ماهو انطباعك عن اعضاء المنتدي

[Hamdy Tawfik-manar9 0]

بسم الله الرحمن الرحيم

هناك موضوع كان دائما يلح علي عقلي وانا اقلب صفحات المنتدي

لاشك انه مع مضي هذه الفنرة من عمل المنتدي قد يكون تكون لدي كل عضو انطباع ما

سواء بالسلب او الايجاب

عن بقية اعضاء المنتدي... بمعني انه من خلال مشاركات الاعضاء

من الممكن ان تظهر بعض الملامح الشخصيه والنفسيه لهذا الشخص

ففكرت في لعبه ... كنت فاكر اني اول من اخترعها لكني فؤجئت ان النت مليء بمثل هذه الافكار

اللعبة ان كل عضو يختار عضو تاني ويقول انطباعه عنه بدون طبعا تجاوز للحدود

يعني تكون انطباعات عامه

لكن هنلعبها بشروط

اولا .... مش هنختار عضو الا بموافقته اولا يعني لازم يدخل الموضوع ده

ويقول انا هشترك معاكم ...... اذا لم يعلن قبوله ولم يشارك في هذا الموضوع

يبقي معناها انه مش عايز يدخل اللعبة ومش عجباه فكرتها

فبالتالي ممنوع حد يذكر انطباعاته عنه والا هتحذف علي طول


ثانيا : من المنطقي ان الانطباعات تكون عن اعضاء مشاركين في المنتدي بساهمات

فهذا الموضوع للاعضاء ذوي المساهمات في المنتدي

فهمتهم اللعبه .... اللي عايز يشارك يقول هنا انه مشارك

وانا طبعا مشارك لاني كاتب الموضوع

لو الموضوع مش علي هواك .....ولا كانك شفت الموضوع ده

واطمن انت بعيد عن اللعبه

[sun_shine 0]

مشاركة

[sweet_love 0]

مش معقول تنزل لعبة ومش ألعبها خاصة فكرة حلوة

[mhmd fawzy 0]

اي آآآآم إإإإن





أنا مشارك بس الرحمه حلوه يا شباب

[أسامة1 0]

انا مشارك وحابب الفكره اوى

[mona_1980 0]

انا كمان عجباني الفكره

بس الرحمه حلوه زي ما قال اخونا محمد

[mhmd fawzy 0]

شو يا شباب




ما حدا راح يبلش



انا راح اعطيكم فرصه يومين وبعدها افضى لكم


ههههههههههههه

[sweet_love 0]

صحيح إنت مش قلت يا حمدى اللعبة هتبدأ إزاى يعنى بقى فى ناس مشتعدة للمشاركة شوف نختار مين يبدأ و الباقى يقولوا رأيهم فيه

[أسامة1 0]

يعنى ايه يبلش يا محمد؟؟

[Hamdy Tawfik-manar9 0]

يبلش يعني يبدا

بلهجة اخوانا في لبنان وسوريا

انا كل الحكاية كنت مستني اكبر عدد يقولوا انهم هيشتركوا

انما اللي عايز يبلش يبلش براحته

مش هنقوله حاجه :D

[sweet_love 0]

ماشى مش المفترض نختار عضو و يوافق علشان باقى الأعضاء يقولوا رأيهم فيه

[Hamdy Tawfik-manar9 0]

لا انا مكنش قصدي كده

اولا كل واحد قال مشترك معانا في اللعبه من حق بقية الاعضاء يقولوا رايهم فيه

لكن مش شرط اننا نختار واحد والكل لازم يقول رايه

بمعني انك ممكن تختاري عضو او اتنين او الكل براحتك وتقولي رايك فيهم

لكن مش لازم بقية الاعضاء يقولوا رايهم في نفس الناس

يعني ببساطه كل واحد حر في اللي يختاره

يعني لو عايزه تختاري حد وتبداي ... اوكي

بس مش شرط اني اختار نفس الشخص

ممكن اختار حد تاني

شكلك عايزه تبداي انت

في انتظارك

[Hamdy Tawfik-manar9 0]

