حلقة دراسية ترم اول E دور يناير 2012

[naja123 0]

fulla كتب:

اية افضل طريقة نقوي بية للغة

بصى لو تابعتى التليفزيون هتلاقي نفسك تدريجيا بعدتى عن الترجمه وقريتى النص المترجم ,عن تجربة احسن حاجة تشغلى اغانى و فى الاول ياريت تبقى romantic song لانها نوعا ما بتبقى بطيئة وبتعرفى تركيزى على الكلمات, وبرضه ممكن تعملى بحث علي Lyrics بتاعة الاغنية فى الاول عشان تساعدك.

[RФMaйt!c_QuêN 0]

ف دكتور عندنا ف ترم تالت بيقولنا اسمعو ال BBC على الاقل نص ساعه كل يوم شويه

[naja123 0]

ممكن بس ال BBC مستواها متطور جدا لو مستواك مش كويس هيجيلك عقده

[RФMaйt!c_QuêN 0]

لا لا اسفه افتكرت مش ال BBC ده قال نسمع ال CNN حتى لو ساعه ونكتب الكلمات اللى مش عارفينها ونترجمها وفى خلال شهرين هنعرف كلمات كتير

[BONBONAIA 0]

waelahmedseleem كتب:

dodi كتب:

انا معاكم يا جماعة في موضوع سكايب ده

وبالنسبة للجرامر انا عندي استعداد ان اشرحلكم اي حاجة واقفة في الجرامر

وربنا ييسر علينا كلنا ياااااارب

شكراً يا دودى على تشجيعك وأكيد هنحتاجك معانا فى الجرامر...عايزين واحد برفكت فى الـ Conversation ..وشكراً لكل من أيد المبادرة...وياريت نبدأ خطوة عملية ..نبدأ نحدد الميعاد (بالتاريخ والوقت) والماتيريال اللى هنشتغل عليها وياريت لو الأسبوع ده بكرة مثلاً.

طيب ابدأ اعلن عن المعاد بس تدى فرصه يوم قبلها عشان الكل يعرف لان مش كلنا بندخل في وقت واحد وممكن حد يعرف متاخر

وازاى هنضيف بعض؟
وهل لما كلنا نكون مايك هنسمع بعض بشكل واضح لاننا هنكون كتير

وانت اللى هتحدد المعاد يا وائل لانك صاحب الفكره

[BONBONAIA 0]

somaa كتب:

ربنا يستر

بس عارفين لو مش عارفين يرجعو النتائج
هقوللهم زي بعضه اكتبولي كله امتياز
هههههه

انت بتتكلم على اى نتائج ؟؟

هو في حاجه لسه اتصححت عشان تترصد

[نوران مسعد 0]

انا دخلت دلوقتى على الموقع وبيقولو تحت الصيانة

[RФMaйt!c_QuêN 0]

الحمد لله

[RФMaйt!c_QuêN 0]

[محمود سعيد77 0]

الموقع بيكون ليه نسخة احتاطية على السيرفر اللى هو شغال عليه بس بياخد و قت على ما بيتنسخ و شوية تعديلات لكن كل المعلومات بتكون محفوظة على السيرفر الخاص

[محمود سعيد77 0]

بالنسبة لموضوع الكونفرانس على السكاى بى ممكن مبدئيا كل واحد يجهر حساب ليه على السكاى بى وان شاء الله نستخدم منتدى المنار فى الكتابة و حساب السكاى بى فى النطق بمعنى ان الاثنين يكونوا شغالين فى نفس الوقت على اساس ان ممكن نكتب نص ما على المنتدى و يتم النطق و التصحيح عن طريق الخدمة الصوتيه فقط على السكاى بى و على كل حال تقريبا قدامنا و قت لسه على التيرم التانى وحتى ظهور النتيجة دا كلام مبداى للاخ وائل صاحب الفكرة و لو هو شايف اى تعديلات تانيه ممكن بس الاهم الاساس هو منتدى المنار يعنى ما ندخلش حد الا لما يكون مشترك الاول فى منتدى المنار و احنا نعرفه و يفضل ان ما ندخلش خد الا بعد فتره من اشتراكه فى منتدى المنار بفتره يعنى بلاش الاعضاء الجدد و لو العدد زاد طبعا هنضطر ان احنا نقسم نفسنا مجموعات علشان كل واحد ياخد فرصته فى النطق و التصحيح و كل فتره نعدل فى المجموعات علشان ما تكونش فيه مجموعه مغلقه على نفسها وممكن يتعلموا النطق غلط بدون ما يحسوا .

