عطشان علة جرفك ليش

[شبح المنتديات 0]

عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية

..........................

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية

..........................

الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية

........................

بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية

.........................

الحب بحجر سجيــــــــل ...... رجماي
ودمع لجفن فوك الوجن ...... رجماي
حبيبي لو طلب فد يوم ...... رجماي ( رقماي )
نطيتة الرقم والهاتف سوية

.......................

زوج طيور حبنة صفــــــن ......... بس تك
وصرنة للشماتة علـــــج ......... بستك
ما ادري شجاني وكمت ........ بستك
اعذرني عالجرالك مو بدية

........................

يحلوة عيوني انتي ......... ونتي رمشي
لتزعليني منــــــج .......... ونه ترة امشي
راح انطيج رقمــــي ......... ونتي رمشي
بس يرمش اتصل مية بالمية

[سمسمه 0]

شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .....!!

[alfahloy-alfahloy 0]

اسمح لي ابدي اعجابي بقلمك
وتميزك واسلوبك الراقي وتالقك
تحياتى القلبية
** alfahloy **