عمل أو تقديم عذر عن دخول امتحان اى مقرر

[beyond.borders 0]

السلام عليكم .. يا جماعه ممكن لو حد صاحي يرد عليا ضروري جدا دلوقت انا عندي امتحان بكره هل ينفع اأجله بكره؟ و ايه الفرق بين الاعتذار و التاجيل؟ ضروري يا جماعه اللي يعرف يرد عليا بالله عليكم

[man_reda 0]

آخر موعد لعمل أو تقديم عذر عن دخول امتحان اى مقرر سواء كان هذا العذر
بسبب (مع تقديم المستندات المعتمدة الدالة على ذلك) أو بدون سبب (طبقاً
للقواعد المسموح بها بالتعليم المفتوح) مستمر حتى قبل موعد الامتحان بيوم
واحد فقط مع سداد الرسوم الخاصة في موعد اقصاه اسبوع بعد نهاية الامتحانات
علماً انه لن تقبل اى أعذار بعد مواعيد المذكورة

[man_reda 0]

الفرق بين الاعتزار و التأجيل

التأجيل:
قد يرى الدارس الاحتفاظ بالكتب والـ C.D.لجميع المواد التى سبق له تسجيلها، ولكنه يرغب فقط فى تأجيل الامتحان للفصل الدراسى التالى، وفى هذه الحالة يسدد الدارس المصرى مبلغ خمسة جنيهات عن كل مادة مع احتفاظه بالكتب والـ C.D.، وذلك أثناء مواعيد التسجيل والحذف والإضافة والتأجيل المعلنة مسبقاً من قبل المركز (علماً بأن التأجيل يسرى لفصل دراسى واحد)، أما الدارس الوافد فيسدد مبلغ خمسة دولارات كرسوم تأجيل للمقرر الواحد.

الاعتذار عن آداء الامتحان:
بعد انتهاء مواعيد الحذف والإضافة والتسجيل والتأجيل، قد تطرأ على الدارس ظروف معينة تمنعه من حضور الامتحانات للفصل الدراسى المسجل فيه، وفى هذه الحالة يتعين على الدارس تقديم مستند رسمى يثبت العذر الذى من أجله يرغب فى الاعتذار عن عدم أداء الامتحان (مثال ذلك: عذر مرضى "أى يكون محجوزاً بالمستشفى وقت الامتحان" ويتم إثبات ذلك بتقرير طبى من مستشفى الطلبة بجامعة القاهرة أو مستشفى عام إن كان بالخارج ـ أو بسبب السفر للخارج للطلاب المصريين، ويتم إثبات ذلك بختم الخروج من مصر وختم الدخول بالدولة الأخرى المسافر لها وصورة الإقامة بالخارج).

كما قرر مجلس إدارة مركز جامعة القاهرة للتعليم المفتوح السماح للدارسين بتقديم عذر دون إبداء الأسباب عن كل مادة وذلك بحد أقصى عشرة اعتذارات طوال فترة دراسته بالبرنامج ويسدد الدارس عن كل مقرر يتم الاعتذار عنه عشرين جنيهاً للدارس المصرى وخمسة عشر دولار للدارس الغير مصرى سواء كان العذر مؤيداً بمستند أو بدون مستند أو بدون إبداء سبب.

علماً بأن المواد المؤجلة أو المواد بعذر يحتفظ الدارس فيها بالتقديرات التى يحصل عليها فى الامتحان إن كان لم يدخل الامتحان فيها من قبل أو تغيب عنها بدون عذر أو تأجيل.

ملحوظة: التأجيل أو الاعتذار يسرى لفصل دراسى واحد.

[beyond.borders 0]

يعني الموضوع كده اتقفل ولا لسه ينفع ااجل بكره؟ كان ي بعض الاعضاء بيقولوا انهم اعتذروا يوم الامتحان من قبل هل عند حضرتك فكرة؟ يا استاذ man_reda

[man_reda 0]

beyond.borders كتب:

يعني الموضوع كده اتقفل ولا لسه ينفع ااجل بكره؟ كان ي بعض الاعضاء بيقولوا انهم اعتذروا يوم الامتحان من قبل هل عند حضرتك فكرة؟ يا استاذ man_reda

والله معرفش بس أعتقد خلاص لان إمتحانك بكره

[beyond.borders 0]

ربنا يستر . شكرا على الرد

[marina 0]

ممكن تاجل بقية الامتحانات قبلها بيوم يعنى لو عندك الاحد ممكن تاجلها بس يوم السبت اما لو عندك السبت خلاص فتاجيل المادة دا راح لكن ممكن تاجل باقى مواد امتحانك قبلها بيوم

[شادي بهاء 0]

السلام عليكم

يمكن الرد متاخر بس انا لسه داخل دلوقتي

لكن مكتوب على الصفحه الرئيسيه ان الاعتذار ممكن حتى بعد اسبوع من الامتحان

الي فهمته يعني لالو حد مرحش وفات اليوم ممكن يعمل اعتذار

[شادي بهاء 0]

لا انا رجعت للصفحه بتاعتي

ولقيت ان العذر قبل الامتحان بيوم واحد لكن الرسوم هيه الي ممكن بعد اسبوع

وربنا يوفق الجميع