أخبار الترم التانى

[sweet_love 0]

ياريت زمايلنا اللى نجحوا فى الترم التانى يقولوا عن كل مادة إيه طريقة مذاكرتها و إيه الصعوبات اللى فيها لأنه بصراحة يعنى بحاول أقرى فى كل مادة علشان أعرف هى بتتكلم عن إيه و أول حاجة بدأت بيها الثقافية فحصلى صدمة كبيرة أولا غير مترجمة زى الترم الأول ده غير أسئلة كتيرة بدون إجابات برده زى الترم الأول فهل الموضوع بيختلف فى كل مادة كليا عن الترم الأول و لكم جزيل الشكر مقدما

مش عرفه كل ترم أبدأ فيه أحس بالضياع الرهيب و بالتالى بحس بخوف ربنا يستر

[sun_shine 0]

لا لا داعي للاحساس بالضياع ياشيماء__ اما عن الخوف فصدقيني كل ماازداد الخوف كان في نجاح اكتر لانك بتنتجي اكتر ,,,وماتخافي الموضوع مش كبير قوي ..بس اهم شيء انك تبدأي بدري وتذاكري اول باول ...نعم الثقافية في الترم الثاني كانت بالنسبة لي ايضا مواضيعها مزدحمة عن الاول وكنت مرعوبة منها ...بس الحمدلله بتوفيق من ربنا جبت فيها جيد.وانشاء الله هساعدك فيها علي قدر استطاعتي

[sweet_love 0]

أكيد طبعا الخوف بيبقى حافز ودافع للنجاح و أنا هحاول أبدا بدرى يعنى بدأت أحاول أقرى و أترجم و أحل الأسئلة اللى مش محلولة وكده ودى بقى خطوة عندى بتاخد وقت طويل بسبب الشغل بس لو مش تمانعى ممكن حل أى أسئلة أو ترجمة أو أى حاجة تكون لسه عندك تديهانى لو ينفع قولى لى و أنا أديكى إيميل لى نتعامل بيه

[sun_shine 0]

اوك شيماء..بس خدي بالك انا وانتي سوا علي فكرة في مادتين في الترم دة كمان (قراءة وفهم2 وترجمة 2)بسبب تاجيل عملته ..منفعش اسجلهم الامااعدي من الليفل الاسبق .

[sweet_love 0]

طيب كويس يعنى هنساعد بعض فيهم إن شاء الله حضرتك عندك ميل *** ولا هوت ميل ياريت تبعتى لى رسالة على الخاص بإيميلك و ربنا يسهل هى المادتين دول مش صعبين تحسى يعنى زى الترم الأول هو الترم ده المشكلة فى الثقافية

[sun_shine 0]

لا والله متستهونيش بيهم القراءة والفهم بصي اختباراتها وانت تعرفي ..انا لسة مسجلتش ؟؟؟

[sun_shine 0]

مقدرتش ابعتللك علي الخاص لانه بيقول انه ممنوع من الادراة ...غريبة؟؟؟

[alshymaa 0]

ربنا معاكِ ومعنا يا شيماء ... ان أردتي اي شئ انا كمان موجوده .. الماده الثقافيه تحتاج حفظ من الدرجة الاولى .. ركزي على اسئلة الكتاب واسئلة الامتحانات ثم التطبيقات ... اي مساعده انا موجوده والحمد لله كانت ومازالت هذه الماده المفضله لدي ترم اول وتاني ولكن للاسف معنديش ثقافيه الترم ده.
تقدري تضيفيني على< يمنع وضع البريد الالكتروني > alshymaa_ahmed على **** بس ياريت تكتبي رسالة اضافة لاني بجد اضافات كتير من ناس معرفهمش بكنسلهم.

