ماهو انطباعك عن اعضاء المنتدي

[dalia 0]

"شكرا ياداليا علي التحليل الجامد ده
تقريبا كله صح"

الحمد لله طمنتني، أنا كده معايا بكالوريوس تجارة وربنا يسهل ناخد بكالوريوس ترجمة وبعدها على طول أدخل كلية علم نفس أو مستشفى المجانين أيهما أقرب

[Hamdy Tawfik-manar9 0]

dalia كتب:

أنا شايفة إن الموضوع ده حيخلص في القسم بس للأسف أنا مش في مصر، اصبروا لغاية ما أجي علشان أنا أحب الخناقات قوي (والأفراح برضه، حتى لو قلبت ضلمة)

أستاذ حمدي، معلش، انت اللي جبته لنفسك...حد يسأل سؤال زي ده برضه، وأنا عارفة وانت عارف الردود ممكن تبقى عاملة ازاي؟؟

عموماً أنت قدها وما تخيبش أملنا ورأينا فيك، اصمد يا بطل

توتا بجد انت شخصية تجنن وربنا يسعدك يا رب

هههههههههههههههههههههههههههههههههههههههههههه

موتيني من الضحك ......ربنا يستر

[Hamdy Tawfik-manar9 0]

tota كتب:

حمدى
او
هولاكو
وجهين لعملة واحدة
فهو يتظاهر بالديمقراطية المطلقة وهو يعرف كيف ومتى يسحق ارادتك

متردد
لايريد الاستقرار على وضع واحد رغم كونه ديكتاتور

هلامى
يتسرب من بين يديك كالماء لا نستطيع ان تمسك عليه خطأ واحد

مقنع جدا
يقدر يقنعك بكلامة الجميل ان الشمس يمكن ان تسطع ليلا
والمصيبة انك تصدقة وتقتنع

كفاية ولا نقول كمان
مع العلم انى واخدة الضوء الاخضر
[/size]

طيب انا هارد علي توتا وافند حججها الواهيه.... محامية ضعيفة المستو

بالنسبة للجزء المتعلق بالديمقراطيه والديكتاتورية .. اظن جولة بسيطه بين جنبات المنتدي تدحض هذا الافتراء الاثم

ده انا عقدة حياتي الديمقراطية وشايف انها حل مشاكلنا .... الديكتاتور الحقيقي هو الذي يريد ان يفرض رايه وهو حتي لايملك مقعدا في السلطة ... فما بالك اذا امتلك هذه السلطة

متردد ... نعم انا متردد ... من علامات الاكتئاب ... غصب عني

هلامي لا تستطيع ان تمسك عليه خطا واحد ... توتا تمارس هنا نوعا من الاسقاط النفسي بمعني ان يتسم شخص بصفة ما يعرف انها موجوده في فيحاول دائما ان يتهم الاخرين بها... من الاخر الكلام ده ينطبق عليها هيا

مقنع جدا... بذمتك ياشيخه انا مقنع ... مش غريبه انك انت اللي تقولي كده

[dream 0]

السلام عليكم



مقنع جدا... بذمتك ياشيخه انا مقنع ... مش غريبه انك انت اللي تقولي كده


علشان بس تعرف انى موضوعية وباقول الحق

[dalia 0]

وبعدين في مسلسل The bold and the beautifulده؟؟ أنا عايزة أنام ومش عارفة نهاية الفيلم الهندي الياباني ده إيه

توتا، سيبك منهم، انتي تستاهلي واحد يفهمك ويقدرك

لكن عندي سؤال، دكتوارة إيه؟؟

[dream 0]

السلام عليكم



دكتوراة قانون يا ستى

ومستعدة لكل مسائل الاحوال الشخصية

[dalia 0]

بسم الله ما شاء الله يا توتا

على فكرة أنا والدي وأخويا محاميين يعني طلعنا قرايب من ناحية المهنة

وأنا موافقة جداً على اقتراحك

[hinar 0]

