ماهو انطباعك عن اعضاء المنتدي

[اماني1 0]

نيجي للعضوة الاهم...




اماني...........

بالعربي نانا ......

مية مية
عسولة وحبوبة ولزيزة
سكرة (مو اللي بالمسلسل)
وتايهة ونايمة بالعسل ... وكل شي عندها ماشي
والله يعدي هالسنه علخير

[sweet_love 0]

هو إنتى قايلة إنطباع عن نفسك لو اللى فهمته صح بجد فكرة لذيذة وجرأة منك

[Michael 0]

شكرا يا أماني علي كلامك

[Michael 0]

أنا عايز اشترك معاكم يا جماعة في الموضوع ده

حمدي: انسان طيب ، وحيد ، من أسرة طيبة و بيحب يساعد الناس
سويت لف: بنت ناس ، شخصية مؤدبة جدا ، الناس بتحبها، و مصدر ثقة
صن شاين: قمة العقل و الطيبة ، و اهم حاجة انها بتتكلم علي طبيعتها
الشيماء أحمد: مجتهدة و ذكية و عايزة توصل لهدف
رانيا: شكلها بتقري شعر انجليزي كتير علشان الكلام البتستخدمه في تعليقاتها ، شخصية حبوبة و بسيطة برده و بتحب توضح وجهة نظرها و تدافع عن الناس.

علاء: علاء بقي خدوم و بيسأل علي الناس علطول ، و بيحب اوي و بيكون وفي جدا لاصدقائه و دي صفة صعبة في ايامنا.

انا اتكلمت عن الناس دول بس ، لكن كلكم في المنتدي ناس كويسة الحمد لله.

[أسامة1 0]

ايه يا مايكل قلت عنهم كلهم ماعدا انا ليه؟!!
دا انا المفروض ابئا اسهل شخصيه ليك خصوصا انك عملت معايا شات قبل كده
انا مستنى ردك

[Michael 0]

انا كتبت بس عن الناس العرفتهم من فترة او حاسس اني اعرفهم كويس دلوقتي هنا في المنتدي زي حمدي ، سويت و علاء

شوية شوية هنكتب عن الباقي

[Honey Bunny 0]

Hiiiii dear sisters and brothers,
the following song could be the key to figure out who I really am:

I'm a big big girl
In a big big world
It's not a big big thing if u leave me
But I do do feel
That I too too will
Miss u much
Miss u much


I can see the first leafs falling
It's all yellow and nice
It's a very cold outside
Like the way I'm feeling inside


I'm a big big girl
In a big big world
It's not a big big thing if u leave me
But I do do feel
That I too too will
Miss u much
Miss u much


Outside it's no raining
And tears are falling from my eyes
Why did it have to happen
Why did it all have to end


I'm a big big girl
In a big big world
It's not a big big thing if u leave me
But I do do feel
That I too too will
Miss u much
Miss u much


I have your arms around me
Oooooooooh like fire
But when I open my eyes......
Your gone


I'm a big big girl
In a big big world
It's not a big big thing if u leave me
But I do do feel
That I too too will
Miss u much
Miss u much

[Michael 0]

Rania, by the way, your profile picture is nice

[Hamdy Tawfik-manar9 0]

oh!

you listen to Emilia .

I think i can analyse your personality perfectly

[اماني1 0]

sweet_love كتب:

هو إنتى قايلة إنطباع عن نفسك لو اللى فهمته صح بجد فكرة لذيذة وجرأة منك

ههههههههههههههههه
يس

[اماني1 0]

Michael كتب:

شكرا يا أماني علي كلامك

العفووووووو ........

[zk zk 0]

ازيكو يا جماعة عاملين ايه كويسين طيب الحمد لله
اولا انا احب احيى حمد عالفكرة
وبعلن مشاركتى ومعاكو
ومستنى تقولو انطباعتكو عنى
ده اذا كنتو لسة فاكرنى يعنى
وبرده انا هفول انطباعى عن اللى اعرفهم هنا
بس اسمعكو الاول

[أسامة1 0]

انا بالذات يا فتحى اقدر اقول انطباعى عنك لأنى قابلتك واتكلمت معاك كذا مره فى الجامعه.
انسان مؤدب جدا وراقى فى اسلوب التعامل مع الناس
طيب
هادىء
شيك
انا وصفتك على قد ما اعرفك
انا مستنى انطباعك عنى بمنتهى الصراحه

