ان شباب الأيام دي, مش كلهم عشان ما نكونش ظالمين, بدأوا يفقدوا معنى الرجولة سواء في الكلام أو المظهر أو غيره, وده أمــــر مخزي ,, ربنا يهدي شباب المسلمين

شارك هذه المشاركه


رابط المشاركه
شارك
اولا هو غلط انك تتصنت عليهم . لا تحب لاخيك مالا تحب لنفسك
و لو اتكلمنا على الموضوع بصفة عامة بدون تصنت ممكن نقول
1- هو ممكن يكون فعلا غلط غلط كبير و هى محرجة تقوله غلطه
2- او هى لاحظت انه بيحبها قوى فبدأت تلعب بيه و دا عيب فى شخصيتها
3- كونه انه ضعيف قصادها و كان هيعيط زى ما قلت دا معناه انه شخص لا يعتمد عليه فى تحمل مسئولية اسرة

شارك هذه المشاركه


رابط المشاركه
شارك
لو كانت غلطت فى حقى بينى وبينها كان ممكن اسامحها لكن اللى تهزق راجل ادام الناس وكمان خطيبها يبقى تستاهل اى عقاب.دى حتى مفكرتش فى منظره ادام الناس وادام واحد زى هانى ممكن يكون بيلمع الاكر.هههههههههههههههههههههه.

شارك هذه المشاركه


رابط المشاركه
شارك
صحيح, هوا فعلا اللي ممكن يزود الطين بلة أما يبقى الموضوع فيه إهانة لأحد الطرفين, نقدر نقول مفيش زوق ولا أدب في التعامل, ده حتى مع الغريب بيبقى فيه أصول, الحمد لله الذي عافانا

شارك هذه المشاركه


رابط المشاركه
شارك
المشتاقة للجنة كتب:
معلش عندي استفسار خارج الموضوع, ممكن حد يوضح لي إزاي أضيف التوقيع في المساهمات بتاعتي؟؟

بياناتى > معلومات > التوقيع

شارك هذه المشاركه


رابط المشاركه
شارك
عندى جوجل كروم و اوبرا و فاير فوكس غير الاكسبلور كلهم شغالين كويس
الاول انتى هتحطى ايه فى التوقيع صورة مثلا؟

شارك هذه المشاركه


رابط المشاركه
شارك
محمود سعيد77 كتب:
اولا هو غلط انك تتصنت عليهم . لا تحب لاخيك مالا تحب لنفسك
و لو اتكلمنا على الموضوع بصفة عامة بدون تصنت ممكن نقول
1- هو ممكن يكون فعلا غلط غلط كبير و هى محرجة تقوله غلطه
2- او هى لاحظت انه بيحبها قوى فبدأت تلعب بيه و دا عيب فى شخصيتها
3- كونه انه ضعيف قصادها و كان هيعيط زى ما قلت دا معناه انه شخص لا يعتمد عليه فى تحمل مسئولية اسرة


يا باشا إنت عندك حق .. غلط التصنت

بس أنا مش بعملها غير فى الحاجات إللى بتجذبنى .. بجانب شىء مهم أوووووى

أنا بحب أتعلم جدا من تجارب الآخرين علشان كدة تلاقينى ديما .. عينى بتلاحظ النملة وهى ماشية

بتعرج ولا ماشية سليمة .. عنيها طبيعية ولا حولة



كله تحت السيطرة يعنى

شارك هذه المشاركه


رابط المشاركه
شارك
.. عينى بتلاحظ النملة وهى ماشية

بتعرج ولا ماشية سليمة .. عنيها طبيعية ولا حولة



كله تحت السيطرة يعنى


شكلك مباحث

شارك هذه المشاركه


رابط المشاركه
شارك
[quote

عموما باين عليك يا هاني شاب فضولي شويتين,,
في الكلام أو المظهر أو غيره, وده أمــــر مخزي ,, ربنا يهدي شباب المسلمين[/quote]