انا هنا
ابدأ ولا تبدأوا

[hinar 0]

علم وسينفذ

[Hamdy Tawfik-manar9 0]

هينار ستخرج مافي جعبتها

ربنا يستر

[a.h.issmail 0]

هههههههههههههههههههههههههه

انا من النهاردة واخد اجازة مفتوحة بدون مرتب

قولي ياهينار رايك

[Hamdy Tawfik-manar9 0]

وانا استقلت من ادارة المنتدي

مبروك عليك يابو حميد

[dream 0]

السلام عليكم

ما هذا الارهاب

قولى يا هينار ما يحلو لك

[hinar 0]

سأبدأ بك اولا يا زهرة المنتدى
وان كنت لا اجد اجمل مما قلتيه انت عن نفسك

فانا العلياء من العلا اشتققت
وفوق كل المعالى رفعت !!

فانت كما اعلمك ارق من نسمة حانية فى ليل ربيع تأتى برائحة التمر حنة التى تعشقينها

ولكنك مع ذلك فى بعض احيانك اعصار مدمر وجارف وليته لكل ما امامك بل يكون موجه لنفسك فقط !!
فانت تجدين لمن امامك الف عذر وتتهمين نفسك الف اتهام !!
وللاسف غالبا ما يكون من تعذرينهم هم المخطئون

عندك تطرف عجيب
فالامور عندك اقصى الشمال او اقصى اليمين
لا وسط لديك

تعيشين داخلك اكثر مما تعيشين العالم حولك
لذا فانت حالمة اكثر مما يجب
تعيشين الحلم بكل ايمانك وكأنه حقيقة ترتبين عليها حياتك
كونى واقعية ولو قليلا

هذه هى شخصيتك التى يعرفها القليلون
اما امام الاخرين فلا يبدو منك الا الشخصية الملتزمة المتزنة
التى تحسب الامور جيدا والتى لا تخرج خاسرة من اى صفقة

[dream 0]

السلام عليكم
هذه هى شخصيتك التى يعرفها القليلون
اما امام الاخرين فلا يبدو منك الا الشخصية الملتزمة المتزنة
التى تحسب الامور جيدا والتى لا تخرج خاسرة من اى صفقة


و اظننى هذه الاخيرة

وشكرا على مجاملتك الظريفة

[hinar 0]

انت يا صديقتى لست الا الاولى

[dream 0]

السلام عليكم

اتمنى لك كل الخير هينار

[hinar 0]

تأجيل ما تبقى لبعد رمضان ان شاء الله

[mohammad 0]

هيه انتوا نمتوا ولا ايه
التعليقات سكتت
الاعضاء خلصت ولا ايه ؟
محدش ناوي يبلش؟

[Hamdy Tawfik-manar9 0]

شكلك انت اللي ناوي تلبش يامحمد قصدي تبلش

يالا بلش واحنا وراك

[mohammad 0]

اعتذر عن التوقف
يوما ما سأفتح هذه الصفحة
ومنتظرا منكم وبكل السعة التي يحتويها صدري نقدكم ونصحكم واهدائكم لي عيوبي التي غمرتني ولا ابالغ
ورحم الله بن الخطاب حينما قال "رحم الله امرئ اهدى الي عيوبي"
يااااارب
إذا أسأت إلى الناس اعطني شجاعة الاعتذار
، وإذا أساء الناس اليَ اعطني مقدرة العفو ...

[Honey Bunny 0]

mohammad كتب:

اعتذر عن التوقف
يوما ما سأفتح هذه الصفحة
ومنتظرا منكم وبكل السعة التي يحتويها صدري نقدكم ونصحكم واهدائكم لي عيوبي التي غمرتني ولا ابالغ
ورحم الله بن الخطاب حينما قال "رحم الله امرئ اهدى الي عيوبي"
يااااارب
إذا أسأت إلى الناس اعطني شجاعة الاعتذار
، وإذا أساء الناس اليَ اعطني مقدرة العفو ...

