عايزة أعرف شوية معلومات عشان نفسي أقدم اداب انجليزي

[**اللؤلؤة** 0]

السلام عليكم ورحمة الله وبركاته
أنا يا جماعة مخلصة الثانوية من ست سنين تقريبا وكنت في السعودية
ونزلت دخلت تربية عين شمس بس سحبت ملفي منها على طول مكملتش شهر
وقالولي مستحيل تقدمي ملفك في جامعة حكومة تاني
وبعدين أخويا قالي على حكاية التعليم المفتوح لأنه قدم فيها دار علوم بس هوا متخرج من تربية انجليزي عين شمس
فهل وضعي يسمح اني اقدم تعليم مفتوح بما اني ساحبة ملفي
وثانيا هل لازم أحضر كل جمعة والا عادي أحضر على الإمتحانات بس عشان أنا متزوجة وصعب انزل كل جمعة
ولو في نظام انتساب ايه ظروفه ومصاريفه اد ايه
أنا طولت عليكو بس بجد هكون ممنونة ليكوا جدا عشان نفسي أكمل

[somya 0]

بصي يا حبيبتي

اولا انتي ممكن تقدمي عادي لان مر علي ثانويتك اكتر من خمس سنوات

ومش لازم تحضري محاضرة كل جمعة
وفي علي الصفحة الخاصة بيكي لما تقدمي ان شاء الله محاضرات فيديو بتكون نفس الشرح بتاع محاضرات الجمعة


ومش يشترط عليكي نسبة معينة يعني حتا لو كنتي جايبة 50٪
ممكن تقدمي


بس في امتحان قبول الاول
تحريري وشفوي

وطبعا فيه نجاح وسقوط

ولو لا قدر الله ما ينفعش تقدمي في نفس القسم الا بعد سنة
لكن لو لا قدر الله ما نجحتيش في امتحان القبول ممكن تقدمي علي قسم تاني علطول



وممكن تحضري عالامتحانات بس

والتعليم المفتوح هو هو الانتساب

وبالنسبة للمصاريف حوالي 800 جنيه مصاريف كتب
وفي كمان مصاريف امتحان بس معرفش كم

والترم عبارة عن خمس مواد

وبيبقوا كلهم كمالة لبعض
يعني مثلا الترم الاول فيه مادة تاريخ بريطانيا وكدا
الترم التاني الجزء التاني بتاعها
وهكذا


وممكن تمتحني ترمين في تيرم لو عاوزة

وبالنسبة للسقوط مثلا في مادة ولا اي حاجة ما ينفعش تسجلي الترم التاني بتاعها غير لما تنجحي فيها



وكمان ممكن لو عندك ظروف رحابة تاجلي بعض مواد ممكن تاجليها لامتحانات اسمها تيرم بيني
بتبقا في شهر ابريل وشهر تسعة



وبالنسبة انك عوزة تقدمي ورقك

ممكن تقديمه حوالي شهر مارس او ابريل
مع بداية الترم

وبتبقا الإجازة الي بعد اي امتحان سواء نص السنة ولا اخر السنة بتبقا حوالي شهر



وربنا يوفقك

ولو عوزتي حاجة ما تتردديش
أسئلينا هنا إحنا هنا هدفنا نفيد ونستفيد

[**اللؤلؤة** 0]

ميرسي جدا يا سوما على المعلومات الهايلة دي
والله أنا شهادتي بعد المعادلة وكل حاجة كانت 98,6 بس منهم لله بتوع التنسيق ظلموني
وهما السبب ان نفسي اتسدت عن الدراسه وقتها مع اني بحب المذاكرة جدا
بس انا على فكره مش قد كده في الانجلش بس بحبه اوي

[somya 0]

بصي اداب أنجلش محتاجة مزاكرة
جامدة

اول سنة المواد عبارة عن جرامر وقواعد عربي وتاريخ بريطاني ومادة كمبريهنشن

وعشان تعرفي كيفية مزاكرتهم

روحي علي موضوعي
الي اسمه

كيفية الدراسة

في قسم طلابنا في الخارج

[رامى 0]

السلام عليكم

بالنسبة للاخت اللي خايفه من الانجليش

اللى هيخاف من العفريت هيتلعله

متخافيش من الانجليزي لانه سهل جدا

انا في ترم تالت بس بجد مستمتع اوي بالدراسة

وعندي ملفات تعليم كتير ممكن ابعتها لاي حد او ارفعها على الموقع في خلال الايام القادمه

اتمنى ان الجميع يستفيد من هذا الموضوع



شكرا
****************

ممنوع كتابة تليفونات او ايميلات


الادارة

[كفاح المصريه 0]

وممكن تمتحني ترمين في تيرم لو عاوزة

[size=18]انا عضوة جديده في المنتدي بس وكنت بعد اذنك كنت عايزة اسال علي العباره دي يعني ينفع اخد عشر مواد فيالتيرم يا ريت لو توضحي العباره دي اكتر ويبقي جزاكي الله خيرا [/size]

[Hussein1974 0]

اهلا بجميع الاعضاء الجدد.ياجماعة بالنسبة لاى دارس بيقدم فى مركز جامعة القاهرة للتعليم المفتوح بالقاهرة استحالة يدرس تيرمين فى تيرم لان ده لو حصل يبقى معناه انه يحصل على الليسانس قبل اربع سنوات وطبعا اول مبدا نعرفه ان مدة الدراسة الحد الادنى ليها اربع سنوات وباكررها اربع سنوات.اما خارج مصر مش عارف ربما يكون ده متاح.ده على حد علمى من الاعضاء القدامى هنا ومن قوانين المركز اللى على الموقع ومن المركز نفسه.وعموما يوم الاتنين27/2هايتفتح الموقع وتقدروا تتاكدوا اما من دليل الدارس اللى على الموقع او من الاتصال تليفونيا بالمركز وهتلاقوا ارقام التليفونات على الموقع برضو.وربنا يوفق الجميع.

[marina 0]

اهلا بيكى لو انت كنتى عايشة او بتشتغلى برة ممكن ضم الترمين ولابد احضار مايثبت ذلك اما غير كدة غير مسموح ب10 مواد



اما غير كدة لايسمح فقط الا بالمواد المقررة للترم ا لواحد

[RФMaйt!c_QuêN 0]

اهلاااا بيكى **اللؤلؤة**

[RФMaйt!c_QuêN 0]

اهلاااا بيكى كفاح المصريه