ذبح الاحــــــــــلام,,,عماد الاسدي

[شبح المنتديات 0]

ذبح الاحلام
عماد الاسدي
كمت اعجز اللفظك كلما اشتاك
ويخط كام بحروفك حبر العيون
دخيلك كافي تهمس صوت الوداع
... كثر ما جنت اعينك ماردت عون
اشد بيك القوافي وافتح الروح
وتعتني اعله المنيه وكتلك اتمون
ولان عشت الضحيه بذيج الاسماء
اتغّير ما تغير ما يفرقون
انا امغمض واشوفك باهت وياي
واشوف الماتشوفه وعندك اعيون
انا احساسي الاوصفه بوصف الاطفال
اذا تزعل عليهم والله يبجون
لجن شايل عزيمه وخلك الجبال
وحكك لّون زهكت..اكلب الكون
اذا تكتل ضحكتي اتمّوت اشفاي
وتحشم بالملامح.. لاتحزنون
خفت من الشماته التقره لوجوه
يجون بغبشة الله وبيه يقرون
جنازه بنص جنازه اتخيل الحال
وشماته تكل شماته وكتلك اتهون
تواسيني الجكاره وبيهه نفسين
كل جرة نفس جن سحبة اقسام
وانزلهن دموعي اتموت بالعين
مثل عيشت يتيمه ابيت ظلاّم
واعد بيهن جروحي ايتيه الحساب
بحيث بكل جرح....!! ما اذكر ارقام
واحشم الماله حشمه وغيرته اتخون
امه ابلا رسول وتعبد اصنام
افز دنياي سوده اتيّه الطير
ولاعندك ظهر يتحزم احزام
اخاف امن افرح اثغب بالمعاناة
واخاف اكتب قصيده ابدم الاقلام
ولايوم ابربيعي اختلفوا اثنين؟
بلا ريحه الورد محكوم بعدام
الذبح اكبر مصيبه محمله اذنوب
ولاساكن تحرك دين الاسلام
اذا اتركز بعد سوده العصافير
تحس لبسن سواد بذبح الاحلام
شفت اخر حلم من ظهره مغدور
كبل لاينذبح وصاني بأيتام
اذا بعينك ملح ما تعتبر ذيب
عين البوم وسعه وكاعد ينام
عجز ناي الحزن ما يحمل انفاس
بنفس عاشك نفخته يموّت الانغام
تحياتي...15/3/2013

[alfahloy-alfahloy 0]

تســــــــــــــــ مجهود مميز شكراااااااااااااا ــــــــــــــــلم ايدك
في انتظار الجديد منك
تحياتى

[zhegazy 0]

نشكرك على الموضوع   

نتضر منك مواضيع اخررى   

ابدااع وشعر  في مستوى دئماا نتضر منك  ابدااع اخر ويكون اجمل من الأول   

بالتوفيق