كله مستني التاني علشان يبدا

انا ممكن اتكلم عن اكتر من شخصيه معانا بس الكلام مش هيكون دقيق

لان فيه ناس متحفظه في كلامها وردودها وفيه ناس مساهماتهم قليله نسبيا

فابتالي بيكون تكوين انطباع عنهم صعب شويه

لكن من ضمن الاعضاء الللي اشتركوا معانا في اللعبة دي

اكثر حد كونت عنه انطباع هو شيماء sweet love

طيب لييه ؟؟؟ *** من غير زعل يا شيماء

لان كلامها كتير اقصد مساهماتها كتير :D

ومشاغبة الي حد ما دايما تنتقد وتعارض ودايما حاسس انها مستجعله

والاهم انها تلقائية بتتكلم بطبيعتها بدون تكلف ... ولما بتتكلف بيبان ان ده مش اسلوبها

انا ممكن اقول تصوري عن شيماء في نقاط وطبعا فيه قدر كبير من التخمين

يعني ممكن يكون صح وممكن يكون غلط

1 - تتصرف وتتكلم بتلقائية الي حد كبير

ولكن ذلك قد يسبب لها احيانا بعض المشاكل مع الاخرين

2 - اجمتاعية الي حد كبير وصاحبة مبادرة في العمل

ودايما متحمسة لانجاز ماتريده باكبر سرعه ممكنه

3 - مرحة في كثير من الاحيان لكنلما بتكتئب بيكون بدرجه عالية شويه

4 - عاطفية الي حد كبير وتحب بسرعه لكن لا تثق في الاخرين بسهوله

5 - تراجع نفسها دايما في تصرفاتها وعندها قدر من الخوف والقلق دايما علي المستقبل

6 - طيبة القلب ولا تحب ان تكون في مكان هي علي خلاف فيه مع احد

لذلك لا تجد اي مشكله في الاعتذار اذا احست انها مخطئه

7 - طموحه و دايما تحاول تطوير نفسها


ده مش انطباع .... ده تحليل نفسي ...كفايه كده .

لو زعلتي من حاجه في كلامي قولي وانا امسحه علي طول

بس ياريت شيماء ماتحللش شخصيتي

[Hamdy Tawfik-manar9 0]

ياتري كلامي صح بنسبة كام

[sun_shine 0]

جميل جداا الوصف يا استاذ حمدي ..فعلا نفس انطباعي عنها...لو كنت هعبر عنها مكنتش هاقدر اوصف بالدقة دي ..تمنياتي بالتوفيق لاختنا العزيزة شيماء.

[sweet_love 0]

شوف بقى يا سيدى أنا فعلا كان نفسى أبدا بس فوجئت بالمشكلة اللى قلت عليها مش متعامله مع ناس كتير فهعرف إنطباع عنهم إزاى و انا هرد على كل نقطة قلتها فى تحليلك النفسى لشخصيتى مكنتش أعرف إنك دكتور نفسى

فعلا تلقائية جدا وده بيعمل لى مشاكل كتير أوووووووووووووووووى و بالذات مع اللى مش بيفهمنى

و مشكلة الكآبة دى نفسى أقدر احلها بس مش بعرف محاولاتى كلها باءت بالفشل يمكن علشان لما بتفاءل بيبقى بدرجة كبيرة جدا

عاطفية دى بقى غلطة منك انا عقلانية زيادة عن اللزوم و الكل بيقول كده لدرجة ممكن فى حالة الوفاة أبقى الوحيدة اللى متماسكه
ومش بثق فى الناس بسهولة بس ده أمر جديد فى حياتى بعد ظروف مريت بيها

بس برافو عليك دكتور نفسى شاطر

[Hamdy Tawfik-manar9 0]

شوفي ردك ده بيوضح اكبر ميزة في شخصيتك

عارفه هي ايه ؟؟

انت رديتي وقولتي تحليك سليم في اغلبه بمنتهي البساطه

وده بيدينا انطباع اخر وهو انت شخصية قويه وعندك ثقة بنفسك كبيرة

مفيش مشكله عندك انك تكوني واضحه للاخرين

وعلشان اوضح لك وجهة نظري ان كان عندي واحد صاحبي اذا حبيت اضايقه او اغيظه

كنت اقوله جمله واحده ( انت كتاب مفتوح بالنسبه لي )

رغم انه كان ولا كتاب مفتوح ولا حاجه لكن انا كنت عارف ان الجمله دي بتضايقه

وانا افسر ده ان مكنش عنده ثقه في نفسه فلذلك كانت تضايقه فكرة انه يبقي مكشوف للاخرين من وجهة نظرة