صح أنا فضولى بس فى " الخباثة " يعنى فى الخفاء .. أنا إللهو الخفى

أما فى موضوع الكلام والمظهر .. بصراحة عندك حق .. فى شباب كتير أوووى

شكلهم مش رجالة خاااالص .. عيال مايصة آخر حاجة

أموت وأعرف العيال دى هتتزوج إزاااااااااااااااااااااى ؟؟

شارك هذه المشاركه


رابط المشاركه
شارك
انا شايفة ان التصنت عيب معلش متزعلش مني بس ده رأيي

يااا مشتاقة للجنة انا برضه مكنش بيظهر توقيعي في الاول بعد ما بقيت عضو برونزي التوقيع ظهر لوحده

شارك هذه المشاركه


رابط المشاركه
شارك
*maryam كتب:
انا شايفة ان التصنت عيب معلش متزعلش مني بس ده رأيي

يااا مشتاقة للجنة انا برضه مكنش بيظهر توقيعي في الاول بعد ما بقيت عضو برونزي التوقيع ظهر لوحده


ياااااااااه معقولة دى " التصنت " عيب !! غريبة أووووى الموضوع ده .. أنا كنت فاكره من حسن الخلق !!

* ما هو طبعا يعنى ( عيب .. وحرااااام كمان ) .. هتقوليلى ولما إنت عارف إنه كدة بتعمله ليه ؟؟

* الإجابة هى موضوع حلقتنا الجاية من برنامج " لكى يا سيدتى "


أنا بسأل عن القصة .. مين المخطأ ومين المجنى عليه ؟ مش حاجة تانية


شارك هذه المشاركه


رابط المشاركه
شارك
ههههههههههههههههههههههه.دمك شرباااااااااااات ياهانى وروحك جميلة اوووووووووى.

شارك هذه المشاركه


رابط المشاركه
شارك
hussein1974 كتب:
ههههههههههههههههههههههه.دمك شرباااااااااااات ياهانى وروحك جميلة اوووووووووى
.


الله يخليك يا " كبير " ده بس من ذوقك والله

شهادة أعتز بها كثيرا والله .. وخصوصا أنها أتت من شخصية جميلة ومحترمة مثلك



شارك هذه المشاركه


رابط المشاركه
شارك
شكرا ياهانى على زوقك بس انا فعلا بحب اقرا كلامك لانك فعلا روحك حلوة ومرح ودى صفات جميلة.

شارك هذه المشاركه


رابط المشاركه
شارك
hussein1974 كتب:
شكرا ياهانى على زوقك بس انا فعلا بحب اقرا كلامك لانك فعلا روحك حلوة ومرح ودى صفات جميلة.


شارك هذه المشاركه


رابط المشاركه
شارك
*maryam كتب:


يااا مشتاقة للجنة انا برضه مكنش بيظهر توقيعي في الاول بعد ما بقيت عضو برونزي التوقيع ظهر لوحده


بجـــد يا مريومة, طيب طمنتيني افتكرت اللاب بتاعي بدأ يهنج أصل الأيام الأخيرة دي بدأ يخرف كده ويعيد التشغيل شكلو عايز فورمات,, ميرسي قوي ع المعلومة ^_^

شارك هذه المشاركه


رابط المشاركه
شارك
المشتاقة للجنة كتب:
*maryam كتب:


يااا مشتاقة للجنة انا برضه مكنش بيظهر توقيعي في الاول بعد ما بقيت عضو برونزي التوقيع ظهر لوحده


بجـــد يا مريومة, طيب طمنتيني افتكرت اللاب بتاعي بدأ يهنج أصل الأيام الأخيرة دي بدأ يخرف كده ويعيد التشغيل شكلو عايز فورمات,, ميرسي قوي ع المعلومة ^_^


لا والله ... ما تتكلموا فى الطبيخ بالمرة !! ماهى الصفحة شرحة وبرحة

تساع برده ... خرجنا من موضوعى .. وهنتكلم فى الصور والتوقيع

آه من الستات دوووول .. لازم يخرجوا الواحد عن شعوره

أموت وأعرف مين صاحب مقولة " البنات .. ألطف الكائنات " ..



---------------------------------------------

** بهزر معاكم والله .. متخدوش الكلام بجد

منورين الصفحة والله .. لو حتى إتكلمتوا فى الإنتخابات الرئاسية حتى ..