[Hamdy Tawfik-manar9 0]

انطباعي عن زك زك

:D انه شاب روش طحن :D

[zk zk 0]

هرد على تعليق اسامة الاول
اول حاجة يا اسامة احب اشكرك على كلامك الجميل اللى بجد كتير عليا
واتمنى ان يكون فيا الصفات دى فعلا
تانى حاجة انا هقول انطباعى عنك برده بصراحة وبدون مجاملات
اسامة شاب محترم جدا وعلى خلق
طموح ومجتهد وعايز يعمل حاجة
بيحب الناس والصحبة رغم انه بيميل للانطوائية وبيحب يكون لوحده معظم الوقت
مالنوع اللى تشوفه ترتاحله
الهدوء والخجل غالبين على طبعه
كلامه قليل وبيتميز بالصراحة فالمناقشة
ده اللى قدرت اجمعه عن شخصية اسامة من وجهة نظرى المتواضعة ومن خلال معرفتى بيه
ومستنى تعليقه على تعليقى

[أسامة1 0]

اشكرك على كلامك الجميل يا فتحى وتقريبا الغالبيه العظمى من اصحابى وزمايلى فى الشغل وصفونى بنفس الصفات اللى انت قلتها دى خصوصا قلة الكلام والهدوء.
رغم انك قابلتنى مرات قليله فى الجامعه بس انت قدرت تفهمنى بسرعه يا فتحى
برافو عليك

[alaa eldin fikry 0]

السلام عليكم ورحمه الله انا جيت بعد انشغال على العموم انا بقالى مده عاجبنى الموضوع جدا لكن لانشغالى خايف اشترك وبعدين زميل من الزملاء يعلق تعليق واتاخر فى الرد يفهمنى غلط على العموم انتظروا راييى فى اغلب الزملاء ومحدش يوعل احنا اللى جبناه لنفسنا

[zk zk 0]

حمد لله على سلامتك يا علاء ومنتظرينك ومنتظرين ارائك فى شخصنا المتواضع
انا النهاردة هقول انطباعى عن ,,,,,, حمدى توفيق
بس قبل مقول عايز ارد على تعليقه عليا
انا عارف يا حمدى انت شايفنى ازاى
بس انا مش روش طحن ولا حاجة
منكرش انى بحب الروشنة بس بحاول اكون وسط ومكنش اوفر او طحن :D
تعلالى بقة
حمدى توفيق
شخصية محترمة جدا وخدومة جدا جدا
معندوش مشكلة انه يبذل مجهود علشان خاطر الاخرين
بيحب القيادة والزعامة بس بيحاول يكون ديموقراطى ويتمرد على الشخصية الديكتاتورية اللى بتكون جوة اى حد بيحب الزعامة وفعلا بينجح انه يتغلب عليها فى بعض الاحيان وف بعض الاحيان بتتغلب عليه
بيحب يتنزع الاضواء ويكون دايما فى مقدمة المسيرة باسلوبه المميز والملفت للنظر
بيحب دايما يكون اول واحد يساعد اى حد يطلب اى حاجة وبيقدر انه يلبى اى طلب لاى حد
وده طبعا دليل على ثقافته الواسعة وتطلعه الدايم ولان الشخصية القيادية بتحب دايما تبان عارفة كل حاجة ومبتحبش تبان ابدا ان فيه حاجة مش عارفاها وعلشان محدش يفهمنى غلط فى شخص بيكون عايز يعمل نفسه فاهم فى كل حاجة وهو اصلا مش فاهم حاجة بس دى بتكون الشخصية الضعيفة الثرثارة اللى بيكون عندها انعدام فى ثقة الاخرين فيها انما الشخصية القيادية اللى زى شخصية حمدى علشان هى قيادية بتحاول تعرف كل حاجة وتفهم كل حاجة علشان تقود اى حوار وبتكون هى فعلا شخصية على وعى وواثقة ف نفسها وف ثقة الاخرين فيها
عنده قدرة على اقناع اللى قدامه بالحاجة اللى هو عايزها وده راجع للباقته وقوة اسلوبه
بيحب ياخد اراء الاخرين بس فى الاخر بيحب القرار يكون ليه
يحاورك فى اى موضوع ودى من سمات الشخصية المثقفة
وليه وجهة نظر خاصة بيه فى كتير من المواضيع وغالبا ما بتكون معارضة
بيحاول يكون مختلف عن الاخرين ويمشى عكس التيار علشان يلفت الانظار والانتباه ليه
بس مفيش اتنين يختلفو عن انه شخصية محترمة وخدومة
ومحبوب جدا ماللى حواليه وده نابع من حبه ليهم
وعلى فكرة شخصية حمدى قريبة من شخصيتى عالاقل من وجهة نظرى
وطبعا ده كان تحليلى المتواضع لشخصية حمدى قد يحتمل الصواب وقد يحتمل الخطأ
واكيد هيختلف معايا ف حجات كتير
بس اللى مش هنختلف عليه , اننا اخوات وبيجمعنا كل حب واحترام
وانا عن نفسى بعز حمدى وبحترمه جدا , بس دى فكرته والمفروض يستحمل
ومش هستغرب لووجيت ادخل بكرة ولقيت رسالة مكتوب عليها
لقد تم تجميد حسابك من قبل الادارة :D
يعنى مطرود مطرود يا ولدى وربنا يستر
بس ابقو اسالو عليا يمكن ابقى ذكرى ف يوم من الايام :D
وكل عام وانتم بخير