** بالنسبة للاكتئاب اعتقد ان احسن علاج له هو وجود اشخاص في حياتنا نثق فيهم

ونحبهم ونشاركهم همومنا واحزاننا .... علي قدر وجود هؤلاء الاشخاص في حياتنا

علي قدر نجاحنا في الافلات منه .... وبما ا الله سبحانه وتعالي هو مسبب الاسباب

فقربنا من الله ومحاولتنا دائما اللجوء اليه هو افضل وسيله للنجاة من براثن الاكتئاب

وقانا الله شره جميعا

** بس انا ساعات بحس ان الاكتئاب فيه جزء وراثي بمعني ان فيه طبيعتهم تميل الي المرح

اكثر من غيرهم والعكس صحيح

ولا ايه رايك في كلامي

ونلتقي بعد الفااصل

[sweet_love 0]

كلامك صح لكن كلمة إنت كتاب مفتوح مش تضايق حد بالعكس دى تفرح لما الكل يبقى عرفك يبقى سهل إنهم يتعاملوا معاك و اللى هيحبوك يبقوا بيحبوك بجد أما علاج الإكتئاب ده أنا حاولت معاه بكل الطرق اللى قلت عليها بس مش نفع هو بيروح بس بيرجع وعلشان بيبقى عندى حالة صعبة بيأثر على كل حياتى وده اللى بيضايقنى هو أكيد جزء وراثى

[Hamdy Tawfik-manar9 0]

طيب مش ناويه تاخدي ثارك مني

وتحللي شخصيتي

[Hamdy Tawfik-manar9 0]

sun_shine كتب:

جميل جداا الوصف يا استاذ حمدي ..فعلا نفس انطباعي عنها...لو كنت هعبر عنها مكنتش هاقدر اوصف بالدقة دي ..تمنياتي بالتوفيق لاختنا العزيزة شيماء.

انا كنت بدور علي حد تاني احلل شخصيته

يظهر الدور عليكي :D

[mhmd fawzy 0]

انا راح اكتب انطباعي عن بعض الاعضاء


الانطباع عن شخص ( حسب رأيي ) هو انك تكون له صوره خيالية يعني كأنك تتخيل هذا الشخص كيف شكله وكيف تكون طباعه وراح اخذ مجموعه من الاعضاء وادخلهم ( بعيد الشر ... بعيد الشر ) غرفة العمليات طبعاً اللي في المنتدى :

حمدي: رجل اربعيني متوسط الطول , ممتلئ الجسم , فيه بداية صلع من الجهة اليسرى ( باس لا تقولو لي شمعنى اليسرى؟) يرتدي دائماً الملابس الدكنة ... وله شارب عريش ولحية خفيفة منسقة ... ويرتدي نظارة طبية صغيرة تضفي على وجهه هيبة ووقار.

له صوت جهوري محبب الى الاذن .... يتكلم بتأني .... ويستمع بانتباه اياً كان محدثه .. ذكي .. لماح ... سريع البديهة ... محب للخير ..... في نجدة ويحب دائماً تقديم يد المساعدة.

sweet love :
فتاة جميلة .... في العشرينات من العمر .... كلها نشاط وحيوية ... رغم انها تحب الهدوء والسكينة... تحب المرح .... رغم انها بيتوتيه ( اي قليلة الخروج من المنزل) عرفت ذلك من كثرة مشاكاتها اللتي لا تعد ولا تحصى ( اللهم زيد وبارك )
تحب التميز وان تكون دائماً في المقدمة ... ورغم انها غالباً ما تكون في المقدمة .. الا انها تخاف من الفشل.


sun shine :
مواضيعها تشعرك بانها معلمة لغة عربية .... تدقق دائماً في الالفاظ وتلاحقك على الهمزة ... هههه .... تلبس نظارة لا تكاد تستقر على انفها الصغير ( يعني هيك متخيلها ) ....جادة .... ملتزمة .... تحب ان تستفيد دائماً من وقتها.

