قصيدة بعنوان(الفـــراق)

[alfahloy-alfahloy 0]

مو شغله رسم لوحه وكعد رسام





وبأيدة صبغ ويلون اللوحه





يرسمله بسهم صايب قلب مجروح





ويرجع بالصبغ ويطيب جروحه





ولامنظر حديقة وبيها كومه اشجار





وانواع الورد وبنصها مرجوحه





ويفوح العطر وي هبة النسمات





على درب البشر بالجية والروحه





ولاقصه فلم هندي البطل بي مات





خله ابنه يتيم وعايش بروحه





ويرجع بالنهاية بموقف يطيب





وينكشف الجذب والقصه مفضوحه





ولامنظر جبل عالي اليشوفه يدوخ





وتحاول تصعده اتعبك اسفوحه





بس دحك بطريقك وامشي ليكدام





هم فترة وكت وتوصل اسطوحه





ولاشغله شهادة ودرس ماجستير





ويخلص الدرس ويقدم اطروحه





ويرجع للقسم دكتور بالتدريس





من كثر الشرح حنجرته مبحوحه





بس الشغله هي شغله وداع افراك





وااااااه من الفراك وكثرة جروحه





يزرع بالكلب هم وقهر واحزان





يسكب عالوجن دمعات مفضوحه





اعاتب دنيتي ليش الشمل ممنوع





عندج ليش الفركه مسموحه





تمشينا بدروب الظيم والاهات





واحلام العمر والفرحه مذبوحه





واعتب عالوكت ليش الوكت بذات





ويفرق شملنا بلحظه ملموحه





ياعشرة عمر جبناهه من اسنين





وابواب الفرح والخير مفتوحه





ياصدفه اجمعتنا وصرنا اعز اصحاب





وعادات الزعل من عدنا منزوحه
((للامانه عجبتنى ونقلتها ))

[!! الغامض !! 0]

أإسـ عٍ ـد الله أإأوٍقـآتَكُـم بكُـل خَ ـيرٍ

دآإئمـاَ تَـبهَـرٍوٍنآآ بَمَ ـوٍآضيعكـ

أإلتي تَفُـوٍح مِنهآ عَ ـطرٍ أإلآبدآع وٍأإلـتَمـيُزٍ

لك الشكر من كل قلبي