شارك هذه المشاركه


رابط المشاركه
شارك
hany ell boss كتب:
المشتاقة للجنة كتب:
*maryam كتب:


يااا مشتاقة للجنة انا برضه مكنش بيظهر توقيعي في الاول بعد ما بقيت عضو برونزي التوقيع ظهر لوحده


بجـــد يا مريومة, طيب طمنتيني افتكرت اللاب بتاعي بدأ يهنج أصل الأيام الأخيرة دي بدأ يخرف كده ويعيد التشغيل شكلو عايز فورمات,, ميرسي قوي ع المعلومة ^_^


لا والله ... ما تتكلموا فى الطبيخ بالمرة !! ماهى الصفحة شرحة وبرحة

تساع برده ... خرجنا من موضوعى .. وهنتكلم فى الصور والتوقيع

آه من الستات دوووول .. لازم يخرجوا الواحد عن شعوره

أموت وأعرف مين صاحب مقولة " البنات .. ألطف الكائنات " ..



---------------------------------------------

** بهزر معاكم والله .. متخدوش الكلام بجد

منورين الصفحة والله .. لو حتى إتكلمتوا فى الإنتخابات الرئاسية حتى ..




عندك مانع ولا ايه ياهانى
قول اتكلم عادى متخافش
يمكن يكون عندك رأى غير كده

شارك هذه المشاركه


رابط المشاركه
شارك
لالالالالالالا ياكوين هانى جدع اوى اوعى تكونى فاكراه زى الواد بتاع محطة المترو.ده راجل اوى وبدليل انه معجبوش الحال واتخنق منه.انا مش باوقع ولاحاجة.ههههههههههههههههههههههههههه.

شارك هذه المشاركه


رابط المشاركه
شارك
هههههههههههههههههههههه, دى بقت الموضة حتى اللى شخصيته جامدة بتيجى البنت دلوقتى وتحاول تخلى الشاب رقم 2 وامه رقم 3 وهى طبعا وجميع الاهل والاقارب والاصدقاء والاحباب والجيران رفم 1(واحد لاغير), خالص عزائى للشباب المسكين واللى عايز امراءة صالحة تتقى ربها وطبعا دة مش معناه انى بعمم ولكن للأسف دى الحقيقة من وجهت نظرى والدليل على ذلك حالات الطلاق اللى بقت عادية خالص زى السلام عليكم,عادى جدا والله اللطيف الخبير.

شارك هذه المشاركه


رابط المشاركه
شارك
عندك حق يازيكة انت لمست موضوع خطير جدا وهو كثرة حالات الطلاق فى المجتمع المصرى.انا مرة سواق تاكسى قالى تعبير فاكره لحد دلوقتى قالى انت لو رحت محاكم الاسرة هاتقول مفيش راجل ومراته قاعدين فى بيتهم.وطبعا دى كارثة واكيد ليهااسباب كتير محتاجة مناقشة طويلة مع اولى العلم فى الموضوع ده.عموما ربنا يحفظنا.

شارك هذه المشاركه


رابط المشاركه
شارك
مش عارف بس ياكوين اقولك ايه.اخجلتم تواضعنا.هههههههههههههههههههههه.

شارك هذه المشاركه


رابط المشاركه
شارك
RФMaйt!c_QuêN كتب:
hany ell boss كتب:
المشتاقة للجنة كتب:
*maryam كتب:


يااا مشتاقة للجنة انا برضه مكنش بيظهر توقيعي في الاول بعد ما بقيت عضو برونزي التوقيع ظهر لوحده


بجـــد يا مريومة, طيب طمنتيني افتكرت اللاب بتاعي بدأ يهنج أصل الأيام الأخيرة دي بدأ يخرف كده ويعيد التشغيل شكلو عايز فورمات,, ميرسي قوي ع المعلومة ^_^


لا والله ... ما تتكلموا فى الطبيخ بالمرة !! ماهى الصفحة شرحة وبرحة

تساع برده ... خرجنا من موضوعى .. وهنتكلم فى الصور والتوقيع

آه من الستات دوووول .. لازم يخرجوا الواحد عن شعوره

أموت وأعرف مين صاحب مقولة " البنات .. ألطف الكائنات " ..