محمد-زميلنا الفاضل-وكما اراه انا :

شخص حساس - عنده شغف جم للعلم والتعلم - مشروع داعية اسلامي موفق اذا أخذ بالأسباب وصقل مهاراته الدعوية بعلوم الدين و الدعوة "مهمة جسيمة" - ملتزم - انعزالي بعض الشيئ .

ده انطباعي عنك صراحة محمد ... انطباعك عني انا عارفاه مقدما " عقد ومستبدة عندها هواية حذف التعليقات والمشاركات...الخ"

دي حاجات معروفة قتلت بحثا....خلينا نشوف انطباعك عن حمدي

[dalia 0]

mohammad كتب:

اعتذر عن التوقف
يوما ما سأفتح هذه الصفحة
ومنتظرا منكم وبكل السعة التي يحتويها صدري نقدكم ونصحكم واهدائكم لي عيوبي التي غمرتني ولا ابالغ
ورحم الله بن الخطاب حينما قال "رحم الله امرئ اهدى الي عيوبي"
يااااارب
إذا أسأت إلى الناس اعطني شجاعة الاعتذار
، وإذا أساء الناس اليَ اعطني مقدرة العفو ...

الأخ محمد، أنا مش حقولك ما تاخدش كل حاجة بحساسية والكلام ده، لأنك من حقك تقيم الأمور بطريقتك، وممكن يبقى فيه شيء من الصحة، بس اللي عايزة أقولهولك إنك لو بصيت على بقية المواضيع والتعليقات حتلاقي إن في ناس كتير قبلك حسوا برضه إنهم بيتعرضوا للانتقاد بشكل جامد وتعليقاتهم بتحذف وعلشان كده بقولك ما تاخدش الموضوع بشكل شخصي. واعتبربني أختك الصغيرة أو الكبيرة، اللي يريحك، بس الدنيا كده، في أوقات حتلاقي نفسك موضع انتقاد واللي حواليك يمكن يكونوا بيتجاوزوا أكتر منك ولا يجدون إلا المديح، ده في الشغل والدنيا والحياة وده مش معناه إنت وحش أو هم وحشين، بس ببساطة إن وجهة نظرهم الناس اللي حواليك في المرحلة دي أو في المجموعة دي أو في المجتمع ده بيتفهموا وجهة النظر التانية وبيصعب عليهم يفهموا وجهة نظرك. أرجو أن يكون كلامي ما يزعلكش وأتمنى لك كل خير ونجاح

[Rehab SISAQ 0]

ياااه واخيرا وجدت احدا يسجل انطباعا عني داليا اشكرك على تحليك وانطباعك هو فيه شيء من الصحة في اول الامر اجد كل من يعرفني بياخد نفس الانطباع ده

[Hamdy Tawfik-manar9 0]

اقتباس :

بس اللي عايزة أقولهولك إنك لو بصيت على بقية
المواضيع والتعليقات حتلاقي إن في ناس كتير قبلك حسوا برضه إنهم بيتعرضوا
للانتقاد بشكل جامد وتعليقاتهم بتحذف وعلشان كده بقولك ما تاخدش الموضوع
بشكل شخصي.

اهلا يا داليا ..محمد لم تحذف له اي مواضيع ..حذقت له بناء علي طلبه بعض تعليقات ..بل العكس هو مازال يلح علي حذف موضوع حكم الغناء ..وانا مصمم اسيبه للناس .. وكمان لم ينتقده احد بشكل شخصي علي الاطلاق .وهو لم يتهم احدا انه انتقده يشكل شخصي.ربما تتكلمين عن شخص اخر