[waelahmedseleem 0]

BONBONAIA كتب:

waelahmedseleem كتب:

dodi كتب:

انا معاكم يا جماعة في موضوع سكايب ده

وبالنسبة للجرامر انا عندي استعداد ان اشرحلكم اي حاجة واقفة في الجرامر

وربنا ييسر علينا كلنا ياااااارب

شكراً يا دودى على تشجيعك وأكيد هنحتاجك معانا فى الجرامر...عايزين واحد برفكت فى الـ Conversation ..وشكراً لكل من أيد المبادرة...وياريت نبدأ خطوة عملية ..نبدأ نحدد الميعاد (بالتاريخ والوقت) والماتيريال اللى هنشتغل عليها وياريت لو الأسبوع ده بكرة مثلاً.

طيب ابدأ اعلن عن المعاد بس تدى فرصه يوم قبلها عشان الكل يعرف لان مش كلنا بندخل في وقت واحد وممكن حد يعرف متاخر

وازاى هنضيف بعض؟
وهل لما كلنا نكون مايك هنسمع بعض بشكل واضح لاننا هنكون كتير

وانت اللى هتحدد المعاد يا وائل لانك صاحب الفكره

شكراً يا جماعة على التشجيع وبصراحة أعضاء المنتدى ده ناس خدومة وقلبها علبعض"بسم الله ما شاء الله"ويارب يكون كله فى مصلحتنا..
مبدئيا أنا بعت بالفعل حساب السكايب بتاعى للـ أ/محمود سعيد
وده الحساب بتاعى فى السكايب"طبعاً بدون (@..com") والياهو والهوتميل
waelahmedseleem
ويفضل للزملاء عمل حساب جديد بإيميل جديد "لا يستغرق عمله أكثر من 5 دقائق"
الموعد يفضل غداً من الساعة 10 صباحاً مثلاً "خير البر عاجله"
نبدأ بأى مادة تعجبكم ولول محصلش إستقرار ..نستفيد من دودى فى شرح الجرامر وتبقى جرامر...وياريت لو أى زميل يقدر يشرك معانا عضو بروفيشنال
أما بالنسبة للسكايب يمكن المحادثة الجماعية عن طريق الإتصال بأى عضو وهتلاقى علامة ( + ) ثم Add people to this conversation
وتختار من قائمة Choose contacts الأعضاء وتضغط على Select
واللى يعجبكم تضعوا الحساب هنا ويبقى إقتباس أو عن طريق رسالة للأعضاء
إن شاء الله فى أفكار كتيرة بس الجدية والإهتمام فى الأول..وربنا يوفقنا
بعد إذنكم

[waelahmedseleem 0]

محمود سعيد77 كتب:

بالنسبة لموضوع الكونفرانس على السكاى بى ممكن مبدئيا كل واحد يجهر حساب ليه على السكاى بى وان شاء الله نستخدم منتدى المنار فى الكتابة و حساب السكاى بى فى النطق بمعنى ان الاثنين يكونوا شغالين فى نفس الوقت على اساس ان ممكن نكتب نص ما على المنتدى و يتم النطق و التصحيح عن طريق الخدمة الصوتيه فقط على السكاى بى و على كل حال تقريبا قدامنا و قت لسه على التيرم التانى وحتى ظهور النتيجة دا كلام مبداى للاخ وائل صاحب الفكرة و لو هو شايف اى تعديلات تانيه ممكن بس الاهم الاساس هو منتدى المنار يعنى ما ندخلش حد الا لما يكون مشترك الاول فى منتدى المنار و احنا نعرفه و يفضل ان ما ندخلش خد الا بعد فتره من اشتراكه فى منتدى المنار بفتره يعنى بلاش الاعضاء الجدد و لو العدد زاد طبعا هنضطر ان احنا نقسم نفسنا مجموعات علشان كل واحد ياخد فرصته فى النطق و التصحيح و كل فتره نعدل فى المجموعات علشان ما تكونش فيه مجموعه مغلقه على نفسها وممكن يتعلموا النطق غلط بدون ما يحسوا .

الموضوع بتاعنا كلنا وأى حاجة هتفيد الناس ياريت وشكرا على الإهتمام ...منتظر حسايك "للعلم أنا بعتلك حسابى"

[marina 0]

ارجو من العضو محمود سعيد 77 لو عايز يحط فيديوهات مضحكة يحطها فى موضوع مستقل وفى القسم الخاص بيها وليس فى الحلقة الدراسية ترم اول المخصصة للدراسة

[محمود سعيد77 0]

على فكرة يا استاذ وائل انا بعت ليك استضافة على السكاى بى و ان شاء الله اذا كنت فاضى بعد ما اخلص شغل نبقى نتكلم وخد بالك صعب ان فكرة تبدا كبيرة لا بتبدا صغيرة و بتطور و بتكبر لكن الافكار اللى بتبدا كبيرة بتكون مقلده يعنى نبدا و بعدين نعدل لو الانسات شايفين انهم يكونوا فى مجموعات خاصه بيهم عادى و برده بالنسبه لينا و ياريت الاول كل واحد يبقى يكتب رأيه علشان نوصل لاحسن الحلول و الافكار