---------------------------------------------

** بهزر معاكم والله .. متخدوش الكلام بجد

منورين الصفحة والله .. لو حتى إتكلمتوا فى الإنتخابات الرئاسية حتى ..





عندك مانع ولا ايه ياهانى
قول اتكلم عادى متخافش
يمكن يكون عندك رأى غير كده



لأ طبعا معنديش مانع .. هو أنا أقدر برده

ده إنتوا برده الخير والبركة .. ربنا يخليكوا لينا

وتفضلوا كدة " تحرقونا " .. قصدى تنورونا دايما على طوووول

شارك هذه المشاركه


رابط المشاركه
شارك
hussein1974 كتب:
لالالالالالالا ياكوين هانى جدع اوى اوعى تكونى فاكراه زى الواد بتاع محطة المترو.ده راجل اوى وبدليل انه معجبوش الحال واتخنق منه.انا مش باوقع ولاحاجة.ههههههههههههههههههههههههههه.



ربنا يخليك يا غالى .. ده العشم برده ( إنك تدافع عن أخوك الغلبان ) .. وطبعا

عارف ومتأكد إنك مش بتوقع ولا حاجة .. إنت قصدك شريف .. ههههههههههههه

بتعمل بمبدأ ( إحنا جايين .. نهدى النفوس ) .. صح ؟

كوين .. وحسين .. وزيكا .. منورين " العتبة ".. معلشى قصدى الموضوع

ههههههههههههههههههههههههههه

شارك هذه المشاركه


رابط المشاركه
شارك
hussein1974 كتب:
بقولك ايه ياهانى هو الاقتباس ده بيتعمل ازاى؟


فيه فى كل رد فى أى موضوع .. هتلاقى على جنب مستطيل صغير مكتوب عليه ( إقتباس ) .. إضغط

عليه .. بعد كدة هينقلك لصفحة تانية خالص .. هيكون فيها مستطيل كتابة الرد زى إللى إنت بتكتب منه دلوقتى الردود


وهتلاقى مكتوب فيه الرد اللى إنت إقتبسته .. ماتمسحشى الرد إللى جوه المستطيل ده

وأكتب تحت منه ردك إنت .. وبعدين دوس " إرسال " .. هيطلع نفس الرد اللى إنت شايفه دلوقتى

أى توضيح تانى أنا معااااك يا نجم النجوووم

شارك هذه المشاركه


رابط المشاركه
شارك
hany ell boss كتب:
hussein1974 كتب:
بقولك ايه ياهانى هو الاقتباس ده بيتعمل ازاى؟


فيه فى كل رد فى أى موضوع .. هتلاقى على جنب مستطيل صغير مكتوب عليه ( إقتباس ) .. إضغط

عليه .. بعد كدة هينقلك لصفحة تانية خالص .. هيكون فيها مستطيل كتابة الرد زى إللى إنت بتكتب منه دلوقتى الردود


وهتلاقى مكتوب فيه الرد اللى إنت إقتبسته .. ماتمسحشى الرد إللى جوه المستطيل ده

وأكتب تحت منه ردك إنت .. وبعدين دوس " إرسال " .. هيطلع نفس الرد اللى إنت شايفه دلوقتى

أى توضيح تانى أنا معااااك يا نجم النجوووم
كده ياهانى

شارك هذه المشاركه


رابط المشاركه
شارك
طيب ممكن اعمل اقتباس من موضوع لموضوع تانى خالص؟ يعنى مثلا اشيل اللى انت كاتبه ده وارد عليه فى موضوع تانى؟

شارك هذه المشاركه


رابط المشاركه
شارك
لا .. ما ينفعشى ..


إلا بقى لو عملت

copy .. paste

وحطتهم فى موضوع تانى خاااالص

شارك هذه المشاركه


رابط المشاركه
شارك
اوك شكرا ياهانى على فكرة ياهانى انت كليه ايه وتيرم كام؟

شارك هذه المشاركه


رابط المشاركه
شارك
أنا كلية تجارة جامعة القاهرة للتعليم المفتوح - داخل التيرم الثالث " إن شاء الله تعالى "

ومستنى النتيجة .. وربنا يسترها على الكل .. آميييين

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.