[size=29]وللحديث بقية ..... ( والله يستر )
[/size]

[sweet_love 0]

تحليلك لى برده نسبة كبيره منه صح ما عدا حب الهدوء مش بحبه ولا بحب القعدة فى البيت بس هو وضعى الحالى هو اللى فارضهم على ومش بخاف من الفشل فى كل حاجة فى حاجات سهل تتقبل فيها الفشل وفى حاجات تانية الفشل فيها يبقى ضربة جامدة جدا وخسارة حاجات كتير لا تعوض



طبعا يا حمدى هحللك وهحلل كل اللى مشتركين بس لما يبقى عندى يوم إجازة و أفضى علشان مش فى حاجة تقطع على حبل أفكارى

[mhmd fawzy 0]

ربنا يستر






هههههههههههه

[Hamdy Tawfik-manar9 0]

اقتباس :

حمدي:
رجل اربعيني متوسط الطول , ممتلئ الجسم , فيه بداية صلع من الجهة اليسرى (
باس لا تقولو لي شمعنى اليسرى؟) يرتدي دائماً الملابس الدكنة ... وله شارب
عريش ولحية خفيفة منسقة ... ويرتدي نظارة طبية صغيرة تضفي على وجهه هيبة
ووقار.

انت ركزت معاي علي المواصفات الشكلية والجسمانيه بعيدا عن الجانب النفسي

هو تحليلك منطقي برده ....لكن هناك اخطاء

... يعني مثلا ... انا بلعب في الثلاثينات ... بالنسبة للطول يتهيا لي انا طويل 186 سم

كما انني غير ملتحي ولا اربي شاربي

مفيش صلع الحمد لله :D بس انا لفت نظري اصلع من الجهة اليسري

هو فيه حد اصله من جهة واحدة بس ........... جديده الحكاية دي

وكمان مش بلبس نظارة .... بس شكلي هلبسها قريب ...لان الشاشه قدامي شايفها طشاش

اما حكاية الهيبة الوقار ... الله اعلم بس برده ما اعتقدش

ياعم التحليل بتاعك طلع كله غلط


مفيش الا حاجه واحدة للامانه ممتليء الجسم ..... يعني >>> بس بنحاول نعالج الحكاية دي

بعد كده اللي يحلل يبعد عن المواصفات الشكلية الله يكرمكم

خلينا في النواحي النفسية احسن

[Hamdy Tawfik-manar9 0]

بالمناسبه ياخي محمد

يعني ايه له شارب عريش

انت بتهيا لي حاجه كده زي المصريين لما يقولوا

دا شنبه يقف عليه الصقر

حاجه بالمعني ده

[Hamdy Tawfik-manar9 0]

اقتباس :

له
صوت جهوري محبب الى الاذن .... يتكلم بتأني .... ويستمع بانتباه اياً كان
محدثه .. ذكي .. لماح ... سريع البديهة ... محب للخير ..... في نجدة ويحب
دائماً تقديم يد المساعدة.

ده فيه جزء تاني مخدتش باله منه

صوت جهوري.. لااعتقد .... يتكلم بتاني ... في اغلب الاحيان ولكن ليس دائما

ويستمع لانتباه اي كان محدثه.... بحاول اكون كده ...ولو انها صعبه شويه مع بعض الاشخاص

ذكي لماح........سريع البديهه.. مش عارف بس اتمني يكون صحيح الكلام ده

. محب للخير ..... في نجدة ويحب
دائماً تقديم يد المساعدة. ...

اسال الله تعالي ان اكون مما يتحلون بتلك الصفات الكريمة

[أسامة1 0]

حمدى
شخص مثقف..محب للخير ومساعدة الآخرين.. ودود.. عطوف..يستفيد بوقته غالبا فيما يفيد
جاد..لايهتم بالأشياء التافهه او غير المفيده..يتمتع بشخصيه قياديه
انا منتظر تحليلك لشخصيتى لن اسلوبك فى تحليل الزملاء عجبنى بصراحه

[Hamdy Tawfik-manar9 0]

أسامه فوزى مصطفى كتب:

حمدى شخص مثقف..محب للخير ومساعدة الآخرين.. ودود.. عطوف..يستفيد بوقته غالبا فيما يفيد جاد..لايهتم بالأشياء التافهه او غير المفيده..يتمتع بشخصيه قياديه
انا منتظر تحليلك لشخصيتى لن اسلوبك فى تحليل الزملاء عجبنى بصراحه

شخص مثقف..محب للخير ومساعدة الآخرين.. ودود >>>> اتمني ان اكون كذلك

.يستفيد بوقته غالبا فيما يفيد جاد..لايهتم بالأشياء التافهه او غير المفيده ..