ودى برده من صفات الشخصية القيادية

[Hamdy Tawfik-manar9 0]

هاقولك علي سر يازيكو

رغم اني صاحب الموضوع ده واكتر واحد قولت انطباعات عن غيري

الا ان رايي اللي بجد بجد

ان الواحد لو طلع من الدنيا دي وهو فاهم نفسه يبقي عمل انجاز حقيقي

فما بالك بقي انه يفهم الاخرين ؟!!!!

بس انا رايي ده مبحبش اقوله كتير لان زي ماانت شايف انه راي غريب شوية

يمكن بحب اقوال غريبة علشان الفت الانظار زي ماانت قولت

احتمال برده....

بس لما امتحن معاك في اسكندرية هتعرف حقيقة الموضوع ده

هتلاقيني بدور علي ابعد منطقه عن الناس واقعد فيها

واسال علاء كده هيقولك اني بقعد عند الميزان .... بعييييييييييييييد

ياتري عندكم ميزان في اسكندرية ؟؟

وايه تاني

ايوه حكاية الشخصيه القيادية

الانطباع ده اتكرر عني من اكتر من زميل

اعتقد انه السبب اني مدير المنتدي فتخيلوا بالضرورة

اني لازم اني اكون شخصية قيادية

وفي الحقيقة انا لا اري نفسي كذلك علي الاطلاق

لان القيادي لازم يكون شخص اجتماعي جدا في تصوري

وانا بصراحه مش اجتماعي

ايه كمان .....

بس خلاص

بشكرك علي رايك في شخصي المتواضع

و مادمت بتحب الروشنه

ان شاء اعمل حسابك لما اجي اسكندرية

انك تعطيني كورس روشنه سريع ومكثف

علشان نبقي نروشن سوا


ياله اشوفكم علي خير ان شاء الله

[troshdy 0]

كما قولت عند تعريف نفسي لكم ، أن هذا المنتدى من المنتديات ( القلة ) التي تُحظىبإحترام روادها فور إطلاعهم على صفحاتها ، و الإحترام لأمثال هذه المنتديات هو حتماً ناتج من حب هؤلاء الرواد للعلم ، لذا كان الإحترام مُلزم لهم

الحقيقة أنني كنت قد سجلت هنا في بادىء الامر بإسم titooo77 على أساس مرور عابر ، و لكن بعد تصفحي للمنتدى وجدت أنه بالفعل يحوي فئة مميزة من الاخوة الاعضاء اللذين ( ينتزعون ) الإحترام فور الاطلاع على مواضيعهم و مشاركاتهم ( لم يتسنى لي الاطلاع الكامل بالطبع ، لذا قررت التسجيل بإسمي الحقيقي و أيضاً بإميلي الشخصي .


