حسبتك تحبني وجبت بيدي الروح

[alfahloy-alfahloy 0]

من ياهي اعذرك ....وانت ما معذور
سيفك هد علي........ بساعه الشده

حسبتك تحبني ...وجبت بيدي الروح
بعدها ابنص ......اديه وكمت تتعده

ردت مره اجربك.... وانتخيك بيوم
على كلبي انتخيتك ......بلكن اترده

وكح كتلك وكح ....ويريد احب بذات
شجعته عليه........ وتوكف بسده

مرات التحبه تشوف..... منه اشكال
وتخلقله الأعذار ....اتكول مو قصده

وتصد كل الحجي... والنصح من الناس
وتتحمل ذنوبه......... وكل خطأ عنده

لبس يفاجئك يلبس....... جلد ثعبان
ومفصل علي......... وجايبه بكده

مانادم عليك ......الراح خلي يروح
ولك صارت قديمه .....الماي وتبده

بس نادم عليه... شلونه اصدك بيك
ونادم ما اخذت.... العبره من وحده

وهن اهواي صارن.. ماتبت عالصار
يا كلبي شيتوبك...... كافي متهده

غيمه من الدمع يزرعها ....وسط العين
وانت ورود....... حمره وتزرع بخده

[عزف الحروف 0]

يعطيك العافية واسعد قلبك

سعدت جداًبتواجدي بين طيآت متصفحك الرائع ..

سلمت يداك على هذا الطرح الرائع بروعتك ..


لروحك السعآدة ..

[alfahloy-alfahloy 0]

شكرا لكى على المرور الجميل
نورتى صفحتى يا اختى الكريمة
تحياتى لكى
** alfahloy **