كلية الحقوق

[tetomalek 0]

انا احمد تيتو انشاء الله هقدم يوم السبت حقوق يارب تقبلونى صديق ليكم .شكرااااااااااااا

[RФMaйt!c_QuêN 0]

اهلاااا بيك ياحمد معانا ف المنتدى وفالجامعه

[RФMaйt!c_QuêN 0]

وبالتوفيق ياااارب

[tetomalek 0]

ربنا يخليك دة شرف ليا ويارب نكون اصدقاء .ممكن سؤال بعد اذنك موضوع القيد فى النقابة هل للدبلومات والثانوية العامة ولا ايه وهى بقى فى حل عشان زمايلنا وشكرا ليك

[RФMaйt!c_QuêN 0]

الصراحه انا مش عارفه معلش مش هقدر افيدك عشان انا ف اداب انجليزى وكمان مش عايزه اقولك كلام ويطلع غلط بس انا اللى اسمعو ان حورات النقابه دى بعد متخلص الجامعه والله اعلم

[RФMaйt!c_QuêN 0]

انت ممكن تسأل ف الاستعلامات بكره ف مركز التعليم المفتوح وانت بتقدم

[marina 0]

صدر قرار تقيد الجميع بالنقابة ثانوية عامة او دبلومات لكن مازال بعض اعضاء النقابة بيطلبوا بحذف من هم دبلومات رغم رفع قضية وتم كسبها ولكن الى الان حملة الدبلومات لم ياخدوا حقهم من النقابة

[marina 0]

ان اقصد ان خريجى الثانوية العامة والدبلومات رفعو قضية وكسبوها ضد النقابة ولكن لم ينفذ شى

[tetomalek 0]

انا عارف ان بالنسبة لخريجى الثانوية العامة عادى القيد فى النفابة بس بسال عشان لو مفيش قيد اشوف كلية تانية.زى تجارة بس خايف منها

[marina 0]

فى قيد وتم التقيد بالفعل لكن اعضاء النقابة مش راضين الالتزام بالقرار لكن حد عالم ممكن خلال الاربع سنين يحصل حاجة تانية

[ابو عميرة 0]

انا عندي اقتراح بالنسبة لموضوع النقابة احنا ممكن نعمل نقابة مستقلة لاننا عددنا مش قليل ونسيب لسامح عاشور النقابة الميراث بتاعته

[zika 0]

السلام عليكم ورحمة الله
انصحك بالتقديم يا استاذ احمد تيتو وتوكل على الله كلية الحقوق من الكليات النظرية الهامة فى الحياة والله يوفقك , وبالنسبة لكلام الاستاذ/ابوعميرة , فانه لايجوز انشاء نقابة (مهنية) مماثلة للنقابة المهنية الاصلية , وذلك لان تلك النقابة المهنية ينظمها قانون محدد , والقانون لا يجوز الاجماع على مخالفته زى مدرست حضرتك واحنا درسنا , وبالنسبة لامكانية انشاء نقابة بارادة مجموعة من الاشخاص فالكلام دة بينطبق على النقابات العمالية زى ان شاء الله ماهتدرس حضرتك فى الترم السادس (القانون النقابى) ,وبالنسبة لمشكلة النقابة فجميع دارسى كلية الحقوق منذ نشأة الجامعة المفتوحة الى الان وحتى مع قرار قبول حملة الدبلومات الصادر سنة 2007 فالجميع مجتهد وجاد فى دراسته وان شاء الله مع التعقيدات والعراقيل والتعسف من جانب النقابة الا ان الله عز وجل مش هيضيع تعب من جد واجتهد بارادته للوصول الى اعلى الدرجات , وان شاء الله انا متفائل وادعو الجميع الى التفائل وان شاء الله موضوع النقابة مسيره هيتحل , ودليل كلامى حكم المحكمة الادارية فى حق القيد بالنقابة طالما حاصلا على لسيانس الحقوق من احدى الجامعات المعترف بيها , والله ولى الصابرين
مع تمنياتى بالنجاح الدائم , ودمتم بكل خير وصحة وسعادة
والسلام عليكم ورحمة الله وبركاته