حكاية سريعة علي هامش الموضوع :: كنت عضو في احد المنتديات الشهيرة علي الانترنت ذات توجه سلفي ..وفي ايام الحرب الاسرائلية علي لبنان وجدت انهم يكتبون كلاما غريبا حول ان حزب الله شيعي ولا يجب ان نسانده وذكروا مبررات واسباب لموقفهم هذا ..فقمت بالرد عليهم بكل ادب وكتبت ردا علي كل حجه واهيه قدموها... كانت النتيجه ان تم تهديدي بحذف عضويتي بعد اول رد رغم اني لم اكتب كلمه واحدة فيه تجاوز في حق احد ...عاوز اقولك باختصار ..نحن نسمح بما لا يسمح به غيرنا ..وهو وجود افكار وتوجهات دينيه في المنتدي تخالف ما نعتقده

واضح انه ليس تعليق علي محمد بقدر ماهو تعليق علي ادارة المنتدي... احنا في النهاية بشر والخطأ وارد والتباين في وجهات النظر امر طبيعي... وحذف بعض المواضيع او التعليقات شيء طبيعي في كل المنتديات ..ليس لنا موقف شخصي مع احد يجعلنا نتربص به ..لكن ربما يكون لنا موقف مع بعض الافكار يجعلنا نتوقف عندها وده حق مشروع واصيل لينا

كل الناس في المنتدي تعرضت من وقت لاخر لحذف بعض تعليقاتها بما فيهم انا ..يعني علي سبيل المثال رانيا حذقت لي اكتر من تعليق في المنتدي ..واقسم بالله انا لم اغضب ولو للحظه وحتي لم افكر في الموضوع .ولم اسالها حتي عن سبب الحذف لاني اثق في حكمها ولان ده شيء طبيعي ..بل بالعكس كنت مبسوط من جرأتها في تنفيذ ماهي مقتنعه به .

اما مسألة الانتقاد او التجريح بشكل شخصي ..انا لا استطيع الرد الا اذا ذكرتي واقعة محددة ..ربما مرت علينا اشياء ولم ننتبه لها..واذا كان هناك تعليق موجود علي صفحات المنتدي فيه تجاوز في حق اي عضو ممكن يلفت نظرنا اليه ويطلب حذفه

واذا كان هناك ما حدث علي صفحات المنتدي تعتبرتيه تجاوز في حقك فانا باعتذر لك بشكل شخصي وارجوكي مجرد ابعت لي الرابط في رساله وساقوم بحذفه

اعرف انك تكرهين الردود الطويله المفصله فمعذرة علي الاطالة ولكنها كانت ضروريه

[dalia 0]

حمدي، متشكرة الأول على ردك وأنت عارف إن آراءك وردودك دايماً موضع احترام وتقدير من شخصي ومن كل الأعضاء

بس على فكرة الموضوع مش شخصي وما أحبش إنه يقلب شخصي خالص على فكرة، أنا بس بحاول كنت أقول رأيي للأخ محمد وإن دي طبيعة الحياة عامة مش في المنتدى هنا

وأنت عارف لما بتبقى في أي حاجة بقولك على طول، سواء اقتنعت برأيي ولا لأ، بس بقولك برضه هههههههههههههههههههههههههههههههه وأنا ما جيتش ناحية إدارة المنتدى خالص يا عم والله، ما تلبسنيش تهمة...شفت بقى، أنا علشان كده مش بحب أقول رأيي أوقات علشان بيتفهم غلط

صباح الفل إن شاء الله

[Hamdy Tawfik-manar9 0]

هبدأ انا كالعادة وافتح التعليقات بعد طول إغلاق

هاتكلم النهارده عن الاخت رحاب Rehab SISAQ

انطباعي عنها كالاتي

اكثر صفه تغلب عليها هي حرصها علي خدمة الاخرين دون انتظار ثناء او شكر ودون ملل

لا تحب لفت الانظار كعادة الجنس اللطيف ..وليست متسلطة كأغلب النساء هذه الايام

بسيطة ومتباسطه مع االناس..رغم اني لم القاها وجها لوجه او يجمعنا حديث مباشر الا ان انطباعي العام

