المقابلة الشخصية كلية الاداب

[Hussein1974 0]

هى تقصد انها لو حصلت على ليسانس الترجمة باللغة الانجليزية هل ينفع تحول من مدرسة اقتصاد منزلى الى مدرسة انجليزى؟

انا متهيالى ممكن والله اعلم.

[marina 0]

بالتاكيد ينفع ودا بتقدم شهادة تثبت تخرجها لمقر عملها وتنتظر موافقتهم على الطلب وخاصة هى حاصلة على تربية فدرسة لمواد التربوية

[Hussein1974 0]

شكرا يامارينا.ده برضو كان رايى بس حبيت اخد رايك.يارب ربنا يوفقها وتحقق اللى بتتمناه.

[malak1 0]

بصراحة أنا إمتحان المقابلة بكره وقلقانه جدا ..........ربنا يطمنكوا يارب

[المشتاقة للجنة 0]

امتحــــــــــــــــــــــان التحريري والمقابلة الشخصية الترم اللي فات كان سهل جدا وهوا مستواه عااااادي قوي,, انا امتحاني التحريري كان كتالي:
السؤال الأول: اكتبي فيما لا يقل عن خمس جمل نصائح تقدميها لطلاب الثانوية
السؤال الثاني: كان ترجمة من انجليزي لعربي وكان الموضوع عن مزايا التعليم بالخارج
وكلماته بسيطة وسهلة قوي مش مهم الترجمة تكون حرفية المهم الموضوع عامة بيتكلم عن إيه,,

أما بالنسبة للمقابلة الشخصية,, سألتني اسمك إيه وعمرك قد إيه؟؟ عندك كام من الإخوة والأخوات؟؟ هل إنتي أكبر أخوانك ولا لأ؟؟ إيه هي هواياتك اللي بتحبي تمارسيها؟؟ انتي دخلتي آداب إنجليزي ليه؟؟
وهوا عموما قياس لـ speaking عندك وكلها حاجات بسيطة جداااان

أنا كنت قلقانه زيكو ومحتارة أذاكر إيه؟؟ بس الحمد لله عدى على خير
ربنا يوفق الجميــــــــــــــع

[الله نعم الوكيل 0]

طيب يا جماعة انتوا منين بتعرفوا انكم نجحتوا هل الكاترة بعد امتحان التحريرى بيقولوا مين نجح ومين لاء ولا ازاى وفى الشفوى برضه بيحصل ايه

[marina 0]

اولا اهلا بيك فى المنتدى فى موقع بتكتب فى رقم استمارتك ولو ناجح بيتكتب مقبول



الموقع هو



http://ou.cu.edu.eg/InterviewResult.aspx

[Sherif 32 0]

شكرا علي المجهود العالي والراقي الجميل من الاعضاء الكرام





شكرا مارينا

[mahinoor 0]

[marina 0]

العفو واهلا بيك Sherif 32 فى المنتدى



ولا شكرا على واجب

[ابتسام محمد 0]

الف شكر على ردكم واهتمامكم بسؤالي علشان انا خايفه جدا وربنا يطمنكم زى مطمنتونى بس كنت عايزه اعرف لو انا قدمت بكره ان شاء الله المقابله الشخصيه هتكون امتى كده تقريبا والموضوع ده هياخد كام يوم في القاهره علشان شغلى واولادى

[ابتسام محمد 0]

انا خايفه اكون ضايقتكم مني ارجوكم خليكم معايا خطوه خطوه وربنا يجعلو فى ميزان حسناتكم ان شاء اتلله

[marina 0]

ااهلا بيكى فى المنتدى





لو حتقدمى بكرة ممكن امتحانك يبقى يوم التلات او السبت اللى بعدة ودا الموكد انة يوم السبت وانتى ممكن تقدمى وترجعى فى نفس اليوم ويوم الامتحان تروحى بدرى ومواعيدج الامتحان التحريرى بتبقى الساعة10 صباحا

يوم للتقديم ويوم لامتحان الشفوى ويوم لامتحان التحريرى 3 ايام وللعلم بين الامتحان التحريرى

والشفوى بيبقى فرق يومين