ممكن حد يساعدنى فى الاعراب

[BONBONAIA 0]

بدا ل ان لست مُدرك ما مضي ولا سابقَ شيئاً إذا كان جائيا
وإن امرأ لم يحي بالعلم ميت فليس له حتى النشور نشور
لا خير فى حلم إذا لم تكن له بوادر تحمي صفوه أن يكدرا
يراد من القلب نسيانكم وتأبي الطباع على الناقل


اعرب ما تحته خط

[mohamed alfarok 0]

اصلا الكلام مش مكتوب منضبط



اليك الاعراب



مدركا:- خبر لست منصوب بعلامة النصب الاصلية (الفتح)



جائيا:- نفس الاعراب خبر كان



بوادر:- اسم تكن مرفوع بعلامة الرفع الاصلية (الضمة)



نسيانكم: - نائب فاعل مرفوع ( الضمة) كم: - ضمير متصل مبنى فى محل جر مضاف اليه



الطباع:- فاعل مرفوع الضمة علامة رفعه



والله اعلم

[mohamed alfarok 0]

على فكرة تنفع



مدركا ما مضى ---او مدرك ما مضى



اسف نسيت



نشورا:- خبر ليس منصوب (الفتحة علامة نصبه)

[somya 0]

شكرًا
إعرابك ممتاز يا محمد

ربنا يوفقك وينجحك

[mohamed alfarok 0]

متشكر





ده العادى



خخخخخخخخخخخ

[somya 0]

ياااااه ايه التواضع دة
هههههههههههههه

عالعموم ربنا ينجحك وينجح الكل يارب

[mohamed alfarok 0]

و اياكم



بالتوفيق هانت كلهم يومين



انا بنتظر الامتحانات بشغف حتى لو مش مذاكر

[somya 0]

لا مش مذاكر ايه
ماشاء الله عليك


ربنا ينجحنا كللللللنا يارب

[BONBONAIA 0]

جزاك الله كل خير

[BONBONAIA 0]

ممكن تعربلى ده كمان
-إنى ليهجرني الصديق تجنبا ـــــــــــــــ فأريه ان لهجره أسبابا

-كناطح صخرة يوما ليوهنها ـــــــــــــــــــ فلم يضرها واوهي قرنة الوعل

-وقد يجمع الله الشتيتين بعدما ــــــــــــــ يظنان كل الظن ان لا تلاقيا

[mohamed alfarok 0]

تجنبا:- مفعول لاجله منصوب وعلامة النصب احنا عرفنها بقى





اسبابا:- اسم ان مؤخر منصوب وعلامة نصبه الفتحة



صخرة:- مضاف اليه مجرور وعلامة جره الكسرة



الشتيتين:- مفعول به منصوب بعلامة فرعية وهى الياء لانه مثنى



لا : نافية للجنس تعمل عمل إنَّ ، حرف مبني على السكون لامحل له من الإعراب .


تلاقيا : اسم لا مبني على الفتح في محل نصب ، والألف للإطلاق ،وخبرها محذوف وجوبا تقديره " كائن أو حاصل ، وجملة " لاتلاقيا " في محل رفع خبر أن المخففة .

لا : حرف نفي لا محل له من الإعراب مبني على السكون .
تلاقيا : اسم أن منصوب وعلامة نصبه الفتحة الظاهرة .



والله اعلم

[somya 0]

مممممممتااااز يا محمد

تصدق اني غلطت في تلاقيا
قلتها فعل ماضي


بس انت جبت الإجابات دي منين؟؟؟؟

[BONBONAIA 0]

الله يفتح عليك ويزيدك



بس ممكن اعرف ليه اعربت صخرة مضاف إليه

[BONBONAIA 0]

معلشى انا تعبتك معايا بس فى حاجات كتير عاوزه اتاكد منها

إذا كنت فى كل الامور معاتبا ــــــــــــــــــــــــــــــــ صديقك لم تلق الذي لا تعاتبه

تأن ولا تعجل بلومك صاحباً ـــــــــــــــــــــــــــــــــ لعل له عذراً وأنت تلوم

لكننى يا فتنتي مجرب عقيد

وزعت نفسي فى النفوس محبة ــــــــــــــــــــــــــــــ لا شاكياً لما ولا متضجراً

وكأن أجرام النجوم لوامعأ ـــــــــــــــــــــــــــــــــــ درر نثرن على بساط أزرق

[اميرة نادر 0]

ما شاء الله ...عن جد الله معاك ويسهل لجانك كلها طبعا دى دعوه مزدوجه لانى معاك ف كل لجنه

[BONBONAIA 0]

حد يكملى طيب باقى الاعراب



هو فى الصفحة التانية

وربنا يوفقنا جميعا فى الامتحان يارب

[somya 0]

ربنا ينجحنا كلنا

[BONBONAIA 0]

لو سمحت يا محمد اعربلي الابيات دى كمان

تأن ولا تعجل بلومك صاحباً ــــــــــــــــــــــ لعل له عذراً وأنت تلوم لكنني يا فتنتي مجرب قعيد


وزعت نفسي فى النفوس محبة ــــــــــــــــــــــــــــــ لا شاكياً ألما ولا متضجراً

وكأن أجرام النجوم لوامعأ ـــــــــــــــــــــــــــــــــــ درر نثرن على بساط أزرق

[mohamed alfarok 0]

تان:- فعل امر مبنى على حذف حرف العلة





صاحبا: - مفعول به



مجرب:- خبر ان



شاكيا - متضجرا: - اسم لا مبنى على الفتح



لوامعا: - حال منصوب



درر: - خبر كأن مرفوع



انا ماكتبتش علامات الاعراب لانها العامات الاصلية ده على قدر ما استطعت



والله اعلم

[BONBONAIA 0]

الله يفتح عليك وجزاك الله كل خير

[Hamdy Tawfik-manar9 0]

شاطر في الاعراب يامحمد

انت مدرس انجلش ولا لغة عربية

[somya 0]

فعلا يا حمدي

[BONBONAIA 0]

انت هتحسده ولا إيه ...........احنا لسه مبدأناش امتحانات

[somya 0]

لا ما شا الله اللهم لا حسد

[اميرة نادر 0]

ربنا يخليكى انا كتيييييييير متشكره ليكى

[اميرة نادر 0]

ياريت تكتبيلهم ان فى ع سايت الكليه مواعيد لمراجعات ليله الامتحان لكل الكليات ع قناتين الجامعه

[BONBONAIA 0]

دلواتى فى مراجعة لغه عربيه على CAIRO UNIV1 12:30 ظهراً