عنها انها شخصية طيبة جدا وخدومه وهادئه وان كان يغلف حديثها احيانا نبرة

حزن دفينه تلمحها بين طيات كلماتها علي صفحات المنتدي

لكن رغم هدوئها احيانا استشعر انها متعجله دائما لا اعرف لماذا

وكفايه كده تحليل

وتحياتي يارحاب

[Honey Bunny 0]

اقتباس :

يعني علي سبيل المثال رانيا
حذقت لي اكتر من تعليق في المنتدي ..واقسم بالله انا لم اغضب ولو للحظه
وحتي لم افكر في الموضوع .ولم اسالها حتي عن سبب الحذف لاني اثق في حكمها
ولان ده شيء طبيعي ..بل بالعكس كنت مبسوط من جرأتها في تنفيذ ماهي مقتنعه
به .

شكلي بقي وحش أوووووي...يعني هو انت لازم تفكر الناس كل شوية بعملتي دي؟ بتهدي النفوس هه وبطريقتك دي الأمور هتكبر في راسي وتبقي اضطهاد ...اللهم قد بلغت

[Rehab SISAQ 0]

HAMDY كتب:

هبدأ انا كالعادة وافتح التعليقات بعد طول إغلاق

هاتكلم النهارده عن الاخت رحاب Rehab SISAQ

انطباعي عنها كالاتي

اكثر صفه تغلب عليها هي حرصها علي خدمة الاخرين دون انتظار ثناء او شكر ودون ملل

لا تحب لفت الانظار كعادة الجنس اللطيف ..وليست متسلطة كأغلب النساء هذه الايام

بسيطة ومتباسطه مع االناس..رغم اني لم القاها وجها لوجه او يجمعنا حديث مباشر الا ان انطباعي العام

عنها انها شخصية طيبة جدا وخدومه وهادئه وان كان يغلف حديثها احيانا نبرة

حزن دفينه تلمحها بين طيات كلماتها علي صفحات المنتدي

لكن رغم هدوئها احيانا استشعر انها متعجله دائما لا اعرف لماذا

وكفايه كده تحليل

وتحياتي يارحاب

اهلا بالاخ حمدي بعد طول غياب ونفصص التحليل حتة حتة انت تقريبا حللت شخصيتي الى حد بعيد
وشخصيتي واضحة لمن يتعامل معي عبر الانترنت او على الحقيقة قريبة مماذكرت ولكن للاسف اعتبرذلك عيبا خطيرا وليست ميزة كما يظن الكثيرون انا في الغالب هادئة حتى اشعر بالظلم فانفجر في وجه الجميع ولااهدا حتى استرد حقي بالنسبة اما الصبر فهي صفة احاول تعملها ديموقراطية زيادة عن اللزوم وده مش دايما في صالحي وبيفوت عليا حاجات كتير الحزن يمكن سببه وراثي وفقد الاب والام جعلني مستعدة اكثر لذلك بحاول اتغلب على الحزن لكنه موجود
بسيطة نعم بس الناس بتقولي انه كلامي معقد ومش بيفهموا منه حاجة واعتقد انه اغلب اللي بيتعاملوا معايا بيظنوا اني متعالية لانه انتقائية ولااحب الشخصيات التي تفرض نفسها ولكن من اسعى اليها شكرا على التحليل الدقيق دكتور حمدي

[Hamdy Tawfik-manar9 0]

اقتباس :

ديموقراطية زيادة عن اللزوم وده مش دايما في صالحي
وبيفوت عليا حاجات كتير

زيي يعني

عموما سعيد بوجود معانا وبمعرفتك كاخت كريمة فاضله

بفكر بعد كلامك اشتغل محلل نفسي

علشان تحليلاتي مش بطاله وقريبه من الصح

[Hamdy Tawfik-manar9 0]

[quote="Honey Bunny"]

اقتباس :

