ايه حلم حياتك ؟

[man_reda 0]

كل واحد فينا المفروض عايش بهدف يسعى لتحقيقه فى النهايه فى بينجح فى تحقيق الهدف وفى مع الأسف من يفشل فى تحقيق الهدف بس المشكله اللى عايش بلا هدف !!! الحياه بلا هدف لامعنى لها



إيه رأيكو اللى مش محدد حلمه حتى الان يحدده و كل واحد يكتب حلمه و يكتب حقق منه ايه ولو فشل فى حلم او هدف يقوله ونفتح حوار مع بعض وكل واحد يقول تجربته الفاشله حتى لا يقع فيها أحد ويستفاد منها الجميع ونساعد بعض لتحقيق الاهداف بالخبرات ...

حياة بلا هدف = موت بطيئ + صفر عالشمال

[sally90 0]

[محمود سعيد77 0]

والله انا حلم حياتى مش حلم شخصى قوى لان الاحلام الشخصية سهل تحقيقها اهم شيىء الاجتهاد فى العمل و السعى الجاد تجاه هذا الحلم
لكن حلم حياتى و دا من زمان قوى ان اشوف مصر بلد متقدمة جدا و تسود العالم و تعود الى مكانتها القديمة
و دا مش هيكون الا بالدين و العلم لان بصراحة احنا اتأخرنا قروون طويلة عن مسايرة ركب الحضارة المسألة مش مسألة ثورة و تغيير نظام الى نظام المسألة مسألة تقويم و تنشأة الفرد المصرى علميا و ادبيا و دينيا

[*maryam 0]

بالنسبة لحلمي الشخصي نفسي ادخل كلية اداب انجليزي ولسة مطلعتش اول سلمة وخايفة جدا من الفشل وخايفة لكون مجرد حلم وهصحى منه ولكن أوؤمن بأن لا يوجد شئ مستحيل لان الله سبحانه وتعالى اعطى للانسان القدرة على تحدى العالم ..وهو العقل ..

وبالنسبة لحلمي الذي لم يتحقق حتى الان نفسي اشتغل في مجال دراستي

وحلمي التاني لبلدي نفسي تكون بلد متقدمة عن كل البلاد نفسي يرجعلنا الامان من تاني ولازم نغير من نفسنا عشان نغير بلدنا للأفضل وننهض بيها ونفسي كل مصري ينتمي لبلده معظم الشباب بيشتغلوا برة مصر في البلاد العربية ياترى شوفتوا برنامج معتز اللي كان جايب ناس مرشحة نفسها للرئاسة اللي دبلوم تجارة واللص التائب وناس غريبة جدا معقولة اللي بيحصل ده ده احنا ضحكنا علينا العالم هي مصر بقت عزبة كل واحد عايز يرشح نفسه ويمسك عزبته بجد مبقتش عارفة اضحك ولا اعيط من اللي بيحصل ده دي مصر يا جماعة مش عزبة الناس جرالها ايه اي حد معدي كدا يروح يرشح نفسه هما قالو اللي مش هيرشح نفسه هيدفع غرامة ولا في ايه بس

انا اسفة على الاطالة بس بشكر صاحب الموضوع اللي خلاني اطلع اللي عندي كله واستريح

[man_reda 0]

محمود سعيد77 كتب:

حلم حياتى و دا من زمان قوى ان اشوف مصر بلد متقدمة جدا و تسود العالم و تعود الى مكانتها القديمة
و دا مش هيكون الا بالدين و العلم لان بصراحة احنا اتأخرنا قروون طويلة عن مسايرة ركب الحضارة المسألة مش مسألة ثورة و تغيير نظام الى نظام المسألة مسألة تقويم و تنشأة الفرد المصرى علميا و ادبيا و دينيا

مفيش حاجه تتقال تانى تخرج مصر من اللى هى فيه غير كده :-
المسألة مش مسألة ثورة و تغيير نظام الى نظام المسألة مسألة تقويم و تنشأة الفرد المصرى علميا و ادبيا و دينيا

[Hamdy Tawfik-manar9 0]

حلم حياتي ان يبقا عندي بنوته جميلة زي القمر ده

[man_reda 0]

*maryam كتب:

بالنسبة لحلمي الشخصي نفسي ادخل كلية اداب انجليزي ولسة مطلعتش اول سلمة وخايفة جدا من الفشل وخايفة لكون مجرد حلم وهصحى منه ولكن أوؤمن بأن لا يوجد شئ مستحيل لان الله سبحانه وتعالى اعطى للانسان القدرة على تحدى العالم ..وهو العقل ..

اعملى اللى عليكى وخلى الباقى على الله ومتقصريش من نحيتك ..
لو كان حلم وصحيتى منه قولى الحمد لله لانك متعرفيش الخير فين يعنى أنا مثلا طول عمرى نفسى أدخل كليه الشرطه وقدمت السنادى وأترفضت ملغير سبب معلن لرفضى وأديكى شايفه دلوقتى اللى بيحصل فى الشرطه فقولت فعلا الحمد لله .. عسى ان تكرهوا شيئا وهو خير لكم وعسى ان تحبو شيئا وهو شر لكم .

