هعمل عملية بكرة او بعده ، دعواتكم معانا

[Michael 0]

ادعولي هعمل عملية صعبة شوية في المفاصل بكرة او بعده

[muhammad 0]

ربنا يحفظك من كل سوء يا مايكل يا صديقنا العزيز

[man_reda 0]

ربنا معاااااااااك وإن شاء الله تقوم بخير ,,,,,

[somya 0]

ربنا معاك ويشفيك وتقوم بالسلامة ويطمن اهلك ويطمنا عليك و اول ما تبقا كويس طمنا

[Michael 0]

ان شاء الله شكرا يا جماعة

[somya 0]

شكرًا على ايه بس إحنا أخوات

وابقا طمنا عليك

ربنا يشفيك ويشفي كل المرضى

[heba mohammed 0]

الف سلامة عليك
وياارب تقوملنا بالسلامة

[somya 0]

مايكل
أبقا نام كويس
و كل كويس بلاش الاكل المقلي و الدسم
واشرب لبن هيفيدك جدا
ولو الدكتور هيكتب لك دوا انتظم عليه

واتدفى كويس الدنيا برررررد

[Michael 0]

سومة الحلوة كتب:

مايكل
أبقا نام كويس
و كل كويس بلاش الاكل المقلي و الدسم
واشرب لبن هيفيدك جدا
ولو الدكتور هيكتب لك دوا انتظم عليه

واتدفى كويس الدنيا برررررد

شكرا سوما و هبه علي شعوركم ، متخفيش يا سومة انا بنام كويس اوي و مش بشرب لبن علشان خطر و لا باخد ادوية خالصصصصصصصصصصصصصصصص حتي لو الدكتور كتب عليها بس طبعا هيحطولي ادوية كتيرة في الجلوكوز هههههه مضادات حيوية و مضادات التهاب و هي شر لابد منه بس خطورتها كبيرة اوي عموما.

[somya 0]

هههههههههه
انت ليه مسود الدنيا كدا

ان شاء الله خييييييييير
وبردو انتظم عالدوا
واشرب لبن اصله فيه كالسيوم بيفيد العظام

[Michael 0]

سومة اللبن خطر علي الرجال جدا ، للأطفال و البنات لا غني عنه طبعا.

عموما الادوية اخطر من ما تتصوري خصوصا المضادات الحيوية و مضادات الالتهاب.

شكرا تاني علي شعورك و ربنا يوفقك في الامتحانات

[galal elmadny 0]

الف سلامه يامايكل وتعمل العمليه وترجع بالف سلامه ونحن فى انتظارك انشاء الله

[man_reda 0]

Michael كتب:

سومة اللبن خطر علي الرجال جدا ، للأطفال و البنات لا غني عنه طبعا.

معلش انا مش فاهم ازاى اللبن خطر على الرجال جدا ؟؟؟؟؟؟؟؟؟

[Michael 0]

اللبن بيزود فرص الاصابة بسرطان البروستاتا

[man_reda 0]

Michael كتب:

اللبن بيزود فرص الاصابة بسرطان البروستاتا

تصدق انا قرات كده فعلا على النت ده طلع ليه اضرار تانيه كتيره

[Michael 0]

انا مش بقرأ في اي مواقع عموما ، فقط في المواقع ابحاث الجامعات و مراكز طبية معروفة و اطباء و علماء معروفين زي دكتور ميركولا ، اندرو سول و وايل.

يعني علشان الواحد يجيب المعلومة الصح

بس مش معني كدا ان لو مثلا في راجل اتكسر و ركب شريحة مثلا في الفخذ مش ياخد كالسيوم ، لا طبعا. لازم ياخد كالسيوم بس يكون نقي جدا و مش لفترة اكتر من 6 شهور و لازم معاه مضادات اكسدة تانية تحمي البروستاتا. عموما مش موضوعنا هههههه

[Hamdy Tawfik-manar9 0]

ربنا معاك يامايكل وتقوم من العملية بالسلامة

أسال الله ان يمتعك بالصحة والعافية ويحفظك من كل مكروه

[somya 0]

بجد؟؟؟!!!! انا والله ما كنتش اعرف انا أسفة انا قصدي عشان تتغذى لكن طالما له أضرار يبقا بلاش

[Michael 0]

الله يخليك يا حمدي انت انسان ذوق بجد

[Michael 0]

سومة الحلوة كتب:

بجد؟؟؟!!!! انا والله ما كنتش اعرف انا أسفة انا قصدي عشان تتغذى لكن طالما له أضرار يبقا بلاش

يا بنتي بلاش تبقي حساسة كدا ، انا عارف انك متعرفيش انا قولت اقولك بس معلومة

و متقلقيش علي انا بتغذي كويس اوي ههههه ، طول اليوم اكل لغاية ما بقيت فيل هههه

[somya 0]

هههههههه
صحة و هنا على قلبك

وربنا يشفيك ويطمن قلب الوالد و الوالدة عليك

[lovely_meho 0]

ان شاء الله تقوم بالسلامة و خير ..العملية باذن الله هتعدي من غير متاعب

[marina 0]

سلامتك يا ميكى الف سلامة وربنا معك ويقومك بالسلامة يا ميكى

[somya 0]

ااامييين

[Michael 0]

شكرا بجد ليكوا كلكم ، سومة ، ميهو و مارينا

ربنا معاكم في الامتحانات

[somya 0]

ياااااااارب

ادعيييييلنا يا ماااااااااااااايكل احسن انا قلقانة من الامتحانات خصوصا من مكبث

[Michael 0]

مكبث؟؟؟؟؟؟؟

يعني ايه؟؟؟؟؟؟

[somya 0]

مكبث دي مسرحية لشكسبير

بدرسها بس بالعربي
وانا حاسة انها غلللللسة