و الحقيقة أنني كوّنت فكرة سريعة عن بعض الاعضاء هنا ، منهم حمدي ، و مايكل ، و علاء ، و شيماء ( 1،2 ) و لكني لن أستعجل التصريح الآن ، ربما يكون في المستقبل ما هو أجمل من الحاضر
كل تحية لمحبي العلم ، أي لكم

[Honey Bunny 0]

Peace and mercy be upon you Dear Tariq,

Firstly ,I'd like to thank you for those kind words you typed for us...and yea all here yearns to acquire knowledge and spread it as well, for being Muslims at first place.
And now you're a member of that expanded,loving family..so enjoy your stay and feel free to ask about anything you see vague or so.

Thank you once again,
best luck.

[troshdy 0]

أشكرك عزيزتي LostLustre علي ردك ، و الحقيقة أن هذا ما لمسته بالفعل هنا ، وهو روح التعاون و الخدمة ، و يبدو ذلك جلياً لأي وافد جديد ، و كأن الكل ( يتصارع ) ليقدم خدماته للآخر ، أياً كان هذا الآخر .

تحياتي مره أخرى

[Rehab SISAQ 0]

اهلا بكم جميعا
انطباعي عن الاشخاص دول
سويت : حبوبة متفائلة طيوبة صريحة خدومة جدا
ياسر: طيب واثق في نفسه عاطفي مثقف
لوست : متدينة طموحة مثقفة عقلانية
حمدي : خدوم طيب مثقف
توتا : دمها خفيف طيبة تنفع مدرسة بتوصل المعلمة
صفة المثقف موجودة في اغلب الموجودين والتعاون برضه

[dream 0]

السلام عليكم

اول ما دخلت المنتدى شفت الموضوع ده
وكان فى نيتى بعد الامتحانات نفتحة وبالمرة نكون عرفنا بعضنا كلنا


لكن طالما اتفتح هيا
وانا موافقة
توتا : دمها خفيف طيبة تنفع مدرسة بتوصل المعلمة

لو تعرفى الحقيقة يا رحاب واد ايه انا كشرة ودمى ثقيل وبيقولوا على انى بخاف اضحك لحسن ما اعرفشى اكشر تانىولا اعرف اتكلم كلمتينى على بعض اللى بيهم انفع مدرسة
لكن والله كتر خيرك

[a.h.issmail 0]

هههههههههههههههههههههههههه

وانا محدش قال رايه يعني

[Hamdy Tawfik-manar9 0]

tota كتب:

السلام عليكم

اول ما دخلت المنتدى شفت الموضوع ده
وكان فى نيتى بعد الامتحانات نفتحة وبالمرة نكون عرفنا بعضنا كلنا


لكن طالما اتفتح هيا
وانا موافقة
توتا : دمها خفيف طيبة تنفع مدرسة بتوصل المعلمة

لو تعرفى الحقيقة يا رحاب واد ايه انا كشرة ودمى ثقيل وبيقولوا على انى بخاف اضحك لحسن ما اعرفشى اكشر تانىولا اعرف اتكلم كلمتينى على بعض اللى بيهم انفع مدرسة
لكن والله كتر خيرك

كفاية كلامك علي النت

يعني هيبقي في النت وفي الحياة

الرحمة حلوة

[dream 0]

السلام عليكم

جبته لنفسك يا سيادة المدير
انا فى الانتظار .. وفى المقابل هقول رأيى انا كمان
وانت عارف انا لا اعرف المجاملة

[dalia 0]

السلام عليكم ورحمة الله وبركاته،

أنا الحقيقة ما بقاليش كتير في المنتدى، بس أقدر أقول إن السمة العامة في الأعضاء إنهم بيحبوا يساعدوا بعض وفي خفة دم عالية طبعاً وده شيء لطيف جداً ومستوى عالي من الثقافة والاحترام.

