الله يكون في عونك يا شعب !!! ....

[alfahloy-alfahloy 0]

كل الناس عايشة في رعب ،، الحاجة بتغلى وترخص تاني صعب
رز وسمن وعفش وسولار ،، هوجه بتحصل في الاسعار
والله يكون في عونك يا شعب

وناس بتربي كروش ،، على حساب ضمير مغشوش
ولما تحب تضرب بتضرب بالخرطوش
علشان تيجي الهوايه طب
والله يكون في عونك يا شعب

عامل فيها ابن زواد ،، وهو شحاد ابن شحاد
وبنفوذه عامل فيها اجمد صياد
متقولش داخل حرب
والله يكون في عونك يا شعب

واسمع حادثة كل اسبوع ،، عن ناس ماتت من الجوع
وناس تانيه بتمتم بكلام مش مسموع
ربنا يرحمهم يارب
والله يكون في عونك يا شعب

وفجأة يطلع ابو السباع ،، يقولك المرتبات في ارتفاع
واحنا مع الشعب بالباع والدراع
وتلاقي ده كله نصب
والله يكون في عونك يا شعب

وناس تانيه عامله دماغ ،، من كتر ما هيا عايشه فراغ
ولو ابنه قله عايز قرش ساغ
يقوم هابب فيه هب
والله يكون في عونك يا شعب

والمصيبه انكم عارفين الكلام ده ،، لا انتو عارفين اكتر من كده
بس كلكم ماشين جنب الحيط وبتقولو رضا
طب خليكم عايشن في كرب
والله يكون في عونك يا شعب


ــــــــــ بقلــــــــــــــــــــمي ـــــــــــــ

[ياصبر آيوب 0]

الله يعطيك الف عافية
تحياتى لك وبالتوفيق ان شاء الله