حلة محشى

[mido mix 0]

"حلة محشى" لاحمد مكى

نزلت الصبح اوصل حلة محشى لخالتى
ورق عنب فلفل رومى وكرنب ويستفندى
اول ما نزلت الشارع فقت وفوقت من الزحمة
من كل واحد فوق واحد واحد يارب الرحمة
يا ترى الزحمة دي لية فى حد وزع لحمة.................
بصيت فى ساعتى لقيتها اتنين يا منجى من الكوارث
ساعة مرواح موظفين وخروج كل المدارس
زحمة ومفيش رحمة وكلة على الكلاكس دايس
اصوات معجونة فى بعض واعلاها صفارة السايس................. هات ورا يا كابتن
لازم الاقى تخريمة
طريق قصير مختصر
اصلى متعسف تعسيفة
نفسى اوصل فى لمح البصر
اول طريق فى الطالبية وحلمى للمنيل اصل
قبل ما المحشى يبوظ فى الحلة ويومى كلة يروح هدر
قطع حبل افكارى توتوك عرض تعريضة خطر
جيت اركب فية
قالى استنى دا انا جي اتغدا اضرب حجر
قلبى انفطر دة انا عندى اموت احسن من انى افضل منتظر
وصلنى وكل ربع الحلة وريتهالو قام منبهر
ركبنى وضرب الربع وخد اجرة طرشى فلفل جزر
طول الطريق ياكل غرزة فى صباع محشى فى غرزة كسر
يجرى فى مرايه عربية ويشتم بدل ما يعتزر
نهار اسود مرقة المحشى فى حجرى نزلنى يا اسطى
يا باشا مكنتش بجرى

[medohamo15 0]

ههههههههههه