بس عندي تعليقين على العضوين المتواضعين جداً جداً توتة والأخ حمدي:

1) توتة، مش ممكن أصدق إنك كشرة أبداً. أنتي مش بس دمك خفيف، لا كمان عندك سرعة بديهة عالية وعندك رد حاضر لكل كلمة وجملة طبعاً مش معنى كده إنك فاتحة بقك أربعة وعشرين ساعة ابتسامات يعني، بس انتي فعلاً من اللي أنا لمسته من كتابتك هنا إنك مرحة وبتحبي تسعدي الناس وربنا يسعدك يا رب

2) أستاذ حمدي، انت مش اجتماعي؟؟ طب ازاي يعني لأ أنا فاهمة قصدك طبعاً، بس أنا متفقة مع الكلام اللي كتبوه عنك بقية الزملاء، واضح أولاً انك شخصية ناضجة، أنا معرفش سنك أد إيه، بس كلامك وآرائك عاقلة وموزونة ومش متطرفة لا يمين ولا شمال، وربنا يجازيك كل خير على المساعدات اللي بتقدمها وبكل ود ومحبة

[Hamdy Tawfik-manar9 0]

في انتظار انطباعاتك ياتوتا

بس ياريت تبعدي عن كلام المجاملات زي طيب وخدوم والحاجات دي

انا عايز راي جديد يهز اركان المنتدي هزا

[Hamdy Tawfik-manar9 0]

dalia كتب:

السلام عليكم ورحمة الله وبركاته،

2) أستاذ حمدي، انت مش اجتماعي؟؟ طب ازاي يعني لأ أنا فاهمة قصدك طبعاً، بس أنا متفقة مع الكلام اللي كتبوه عنك بقية الزملاء، واضح أولاً انك شخصية ناضجة، أنا معرفش سنك أد إيه، بس كلامك وآرائك عاقلة وموزونة ومش متطرفة لا يمين ولا شمال، وربنا يجازيك كل خير على المساعدات اللي بتقدمها وبكل ود ومحبة

اشكرك علي حسن ظنك ومجاملتك الرقيقه.... علي فكرة الكلام اللي بالاحمر ده اللي انت قولتيه

ده نفس الانطباع اللي خدته عنك من تعليقاتك الاولي في المنتدي ... ليس من باب الرد بالمثل او المجاملة

لكن فعلا هذا يلخص انطباعي عنك رغم مشاركاتك القليلة نسبيا وانا ذكرت رايي هذا في احد الموضوعات سابقا لما قلت علي كلامك كلام موزون وعين العقل

[dream 0]

السلام عليكم

لا لالالالا
اسمع رأيك الاول يا سيادة المدير

وبعدين انا فعلا عندى رأى فى سعادتك يهز المنتدى
بس ادينى الضوء الاخضر

[Hamdy Tawfik-manar9 0]

انت هتخوفيني يعني

معاك ضوء اخضر واصفر وكل الالوان

[dream 0]

السلام عليكم

فى انتظار رأى سعادتك اولا

[Hamdy Tawfik-manar9 0]

طيب مادامت توتا مصممه اني ابدا الاول فليكن

واليكم رايي وليس انطباعاتي


توتا ..تناقضات العالم تتجسد في شخص إمرأة

خجولة جدا احيانا .... وجريئة الي حد الصدمة في كثير من الاحيان

فتاة عملية جداوجادة جدا ........ ورومانسية حالمه الي درجة الجنون المطلق

تحدثك عن الفلات سلاب بنفس البراعه التي تحدثك بها عن اشعار فاروق جويدة

نسمة ربيعية في اوقات .... واعصار مندفع في اوقات اخري

تشعرك انك محور الكون في اوقات ......واوقات اخري تشعرك انك بكل بساطه لاشيء

احيانا تصبر علي تحقيق هدف معين سنين طويله

لكنها احيانا تريد ان تحقق نفس الهدف بين عشية وضحاها

توتا : وضوح وسطوع شديد يجعلك غير قادر علي الرؤية السليمة

توتا :: كافيار مع كشري مصري علي مائدة واحدة

[a.h.issmail 0]

نزار قباني ياخواتي ادي الكلام الي يهز والا فلا

بالنسبة لي انا بعتبر توتا الام الروحية للمنتدي

[أسامة1 0]

انت فظيع والله يا حمدى واوقات بحس انك مجموعه من الأدباء والشعراء والفلاسفه والمفكرين انضموا كلهم لبعض وكونوا شخص واحد عشان كده بحس انك هيئه او مؤسسه أدبيه انعقدت بكاملها مش مجرد شخص واحد.