[محمود سعيد77 0]

ممكن تحذفيها

[somya 0]

ربنا يستروالموضوع يعدي بسلام

[محمود سعيد77 0]

اول مرة اشوف واحد بيعمل هاكرز على موقع تعليمى هيستفاد ايه لما يخرب الموقع! دا شكله شخص مريض نفسى

[محمود سعيد77 0]

المشكله على فكره يا جماعة مش انه عمل هاكرز بس وحذف محتويات الموقع دى اكبر من كدا معنى انه و صل للموقع يبقى كان مخترق الموقع من فتره و ممكن يكون نسخ كل بيانات الناس و طبعا عناوين و صور الدارسين الشخصية و ارقام التليفونات للى مسجل رقم موبايله ربنا يستر

[naja123 0]

يا جماعة عايزه اوجة شكر لكل اعضاء المنتدى على مجهودهم الجبار و عدم البخل فى اعطاء المعلومات ,و الله ايام ما كنت فى الجامعة سابقا, صحابى مكنوش بيساعدوا كده ,كان كل واحد خايف لحسن التانى يجيب اكتر منه.فشكرا مرة تانية و يارب نفضل كده على طول

[RФMaйt!c_QuêN 0]

ربنــــــــــا يستـــــر

[RФMaйt!c_QuêN 0]

naja123 كتب:

يا جماعة عايزه اوجة شكر لكل اعضاء المنتدى على مجهودهم الجبار و عدم البخل فى اعطاء المعلومات ,و الله ايام ما كنت فى الجامعة سابقا, صحابى مكنوش بيساعدوا كده ,كان كل واحد خايف لحسن التانى يجيب اكتر منه.فشكرا مرة تانية و يارب نفضل كده على طول

وانا كمان شكـــــــــــــــراااااااا لكل اعضاء المنتدى ومشرفيه

[RФMaйt!c_QuêN 0]

[BONBONAIA 0]

naja123 كتب:

يا جماعة عايزه اوجة شكر لكل اعضاء المنتدى على مجهودهم الجبار و عدم البخل فى اعطاء المعلومات ,و الله ايام ما كنت فى الجامعة سابقا, صحابى مكنوش بيساعدوا كده ,كان كل واحد خايف لحسن التانى يجيب اكتر منه.فشكرا مرة تانية و يارب نفضل كده على طول

معاكي حق جدااااااااااااااااا

ويمكن السبب فى ده انك بتلاقي حد بيساعد فغصب عنك لما حد بيسأل بتحسي انك عاوزه تردى مساعدته ليكي باى شكل

انا بجد سعيده فى وسطكو

[BONBONAIA 0]

انا بعتلك حسابي على skype يا وائل ومعاك بكره الساعه 10 ان شاء الله ويارب الكل يكون معانا عشان هى فكره حلوة اوى

[fulla 0]

اوجة الشكر لكل اعضاء المنتدى انا مش عارفة من غيركم كنت عاملت اىة من بداىة ما شجعتنوى على الدراسة لحد المذاكرة والامتحان شكراااااااااا كتىر والى المشرفين وادعوا اللة انا نستمر شكرااااااااااا

[Marsil 0]

الصراحة اي كلم شكر عمرها ماهتوفي حق حد مبخلش بوقته
ولا معلوماته انه يساعد غيره يارب نفضل كدة بروح التعاون دي
ونشوف مصر كلها كدة

[RФMaйt!c_QuêN 0]

THANX ALL

[BONBONAIA 0]

RФMaйt!c_QuêN كتب:

THANX ALL

انتى عملتى ايه في امتحانك اللى فات ؟؟؟
وكده خلصتى ولا لسه؟؟؟؟

[somya 0]

شكرًا للجميع
وبالتوفيق

[محمود سعيد77 0]

لكل اعضاء المنتدى و على فكره اللى ربنا بيديله علم و يمنعه عن الناس ربنا بينزعه منه و فواجب على كل واحد عنده علم ان ينشره و دا طبعا الطبع السائد فى المنتدى

[محمود سعيد77 0]

ماحدش عرف اخبار عن موقع التعليم المفتوح

[somya 0]

الجامعة سيطرت عالموضوع
وبدأت صيانة الموقع

ثانيا

إحنا اعضائنا مش محتاجين الي يقولهم اعملو
الناس لما بتلاقي عندها معلومة بتحطها
إحنا هدفنا فيد واستفيد
وانا مش شايفة ان في تقصير من اي عضو

ونتمني نشوف موضوعاتك المفيدة والمميزة

[dodi1 0]