*maryam كتب:

وبالنسبة لحلمي الذي لم يتحقق حتى الان نفسي اشتغل في مجال دراستي

أهو ده بقى يظل حلما فى بلدنا العزيزه مصر ... حتى الأن

*maryam كتب:

ياترى شوفتوا برنامج معتز اللي كان جايب ناس مرشحة نفسها للرئاسة اللي دبلوم تجارة واللص التائب وناس غريبة جدا معقولة اللي بيحصل ده ده احنا ضحكنا علينا العالم هي مصر بقت عزبة كل واحد عايز يرشح نفسه ويمسك عزبته بجد مبقتش عارفة اضحك ولا اعيط من اللي بيحصل ده دي مصر يا جماعة مش عزبة الناس جرالها ايه اي حد معدي كدا يروح يرشح نفسه هما قالو اللي مش هيرشح نفسه هيدفع غرامة ولا في ايه بس

هم يبكى وهم يضحك والله ... يعنى ابو الليف سحب ورق ترشحه للرئاسه مش عارف كول ديه ناس نفسها تبقى رئيس لما كول دول عاوزين يحكمو اومال مين اللى هيتحكم
بس انا من رأى الافضل حاليا لحكم مصر اللص التائب لانه اكيد عارف اغلب اللصوص اللى فى البلد فهيقدر يسيطر عليهم وبكده نرجع الامن تانى ملغير شرطه ولا غيرو

*maryam كتب:

انا اسفة على الاطالة بس بشكر صاحب الموضوع اللي خلاني اطلع اللي عندي كله واستريح

لا داعى للاسف .. الشكر لله .. انا عملت الموضوع علشان كوله يطلع اللى عنده و نفتح حوار مع بعض لان فى حاجات الواحد مبيعرفش يحكيها لحد ومبيرتحش إلا لما يفضفض بيها فيستريح

[man_reda 0]

HAMDY كتب:

حلم حياتي ان يبقا عندي بنوته جميلة زي القمر ده

ربنا يرزقك إن شاء الله .. بس تعرف غريبه أول مره أشوف واحد بيقول حلم حياته ان يبقى عنده بنوته زى القمر ده كووووووول اللى بسمعه نفسه يبقى عنده ولد زى ده



بس اللى يجيبو ربنا كويس ..
يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ

[marina 0]

thank you موضوع رائع

[enigma_sinai 0]

to flee from Egypt

[hany ell boss 0]

أنا بقى يا كبير .. عاوز أتكلم أنا كمان :-


* حلم فاشل ........ الحب ( فاشل عندى آخر حاجة ) .

* حلم تحقق ..... شغال فى نفس المجال إللى بحبه ( بفضل الله وحده ) .

* حلم عام ...... تصبح بلدى " مصر " من أقوى ( 5 ) دول عالميا فى كل شىء .

* حلم خاص .... أمسك رئيس مجلس إدارة الشركة إللى شغال فيها فى يوم من الأيام .

* حلم روحانى ... أن يختم الله لى خاتمة السعادة كالموت " شهيدا " .

[man_reda 0]

enigma_sinai كتب:

to flee from Egypt

انا مش هقولك ليه والبلد ديه احسن من غيرها بس فعلا البلد ديه احسن من غيرها انا عاوز امشى من البلد وانت وغيرنا بس لو كولنا مشينا مين اللى هيعد فيها ويعمل على تقدمها هنسافر بره هنتبهدل طيب منتبهدل هنا احسن وسط اهلنا
والدليل عل ان البلد ديه احسن من غيرها انها لسه واقفه على رجليها حتى الان رغم كميه السرقه لثروتها وخيرها

[man_reda 0]

hany ell boss كتب:

* حلم فاشل ........ الحب ( فاشل عندى آخر حاجة ) .

الحب مش فاشل جايز انت مبتعرفش تختار من الاول لكن لو دورت واخترت صح هتلاقى الحب الناجح

hany ell boss كتب:

* حلم تحقق ..... شغال فى نفس المجال إللى بحبه ( بفضل الله وحده ) .

الحمد لله ان الحلم تحقق بفضل الله

hany ell boss كتب:

* حلم عام ...... تصبح بلدى " مصر " من أقوى ( 5 ) دول عالميا فى كل شىء .

يظل حلما حتى قدوم الرئيس اللى بيحب البلد بجد وبيخاف على شعبها وعاوزها تتقدم فعلا وده مش هيحصل إلا لما يحط ايده فى ايد اهلها ويعملو على نهوض البلد

hany ell boss كتب:

* حلم خاص .... أمسك رئيس مجلس إدارة الشركة إللى شغال فيها فى يوم من الأيام .

والله أعمل اللى عليك وخلى الباقى على الله وتذكر دائما ان الله لايضيع أجر من أحسن عملا

hany ell boss كتب:

* حلم روحانى ... أن يختم الله لى خاتمة السعادة كالموت " شهيدا " .

ربنا يحسن خاتمتنا جميعا

[hany ell boss 0]

تسلم يا غالى .. thanks

[enigma_sinai 0]

man_reda كتب:

enigma_sinai كتب:

to flee from Egypt

انا مش هقولك ليه والبلد ديه احسن من غيرها بس فعلا البلد ديه احسن من غيرها انا عاوز امشى من البلد وانت وغيرنا بس لو كولنا مشينا مين اللى هيعد فيها ويعمل على تقدمها هنسافر بره هنتبهدل طيب منتبهدل هنا احسن وسط اهلنا
والدليل عل ان البلد ديه احسن من غيرها انها لسه واقفه على رجليها حتى الان رغم كميه السرقه لثروتها وخيرها

ليس المال، رغم أن قطاع كبير يعانى من الفقر المدقع....ما أهرب لها هى الآخلاق...أرجوكى أن لا تقولى أن هذه البلد أفضل من غيرها فى الآخلاق..أرجوكى!

[somya 0]

حلم حياتي؟؟؟!!!





اني اخلص الجامعة واشتغل

و اكون اسرة صالحة

و ادخل الجنة مع نبينا محمد في الفردوس الاعلى

و النظر لوجه الله