....... خطأ ... لاني احسن واحد يضيع وقته في حاجات مش مفيدة ..

.. تضيع الوقت ده انا استاذ فيه بشكل يعجز عقلك عن تخيله ...

انا عارف ان الكلام ده مفاجاه لك لكن للاسف هي دي الحقيقه

يتمتع بشخصية قيادية ....... لا اعتقد ذلك

اان شاء الله راح احلل شخصيتك لكن لانك الي حد ما جديد في المنتدي فكنت عايز وسائل مساعده

يعني ممثلا تقولي انت في العقد الكام من العمر

[mona_1980 0]

بسم الله الرحمن الرحيم

اسمحولي اسجل انطباعي

اول واحد استاذ حمدي

وانطباعي عنه واللي واضح جدا لينا كلنا انه بيساعد الاخرين وبيهتم بكل اللي حواليه والحكايه دي بدل علي انسان عنده سعة صدر غير اجتهاده في ان مستوي المنتدي يتحسن

وثانيا اختي الحبيبيه sweet love

انسانه رائعة وشخصيتها عجباني جدا وحبوبه واجتماعيه ودماغها حلوه

وثالثا اختي الحبيبه sun shine

شخصيتها جميله جدا وطيبه بس مش بتحب تبين وبتحب اصحابها وواضح انها مهتمه بمجال التنميه البشريه انا كمان بحب المجال دا قوي

في تعليق قاله زميل هو انك تحس انها مدرسة لغة عربيه انا كمان عندي الاحساس

اخي الفاضل اسامه

من اسلوبك حسيت انك انسان مرح وفي نفس الوقت جد يعني لكل مقام مقال زي مابيقولوا وبتهتم بالناس اللي حواليك

معلش اعذوروني مش بقدر اوصف كتير

خير الكلام زي مابيقولوا

البقيه تاتي

يارب ما حد يزعل مني

[mona_1980 0]

احب اسجل هنا

ان كل الشخصيات السمه الغالبه علي الجميع هي اولا الاحترام المتبادل و الاحساس اننا اسره واحده ودا شئ يسعدني جدا جدا

استاذ محمد انطباعي الاول عنه
شخصيه مثقفه وومرح في التعامل وبيحب اللي حواليه

اتمني ان انطباعاتي تلاقي استحسان عندكوا يا جماعه

[sun_shine 0]

sun shine :
مواضيعها تشعرك بانها معلمة لغة عربية (ابدا والله محصلش).... تدقق دائماً في الالفاظ وتلاحقك على الهمزة ... هههه :D (بحاول اوقات اكتب بشكل صحيح).... تلبس نظارة لا تكاد تستقر على انفها الصغير ( يعني هيك متخيلها ) (هنا معاك حق النظر في الباي باي )....جادة (مش عارفة دي...ماتقليتليش قبل كدة) ملتزمة (من اي ناحية؟؟؟).... تحب ان تستفيد دائماً من وقتها.(هنا اعتقد اننا جميعا مشتركون في ان نحاول نستفيد بوقتنا ...واكبر دليل... الدراسة مرة اخري) الست معي

[sun_shine 0]

وثالثا اختي الحبيبه sun shine

شخصيتها جميله جدا وطيبه بس مش بتحب تبين وبتحب اصحابها وواضح انها مهتمه بمجال التنميه البشريه انا كمان بحب المجال دا قوي (متشكرة علي الانطباع الجميل دة ...بس مجال التنمية انا مش بحبها بشكل خاص...لا انا بحب اقرأ في اي مجال مفيد )

في تعليق قاله زميل هو انك تحس انها مدرسة لغة عربيه انا كمان عندي الاحساس(خالص ياجماعة والله كنت باتمني!!! كنت استفدت من كدة دلوقتي في الدراسة ...حتي انا والنحو مش اصحاب)

[أسامة1 0]

الى الزميل حمدى اولا:
انا عندى 27 سنه ولو عايز اى معلومات تانى عنى قل لى وانا افيدك

