كيف جّـالك قلب تنسى مَـوٍعّـدٍكّ

[شبح المنتديات 0]

شلت همك عمر ليل بأثر ليل
كسر ظهري التعب وهمومك ثكال



واول ما طحت راسا صحت حيل
وضحكت على الدمع بخدودي من سال


كمت بجفوفي اصيحك وين جفيك


ولاتعرفني جنك ما درت بال


حسبالك خلص ؟! ما ارجع انوب !!
واظل تعبان بعدك وابجي موال

عود انت ادفعتني..؟! هواي بطران
تره جفوف البشر ما تدفع اجبال

واذا كاع انت طبعك هم امر بيك
واشك صدرك واجيك بحيل زلزال


شلت حسنك عنب وبحضني اخليك
كضيت سنين اشيلك مثل السلال

جنت بأول عطش اعصرلك العين
واكت دموعي لجلك ماي شلال

ماتستاهل اسهر واحسب نجوم
وابوس ايد الكمر وعيون الهلال

اتوسل اظل بلكت يروحون
وعله ظهر الصبح تلكاني خيال

اجيك وبيدي وردة وكلبي متعوب
واكابر واني بيه جروح اشكال

عال العال صحتي وكلشي انسيت
مامجبور احب انسان تمثال

لاتتوسل ولاتحجي وياي
كرهتك روح..ما يحتاج تحتال

ولك بيك امنت ماجنت اظن هيج
على جروحي تسوي جروحك انزال

هدمت الشوك بيدك واني مليت
دروح وارضه مثلي...بواقع الحال

[روعة المعانى 0]

سلمت يداك ودام حبر قلمك الزاكي

تقبلي تواضع مروري

مع باقة من الجوري

ولك كل تقديري

[alfahloy-alfahloy 0]

جزاك الله خير الجزاء
كل الشكر والتقدير
تحياتى
** alfahloy **