[Rehab SISAQ 0]

لما قريت رايك استاذ حمدي افتكرت نقائض الفرزدق وجرير واهلا بالنقائض

[dalia 0]

السلام عليكم ورحمة الله وبركاته،

أولآً، أستاذ حمدي أشكرك على رأيك اللي أعتز به لأنه صادر من شخص زيك، دي حقيقة

ثانياً، أنا مع الزملاء في أنك شاعر وفيلسوف بس كمان محلل نفسي مش طبيعي ده أنت فصصت البنت حرام عليك

توتا، أنا مستنية بفارغ الصبر ردك، وحاسة بنفس حماس اللي بيحبوا الكورة وهما مستنيين المباراة بين مانشستر يونيتد وبرشلونة

[dalia 0]

أنا تاني

1) أستاذ أسامة: شخصية متزنة وبسيطة وواضحة واجتماعية وأعتقد ثقة بالنفس عالية (مش حاجة وحشة خالص) وده بس حكمي لأنه حاطط صورته

2) Sweet Love: فعلاً اسم على مسمى. حالمة وهادية وحساسة جداً

3) رحاب: شخصية متزنة تميل أكتر للتحفظ

4) A.H. Ismail: شخص مرح وبسيط ومش بيحب يعقد الأمور واجتماعي، وممكن يكون شكله واخد الدنيا ببساطة بس أعتقد إنه لما بيواجه مشكلة بينعزل عن الناس ويفكر تفكير عميق في الأمور...

على الله يكون رأيي صح

[sweet_love 0]

ميرسيه يا داليا على رأيك بس فى جزء صغير كده غلطتى فيه أنا مش هادية أوى بالعكس أنا شقية وجريئة وطبعا محدش يقدر يحللك أكتر من حمدى إنتى فعلا شخصية متزنة وعاقلة وبتوزنى الأمور بشكل دقيق بس يا ترى دى شخصيتك بعد الجواز ولا قبله برده كنتى كده؟؟؟؟؟؟؟

[Hamdy Tawfik-manar9 0]

الي اسامه:
ده علشان انت بتحبني بس فشايفني كده .. ناس كتير اتعرفت بهم في المنتدي لكن لم يسعدني الحظ بلقائهم واتمني لقائهم... انت تاتي علي راس القائمة بالطبع ...اشكرك يااسامه

الي الاخت رحاب :
والله انا خايف تقلب الي مناوشات زي اللي كانت بين جرير والفرذدق في النهاية :D

الي الاخت داليا ::
لالالالالا .... ده انا بقي ليا منافس خطير في المنتدي في التحليل النفسي
واضح اننا بنستخدم نفس الادوات والمعايير في تحليل الامور

اما بخصوص توتا فلعلمك انا كنت اقدر افصص اكتر من كده كمان بس انا قولت بلاش البنت قدراتها الادبية محدوده ومش هتعرف ترد عليا .. فحرام كفاية كده
وبعدين ايش جاب برشلونه لمانشستر

[dream 0]

السلام عليكم

HAMDY كتب:

طيب مادامت توتا مصممه اني ابدا الاول فليكن

واليكم رايي وليس انطباعاتي


توتا ..تناقضات العالم تتجسد في شخص إمرأة

خجولة جدا احيانا .... وجريئة الي حد الصدمة في كثير من الاحيان

فتاة عملية جداوجادة جدا ........ ورومانسية حالمه الي درجة الجنون المطلق

تحدثك عن الفلات سلاب بنفس البراعه التي تحدثك بها عن اشعار فاروق جويدة

نسمة ربيعية في اوقات .... واعصار مندفع في اوقات اخري

تشعرك انك محور الكون في اوقات ......واوقات اخري تشعرك انك بكل بساطه لاشيء

احيانا تصبر علي تحقيق هدف معين سنين طويله

لكنها احيانا تريد ان تحقق نفس الهدف بين عشية وضحاها

توتا : وضوح وسطوع شديد يجعلك غير قادر علي الرؤية السليمة

توتا :: كافيار مع كشري مصري علي مائدة واحدة

لا والله !!!!