[alshymaa 0]

الهوت يا شيماء لانه بيتحول نجوم

[sweet_love 0]

أنا مش مستهينة بيهم أنا بس عندى صدمة من الثقافية لكن المواد الآخرى خوف مش صدمة طيب بما إنك مش قدرة تبعتى رسالة خاصة فده إيميلى ياريت تضيفينى

umsalma2008@******.com

دهه على < يمنع وضع البريد الالكتروني >

[sweet_love 0]

شكرا يا شيماء دايما سباقة بالخير و أكيد طبعا يا حبيبتى هحتاج لك ده و هضيفك و أنا كتب إيميلى ياريت بقى مش ترفضينى

[sweet_love 0]

معلش سؤال هو القطع اللى فى الجزء الأول فى كتاب الترجمة مش نازل لها ترجمة بالعربى طيب فى حالة إنى ترجمتها أتاكد من ترجمتها إزاى و شكرا

أيضا يوجد فى مادة القراءة و الفهم فى نهاية كل قطعة مواضيع للمناقشة هل يجب مناقشتها يعنى ممكن ييجى سؤال زى كده فى الأمتحان

[alshymaa 0]

بالنسبه للترجمه .. هتجدي بعض الاجزاء مترجمه في المحاضرات مش كلها ولكن بعض منها

اما القراءة والفهم فكان الترمات اللي قبلنا بيكتبوا على سؤال النقاش برجراف .. السؤال ده اتلغى في امتحانا من غير ما حد يقولنا
فلازم تتاكدي من زميلك اذا كان فعلا البرجراف اتحذف كلياً ولا كان علينا احنا بس

[sweet_love 0]

شكرا يا شيماء على الرد وربنا يسهل و أقدر أوصل السؤال ده موجود ولا إتشال


ملحوظة : ياريت اللى يضيفنى يقول هو مين علشان مش بقبل إضافة أى حد

[mhmd fawzy 0]

يا ريت يا شباب نحط طريقة للمذاكره


يعني شي مشترك ..... علشان يكون فيه نقاش بالمواضيع

[sweet_love 0]

أنا موافقة على فكرتك طبعا لأنها هتعم بالفائدة على الجميع بس للأسف حتى الآن لا يوجد غيرى و حضرتك فى الترم التانى و داليا معاها مادتين القراءة و الفهم و الترجمة

[mhmd fawzy 0]

ان شاء الله سينضم الينا عن قريب مجموعة اخرى من الاخوة واالاخوات


والصبر مفتاح الفرج


وفي النهاية الكل راح يستفيد

[sweet_love 0]

إن شاء الله خير و أنا فى الإنتظار بأن ينضم لنا العديد من الزمايل و الزميلات

[ايمى_دودى 0]

ربنا معاكى ان شاء الله ياشيماء ويوفقك واللى تخافى منه مايجيش احسن منه.

[fatah1234 0]

[size=29]انا كمان معاكم ياريت نحدد دروس معينة نذاكرها ونتناقش فيها[/size]

[sweet_love 0]

أخيرا فى حد تانى معانا الحمد لله انا بحس ببقى لوحدى هروح أمتحن وفعلا الترم اللى فات كنت الوحيدة فى الترم الأول عندى

[monaedris 0]

الى زملائى الترم التانى انا زميله معكم فى الترم التانى
فعندى ماده ثقافيه وترجمه فقط
اتمنى اى حد يساعدنى فى المادتين
بمعنى اعرف الماده الثقافيه احفظ جميع الاسئله وترجمتها اللى فى الكتاب الجامعى
والتطبيقات
ولا كيف اذاكر الماده الثقافيه ولكم جزيل الشكر
منى ادريسوهذا ايميلى لو حد يحب يراسلنى باى موضوع مهم
[url=mailto://m_6645يمنع وضع البريد الالكتروني]m_6645< يمنع وضع البريد الالكتروني >[/url]

[url=mailto://maiaqueen< يمنع وضع البريد الالكتروني >.com]maiaqueen@< يمنع وضع البريد الالكتروني >.com[/url]