الى الزميله منى:
رأيك فيا هو تقربا رأيى فى نفسى لكن ان شاء الله انا هاقول لكم بعد كده رأى زمايلى فى الشغل واصحابى فيا ايه بس طبعا مش دلوئتى عشان لسه مستنى آراء باقى الزملاء

اما انطباعى عن منى:
انسانه متدينه جدا وعندها النزعه الدينيه داخله فى كل شىء فى حياتها ودى صفه انا شخصيا بحبها وبحترمها جدا.وقوره ..رزينه.. هادئة الطباع

[Hamdy Tawfik-manar9 0]

انا هاقول انطباعي عن اسامه رغم اني صعب شويه اكون انطباع عن اسامه

لانه الي حد ما ليه فترة صغيرة معانا

لكن تصوري عنه كالاتي

شخص مهذب طموح واجتماعي

لا يعجبه كثير من الاوضاع السائدة في بلدنا ويتمني تغييرها للافضل

وله تصورات واحلام كبيرة يتمني لو اصبحت لدية القدرة علي تحقيقها

يحاول تثقيف نفسه وليس عنده مشكله في التعلم من تجارب الاخرين

شخص طيب و عاطفي لكن يحاول ان تكون قرارته دائما عقلانيه

هذا تصوري ولا ادري نسبة صحته

[أسامة1 0]

انت انسان ذكى جدا يا حمدى وعندك البديهه والحدس مستواهم عالى جدا لأن اللى انت قلته ده هو اللى معظم الناس اللى حوليا زى الأصدقاء والأسره وزملاء العمل بيقولوه وطبعا انا اعتقد ان الناس اللى حوليا يقدروا يحددوا بدقه اكتر ومع ذلك انت قدرت تحدد وتقول اللى قالوه رغم انك عمرك ما شفتنى ولا اتكلمنا مع بعض غير هى مره واحده على الموبايل.
بس الغلطه الوحيده عندك انك قلت انى اجتماعى لأنى انا مش اجتماعى بس الحمد لله برضو مش منطوى وبحب ابئا لوحدى احيانا واحب الهدؤ والتأمل

[sweet_love 0]

أنا قلت لك إنى هحاول أحلل بس يوم إجازة و اليوم جه
أولا : إنت قدرة قدرة على معرفة طبيعة الناس
اللى حواليك وفهمهم و التعامل معهم تبعا لحدود فهمك ليهم

ثانيا: إجتماعى لكن للأسف مش بتاخد على الناس بسرعة
ومش عرفه بقى ده بسبب عدم ثقتك فيهم ولا دى طبيعة فيك

ثالثا: ثقتك بنفسك عالية و عارف حدود قدراتك يعنى
رحم الله عبد عرف قدر نفسه و الجميل إعترافك بده

رابعا:الديموقراطية عندك بطبقها زى كل المصريين
أنا حطيت الشات بس مش عوزه واللى مش عوزه يقول كده

خامسا: عندك صبر وطولة بال يعنى صبرت على كتير
مع إنى دوشاك ورغاية جدا وصبرت على المنتدى

سادسا: أوقات بحس سريع فى إتخاذ قراراتك دون المشورة
يعنى نمت وصحيت لقيت منتدى الصحة و نمت وصحيت لقيت
التنمية الذاتية ومش عرفه ده بطبقه فى كل حياتك ولا إيه

سابعا:بتحب تساعد الناس على قد ما تقدر

ثامنا: متفائل و بصورة دايمه الحمد لله إن شاء الله على طول كده

تاسعا: ودى آخر حاجة ودى إعترافك بنفسك عنيد بس أوقات بيبقى العند لو فى خير كويس

[Hamdy Tawfik-manar9 0]

انا راح اقول انطباعي عن اختنا داليا

ورغم انها من اقدم الاعضاء الذين عرفتهم الا ان تكوين انطباع عن شخصيتها صعب

لانها من النوع المتحفظ في كلامه .... لكن ساحاول رسم تصوري عنها

اعتقد انها شخصية منظمة في حياتها او علي الاقل تحاول ان تكون كذلك

كما انها تهتم بالتفاصيل الصغيرة في اي عمل تقوم به

تحب ان تضع حدودا واضحه في علاقتها مع الاخرين

طموحه ولديها شغف بالتعلم والاطلاع علي كل جديد

عاطفية جدا وقد تكون لديها ميول فنية

وتحب الاجواء الاسرية التقليدية الدافئة بالمشاعر

هذا هو تصوري ... يارتري صح بنسبة كام

[Hamdy Tawfik-manar9 0]