خليكوا شاهدين

[dream 0]

السلام عليكم

اوعى يا سيادة المدير تكون مفكر انى بكدة هجاملك

انت عارفنى لاأعرف المجاملة
ونبدأ

حمدى
او
هولاكو
وجهين لعملة واحدة
فهو يتظاهر بالديمقراطية المطلقة وهو يعرف كيف ومتى يسحق ارادتك

متردد
لايريد الاستقرار على وضع واحد رغم كونه ديكتاتور

هلامى
يتسرب من بين يديك كالماء لا نستطيع ان تمسك عليه خطأ واحد

مقنع جدا
يقدر يقنعك بكلامة الجميل ان الشمس يمكن ان تسطع ليلا
والمصيبة انك تصدقة وتقتنع

كفاية ولا نقول كمان
مع العلم انى واخدة الضوء الاخضر

[Hamdy Tawfik-manar9 0]

مش هحذف تعلقيك .هاسيبه .. شاهد عليكي

...واضح انا قدرت استفزك .. وده كان مقصود

انا عارف انك لازم يبقي عندك حافز معنوي قوي علشان تقدري تعطينا

بعض من عواصفك الادبية الرائعة

في انتظار اقصي ماتستطيعين ان تقدمي من ابداعات ياسيادة المديرة :D

[dalia 0]

السلام عليكم،

الموضوع كده ابتدى يحلو قوي (حاسة إني سخان أوليمبيك)

1) سويت: اعذريني على الغلطة دي، سماح والنبي ثانياً، أنا مش عاقلة قوي كده، ده أنا طاقة تماماً، ولو سألتوا اللي يعرفوني كويس حيقولوكوا هي فعلاً بتوزن الأمور قوي وده بيتعبها جداً، بس في نفس الوقت مجنونة على الأخر أديني حذرتكم

أما سؤالك المهم جداً بتاع بعد الجواز ولا قبله، أقدر أقولك إني بعد الجواز هديت شوية "قد ربع كيلو كده مثلاً"، بس الحمد لله ربنا كرمني بزوج طيب وبيقدر يحتوي جناني وطققاني...ربنا يخليه ويعينه على ما ابتلاه (ده دعاء مامتي وبابايا ليه على فكرة

2) أستاذ حمدي، ماتخافش مافيش منافسة يا فندم بس ارحم البنية، مش كده...

3) توتا، ما تخليش حد يستفزك كده يا جميلة، انتي قدها وقدود، حتردي رد يفحم الجميع! ما تعمليش زيي أوقات لما حد يستفزني وأروح منفجرة وكاتبة كل اللي عندي وبعتاه من غير ما أراجعه بعد دقيقة ولا حاجة..دي نصيحة أخت لأختها مش أكتر والله

[Honey Bunny 0]

Rehab SISAQ كتب:

لوست : متدينة طموحة مثقفة عقلانية

ميرسي يا رحاب علي تعليقك علي شخصيتي...بس أنا حد عاديييييييي جدا واقل من عادي كمان...ميرسيي حبيبتي مرة تانية.

تحياتي.

[Hamdy Tawfik-manar9 0]

dalia كتب:

السلام عليكم،

الموضوع كده ابتدى يحلو قوي (حاسة إني سخان أوليمبيك)

ثانياً، أنا مش عاقلة قوي كده، ده أنا طاقة تماماً، ولو سألتوا اللي يعرفوني كويس حيقولوكوا هي فعلاً بتوزن الأمور قوي وده بيتعبها جداً، بس في نفس الوقت مجنونة على الأخر أديني حذرتكم

أ

شكلنا كده قرايب ... لان فيه تشابه في الصفات الوراثيه

[dalia 0]

ده يكون لينا الشرف يا فندم:D

[a.h.issmail 0]

شكرا ياداليا علي التحليل الجامد ده
تقريبا كله صح
وصحيح ياتوتا هو ده بس الي ربنا قدرك عليه وانا بقلب بقول الام الروحية للمنتدي بقي يقوللك كشري وكافيار وانتي هلامي لا لا لا مش كدة خالص كنت متوقع رد غير كدة خالص

[dalia 0]

أنا شايفة إن الموضوع ده حيخلص في القسم بس للأسف أنا مش في مصر، اصبروا لغاية ما أجي علشان أنا أحب الخناقات قوي (والأفراح برضه، حتى لو قلبت ضلمة)

أستاذ حمدي، معلش، انت اللي جبته لنفسك...حد يسأل سؤال زي ده برضه، وأنا عارفة وانت عارف الردود ممكن تبقى عاملة ازاي؟؟

عموماً أنت قدها وما تخيبش أملنا ورأينا فيك، اصمد يا بطل

توتا بجد انت شخصية تجنن وربنا يسعدك يا رب