جرحك صح وجعنى بس درس فاد

[alfahloy-alfahloy 0]

اجيتك من حنان الكلب ملهـــوف
تقابلني بصلافه وبابك اتســـــده
اجرحت بيه المشـــاعر ماتت الروح
وتغـــــازل دمع عيني ويه المخده
جرحــك صح وجعني بس درس فاد
كمت اكتب قصـــايد وحده وحده
لأن احساس شـــــاعر بلبل يصير
ما غـــــرد حزن لو ما بقه لوحده
حسافه سنين عمري الضـــاعت وياك
وحسافــــه اندم عله الماضي التعده
حبــــك ورقه طاحت من الاشجار
وخريف المر عليــــــهن ماله رده
ذبل عطر الـــــورد مو بس الورود
وجنت انته العــــطر ونته احله ورده
حســــافه يذوب حبك مثل الشموع
ودمعـــــات الشمع تجري اعله خده
جمعتك ورقه ورقه وصـــــار الكتاب
وجمــع بيــه الغــــرام ويه الموده
وهسه بكل بســاطه تجـــافـي وياي
وحــس سجين غــدره بكــلبي حده
وسهـم مو بس سهـم شو طلع مسمـوم
ونيشــانك تصـوبه بكــــلبي اصده
وذا ترســم سهــم ويلـــوح دللال
روح اسمــع جـــوابه وشنــهو رده
وذا يســـكت خجل لا تحــسبه يخاف
لأن صـــافن على الـــــدم التبده
ويلـــوم الروح يبـــقه يعض الجفوف
لأن ذره محــبـه ومــــا بقت عنده
سحـــب روحـه الكلب وبتعد حزنان
لأن الـــروح صـــارت عنه مبتعده
وقـــرر لا يحـــب لا يحمل سهـام
ولا درب الغــدر بيــدك تمهـــده
لذلك انتـــه بره الكـــلب مطرود
لأن طغيـــان حبـــك وصل حده

[alaa_eg 0]

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز في الانتقاء

سلمت يالغالي على روعه طرحك

نترقب المزيد من جديدك الرائع

دمت ودام لنا روعه مواضيعك

[alfahloy-alfahloy 0]

تشرفت بتواجدك فى متصفحى المتواضع
لاحرمت من روعة تواجدك
لك كل الشكر والتقدير
** alfahloy **