هو واضح ان تحليل شيماء انا المقصود بيه

رغم انها لم تذكر الاسم

طيب انا راح اقراه بتمعن وراح ارد علي اللي فيه

[sweet_love 0]

أكيد لك يا حمدى

[Hamdy Tawfik-manar9 0]

اكتر حاجه ضحكتني اني وانا بقرا تحليل شيماء لشخصيتي

اني من خلال تحليلها قدرت افهم اكتر عن شخصيتها

وبعض التصورات اللي كانت عندي تاكدت لي

ويمكن وانا برد علي انطباعك عن شخصيتي ابقي اضيف شويه انطباعات عنك :D

لكن تحليلك قريب لي من الحقيقة

وهارد عليه بالتفصيل

[sweet_love 0]

No comment :D

[Hamdy Tawfik-manar9 0]

ردي علي انطباع شيماء عن شخصيتي

إنت عندك قدرة على معرفة طبيعة الناس اللى حواليك وفهمهم و التعامل معهم تبعا لحدود فهمك ليهم

احتمال ... لكن انا دايما اقول للي اعرفهم الواحد لو طلع من الدنيا دي وهو فاهم نفسه بس يبقي كفايه علية .... وبعدين انت ممكن تفهمي شخص كويس لكن تفشلي في التعامل معاه رغم ذلك
لان التعامل مع الناس مسالة خبرة وقدرة قد لا تتوافر لكل الاشخاص بالقدر نفسه

إجتماعى لكن للأسف مش بتاخد على الناس بسرعة ومش عرفه بقى ده بسبب عدم ثقتك فيهم ولا دى طبيعة فيك

الناس اللي يعرفوني بيقولوا اني مش اجتماعي ويبدو ان الكلام ده صحيح ...لكني بحاول اغير الحكاية دي
. حكاية اني مش باخد علي الناس بسرعه دي فعلا حقيقيه ... بحتاج وقت للتاقلم مع الاشخاص الجدد في حياتي
مش مسالة عدم ثقة او شيء ولكنها طبع في شخصيتي

ثقتك بنفسك عالية و عارف حدود قدراتك يعنى رحم الله عبد عرف قدر نفسه و الجميل إعترافك بده
اعتقد ان ممكن يكون كلام مضبوط

عندك صبر وطولة بال يعنى صبرت على كتير مع إنى دوشاك ورغاية جدا وصبرت على المنتدى

باحاول اكون كده لكن ساعات بتقفل معايا خالص ... لكن ادرب نفسي علي الصبر

بتحب تساعد الناس على قد ما تقدر ...

يارب اكون كده فعلا

الديموقراطية عندك بطبقها زى كل المصريين أنا حطيت الشات بس مش عوزه واللى مش عوزه يقول كده

أوقات بحس سريع فى إتخاذ قراراتك دون المشورة يعنى نمت وصحيت لقيت منتدى الصحة و نمت وصحيت لقيت التنمية الذاتية ومش عرفه ده بطبقه فى كل حياتك ولا إيه ...

آخر حاجة ودى إعترافك بنفسك عنيد بس أوقات بيبقى العند لو فى خير كويس

مش عارف ايه حكاية زي كل المصريين .... لكن تعالي اقولك علي شوية بديهيات في الديمقراطية

الديمقراطية تعني الخضوع لراي الاغلبية حتي لو كان هذا الراي يخالف قناعاتك الذاتية

لكن هذا لا يعني ابدا ان اغير قناعاتي وما اعتقد انه الصحيح بل بالعكس اكون حريص علي

تسجيل موقفي انني رافض لوجود الشات ولكني اخضع لراي الاغلبية

منتهي الديكتاتورية والتسلط ان تحاولي قهري ومنعي من ابداء رايي المعارض :o رغم اني نفذت ماتريدة الاغلبية نزولا علي رغبتهم رغم اني امتلك سلطة القرار في المنتدي


** اما حكاية السرعه في اتخاذ القرارات ... لا اعتقد ذلك .... اعتقد ربما لانك متخيلة انه عند عمل كل شيء جديد في المنتدي لابد ان اطرحه للنقاش اولا .... ثم ان جميع المنتديات الموجودة تتماشي مع طبية الموقع التعليمية

