اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
sally90

لو حماتك نكدية

Recommended Posts

حماتك نكديه متزعليش نفسك وامسحى دموعك
وتعالى
اقرى النصايح دى

1
ـــ لا تخبريها عن نيتكم في الخروج لأي مكان .... خليكي في حالك أحسن
وحطيها حلقة مصدية في ودانك ... حماتك هاتشبط وحتي لو كانت عاقلة ومش وش شبط
هاتلاقيها بتقول في نفسها .. حسرة عليا في الفرح منسية وفي الحزن مدعية ...
وهاتشيل من أبنها ومنك

2
ـــ لا تلبسي أمامها الجديد ... ماله القديم وياحبذا هالبتا تلبسي مقطع
... أبعدي عن الشر وغنيله ... خليكي قي السليم بدل ماتلاقي نفسك متأشطة أو مش بعيد
تطلب من أبنها بطريقة ذكية أن تشتري مثلك

3
ـــ لا تخبريها عن مرضك وإلا ستركبها أمراض الدنيا وهاتدوخكم السبع
دوخات علي الدكاترة لتثبت مرضها .. وفي الآخر هاتطلع صبية ... ماهو جيل متأسس
ياأمٌا

4
ـــــ لا تخبريها عن حقيقة مرتب زوجك ... هاتطلب تنصص معاكم حتي
لو مش محتاجة ... البحر يحب الزيادة

5
ـــ إذا كنتي حامل .. إياكي ثم إياكي أن تخبريها عن تفاصيل زيارتك
للطبيب ... وغلطة عمرك هاتبقي كبيرة لوأتجننتي وقلتي آخدها معايا تشوف البيبي في
السونار ... بكرة يشرف الدنيا وأبقي قابليني لو حتي شالته مرة في أيديها

6
ـ لا تشتري لها هدايا في أي وقت .. مالها الفلوس ... أديها ماتحرميهاش
أقفلي عليها أي حجة للخلاف بينك وبينها

7
ـــ لا تصطحبوها معكم لأي محال من محلات الطعام المشهورة
ياإما
هاتفتكر أنكم مقضينها تيك أواي طول عمركم .... ياإما هاتبقي عادة عندها وهاتحتاج
ميزانية جديدة وجوزك اللي هايكع

8
ـــ حتي لا تفترسك الأمراض ويركبك العصبي ... حطي في دماغك يابنت الناس
أن رأيها صح لا يحتمل الغلط وأن رأيك غلط لا يحتمل الصواب ... الجدال في حالتك دي
مامنوش فايدة عامليها كالطفل الصغير وماتنسيش أنك بكرة هاتبقي نسخة منها جايز علي
أعقل بس برضه النسخة واردة الحدوث

9
ـــ لا تخبريها بتوصياتك عليها عند أبنها ليهتم بها ... حتي لا تصبحين الوسيط الرسمي بينهم ..
هما أهل في بعض كلمتك أنتي إللي هاتقف في الزور ... وإن رفضتي الوساطة بينهم في
يوم من الأيام ستعتبرك حماتك المحرضة الأولي علي العصيان ... أعقلي وماتحطيش نفسك
في وش المدفع خليكي ناصحة

10
ـــــ غيري الموضوع عندما تخبرك عن موبايلها الذي تغيره في السنة خمس
مرات وهي مع ذلك تجهل كيفية التعامل مع هذا الجهاز

الواحدة
مننا مش ناقصة فقعة

11
ـــــ أحذري أن تنبهيها بأنك أكتشفتي كذبها ... حتي لو قالت أنها بنت
الملك فاروق بذات نفسه ... هاتخسري أيه ؟ ده أنتي حتي هاتطلعي مناسبة بنت ملوك

وإن
كان ولا بد فهميها أنك صاحيالها .. بس وأنتي بتضحكي حتي لو ضحكة صفرا .. أهي ضحكة
والسلام

12
ـــ لا تتقدمي بالشكوي لزوجك ... هايعمل أيه ؟ أمه ومايقدرش يغيرها لكن
خلي بالك ممكن يغيرك أنتي وعمره ماهايطلعها غلطانة حتي لو غرقانة في الغلط

13
ـــ لا تسأليها عن حالتها المادية هاتفرسك وهاتقعد تشتكي من أن أكل
القطط بقي غالي نار ومش بعيد تصعب عليكي قطتها وتطلعي من جيبك عشانها

14
ـــ إذا سألتك في يوم أنتم طابخين أيه النهاردة قوليلها عدس ...
طووووول السنة عدس ... نباتيين حد شريكك

15
ــــ عندما تحن عليكي وتعطيكي وصفة من وصفات الطعام ... خديها منها
بحذر شديد وحرصي منها وماتخونيش

16
ـــ لا تفتحي ثلاجتها بدون إذنها حتي لا تقول مالكم ومال تلاجتي أنتم
جايين تفتشوها ؟
!
17
ـــ لو فاض بيكي يابنت الناس ... أعملي عيانة كل مازوجك يقرر يزورها
زيارة جماعية ... وعلي رأي المثل من حبنا حبناه وصار متاعنا متاعه .. ومن كرهنا
كرهناه ويحرم علينا أجتماعه