يا جماعة انا مش هينفع معايا الصبح نهااااائي لاني برجع من الشغل 3 الضهر ده غير ان عندي شغل باليل كمان بس ساعات متفرقة ياريت نغير الموعد

[somya 0]

ربنا معاك يا دودي
وشوفي المعاد الي يناسبك

[waelahmedseleem 0]

السلام عليكم
أوكيه يا جماعة...أ.محمود أنا بعتلك MSG على السكايب لو حابب تجرب الوقت ياريت

[محمود سعيد77 0]

على حد علمى ان دا هيكون 9 او 10 مساء و بعد كدا ممكن يكون فيه مواعيد تانيه مناسبه بس اهم حاجه البدايه الصحيحة انتى كنتى قلتى هتشرحى جرامر

[محمود سعيد77 0]

انت بعت ليك يا ا وائل استضافة على السكاى بى انت وافقت عليها ؟

[BONBONAIA 0]

dodi كتب:

يا جماعة انا مش هينفع معايا الصبح نهااااائي لاني برجع من الشغل 3 الضهر ده غير ان عندي شغل باليل كمان بس ساعات متفرقة ياريت نغير الموعد

ممممممممممممممم

طيب ايه رأيكو يا جماعه نعمل مرتين في اليوم بحيث ان كل واحد يدخل فى الفترة المناسبه ليه واللى عاوز يشارك في الفترتين يشارك

او انكو تقترحو معاد تانى

[BONBONAIA 0]

محمود سعيد77 كتب:

انت بعت ليك يا ا وائل استضافة على السكاى بى انت وافقت عليها ؟

انا كمان بعتله بس برده لسه موافقش عليها

[waelahmedseleem 0]

وعلى حسب رسالتك إن الأعضاء متفقين على 10 مساءً ...مفيش مشكلة أنا معاكم برضه إن شاء الله 10 مساءً..ياريت نتفق من الآن على الموضوع اللى هنتكلم فيه ..
بونبوناية: مجتليش دعوة حتى الآن ...تقريبا ممكن تكون راحت عنوان مشابه
waelahmedseleem

[محمود سعيد77 0]

على فكره يا جماعة احنا حددنا ميعاد السكاى بى بكره الساعة 10 م باتفاق 3 من الاعضاء و لو حد عايز ينضم ان شاء الله يعمل حساب ويبعته للاستاذ وائل علشان يضيفه

[BONBONAIA 0]

محمود سعيد77 كتب:

لكل اعضاء المنتدى و على فكره اللى ربنا بيديله علم و يمنعه عن الناس ربنا بينزعه منه و فواجب على كل واحد عنده علم ان ينشره و دا طبعا الطبع السائد فى المنتدى

على فكره انا طول عمرى بدخل منتديات كزائر ولما بسجل بكون مضطرة عشان اللينك مقفول عليه .

ولما دخلت هنا كان علشان استفيد مش افيد (كنت محتاجه الاعراب في النحو للنماذج ) فقلت اجرب اذا كان حد هيرد عليا اساسا ولا لأ
وبصراحه لاقيت حد جاوبنى باستفاضه

فسالت تانى وردو عليا تانى وسالت تالت وردو عليا
ومن ساعتها وانا قررت اساعد طالما في ايدى ده

[doaa eissa 0]

السلام عليكم ازيكم يا جماعه انا دعاء تيرم اول اداب انجلش الحمد لله الامتحانات عدت على خير يا رب عقبال النتيجه حد عنده فكرة هانسجل تيرم تانى ايمته وعلى فكرة انا مدرسه رياض اطفال معينه لو حد يحب يسال ف اى حاجه تخص رياض الاطفال انا تحت امره وشكرا جزيلا

[RФMaйt!c_QuêN 0]

شكـــــــراااا ليكى يا doaa eissa واهلااااااا بيكى معانا فى المنتدى

[doaa eissa 0]

[somya 0]

اهلا بيكي يا دعاء

[RФMaйt!c_QuêN 0]

بجد ياجماعه فكره السكاى بى دى جميله ااوى انتو منتدى جااااامد وكل اللى ف المنتدى ناس زى العسل ولاهى ايه التعاون وحب المساعده ده وان الفايده تكون للكل ربنــــــــــا يبارك لكل واحد ف المنتدى ده يــــــــــــــارب ويوفق الجميع وتخلصو الجامعه دى على خير

[RФMaйt!c_QuêN 0]

العفووو يادعاء وبالنجاح والتوفيق انشاء الله

[نوران مسعد 0]

اهلا بيكى يا دعاء واكيد هنستفيد
واعتذر لعدم مشاركتى
وعلى فكرة موضوع السكاى بى جامد اوى وعاوزة اشارك معاكو
ايه اخبارك يا سوما عملتى ايه فى الامتحانات