إزاى أذاكر مادة محاسبة ؟؟ ياريت حد يساعدنى ؟؟

[بنت الاسلام1 0]

السلام عليكم ورحمة الله وبركاته
ازيكم ياجماعه انا محتاجه مساعدتكم فى مادة محاسبة لانى مش عارفه حاجه فيها حاسة انى ابيض ومش عارفه بصراحه ابدء فيها منين واذكرها ازاى ؟؟؟؟ ياريت حد يفيدنى لانى محتاااااااااااااسة

[man_reda 0]

وعليكم السلام ورحمه الله وبركاته
مفيش حوسه ولا حاجه والمحاسبه ماده احسن كتير من مواد تانيه هى صحيح لزيزه بس رزله شويه وبكل بساطه هى المقرر بتاعها تراكمى يعنى علشان تحلى امتحان مثلا فلازم تكونى مذكراها كووووووووولها لحل مسأله يعنى مثلا لو طلب منك عمل ميزان مراجعه فلازم تكونى عمله دفتر اليوميه والاستاذ وترصيد وكده ... فنصحتى ليكى لازم تذاكريها من الاول خاااااااالص وتفهميها كويس ومتفوتيش حاجه وممكن تذاكريها عن طريق المحاضرات التلفزيونية CDs التى على صفحتك على موقع الجامعه وهم كولهم 8 محاضرات بس المقرر كوله وتحلى على اللى ذاكرتيه فى ملازم التطبيقات وربنا يوفقك

[بنت الاسلام1 0]

جزاك الله كل خير
ربنا يوفقنا جميعا يارب وانا هعمل كده ربنا ييسر لنا اللهم امين

[somya 0]

ربنا يوفقك

[hamza mohamed 0]

هى ارقام الجلوس تيرم اول امتى وازاى هنعرفها

[rehab1976 0]

السلام عليكم ورحمة الله وبركاته ،،،



جزاك الله كل خير يا man_reda والله أنا كمان كان عندى نفس السؤال لأختنا بنت السلام والحمدلله أفدتنا افداكم الله_بس أنا ابيض من الصينى بعد غسيله فعلا فى كل المواد ماعدا الرياضة لحد فصل المحددات لحد وقتنا هذا وربنا_لأنى بشتغل وزوجة وأم وأولادى كان عندهم امتحانات الفترة اللى فاتت بتاعت ربع التيرم ونصف التيرم دى_فاياريت اللى يقدر يساعد أى حد فينا محتاج مساعدته أويديه أى معلومة يقول ومايبخلش علينا وربنا يجعله فى ميزان حسناته_لأن عن نفسى مش باخد دروس زى باقى زمايلى ولابقدر أحضر محاضرات وبجتهد إجتهاد شخصى من المحاضرات المكتوبة على صفحتى الشخصية والمحاضرات اللى بشتريها من مكتبة الصقر والفيروز_وربنا معانا جميعاً ويوفق الجميع ويحقق لكل واحد اللى بيتمناه يارب العالمين

[man_reda 0]

وعليكم السلام ورحمه الله وبركاته ,,,

فعلا هنا كولنا بنساعد بعض ومحدش بيبخل على حد فى حاجه وانتى هتعرفى كده بنفسك ويوجد هنا بقسم التجاره مواضيع كثيره تجعلنا نساعد بعض وهى

يلا نساعد بعض .. السنه الاولى بكليه التجاره
/t4509p39-topic

تعالو نراجع النهارده مادة الرياضه ( ونحل تطبيقات الجزء الاول الي ذاكرناه)

/t4613-topic

تعالو نراجع النهارده مادة الادارة ( ونحل تطبيقات الجزء الاول الي ذاكرناه)

/t4569-topic

تعالو نراجع النهارده مادة التفاضل ( ونحل تطبيقات )

/t4770-topic

[rehab1976 0]

بس ايه مادة التفاضل دى..؟؟؟؟؟؟؟؟؟ انا اول مرة اسمع عنها ومش موجودة فى المواد المقررة عندى اللى انا سجلتها التيرم ده..!!!!!!!

[man_reda 0]

rehab1976 كتب:

بس ايه مادة التفاضل دى..؟؟؟؟؟؟؟؟؟ انا اول مرة اسمع عنها ومش موجودة فى المواد المقررة عندى اللى انا سجلتها التيرم ده..!!!!!!!

النصف الثانى بتاع الرياضه اسمه تفاضل وتكامل