18
أما بقي لو كنتي عايشة مع حماتك... في بيت واحد فياريت تعملي نصايح
جديدة لأن النصايح دي هاتفقد صلاحيتها عند حضرتك وربنا يعينك

ـــ
وأخيراً لا تعطيها الفرصة لكي تخرب عليكي بيتك فهو ده عين المني بالنسبالها ...
خليكي قاعدة علي قلبها وقلب أبنها ... وعلي رأي المثل بتاعي ... شكشكوني بميت دبوس
غير بيت جوزي مش راح أدوس

خلصت
النصايح وإللي يحب يضيف حاجة من حقه يضيف




شارك هذه المشاركه


رابط المشاركه
شارك
ياترى بقى ياسالى انتى متجوزة وبتقولى النصايح دى عن تجربة ولا ايه.هههههههههههههههههههه.



بس تعرفى ستات كتير هاتعمل بنصايحك دى وهاتبقى مشهورة اوى بس خلى بالك كده الحموات



هايتربصولك.هههههههههههههههههه.

شارك هذه المشاركه


رابط المشاركه
شارك
عجبتك ياسومة.شكلك انتى كمان كده مع حماتك.ههههههههههههههههههههه.

شارك هذه المشاركه


رابط المشاركه
شارك
hussein1974 كتب:
ياترى بقى ياسالى انتى متجوزة وبتقولى النصايح دى عن تجربة ولا ايه.هههههههههههههههههههه.



بس تعرفى ستات كتير هاتعمل بنصايحك دى وهاتبقى مشهورة اوى بس خلى بالك كده الحموات



هايتربصولك.هههههههههههههههههه.

بعد الشر ! انا بس باحب ادى نصايح لانى معقده حماوات من اللى باسمعه

شارك هذه المشاركه


رابط المشاركه
شارك
هو الجواز بعد الشر.طيب ياستى شكرا.هههههههههههههههههههههههههههه.

شارك هذه المشاركه


رابط المشاركه
شارك

اتنين ماشيين الاول بيسال التانى سؤال

الاول : ايه الفرق بين القضاء والقدر وبين المصيبة ؟

رد التانى وقالة : القضاء والقدر هو ان حماتك تكون ماشية على كوبرى وتقع فى البحر

فقال الاول : طيب والمصيبة

رد التانى : المصيبة ان حد يطلعها
ههههههههههه نكته قديمة شوية

شارك هذه المشاركه


رابط المشاركه
شارك
محمود سعيد77 كتب:

اتنين ماشيين الاول بيسال التانى سؤال

الاول : ايه الفرق بين القضاء والقدر وبين المصيبة ؟

رد التانى وقالة : القضاء والقدر هو ان حماتك تكون ماشية على كوبرى وتقع فى البحر

فقال الاول : طيب والمصيبة

رد التانى : المصيبة ان حد يطلعها
ههههههههههه نكته قديمة شوية


لأه دي مش نكتة قديمة دي انسب تعليق على الموضوع



هههههههههههههههههههههههههه

شارك هذه المشاركه


رابط المشاركه
شارك
هى فعلا قديمة بس دمها خفيف.بس تعرفوا ياجماعة انا شايف ان الناس ظالمين الحموات لان فى منهم كتير طيبات.

شارك هذه المشاركه


رابط المشاركه
شارك
خد بالك اللى ربنا راضى عنه بيرزقه بحماه طيبة
و اللى ربنا غضباان علية بقى بيرزقه بحماه تكرهه فى حياته

شارك هذه المشاركه


رابط المشاركه
شارك
شكرا ليك يامحمود ويارب يكون ربنا راضى عنك ويرزقك بحماة طيبة ولا هو رزقك خلاص؟

شارك هذه المشاركه


رابط المشاركه
شارك
بصراحة الموضوع شيق بس أنا عندي شوية إعترضات بسيطة



أولاً : مش كل الحموات شريرات ولا الأغلب منهم هما طيبن بس بيغيرو شوية

ثانياً : لو إفترضنا إن في فئة شريرة شوية إحنا مش المفروض نتخذ هذة النصائح معهم بل عكس تماما ً فين كلام حبيك الرسول صلى الله عليه وسلم( عليه الصلاة والسلام ) ادفع بالتي هي أحسن فإذا الذي بينك وبينه عداوة كأنه ولي حميم ...

ثالثاً : هي مش صريحة !!! ودائمة الشكوى!!! ديما تعبانة !!! وكل الحجات الوحشة الفي الدنيا !!!َ

طيب وبعدين ؟؟! هتفضلي كل حياتك تبعدي عنها !!؟ وهي كبيرة في السن !! طيب هتؤلي عقلة وزكية ونصحة وكل دة .... هؤلك حبيها وأربي منها وعمليها من ألبك بجد ! حتى لو بتإزيكي وسبب مشكلك كلها !!! بردواا (ادفع بالتي هي أحسن فإذا الذي بينك وبينه عداوة كأنه ولي حميم ) ...

يا حبيبة ألبي أنا بردو بعد الشر .... بس أنا حسة إنك متحملة شوية عليهم وصعبوا عليا ..

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.