شكلي بقي وحش أوووووي...يعني هو انت لازم تفكر الناس كل شوية بعملتي دي؟ بتهدي النفوس هه وبطريقتك دي الأمور هتكبر في راسي وتبقي اضطهاد ...اللهم قد بلغت

ده نوع من العقاب الغير مباشر علشان تفكري قبل ماتحذفي تعليقاتي تاني

انت عايزه الجد بقي فيه ناس علي مر الايام اصبحوا محل ثقه عندي من حيث اخلاصهم ورجاحه عقلهم في الحكم علي الامور ..وعلشان اكون غير متحيز ليكي ..انا هاذكر مثال اخر غيرك ..علي سبيل المثال sun shine غالبا انفذ ماتقترحة بدون تفكير..رجاحة عقل ..واخلاص ..و وادب والتزام بدون عقد او كلاكيع

عموما لو حذفتي حاجه تانيه ليا ... هيكون عقابك تحليل نفسي هلي صفحتين .. خلي بالك

[sun_shine 0]

والله دة شرف كبير لية ..
وراي اعتز به استاذ حمدي ومتشكرة جدا علي ثقة حضرتك فية.

وفعلا رانيا وبلاشك من اكثر الناس اخلاصا هنا ودايما تقول الحق ولاتخاف فيه لومة لائم ...وقلبها دايما علي المنتدي
و استعدادها وسرعة استجابتها لمساعدة الغيرجعلتها ملكة متوجة هنا :queen:

[hend nga 3]

جميل منكم اعادة فتح الصفحة احب اشارك ........... ربنا يستر

احب ابدأ ب Honey هى انسانة اجتماعية ظريفة حبوبة مثقفة قيادية

مزاجية

اما a .h فهو شاب مرح عملى كثير الحركة مجتهد لا يحب الأنطواء

اممممممه كمان اسامة شخصية مميزة افكاره مرتبة منسق يحب الوحدة ولكنه غير خجول

ولا يحب الغموض او التخفى

داليا حبوبة ظريفة روحها جميلة دمها خفيف زى الشربات اجتماعية من الدرجة الأولى

اما بقى الريس الكبير استاذنا حمدى ........................................


لالالالالالالالالالالالالالالالالالالالالالالالا


حرام كفاية لن اقوم بتحليله احسن انا حاسة انه اتقتل تحليل فى هذا الموضوع

احسن من كثر التحليل يتبخر .........


فى انتظار تحليليييييييييييييييييييييييييييي

[Rehab SISAQ 0]

HAMDY كتب:

اقتباس :

ديموقراطية زيادة عن اللزوم وده مش دايما في صالحي
وبيفوت عليا حاجات كتير

زيي يعني

عموما سعيد بوجود معانا وبمعرفتك كاخت كريمة فاضله

بفكر بعد كلامك اشتغل محلل نفسي

علشان تحليلاتي مش بطاله وقريبه من الصح

زيك وانا افتخر بكده وانا اسعد

[Doaa.M.M 0]

أجمل ما فى هذا الموضوع هو أن يعرف كل شخص عيوبه

ويرى نفسه فى عيون الغير ليستطيع تفادى هذه العيوب
وأن يحاول أن يجعل الناس يرونه مثلما يحب هو أن يراه الناس
وأنا عايزة اشترك معكم لكن طالبة انطباعكم انتم عنى ...

[dalia 0]

[quote="Star. H"]

داليا حبوبة ظريفة روحها جميلة دمها خفيف زى الشربات اجتماعية من الدرجة الأولى


ستار، مش عارفة أنا "داليا" المقصودة ولا "صن شاين" بس عموماً شكراً شكراً على الكلام اللطيف ده وده بس من ذوقك. واضح إنك شخصية لطيفة وبسيطة وما تحبش الكلكعة وشخصية واثقة من نفسها لكن مش لحد الغرور، شخصية مثقفة...حلو التحليل ده؟

[hend nga 3]

طبعا تحليل عسل وسكر .......... ا