** انا عنيد اذا كنت مقتنع اني علي حق ....واعتقد ان هذا حق مشروع لي ... لكني دائما احب الاستماع الي راي الاخرين خصوصا اذا كانوا اصحاب حجة ومنطق

اعتقدد اني بكده جاوبتك علي كل انطباعاتك

[sweet_love 0]

آه و أقدر أقول إنى نجحت فى تحليلك بنسبة كبيرة و أعتقد إنه كويس بالنسبة لى خاصة محصلش تعامل معاك بشكل مباشر ولا رأيك إيه؟؟؟؟؟؟؟؟؟؟؟؟؟؟؟؟

ثم صحيح فين إنطباعاتك عنى من تحليلى لك

[Hamdy Tawfik-manar9 0]

هو مش انطباع لكن نصيحه رغم اني مش عايز العب دور مش دوري

لكن في المقابل انت ممكن تعطيني نصيحه ونبقي خالصين

نصيحه مقابل نصيحة

نصيحتي ليكي انك تبعدي عن التسرع والاندفاع في الردود

وتصيغي كلامك بشكل لايكون فيه حمال اوجه

وبشكل فيه لين ورفق وتاني بشكل اكبر

انا في انتظار تصيحتك

ياتري هتكون ايه ؟؟؟؟

[sweet_love 0]

شكرا على النصيحة هحاول أطبقها إن شاء الله

[sun_shine 0]

HAMDY كتب:

انا راح اقول انطباعي عن اختنا داليا

ورغم انها من اقدم الاعضاء الذين عرفتهم الا ان تكوين انطباع عن شخصيتها صعب

لانها من النوع المتحفظ في كلامه .... لكن ساحاول رسم تصوري عنها

اعتقد انها شخصية منظمة في حياتها او علي الاقل تحاول ان تكون كذلك

كما انها تهتم بالتفاصيل الصغيرة في اي عمل تقوم به

تحب ان تضع حدودا واضحه في علاقتها مع الاخرين

طموحه ولديها شغف بالتعلم والاطلاع علي كل جديد

عاطفية جدا وقد تكون لديها ميول فنية

وتحب الاجواء الاسرية التقليدية الدافئة بالمشاعر

هذا هو تصوري ... يارتري صح بنسبة كام

75%

(((كما انها تهتم بالتفاصيل الدقيقة في اي عمل تقوم به)))....هنا..صح 100% لان بيتقالي كدة كتييير

[sun_shine 0]

بالنسبة للاستاذ حمدي انطباعي عنه هختصره في ثلاث جمل ...
{لايتواني عن خدمة الغير+روح القيادة +يسعي دائما وراء الاستزادة من العلم .}.فاتمني له التوفيق.

[Hamdy Tawfik-manar9 0]

[quote="sun_shine"]

HAMDY كتب:

75%

(((كما انها تهتم بالتفاصيل الدقيقة في اي عمل تقوم به)))....هنا..صح 100% لان بيتقالي كدة كتييير

75 % نسبة كوبسة ده انا قربت من جيد جدا

واشكرك علي حسن الظن بي اخت داليا

[Honey Bunny 0]

Peace and mercy be upon you guyz,
I liked the idea of this topic
and here are my thoughts :
When setting eyes on all's contributions,the way they treat each other ..then we'll find that all has many qualifications in common:
Great Pure white heart
Loving ...caring
most of them
very hands-on
others foresighted...... all has wonderful sense of humor
all has same desire to establish life-long way to keep that soul always up
others ((lazy... just like me))
but when we come to you Hamdy .... I think all share me the idea which is:
Hamdy is just sensitive,caring ,helpfull....funnnnnny,humble
and above all religious one

Do accept my humble passage,
best regards to all.

[اماني1 0]

انا بدي اقول
رايي
هلأ انا ما بعرفكم كلكم
بس باختصار الكل هون عسل وسكر ..

مستر حمدي شكلو خلوق وبيحب المساعده


مايكل
مثقف وشطور ..عقلاني وبيحب المساعده
عن قريب نشوك متخرج باعلى الدرجات ياارب





sweet love
حبوبة وخدومة ونشيطة


ايمي-دودي
عسولة وطيوبة


نفرتيتي
ايضا عسولة وطيووبة